Category: ننکانہ

ننکانہ صاحب ،باغی ٹی وی( نامہ نگار احسان اللہ ایاز)باغی ٹی وی کی خبرپرایکشن،ہسپتال میں گندگی کے ڈھیر،ممبرمحتسب پنجاب نے سات روز میں رپورٹ طلب کرلی

ڈسٹرکٹ ہیڈکوآرٹر ہسپتال میں جگہ جگہ گندگی کے ڈھیر, ہر طرف کھڑا پانی انتظامیہ کی کارکردگی پر منہ چڑانے لگا, ضلع کے سب سے بڑے سرکاری ہسپتال میں علاج کے لئے آنے والے مریض گندگی کی وجہ سے نئی بیماریوں کا شکار ہونے لگے,بشمول باغی ٹی وی میڈیا رپورٹس پر صوبائی محتسب اعلیٰ پنجاب کا نوٹس, سی ای او ڈسٹرکٹ ہیلتھ اتھارٹی سے سات روز میں رپورٹ طلب کر لی

ڈسٹرکٹ ہیڈ کوآرٹر ہسپتال میں ایم ایس سمیت دیگر عملہ کی مبینہ غفلت اور لاپرواہی کی وجہ سے جگہ جگہ گندگی کے ڈھیر لگے ہوئے ہیں بالخصوص ڈی ایچ کیو میں بنی رہائشی کالونی میں ہر طرف گندگی کے ڈھیر انتظامیہ کے بلند وبانگ دعوؤں کی نفی کرتے نظر آرہے ہیں جن سے کئی خطرناک بیماریاں پھیلانے کا باعث بن رہا ہے,

گزشتہ روز میڈیا رپورٹس میں ڈی ایچ کیو ہسپتال کے اندر صفائی کی ابتر صورتحال کی نشاندہی پر صوبائی محتسب اعلیٰ پنجاب نے نوٹس لیتے ہوئے سی ای او ڈسٹرکٹ ہیلتھ اتھارٹی سے سات روز میں رپورٹ طلب کر لی ہے,

صوبائی محتسب اعلیٰ پنجاب کے ننکانہ صاحب میں ایڈوائزر ملک محمد اسلم کی طرف سے سی ای او ڈسٹرکٹ ہیلتھ اتھارٹی کو ہدایت کی گئی ہے کہ ڈی ایچ کیو میں صفائی کی صورتحال کے بارے میں جامع رپورٹ اور شواہد کے ساتھ جواب داخل کروائیں.

ننکانہ صاحب ،باغی ٹی وی( نامہ نگار احسان اللہ ایاز)ڈی ایچ کیو ہسپتال ملازمین کی رہائشی کالونی فلتھ ڈپو بن گئی،رہائشی ملازمین مشکلات کاشکار

ڈسٹرکٹ ہیڈ کوارٹرز ہسپتال کی رہاٸشی کالونی کچراکنڈی میں تبدیل مکینوں کو شدید مشکلات کا سامنا ,ڈسٹرکٹ ہیڈ کوارٹر ہسپتال میں تعینات ایڈمن آفیسر 83 سینٹری ورکز سے بھی صفائی کروانے میں ناکام,ڈی ایچ کیو ہسپتال کی رہائشی کالونی کے مکینوں کا اعلی حکام کی فوری نوٹس مطالبہ

معتبرذرائع کا کہنا ہے کہ رہائشی کالونی ڈی ایچ کیو ہسپتال ننکانہ صاحب اس وقت کچرا کنڈی بن چکی ہے جس کے باعث اس کالونی میں رہائش پزیر افراد کو شدید ذہنی کوفت اور پریشانی کا سامنا کرنا پڑ رہا ہے ,رہائشی کالونی اس وقت بدبو اور تعفن کا مسکن بن چکی ہے ,

