Category: ننکانہ

ننکانہ صاحب ،باغی ٹی وی( نامہ نگار احسان اللہ ایاز)خالصہ جنم دن اور بیساکھی میلہ تقریبات میں شرکت کے لیے 2400 بھارتی سکھ یاتری پاکستان پہنچ گئے

خالصہ جنم دن اور وساکھی میلہ کی تقریبات میں شرکت کے لیے2400 بھارتی سکھ یاتری پاکستان پہنچ گئے واہگہ بارڈر پر پردھان سردار رامیش سنگھ اروڑا ، ایڈ یشنل سیکرٹری شرائنز رانا شاہد, سردار ممپال سنگھ ،سردار تارا سنگھ،ستونت کور ،صوبائی وزیر ٹرانسپورٹ ،سمیت دیگر سکھ ہنماوں نے مہمانوں کا استقبال کیا اور چیئرمین بورڈ کی طرف سے پھولوں کے گلدستے پیش کیے ۔

واہگہ بارڈر پر میڈیا سے گفتگو کرتے ہوئے بھارتی جتھ لیڈر کلونت سنگھ اور ڈپٹی پارٹی لیڈر امرجیت سنگھ نے حکومت پاکستان اور متروک وقف املاک بورڈ کا شکریہ ادا کرتے ہوئے کہا کہ پاکستان آ کر بہت خوشی محسوس ہو رہی ہے ۔پاکستان میں مقدس استھان ہیں جنکی یاترا کے لیے لاکھوں سکھ بے تاب ہیں ۔

رانا شاہد نے کہا کہ چئیر مین بورڈ ارشد فرید خان کے احکامات کے مطابق سیکورٹی رہائش،ٹرانسپورٹ،میڈیکل و دیگر سہولیات کے لیے تمام تر انتظامات مکمل ہیں ۔

ترجمان بورڈ کے مطابق بورڈ کی ٹیکنیکل برانچ نےگوردوارہ پنجہ صاحب کو نئے رنگ و روغن،تزئین وآرائش اور برقی قمقموں سے سجایا ہے۔جبکہ گورو دوارہ جنم استھان ننکانہ صاحب و دیگر گوردواروں میں بھی تمام انتظامات مکمل ہیں ۔

متروکہ وقف املاک بورڈ کے افسران اور سیکیورٹی عملہ دن رات یاتریوں کی خدمت میں مصروف رہیں گے،میڈیا کوریج کے لیے صحافیوں کے لیے بھی بہتر ین انتظامات کیے گئے ہیں۔

ویساکھی میلہ کی مرکزی تقریب مورخہ 14اپریل بروز اتوار کو گورودوارہ پنجہ صاحب حسن ابدال میں منعقد ہو گی، سکھ یاتری 22اپریل کو اپنی 10روزہ یاترا مکمل کرنے کے بعد واپس بھارت روانہ ہو جائیں گے

ننکانہ صاحب باغی ٹی وی( نامہ نگار احسان اللہ ایاز)صوبائی وزیر مذہبی امور پنجاب و چئیرمین پاکستان سکھ گوردوارہ پربندھک کمیٹی سردار رمیش سنگھ اروڑہ نے نیوز کانفرنس میں بتایا کہ حکومت پاکستان نے بیساکھی تہوارمیں شرکت کے لئے تین ہزار بھارتی سکھ یاتریوں کو ویزے جاری کئے ہیں

بھارتی سکھ یاتری آج واہگہ باڈر کے راستے پاکستان پہنچیں گےسکھ یاتریوں کو بذریعہ ٹرین گوردوارہ پنجہ صاحب حسن ابدال پہنچایا جائے گا،سکھ یاتریوں کو بذریعہ ٹرین تمام گوردواروں کی یاترا کروائی جائے گی

وزیراعلیٰ پنجاب مریم نواز 18 اکتوبر کو گوردوارہ کرتار پور جائیں گی ،بھارت سکھ یاتریوں کو اپنے ملک سے بذریعہ ٹرین آنے کی اجازت دے پاکستان نے ہمیشہ بھارت کی طرف سے دوستانہ قدم بڑھائے ہیں

بھارت میں پاکستانی زائرین کے ساتھ امتیازی سلوک کیا جاتا ہے،ملک بھر میں شرپسند عناصر کی سرکوبی کی جائے گی ،کسی کو ملکی امن تباہ کرنے کی اجازت نہیں دی جائے گی

پاکستان آنے والے سکھ یاتری امن اور محبت کا پیغام لے کر جائیں گے،سکھ یاتریوں کے لئے ہر ممکن بہترین انتظامات کو یقینی بنایا جائے گا

