Category: ننکانہ

ننکانہ صاحب،باغی ٹی وی (نامہ نگاراحسان اللہ ایاز) نوزائیدہ بچوں کی جان خطرے میں پڑگئی ،ڈی ایچ کیوہسپتال کا نرسری وارڈ انتہائی زبوں حالی کا شکار ،ہر بیڈ پر اوسطاً تین نوزائیدہ بچے رکھے جا رہے ہیں جو کہ ایک خطرناک صورتحال ہے،ایک مقامی چائیلڈسپیشلسٹ ڈاکٹرکاکہنا ہے کہ اس طرح کی صورتحال میں نوزائیدہ بچوں میں انفیکشن پھیلنے کا خطرہ بہت زیادہ ہوتا ہے.

تفصیلات کے مطابق ننکانہ صاحب میں نوزائیدہ بچوں کی جان خطرے میں ہے کیونکہ ڈسٹرکٹ ہیڈ کوارٹرز ہسپتال کی نرسری وارڈ کی حالت انتہائی زبوں حالی کا شکار ہے۔ ہر بیڈ پر اوسطاً تین نوزائیدہ بچے رکھے جا رہے ہیں جو کہ ایک خطرناک صورتحال ہے۔ ایک مقامی اطفال کے ماہر کے مطابق، ‘اس طرح کی صورتحال میں نوزائیدہ بچوں میں انفیکشن پھیلنے کا خطرہ بہت زیادہ ہوتا ہے۔’

شہر کے لوگ اور طبی ماہرین اس صورتحال پر شدید تشویش کا اظہار کر رہے ہیں۔ ڈاکٹرز کا کہنا ہے کہ اس طرح کی بھیڑ میں نوزائیدہ بچوں کو مناسب دیکھ بھال نہیں مل پاتی اور وہ مختلف بیماریوں کا شکار ہو سکتے ہیں۔

شہریوں نے ڈپٹی کمشنر ننکانہ صاحب چوہدری محمد ارشد اور وزیر اعلیٰ پنجاب مریم نواز شریف سے اپیل کی ہے کہ وہ اس مسئلے کو اپنی توجہ کا مرکز بنائیں اور نوزائیدہ بچوں کی جان بچانے کے لیے فوری اقدامات کریں۔ انہوں نے مطالبہ کیا ہے کہ ہسپتال میں نرسری وارڈ کے لیے مزید بیڈز اور سہولیات فراہم کی جائیں تاکہ نوزائیدہ بچوں کو محفوظ ماحول میں رکھا جا سکے۔”

ننکانہ صاحب،باغی ٹی وی (نامہ نگاراحسان اللہ ایاز)میونسپل کمیٹی ناکام،شہر میں سیوریج جام،شہری پریشان

تفصیلات کے مطابق شہر ننکانہ صاحب میں سیوریج سسٹم مکمل طور پر جام ہو چکا ہے جس کی وجہ سے شہریوں کو سخت مشکلات کا سامنا ہے۔
میونسپل کمیٹی کے افسران شہریوں کی شکایات سننے کے لیے تیار نہیں ہیں اور نہ ہی اس مسئلے کو حل کرنے کے لیے کوئی عملی اقدام اٹھا رہے ہیں۔

شہر کی سڑکیں اور گلیاں سیوریج کے گندے پانی سے بھری ہوئی ہیں جس سے شہریوں کی زندگی اجیرن ہو چکی ہے۔ شہریوں کا کہنا ہے کہ وہ بار بار میونسپل کمیٹی میں شکایات درج کرا چکے ہیں لیکن کوئی شنوائی نہیں ہو رہی۔

شہریوں نے وزیر اعلیٰ پنجاب مریم نواز سے مطالبہ کیا ہے کہ وہ شہر ننکانہ صاحب کی اس ابتر صورتحال کا نوٹس لیں اور نااہل افسران کے خلاف کارروائی کریں تاکہ شہریوں کو اس مسئلے سے نجات مل سکے۔

ننکانہ صاحب ،باغی ٹی وی( نامہ نگار احسان اللہ ایاز)ڈی ایچ کیو ہسپتال میں ڈاکٹروں اور دواؤں کا شدید بحران،مریضوں کی زندگیاں خطرے میں پڑگئیں، ڈپٹی کمشنر کا ڈسٹرکٹ ہیڈ کوارٹر ہسپتال کا دورہ مریضوں نے شکایت کے انبار لگا دیے ،پرچی کاونٹرز پر عملے کی تعداد کو بڑھایا جاۓ ،عملہ باوردی ڈیوٹی سرانجام دے