یہ بھی پڑھیں
ننکانہ :ڈی ایچ کیو ہسپتال میں فری آؤٹ ڈور پرچی 100 روپے میں ملنے لگی
ننکانہ:ڈی ایچ کیو ہسپتال،فارماکمپنیوں کے میڈیکل ریپس کو ٹھیکے پردے دیاگیا
ننکانہ:ڈی ایچ کیو ہسپتال بھوت بنگلہ میں تبدیل،سہولیات کافقدان،مریض اور لواحقین پریشان
ننکانہ:ڈی ایچ کیو ہسپتال گائنی وارڈ ،لیڈی ڈاکٹرزکی من مانیاں،خواتین مریض رُل گئیں

ذرائع نے مزید بتایا کہ ڈی ایچ کیو ہسپتال ننکانہ صاحب میں 83 کے قریب سینٹری ورکز کا عملہ صفائی ستھرائی پر تعینات ہے جبکہ ایڈمن آفیسر کی خاص مہربانی کے باعث رہائشی کالونی میں ایک بھی سینڑی ورکر تعینات نہیں ہے جس کے باعت رہائشی کالونی میں جگہ جگہ کچرے کے ڈھیر لگے ہوۓ ہیں اور سیوریج کا گندا پانی جگہ جگہ کھڑا دیکھائی دیتا ہے

جبکہ خودروجھاڑیوں نے چاروں طرف سے رہائشی کالونی کو اپنی لپیٹ میں لے رکھا ہے اور ایسے محسوس ہوتا ہے کہ یہ رہاٸشی کالونی کسی جنگل میں آباد ہے ,رہائشی کالونی کے مکینوں نے ڈپٹی کمشنر چوہدری محمد ارشد سے اپیل کی ہے کہ اس رہائشی کالونی کا فوری طور پر دورہ کیا جاۓ اور صفائی وستھرائی کےمعاملات میں غفلت کا مظاہرہ کرنے والے ایڈمن آفیسر کے خلاف محکمانہ کارروائی عمل میں لائی جاۓ.

ننکانہ صاحب باغی ٹی وی( نامہ نگار احسان اللہ ایاز)ڈی ایچ کیو ہسپتال،فارماکمپنیوں کے میڈیکل ریپس کو ٹھیکے پردے دیاگیاڈاکٹرکمنیوں کے نمائندوں سے کمیشن ،فارن ٹرپ،بچوں کی تعلیم کے اخراجات ،اپنے پرائیویٹ ہسپتالوں کی اپگریڈیشن کرانے کی ڈیل کرنے میں مصروف ،سرکاری ہسپتال میں آئے ہوئے مریض رلنے لگے۔

تفصیلات کے مطابق ڈسٹرکٹ ہیڈ کوارٹر ہسپتال ننکانہ صاحب کے معتبر ذرائع کا کہنا ہے کہ سرکاری ہسپتالوں میں دوا ساز کمپنیوں کے میڈیکل ریپ کا داخلہ سختی سے منع ہےلیکن ڈسٹرکٹ ہیڈ کوارٹر ہسپتال کے ایم ایس عمران شاہ اور انتظامیہ کی مبینہ غفلت اور لاپرواہی کے باعث ہسپتال میں میل اور فی میل میڈیکل ریپ مافیا نے اپنے پنجے گاڑ رکھے ہیں اور اب یہ میڈیکل ریپ مافیا ڈاکٹروں کےکمروں میں مستقیل طور پر ڈیرے ڈالے ہوۓ ہیں جو ڈی ایچ کیو ہسپتال میں آنے والے مریضوں کو اپنی کمپنیوں کی ادویات لکھ کر دے رہے ہیں

ذرائع کے مطابق ڈاکٹرز ان کمپنیوں سے ماہانہ لاکھوں روپے کا کمشن یا تحائف یا پھر مختلف تقریبات کے اخراجات وصول کرنے میں مصروف ہیں جبکہ ڈی ایچ کیو ہسپتال کی انتظامیہ کی توجہ اس طرف نہ ہونے کے برابر ہے اور ہر آنے والے دن کے ساتھ دواساز کمپنیوں کے نمائندوں میں اضافہ ہو رہا ہے ,