سردار رمیش سنگھ اروڑہ نے کہا کہ پاکستان تمام اقلیتوں کے لئے محفوظ ترین ملک ہےمحکمہ اوقاف کی اراضی پر قبضہ گروپوں کے خلاف کارروائی کی جائے گی ،محکمہ اوقاف میں موجود کالی بھیڑوں کے خلاف بھی کارروائی کی جائے گی،

سکھ یاتریوں کو کمروں کی الاٹمنٹ کے لئےٹیکنالوجی کا استعمال کیا جائے گا

ننکانہ صاحب، باغی ٹی وی (نامہ نگار احسان اللہ ایاز )مرکزی جامع مسجد مدینہ میں ختم ألقرآن کی پروقار تقریب کا انعقاد کیا گیا,ختم القرآن کی تقریب کے مہمان خصوصی ڈپٹی کمشنر ننکانہ چوہدری محمد ارشد تھے,ختم القرآن کی تقریب زیر صدارت چوہدری محمد اکرم رحمانی منعقد ہوٸی جس مسجد ہذا کے نمازیوں سمیت شہریوں کی ایک بڑی تعداد نے شرکت کی

تفصیلات کے مطابق گزشتہ روز شہر کی معروف اور انتہائی خوبصورت مرکزی جامع مسجد مدینہ میں زیر صدرات صدر مسجد ہذا چوہدری محمد اکرم رحمانی تقریب منعقد ہوئی، جس کے مہمان خصوصی ڈپٹی کمشنر چوہدری محمد ارشد تھے ختم القرآن کی تقریب سے خطاب کرتے ہوۓ ملک کے نامور اور معروف عالم دین صاحبزادہ علامہ انعام اللہ اشرفی نے قرآن مجید کے رمضان المبارک میں شان نزول اور اس کی فضیلت وبرکت کے حوالے سے مفصل خطاب کیا ,

علامہ انعام اشرفی کا کہنا تھا کہ قرآن مجید وہ واحد آسمانی کتاب ہے جس کی حفاظت کا ذمہ مالک کائنات نے خود اپنے سر لیا ہے یہی وجہ ہے کہ سواۓ قرآن مجید کے جتنی بھی آسمانی کتب ہیں ان میں وقت کے ساتھ ساتھ ان کے ماننے والوں نے تبدیلی کی ہے ,

علامہ انعام اللہ اشرفی نے خطاب کرتے ہوۓ کہا کہ یہ رمضان المبارک مہینہ ایمان اور اعمال کو تازہ کرنے کے لیے آتا ہے۔ روزہ اور قرآن کریم دونوں بندے کی شفاعت کریں گے اور بندے کے حق میں دونوں کی شفاعت قبول کی جائے گی

ڈپٹی کمشنر چوہدری محمد ارشد نے خطاب کرتے ہوۓ کہا کہ قرآن مجید پڑھنا اور سمجھنا کسی دن کا محتاج نہیں ہر روز ہی یہ اپنے قاری کیلئے ہدایت کا ذریعہ بنتا ہے لیکن رمضان المبارک میں تلاوت قرآن کی ایک منفرد اہمیت ہے۔ کوئی شک نہیں کہ ماہِ رمضان اور قرآنِ حکیم کا ایک گہرا تعلق ہے۔ یہ دونوں ابد تک ایک دوسرے سے جدا نہیں ہو سکتے۔ قرآن مجید کتابِ رحمت ہے جو رمضان یعنی ماہِ رحمت میں نازل ہوئی ہے,

صدر مسجد ہذا چوہدری محمد اکرم رحمانی نے تقریب میں موجد حاضرین کو بتایا کہ ہم انتظامیہ نے کوشش کی ہے کہ استاذ مدرسہ ھذا قاری ساجد اور دیگر حفاظ اکرام کے جن کی بدولت ہم نے قرآن مجید کو سماعت کیا ہے ان کی خدمت زیادہ سے زیادہ کر سکیں حق تو یہ ہے کہ حق ادا نہ ہوا ,

تقریب کے آخر پر ڈپٹی کمشنر ننکانہ چوہدری محمد ارشد نے علامہ انعام اللہ اشرفی سمیت حفاظ اکرام کو دستار پہنائیں اور خطیب مسجد ہذا علامہ انعام اللہ اشرفی اور صدر مسجد ہذا چوہدری محمد اکرم نے ڈپٹی کمشنر چوہدری محمد ارشد کو بھی دستار پہنائی خصوصی دعا کے بعد حاضرین تقریب میں مٹھائی بھی تقسیم کی گئی.