ڈاکٹرز اور عملہ اپنی ذمہ داریوں کا تعین کرتے ہوئے عام لوگوں کے لیے آسانیاں پیدا کریں،ڈسٹرکٹ ہیڈ کوارٹر ہسپتال ننکانہ صاحب کے معتبر ذرائع کے مطابق گزشتہ روز وزیر اعلی پنجاب مریم نواز شریف کی خصوصی ہدایت پر عوام الناس کو طبی سہولیات کی بہترین فراہمی کا جائزہ لینے کے لیے ڈپٹی کمشنر ننکانہ صاحب چوہدری محمد ارشد کا ڈسٹرکٹ ہیڈ کوارٹر ہسپتال کا اچانک دورہ ، ڈپٹی کمشنر نے ادویات کے اسٹاک ، ڈاکٹرز و عملے کی حاضری ، ہسپتال کے مختلف شعبہ جات کے معائنہ سمیت صفائی ستھرائی کے عمل کا جائزہ لیا۔

ڈپٹی کمشنر نے بچہ وارڈ سمیت مختلف وارڈز میں مریضوں کی عیادت کی اور ان سے طبی سہولیات کی فراہمی بارے بھی دریافت کیا۔ انہوں نے آوٹ ڈور میں آنے والے مریضوں سے بھی ہسپتال میں درپیش مشکلات بارے دریافت کیا۔

ڈپٹی کمشنر نے پرچی کاونٹرز پر عملے کی تعداد بڑھانے اور عملے کو باوردی ڈیوٹی سرانجام دینے کے احکامات بھی جاری کیے۔انہوں نے کہا کہ پرچی بنانے والے مریضوں کی لائن نہ لگوائی جائیں۔اس موقع پر سی او ہیلتھ ڈاکٹر قربان علی رانا ، میڈیکل سپرنٹنڈنٹ ڈاکٹر عمران علی شاہ,صدر وائی ڈی اے ڈکٹر خواجہ جنید احمد سمیت دیگر افسران بھی ڈپٹی کمشنر کے ہمراہ تھے۔

ڈپٹی کمشنر چوہدری محمد ارشد نے اس موقع پر گفتگو کرتے ہوئے کہا کہ ہسپتال میں صاف اور ٹھنڈے پانی کی وافر مقدار میں دستیابی کو ہر صورت یقینی بنایا جائے ، شہریوں کو طبی سہولیات کی فراہمی میں کوئی کسر نہ چھوڑی جائے۔انہوں نے کہا کہ ڈاکٹرز اور عملہ اپنی ذمہ داریوں کا تعین کرتے ہوئے عام لوگوں کے لیے آسانیاں پیدا کرے۔

ڈپٹی کمشنر نے سی او ہیلتھ اور ایم ایس کو تنبیہ کرتے ہوئے کہا کہ ضلع کے کسی بھی ہسپتال کی وارڈز میں اے سی بند یا خراب نہ ہو ، مریضوں کو سہولیات فراہم نہ کرنے والے عملے کے خلاف سخت کارروائی عمل میں لائی جائے گی۔انہوں نے مزید کہا کہ عوام الناس کو طبی سہولیات کی فراہمی موجودہ حکومت کی اولین ترجیح ہے

ننکانہ صاحبباغی ٹی وی (نامہ نگار احسان اللہ ایاز )شاہ کوٹ روڈ پر تیز رفتار موٹرسائیکل کی ٹریکٹرکوٹکر 2 بچے جاں بحق،باپ بیٹی شدید زخمی

تفصیل کے مطابق ننکانہ صاحب شاہ کوٹ روڈ ینگسن آباد کے قریب تیز رفتار موٹر سائیکل رات کی تاریکی کے باعث ٹریکٹر ٹرالی سے ٹکرا گئی ،اطلاع پا کر ریسکیو 1122 کا عملہ وہاں پہنچا حادثہ کے نتیجہ میں 2 بچے جاں بحق جبکہ باپ بیٹی شدید زخمی ہوئے

ڈسٹرکٹ ایمرجنسی آفیسر محمد اکرم پنوار جائے حادثہ پر موجود ،حادثہ میں زخمیوں کو ریسکیو عملہ نے ابتدائی طبی امداد فراہم کرنے کے بعدڈسٹرکٹ ہیڈ کوارٹرز ہسپتال منتقل کر دیا

ریسکیو عملہ نے جاں بحق ہونے والے بچوں کی ڈیڈ باڈی ضروری کارروائی کے بعد مقامی پولیس کے حوالے کر دیں، حادثہ میں جاں بحق ہونے والوں کی شناخت 6 سالہ عبیرہ دختر ذوالفقار اور 4 سالہ احمد ولد ذوالفقار کے نام سے ہوئی، زخمیوں میں 7 سالہ ارحہ دختر ذوالفقار اور 45 سالہ ذوالفقار شامل ہیں.