مریضوں اور ان کے لواحقین کا کہنا ہے کہ مہنگائی نے پہلے ہی غریب اورلاچار عوام کی کمرتوڑ رکھی ہے جبکہ ڈاکٹرز سرکاری ہسپتال میں بیٹھ کر باہر کی ادویات لکھ لکھ کر ہاتھوں میں تھما رہے ہیں جبکہ سرکاری ہسپتال میں آنے والے غریب مریض ان ادویات کو خرید کرنے پر مجبور ہے

شہریوں نے أعلی حکام سے اپیل کی ہے کہ فوری طور پر اس بات کا نوٹس لیں کے آخر کار ڈسٹرکٹ ہیڈ کوارٹر ہسپتال کے ایم ایس اور انتظامیہ نے اس حوالے سے آخر کیوں مجرمانہ خاموشی اختیار کر رکھی ہے.

ننکانہ صاحب، باغی ٹی وی( نامہ نگار احسان اللہ ایاز)پنجاب فوڈاتھارٹی نے فیصل آباد سے ننکانہ ترسیل کی جانے والی مردہ مرغیوں کی بڑی کھیپ دھر لی،مقدمہ درج ،گاڑی پولیس کے حوالے

پنجاب فوڈاتھارٹی نے فیصل آباد سے ننکانہ ترسیل کی جانے والی مردہ مرغیوں کی بڑی کھیپ دھر لی۔ڈائریکٹر جنرل پنجاب فوڈ اتھارٹی کی ہدایت پر فوڈ سیفٹی ٹیم ننکانہ صاحب نے اڈا پنواں فیصل آباد روڈ پر گوشت بردار گاڑی کی چیکنگ کی جس میں سے مردہ مرغیاں برآمد ہوئی۔

خفیہ اطلاع ملنے پربروقت ایکشن لیتے ہوئے 2000کلومضر صحت مردہ مرغیوں کو تلف کر کے ملزم کیخلاف مقدمہ درج کروا کرگاڑی بھی پولیس کے حوالے کردی۔

ڈی جی فوڈ اتھارٹی عاصم جاوید کے مطابق انتہائی لازم سپلائی ریکارڈ اور ضروری ایگریمنٹ عدم موجود پایا گیا،بیمار ناقص گوشت کا خوراک میں استعمال معدہ اور جگر کے موذی امراض میں مبتلا کرتا ہے، جعل ساز مافیا زیادہ منافع کےلالچ میں خوراک نہیں بیماری فروخت کرتا ہے،

وزیر اعلیٰ پنجاب کے حکم پر پنجاب فوڈ اتھارٹی کی ٹیمیں معیاری خوراک کی یقینی فراہمی کے لیے مسلسل چیکنگ جاری رکھے ہوئے ہیں ، صحت دشمن عناصر کسی رعایت کے مستحق نہیں، سخت کارروائی عمل میں لائی جائے گی ،

شہری جعل ساز مافیا کی اطلاع پنجاب فوڈ اتھارٹی کی ہیلپ لائن1223 پر دیں

ننکانہ صاحب،باغی ٹی وی (نامہ نگاراحسان اللہ ایاز)افسران کی مبینہ آشیرباد،قصابوں نے مہنگائی کی چھریاں عوام پر چلادیں،بڑا گوشت 9 سو روپے میں فروخت ہونے لگا،پرائس کنٹرول مجسٹریٹ منظرسے غائب،عوام کا حکام بالا سے نوٹس لینے کامطالبہ

تفصیل کے مطابق ضلعی ہیڈ کوارٹر ننکانہ صاحب شہر میں اس وقت قصابوں نے مہنگائی کی ستائی ہوئی عوام کو دونوں ہاتھوں سے لوٹنا شروع کر دیا ہے ,ننکانہ صاحب شہر اور اس کے گردونواح دھور کوٹ ,کوٹ لہنا داس,کوٹ سنت رام سمیت دیگر علاقوں میں بڑے گوشت کا کام کرنے والے قصاب اس وقت بڑا گوشت 9 نوسوروپے میں فروخت کر رہے ہیں جبکہ بڑے گوشت کا سرکاری ریٹ سات سو روپے مقرر کیا گیا ہے ,