ننکانہ صاحب ،باغی ٹی وی( نامہ نگار احسان اللہ ایاز )رمضان بازار میں فیئر پرائس شاپ پر 13 اشیاء کی قیمتوں پر 25 فیصد سبسڈی دی جارہی ہے, رمضان بازار کی کامیابی میں ڈپٹی کمشنر ننکانہ ,ایڈیشنل ڈپٹی کمشنر ریونیو کی خصوصی رہنمائی اور چیف آفیسر میونسپل کمیٹی ننکانہ, مارکیٹ کمیٹی کے سیکرٹری سمیت دیگر عملہ کی خدمات قابل تحسین ہیں ,رمضان بازار اور خصوصی طور پر فیئر پرائس شاپ پر اشیاء خوردونوش کی کوالٹی پر کوئی سمجھوتا نہیں کیا گیا, حرا صفدر

تفصیلات کے مطابق وزیر اعلی پنجاب مریم نواز شریف کی خصوصی ہدایت پر عوام کو رمضان المبارک میں ریلیف دینے کے لیے ننکانہ صاحب میں سستا رمضان بازار لگایا گیا تھاجس میں ڈپٹی کمشنر ننکانہ چوہدری محمد ارشد کی ہدایت کےمطابق اشیاء خوردونوش کی کوالٹی پر کوٸی سمجھوتا نہیں کیا گیا ان خیالات کا اظہار ای اے ڈی اے ایڈمنسٹریٹر مارکیٹ کمیٹی ننکانہ صاحب مس حرا صفدر نے کیا

انہوں نے مزید گفتگو کرتے ہوۓ بتایا کہ رمضان بازار میں وزیراعلی پنجاب مریم نواز شریف کی ہدایات کو مدنظر رکھتے ہوۓ عوام کو سبسڈی پر اعلی معیار کی اشیاء فراہم کی جارہی ہیں اور فیئر پرائس شاپ کے اسٹال پر 13اشیاءضروریہ 25 فیصد سستے داموں فراہم کی گیئں اور اس بات کو یقینی بنایا گیا کہ رمضان بازار میں درجہ اول کی اشیاءفراہم کی جائیں یہی وجہ ہے کہ سستے رمضان بازار سے اب تک ہزاروں شہری رمضان بازار اور فیئر پرائس شاپ سے خریداری کر چکے ہیں اور جیسے جیسے عید قریب آ رہی ہے اس تعداد میں اضافہ ہو رہا ہے

انہوں نے مزید گفتگو کرتے ہوۓ بتایا کہ رمضان بازار کا رکن قومی اسمبلی ڈاکٹر شذرہ منصب علی خاں کھرل ,رکن صوبائی اسمبلی مہر کاشف پڈھیار,صوبائی رکن اسمبلی آغا علی حیدر سمیت ڈائریکٹر مارکیٹنگ پنجاب نیئر جلال دورہ کر چکے ہیں اور ہر ایک نے اپنے تاثرات میں اس سستا رمضان بازار کے انتظامی امور سمیت اشیاء خوردونوش کی کوالٹی کو سراہا ہے اور اس کا سہرا ڈپٹی کمشنر ننکانہ چوہدری محمد ارشد کے سر جاتا ہےجن کی بہترین رہنمائی کے باعث آج رمضان بازار اپنے اختتام کی طرف جا رہا ہے,

حرا صفدر نے مزید گفتگو کرتے ہوۓ کہا کہ چیف آفیسر میونسپل کمیٹی ننکانہ صاحب راؤانوار کی دن رات کی محنت کا نتیجہ ہے کہ جو اتنےخوبصورت سستا رمضان بازار کے انتظامات کرواۓ,سیکرٹری مارکیٹ کمیٹی محمد سرور, شاہد مقصود , سب انسپکٹر مارکیٹ کمیٹی ارشد بھٹی اور ان کی ٹیم کی محنت قابل ستائش ہے کہ جس کی وجہ سے عوام نے رمضان بازار میں ایگریکلچر فیئر پرائس پر اشیاءکے معیار پر اطمینان کا اظہار کیا

ننکانہ صاحب، باغی ٹی وی (نامہ نگار احسان اللہ ایاز)گورنمنٹ پرائمری سکول لاڈووانہ کے زیر اہتمام سالانہ تقریب تقسیم انعامات کا انعقاد کیا گیا تقریب کے مہمان خصوصی اسسٹنٹ ایجوکیشن آفیسرعاصم شریف گجر تھے، تقریب کی صدارت سکول کے پرنسپل رائے صدام مہندی اور باقی تمام سٹاف نے کی,