ننکانہ صاحب ،باغی ٹی وی( نامہ نگار احسان اللہ ایاز)اختیارات کا ناجائز استعمال کرنے پر 3 پولیس کنسٹیبل گرفتار،کنسٹیبل دوران جوڈیشل ڈیوٹی زیر حراست خطرناک قیدیوں کو موبائل فون پر رابطے کرواتے تھے.

تفصیلات کے مطابق ڈی پی او سعد عزیز کا سخت ایکشن اختیارات کا ناجائز استعمال کرنے پر تین پولیس کانسٹیبل گرفتار پولیس کنسٹیبلان محمد آصف، وقاص اور اللہ وسایا کے خلاف تھانہ سٹی ننکانہ میں مقدمات درج کرکے گرفتار کرلیا گیا ہے

کنسٹیبل دوران جوڈیشل ڈیوٹی زیر حراست خطرناک قیدیوں کو موبائل فون پر رابطے کی سہولت پہنچانے کے جرم میں آلہ کار بنے ،کنسٹیبلان کے خلاف پولیس آرڈر 2002 کی دفعات کے تحت مقدمہ درج کیا گیا

گرفتار کنسٹیبلان کے خلاف ریگولر محکمانہ انکوائری عمل میں لائی گئی جس میں یہ گنہگار قرار پائے گئے

ڈی پی او صاعد عزیز نے کہاکہ محکمہ کا وقار مجروح کرنے والی کالی بھیڑوں کی محکمہ میں کوئی جگہ نہیں ، کچہریوں اور زیر حراست قیدیوں کی سیکیورٹی انتہائی حساس اور اہم ذمہ داری ہے ،طمع نفسانی کی خاطر محکمہ کے ضابطہ کار کی خلاف ورزی کرنے والے پولیس آفیشلز ناقابل معافی ہیں

ننکانہ صاحب باغی ٹی وی( نامہ نگار احسان اللہ ایاز)فوڈ اتھارٹی کاموڑ کھنڈا میں بیورجز گودام پر چھاپہ،جعلی کولڈ ڈرنکس پکڑی گئیں

جعلی کولڈڈرنکس کی فروخت کا منصوبہ ناکام ڈی جی فوڈ اتھارٹی کے حکم پر فوڈ سیفٹی ٹیموں کا مین بازار موڑ کھنڈا میں بیورجز گودام پر چھاپہ2499لٹر کاربونیٹڈ ڈرنکس ضبط، گودام بند،موقع پر کیے گئے ٹیسٹ ناقص پائے جانے پر کارروائی عمل میں لائی گئی. ڈی جی فوڈ اتھارٹی

ٹیسٹ میں برکس کی مقدار مقرر کردہ حد سے کم اور معیار کے منافی پائی گئی ،انتہائی لازم خرید ریکارڈ عدم موجود، گودام میں ٹوٹے گندے فرش پر بوتلیں رکھی پائی گئیں ، گودام میں صفائی کے ناقص انتظامات، مکھیوں مچھروں کی بھرمار پائی گئی ،مضر صحت کولڈ ڈرنکس ننکانہ شہر میں چھوٹی دکانوں اور ہوٹلز پر فروخت کی جانی تھی

ملاوٹی کولڈ ڈرنکس کا بے دریغ استعمال شوگر، گردوں اور معدہ کے انفیکشن میں مبتلا کرتا ہےجعلسازی کا مکروہ دھندہ کرنے والے باز رہیں، مربوط کارروائیوں کا سلسلہ جاری ہےشہری اشیاء کی خرید سے قبل جانچ پڑتال یقینی بنائیں،

ڈی جی فوڈ اتھارٹی نے کہاکہ پنجاب فوڈ اتھارٹی سے منظور شدہ اشیاء استعمال کریں اپنے ارد گرد موجود جعلساز اور ملاوٹ مافیا کی اطلاع 1223 پر دیں

