Category: ننکانہ

رپورٹ بائے عبدالرحمان یوسف
باغی ٹی وی کی رپورٹ کے مطابق پاکستان میں مقیم اقلیتی برادری بھی ملکی تعمیر و ترقی،امن و امان،دہشت گردی اورکرونا وائرس کے جلد خاتمے اور بین المذاہب ہم آہنگی کے فروغ کے لئے دعا گو ہے،مسیحی برادری کے رہنماء پاسٹر عمران فضل، مہوش عمران اور فضل ٹی وی کی طرف سے عیسیٰ نگری میں دعائیہ تقریب کا انعقاد کیا گیا۔جس میں پاکستان مسلم لیگ ن مینارٹی ونگ کے مرکزی صدر سینٹر کامران مائیکل،صوبائی وزیر ڈیزاسٹر مینجمنٹ پنجاب میاں خالد محمود اور اقلیتی ایم پی اے ہارون گل نے تقریب میں خصوصی شرکت کی۔دعائیہ تقریب میں ملک بھر سے مسیحی برادری کے ہزاروں افراد نے بھی شرکت کی۔انہوں نے اپنی مذہبی رسومات ادا کیں اور مذہبی گیت گائے۔تقریب کے دوران گفتگو کرتے ہوئے مقررین نے کہا کہ ہم سب پاکستانی ہیں اور پاکستان ہم سب کا ہے۔وطن عزیز پاکستان کو بحرانوں سے نکالنے اور اسے ترقی یافتہ،خوشحال اورپر امن ملک بنانے کے لئے حکومتی اداروں کے ساتھ ساتھ ہم سب کو اپنے اپنے حصے کا کردار ادا کرنا ہو گا۔تقریب کے اختتام پر ملکی تعمیر و ترقی،امن و امان،دہشت گردی اور کرونا وائرس کے جلد خاتمے اور ملک میں بین المذاہب ہم آہنگی کے فروغ کے لئے خصوصی دعائیں کی گئیں۔شرکاء نے شاندار تقریب کے انعقاد پر پاسٹر عمران فضل،مہوش عمران اور فضل ٹی وی انتظامیہ کا شکریہ ادا کیا۔

ننکانہ صاحب:رپورٹ بائے عبدالرحمان یوسف
باغی ٹی وی کی رپورٹ کے مطابق وزیر اعلی پنجاب کی ہدایت پر اراضی ریکارڈ سینٹر میں ڈپٹی کمشنرراجہ منصور احمد کی زیر نگرانی ریونیو عوامی خدمت کھلی کچہری لگائی گئی.

تفصیلات کے مطابق نکانہ صاحب اراضی ریکارڈ سینٹر میں لگائی جانے والی کھلی کچہری میں ڈپٹی کمشنر راجہ منصور احمد کے علاوہ اے ڈی سی آرعثمان خالد’اسسٹنٹ کمشنر صولت وٹو سمیت تحصیلدار’سب رجسٹرار پٹواریوں سمیت دیگر افسران بھی موجود تھے جہاں ریونیو کے متعلقہ عوامی مسائل سن کر موقع پر ہی حل کرنے کے احکامات جاری کیے گئے اور ڈپٹی کمشنر راجہ منصور احمد کا کہنا تھا کہ ضلع بھر کے تمام اراضی ریکارڈ سینٹرز میں دوپہر تین بجے تک ریونیو عوامی خدمت کچہریاں جاری رہے گی ریونیو عوامی خدمت کچہریوں میں ریکارڈ کی درستگی’فرد کا اجراء رجسٹری سمیت ریونیو سے متعلق دیگر معاملات حل کیے جائیں گے مسائل کے حل کے لیے آنے والے کسی بھے سائل کو کسی قسم کی بھی دشواری پیش آتی ہے تو وہ فوری میرے آفس میں آکر اطلاع کرے ۔
ترجمان ڈپٹی کمشنر ننکانہ:

ننکانہ صاحب: رپورٹ بائے عبدالرحمان یوسف
باغی ٹی وی کی رپورٹ کے مطابق ضلعی انتظامیہ ننکانہ کے زیر اہتمام سیرت النبی صلی اللہ علیہ وسلم کانفرنس کا انعقاد کیا گیا۔سیرت النبی کانفرنس میں وفاقی وزیر داخلہ اعجاز احمد شاہ نے خصوصی شرکت کی۔
کانفرنس میں ڈپٹی کمشنر ننکانہ راجہ منصور احمد،ڈی پی او اسماعیل کھاڑک،امام بادشاہی مسجد لاہور مولانا سید عبدالخبیر آزاد، معروف علماء پروفیسر غلام شبیر جامی،صاحبزادہ ڈاکٹر علامہ محب النبی طاہر سیاسی و سماجی رہنماؤں، علماء کرام اور شہریوں کی کثیر تعداد نے شرکت کی۔
اس موقع ںپر سکھ، ہندو اور مسیحی برادری کے رہنماء بھی خصوصی طور پر کانفرنس میں موجود تھے۔علماءکرام نے اپنے خطابات میں نبی صلی اللہ علیہ وسلم کے درخشاں پہلوؤں پر روشنی ڈالی اور اسوہ رسول صلی اللہ علیہ وسلم کے مطابق زندگی گزارنے کا عزم کیا۔

ننکانہ صاحب: رپورٹ بائے عبدالرحمان یوسف
باغی ٹی وی کی رپورٹ کے مطابق کسان بورڈ پنجاب کے صدرڈاکٹر عبدالجبار بٹ نے کہا ہے کہ مہنگائی نے عام آدمی کی کمر توڑ کر رکھ دی ہے،زرعی ملک کے اندر کسان لاتعداد مسائل سے دوچار ہے جن کے حل کے لئے کبھی بھی سنجیدہ اقدامات نہیں کئے گئے، 4 نومبر کو صوبہ سے بھر سے کسان پنجاب اسمبلی کے سامنے احتجاجی دھرنا دیں گے،اگرمطالبات منظور نہ ہو ئے تو تمام شاہراہوں کو بند کر دیں گے،ان خیالات کا اظہار انہوں نے کسان بورڈ ضلع ننکانہ صاحب کے جنرل ہاؤس اجلاس کے بعد ضلعی صدر کسان بورڈ ڈاکٹر رانا راشد فاروق،جنرل سیکرٹری محمد یوسف اور ضلعی امیر جماعت اسلامی حافظ حبیب ضیاء کے ہمراہ میڈیا سے گفتگو کرتے ہوئے کیا انہوں نے کہا کہ واپڈا کی طرف سے اوور بلنگ،کھادوں،بیج اور زرعی ادویات کی قیمتوں میں بے تحاشہ اضافہ کر دیا گیا ہے مگر دوسری طرف گندم اور گنے سمیت دوسری فصلوں کی قیمتیں انتہائی کم ہیں جس کی وجہ سے کسان مالی مشکلات کا شکار ہیں انہوں نے کہا کہ 4 نومبر کو صوبہ بھر سے کسانوں کی بہت بڑی تعداد پنجاب اسمبلی کے سامنے اپنے مطالبات کے حق میں احتجاجی دھرنا دے گی اگر حکومت نے سنجیدگی کا مظاہرہ نہ کیا اور ہمارے مطالبات منظور نہ کئے تو پھر صوبے کی تمام شاہراہوں کو بند کر دیں گے اور ہمارا احتجاج اس وقت تک جاری رہے گا جب تک ہمارے مطالبات منظور نہیں ہو تے۔