پرائس کنٹرول مجسٹریٹ سرکاری ریٹ پر گوشت کو فروخت کروانے میں مکمل طور پر ناکام ہو چکے ہیں ,شہریوں نے وزیر اعلی پنجاب , صوبائی محتسب پنجاب ,کمشنر لاہور ڈویژن سے فوری نوٹس لینے کا مطالبہ کیا ہے کہ شہر بھر میں موجود قصابوں کے خلاف کارروائی عمل میں لائی جاۓ اور شہریوں کو سرکاری ریٹ کے مطابق بڑا گوشت فراہم کیا جاۓ،

ننکانہ صاحب ،باغی ٹی وی( نامہ نگار احسان اللہ ایاز ) ننکانہ صاحب مین انارکلی بازار میں گندا گٹروں کا پانی کھڑا ہونے کی وجہ سے مختلف بیماریوں کا سبب بننے لگا دکانداروں کاشدیداحتجاج,اعلیٰ حکام سے فوری نوٹس لینےکی اپیل

تفصیلات کےمطابق وزیراعلی پنجاب مریم نواز شریف کا صاف ستھرا پنجاب کا دعوی انتظامیہ نے ہوا میں اڑا دیا مین بازار انارکلی مختلف بیماریوں کا گھر بن گیا سیوریج کا نظام بری طرح تباہ ہو کر رہ گیا ہے جس کے باعث بازاروں میں پانی کا کھڑا رہنا معمول بن چکاہے,

انتظامیہ کی غفلت کی انتہا یہاں تک پہنچ چکی ہےکہ مین ہول کے ڈھکن بھی غائب ہیں جس کے باعث کئی شہری حادثات کے شکار ہوچکے ہیں

ننکانہ صاحب ضلع میں ڈینگی سمیت مختلف بیماریوں کی روک تھام کے لیے ٹیمیں روزانہ کی بنیاد پر کام کرتی ہیں جو صرف اور صرف خانہ پوری کی حد تک نظر آ رہی ہیں جس کی مثال بازاروں میں کھٹرا گندا پانی جو مچھروں کی آماجگاہ بن چکا ہے اور دکانداروں کی داد رسی کرنے والا کوئی نہیں

دکانداروں کا کہنا ہے کہ کئی بار مونسپل کمیٹی ننکانہ صاحب کو درخواست بھی دی مگر اس پر کوئی کام نہ ہو سکا

ڈپٹی کمشنر ننکانہ چوہدری محمد ارشد سے اپیل ہے کہ فوری نوٹس لیں تاکہ لوگوں کو گذرنے میں آسانی ہو اور دکانداروں سمیت خریداری کے لیے آنے والے شہری تکلیف اور مشکلات سے بچ سکیں.

ننکانہ صاحب، باغی ٹی وی (نامہ نگار احسان اللہ ایاز)متروکہ وقف املاک کی زمینوں پرغیر قانونی تعمیرات کوروکناچاہیے,غیرقانونی تعمیرات کا آڈٹ ہونا چاہیے تاکہ ذمہ داران کا پتہ چل سکے, ننکانہ صاحب کے شہریوں کے لیے بہت جلد ہاوسنگ کالونی کا اعلان کیا جاۓ گا,ڈاکٹر شذرہ