ننکانہ صاحب، باغی ٹی وی (نامہ نگار احسان اللہ ایاز)اتائی ڈاکٹروں کیخلاف بلاتفریق اپریشن جاری ہے،متعدد ڈاکٹرز منتھلی وصول کر کے اتائیوں کونا صرف اپنے نام کا بورڈ اور تحفظ فراہم کر رہے ہیں ڈاکٹرز وارننگ کے بعد اوچھے ہتھکنڈوں پر اتر آئے ہیں اور منفی پراپیگنڈا کر رہے ہیں چیف منسٹر پنجاب و سیکرٹری پرائمری اینڈ سکینڈری ہیلتھ کئیر کی ہدایات پر اینٹی کوئیکری آپریشن بلا امتیاز جاری رہے گا اوچھے ہتھکنڈے اورمنفی پراپیگنڈا کرنے والوں سے آہنی ہاتھوں سے نمٹا جائے گا۔سی ای او ہیلتھ ڈاکٹر قربان علی رانا

تفصیلات کے مطابق ننکا نہ صاحب میں اتائیت کے خاتمے کیلئے ڈپٹی کمشنر ننکانہ صاحب چوہدری محمد ارشد کی ہدایت پر اور چیف منسٹر پنجاب کے ویژن کے عین مطابق بلا امتیاز کاروائیوں کا سلسلہ جاری ہے جس کیلئے مختلف ٹیمیں تشکیل دی گئی ہیں جو شہروں قصبوں اور دیہات میں اتائیت کے خاتمے کیلئے آپریشن کر رہی ہیں

جبکہ کئی جگہ پر کچھ ڈاکٹرز جو کہ منتھلی وصول کر کے اتائیوں کونا صرف اپنے نام کا بورڈ دے رہے بلکہ انکو شلٹر فراہم کر رہے جن کی سرپرستی میں اتائی انسانی جانوں سے کھیل رہے ہیں ابتدائی طور پر ایسے تمام ڈاکٹرز کو وارننگ دی گئی ہے جو کہ اوچھے ہتھکنڈوں پر اتر آئے ہیں اور منفی پراپیگنڈا کر رہے ہیں جبکہ آئندہ کسی بھی اتائی کو تحفظ فراہم کرنے و اتاائیت کو فروغ دینے پر ان ڈاکٹرز کے خلاف بھی کارروائی عمل میں لائی جائے گی.

ننکانہ صاحب، باغی ٹی وی( نامہ نگار احسان اللہ ایاز)ضلعی انتظامیہ میٹنگز میں مصروف،شہر سیوریج کے گندے پانی میں ڈوب گیا،ڈرائیور بطور سپروائزر تعینات،کئی روز سے شہری گندے پانی کی اذیت کاشکار،پورا شہربدبو کی لپیٹ میں آگیا

ننکانہ صاحب کو پوری دنیا میں احترام اور عزت کی نگاہ سے دیکھا جاتا ہے لیکن اس شہر اور یہاں کے باسیوں بدقسمتی کی انتہا کی انتہا ہوچکی ہے یہاں پر تعینات افسران اور سیاستدان صرف میٹنگزاور فوٹوسیشن تک محدود ہوچکے ہیں ،

وزیراعلی پنجاب کاستھرا پنجاب ویژن آفیسران نے فائلوں میں گم کردیا ہے،آفیسران کی بے حسی کے باعث شہر بدبو اور تعفن کی لپٹ میں آ چکا ہے

اس وقت ننکانہ صاحب کے بیشترعلاقے جن میں آفیسر کالونی , بھٹہ آبادی,کینڈا کالونی,مانوالہ موڑ,کیارہ صاحب ,آبادی کواٹرز, محلہ مال جی,ڈاکٹروں والا بازار, ہاؤسنگ کالونی روڈ, میونسپل کمیٹی والی گلی سمیت شہر کے دیگر علاقے گندے پانی میں ڈوبے ہوئے میں,

میونسپل کمیٹی ننکانہ صاحب کے ذرائع کا کہنا ہے کہ سیوریج کی ابتر صورت حال کی سب سے بڑی وجہ غیر ذمہ داروں کی بطور سپروائزر ،چیف آفیسر میونسپل کمیٹی کی طرف سے تعیناتی ہے اور ستم ظریفی کی انتہا کے ایک ڈرائیور کو سپر وائزر تعینات کیا گیا ہے ,سیوریج کی ابتر صورت حال کی وجہ سے تو بہت سی جگہوں سے مین لائن کے پھٹ جانے کا خدشہ پیدا ہوچکا ہے،

شہریوں نےڈپٹی کمشنر ننکانہ چوہدری محمد ارشد سے فوری نوٹس اور اصلاح احوال کا مطالبہ کیا ہے