تقریب میں معروف سماجی کارکن رائے اللہ توکل ،رائے نثار کھرل ،رائے محمد منشاء کھرل، رائے رستم کھرل، رائے ناصر کھرل، رائے زمان سرور کھرل، رائے فیصل کھرل، رائے رمیض حسن کھرل ،حاجی ذاکر حسین امام مسجد لاڈوآنہ، رائے عثمان مہندی کھرل، رائے شعبان مہندی کھرل ،رائے فوجی کرامت کھرل ،رائے طاہر کھرل، رائے شہزاد کھرل، رائے عثمان کھرل، رائے امانت کھرل، رائے آصف کھرل، رائے جگدے کھرل، رضوان قریشی ،فقیر حسین اور قیوم اکبر دیرتھ اور والدین طلباء نے شرکت کی,

تقریب کا آغاز تلاوت قرآن پاک سے کیا گیا جبکہ مختلف کلاسز میں پوزیشن حاصل کرنے اور نمایاں کارکردگی کا مظاہرہ کرنے والے طلباءمیں انعامات تقسیم کیے گئے

انعامات حاصل کرنے والے طلبا؛فرقان ‘بسمہ قیوم ؛عطیبہ اشرف ؛رخسار ‘زینت امداد’ شہروز قیصر ‘ فدا حسین’ فہد حسین’ ایمان عمران’ محمد ساجد ‘عائشہ خالد’ زینب مہوش شاہد زینب عثمان ناصر ابوبکر عزت علی حسنین انتظار علی ارشد عارش فاطمہ ہیں

جبکہ سکول کے پرنسپل رائے صدام مہندی نے کہا کہ تعلیمی میدان میں بہتری کے بغیر ترقی کا خواب شرمندہ تعبیر نہیں ہو سکتا, سرکاری تعلیمی اداروں میں زیر تعلیم طلباء کی غیر نصابی سرگرمیوں میں کارکردگی قابل تعریف ہے جس میں مزید بہتری لائی جا سکتی ہے جبکہ مقررین نے پرنسپل رائے صدام مہندی کی محنت کو سراہا

ننکانہ صاحب، باغی ٹی وی( نامہ نگار احسان اللہ ایاز )انتہائی محدود وسائل ، عوام کو بہترین سہولیات کی فراہمی کے لیے بھرپور محنت کر رہے،ہیں راؤ انوار

بلدیہ ننکانہ اپنے انتہائی محدود وسائل میں رہتے ہوئے عوام کو بہترین سہولیات کی فراہمی یقینی بنانے کے لیے بھرپور محنت کر رہی ہے عید الفطر سے قبل شہر میں صفائی ستھرائی اور پارکوں کوخوبصورت بنانے کے لیے کام بھرپور انداز میں شروع کر دیا گیا ہے رمضان المبارک میں عوام کو سستی اشیائے ضروریہ کی فراہمی یقینی بنانے کے رمضان بازار کے انتظامات کے علاوہ شہر بھر میں گراںفروشوں کے خلاف بھی سخت کاروائیاں کی جارہی ہیں راؤ انوار چیف آفسیر بلدیہ

چیف آفیسر بلدیہ راؤ انوار نے کہا ہے ڈپٹی کمشنر ننکانہ چوہدری محمد ارشد کی زیر نگرانی بلدیہ ننکانہ صاحب اپنے محدود وسائل میں رہتے ہوئے عوام کو بہترین سہولیات فراہم کرنے کے لیے دن رات کوشاں ہے عید الفطر سے قبل شہر بھر میں صفائی ستھرائی کے لیے بھرپور کام کیا جارہا ہے انہوں نے مزید کہا کہ ماہ رمضان المبارک میں عوام کوسستی اشیائے خوردونوش کی فراہمی یقینی بنانے کے لیے رمضان بازار میں پھلوں اور سبزیوں سمیت تمام اشیائے ضروریہ کی موجودگی یقینی بنائی جا رہی ہے اس کے علاوہ شہر بھر میں گراں فروشوں کے خلاف بھی روزانہ کی بنیاد پر کاروائیاں کی جا رہی ہیں تاکہ عوام کو رمضان المبارک میں سستی اشیائے ضروریہ کی فراہمی یقینی بنائی جاسکے

انہوں نے مزید کہا کہ عوام کی سہولت کے لیے لگائے گئے جمعہ بازار کی تمام آمدن کو شفاف طریقہ سے سرکاری خزانہ میں جمع کروایا جا رہا ہے چند افراد جن کے مخصوص عزائم ہیں وہ بغیر کسی ثبوت کے جھوٹے اور بے بنیاد الزامات لگا کر بلدیہ کو ساخ کو متاثر کرنے کی ناکام کوشش کر رہے ہیں ایسے افراد کی نشاندہی کر کے قانونی کاروائی عمل میں لائی جائے گی