تفصیلات کے مطابق کنوینئر ڈسٹرکٹ ڈویلپمنٹ کمیٹی رکن قومی اسمبلی ڈاکٹر شذرہ منصب علی خاں کھرل نے ضلع کونسل میں موجود اپنے آفس میں رکن صوبائی اسمبلی مہر کاشف رنگ الہی پڈھیار,رکن صوبائی اسمبلی آغا علی حیدر کےہمراہ ضلع بھر میں ترقیاتی کاموں اور محکموں کی کارکردگی کا جائزہ لینے کے بعد صحافیوں سے گفتگو کرتے ہوۓ کہاکہ متروکہ وقف املاک کی زمینوں پر غیر قانونی طور پر ہونے والی تعمیرات کی بالکل میں نے آواز اٹھائی ہے تاکہ جو غیر قانونی تعمیرات ہو رہی ہیں ان کو روکاجاۓ

جو دن رات تعمیرات جاری ہیں ان کا ایک آڈٹ ہونا چاہیے جس میں یہ دیکھا جاۓ کہ کون لوگ اس میں ملوث ہیں اس غیر قانونی تعمیرات میں میری آواز اٹھانے کا مقصد یہ تھا کہ ننکانہ صاحب کے شہریوں کو قانونی طور پر ہاؤسنگ کالونی بنا کر دی جاۓتاکہ ننکانہ صاحب کی عوام عزت کے ساتھ اپنے گھر تعمیر کر سکیں اور اس پر وزیر اعلی پنجاب مریم نواز شریف نے کام شروع کر دیا ہے

یہ بھی پڑھیں

ننکانہ :متروکہ وقف املاک کرپٹ ترین محکمہ ، ایف آئی آر میں نامزد ملزمان کو گرفتارکریں،بار ایسوسی ایشن

ننکانہ :باغی ٹی وی کی خبرپرایکشن،زمینوں پرناجائز قبضے اورتعمیرات،چیئرمین متروکہ وقف املاک بورڈ کا اعلیٰ سطحی تحقیقات کاحکم

ننکانہ: محکمہ اوقاف کی ملی بھگت سے لینڈ مافیا بے قابو ہو گیا،ڈپٹی کمشنرکا خط

ننکانہ:تیکھےسوالات کاخوف چیئرمین متروکہ وقف املاک صحافیوں کودیکھ کرگوردوارہ جنم استھان کے دروازے سے بھاگ گئے

ننکانہ:متروکہ وقف املاک کی سرکاری اراضی پرحکومتی ممبر قومی اسمبلی کے عزیز و اقارب قبضے کرواتے ہیں،زاہد امجد

ننکانہ:ملک زاہد غریب عورت کے گھر پر قبضہ کرنا چاہتا تھا،روکا توالزامات کی بارش کردی،رائے آصف کھرل

ننکانہ :متروکہ وقف املاک،آفیسران کاٹرائیکا ،ناجائز گھریلو اور کمرشل قابضین کا سرپرست نکلا

ننکانہ: ہزاروں قابضین کومتروکہ وقف املاک بورڈ کا کرایہ دار بنانے کا فیصلہ,ریکارڈ کی جانچ پڑتال

میں اور مہر کاشف پڈھیار بہت جلد ننکانہ صاحب کی عوام کے لیے ایک ہاؤسنگ کالونی کا اعلان کریں گے,ڈاکٹر شذرہ منصب نے مزید کہا کہ متروکہ وقف املاک کی زمینوں پر ہونے والی غیر قانونی تعمیرات صرف اس وقت رک سکتی ہیں جب ان زمینوں پر ننکانہ صاحب کے شہریوں کی ضروریات کے مطابق ڈویلپمنٹ کی جاۓ,

ننکانہ صاحب میں پوری دنیا سے سکھ یاتری یہاں ننکانہ صاحب آتے ہیں بابا گورونانک دیو جی کی تقریبات کے سلسلہ میں,جس طرح دوسرے شہروں میں ڈویلپمنٹ ہوتی ہے اسی طرح ننکانہ صاحب میں بھی ہونی چاہیے یہاں پر ہوٹل ہونے چاہیں سٹی ننکانہ صاحب ٹورازم کا حب ہے اور ننکانہ صاحب کی ترقی کے لیے میں أور مہر کاشف رنگ الہی دن رات کوشش میں مصروف عمل ہیں