Baaghi TV

Category: پشاور

  • لاہور: چودہ یونین کونسلز کے ڈرین سیمپل میں پولیو وائرس کی تصدیق

    لاہور: چودہ یونین کونسلز کے ڈرین سیمپل میں پولیو وائرس کی تصدیق

    شمالی وزیرستان میں پولیو کا نیا کیس رپورٹ ، 20 ماہ کے بچے میں وائرس کی تصدیق ہو ئی ہے جبکہ چودہ یونین کونسلز کے ڈرین سے پولیو کے ماحولیاتی نمونے مثبت آئے ہیں-

    باغی ٹی وی : ای او سی کے مطابق خیبرپختونخوا کے ضلع شمالی وزیرستان سے پولیو کا نیا کیس رپورٹ ہوا۔ 20 ماہ کے بچے میں وائرس کی تصدیق کی گئی ہے –

    پاکستان کو ایک مرتبہ پھر پولیو سے شدید متاثرہ ملک قرار دیئے جانے کا خدشہ

    ای اوسی کے مطابق متاثرہ بچے کو حفاظتی ٹیکے نہیں لگوائے گئے۔نیاکیس سامنے آنے کے بعد ملک بھر میں پولیو کیسز کی تعداد 8ہوگئی۔

    ای او سی کے مطابق تمام متاثرہ 8بچوں کا تعلق خیبرپختونخوا کے قبائلی ضلع شمالی وزیرستان تحصیل میر علی اور میران شاہ سے ہے۔

    دوسری جانب لاہور میں پولیو کے ماحولیاتی نمونے ایک بار پھر مثبت نکل آئے محکمہ صحت کے مطابق ملتان روڈ کی سائٹ کا سیمپل لیا گیا۔ جہاں چودہ یونین کونسلز کے ڈرین سے پولیو کے ماحولیاتی نمونے مثبت آئے۔ یہ یونین کونسلز علامہ اقبال ٹاون اور سمن آباد کے علاقے میں ہیں۔

    انچارج انسداد پولیو پروگرام پنجاب رملہ علی کا کہنا ہے کہ ایک سال بعد جا کر ماحولیاتی نمونے مثبت آئے ہیں اس کا ایک ہی حل ہے کہ انسداد پولیو کی زیادہ سے زیادہ مہمات چلائی جائیں۔

    ڈسٹرکٹ ہیلتھ اتھارٹی کے مطابق ملتان روڈ کی سائٹ پر ای پی آئی کی خصوصی مہم شروع کی جا رہی ہے اور ہنگامی بنیادوں پر دس میڈیکل کیمپ بھی لگائے جائیں گے۔

    واضح رہے کہ عالمی ادارہ صحت کی جانب سے پاکستان کو ایک مرتبہ پھر پولیو سے شدید متاثرہ ملک قرار دیئے جانے کا خدشہ ہے عالمی ادارہ صحت (ڈبلیو ایچ او)نے پاکستان میں پولیو کیسز کی بڑھتی صورتحال پر سخت تشویش کا اظہار کرتے ہوئے کہا کہ بروقت اقدامات نہ ہونے کی صورت میں پاکستان اور افغانستان میں پولیو کیسز میں مزید اضافے کا خدشہ ہے۔

    شمالی وزیرستان میں پولیو کا ایک اورکیس سامنے آگیا

    حال ہی میں ڈبلیو ایچ او اور یونیسیف کے گلوبل پولیو پروگرام کے سینئر ڈائریکٹر کے وفد نے پاکستان کا دورہ کیا۔دورے کے دوران گلوبل پولیو پروگرام کے سینئر ڈائریکٹر کے وفد نے پاکستان انسداد پولیو مہم اقدامات کا تفصیلی جائزہ لیا۔ذرائع کے مطابق پولیو سے شدید متاثرہ ملک قرار دیئے جانے کے خدشے کے باعث پاکستان کی انسداد پولیو کی کوششوں میں تیزی آگئی۔

    ذرائع نے بتایا کہ ملک بھر میں پولیو قطرے پلانے کے بعد تصدیقی ٹیموں نے بھی گھروں کا معائنہ شروع کر دیا جبکہ گزشتہ کئی برس سے پاکستان اور افغانستان کے علاوہ دنیا کےتمام ممالک میں پولیو فری قرار شدہ ہیں دوسری پولیو مہم کا آغاز 23 مئی کو ہوا،رواں سال دوسری انسداد پولیو مہم کے دوران پولیو کے قطرے پینے والے بچوں کی تعداد 43 ملین تک پہنچ گئی کیمپین کے دوران بچوں کو وٹامن اے کے قطرے بھی پلائے گئےجنوری 2021 میں پولیو کا آخری کیس سامنےآئے جبکہ رواں برس پاکستان میں پولیو کے 8 کیسز رپورٹ ہوچکے ہیں جبکہ رواں سال لاہور سمیت پنجاب بھر میں پولیو کا کوئی کیس رپورٹ نہیں ہوا۔

    کچھ بھی کریں،2 گھنٹے سےزیادہ لوڈشیڈنگ برداشت نہیں،وزیراعظم شہباز شریف

  • سرکاری ہیلی کا استعمال ،اور پھر دوسروں پر تنقید، عمران خان کا دوہرا معیار

    سرکاری ہیلی کا استعمال ،اور پھر دوسروں پر تنقید، عمران خان کا دوہرا معیار

    سرکاری ہیلی کا استعمال ،اور پھر دوسروں پر تنقید، عمران خان کا دوہرا معیار

    باغی ٹی وی کی رپورٹ کے مطابق تحریک انصاف کے چیئرمین عمران خان ایک طرف پٹرول کی قیمتیں بڑھنے پر موجودہ حکومت پر تنقید کرتے نظر آتے ہیں تو دوسری جانب عمران خان پارٹی چیئرمین ہونے کا فائدہ اٹھاتے ہوئے صوبائی حکومت خیبر پختونخواہ کا ہیلی کاپٹر بھی مسلسل استعمال کر رہے ہیں، عمران خان کی جانب سے جلسوں میں جاتے ہوئے سرکاری ہیلی کاپٹر استعمال کیا جاتا ہے،آج بھی بونیر جاتے ہوئے عمران خان نے صوبائی حکومت کا ہیلی کاپٹر استعمال کیا،

    صوابی میں جلسہ ہوا تھا تو اس میں بھی عمران خان ہیلی کاپٹر کے ذریعے پہنچے تھے اور کہا یہ جاتا ہے کہ وزیراعلیٰ ہیلی استعمال کرتے ہیں تو عمران خان ساتھ چلے جاتے ہیں، سیاسی جلسوں کے لئے سرکاری وسائل کے استعمال پر عوام نے سوال اٹھا دیئے ہیں

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

    سابق وزیراعظم عمران خان نے کہا ہے کہ فضل الرحمان نےہمیشہ ذاتی مفادات کی سیاست کی ،عمران خان نے بونیر میں جلسہ سے خطاب کرتے ہوئے کہا کہ بیرونی سازش کے تحت یہ امپورٹڈ حکومت ہم پرمسلط ہوئی، نواز شریف نے کبھی نریندر مودی کیخلاف بات نہیں کی، آصف زرداری اس ملک کی بہت بڑی بیماری ہیں،آصف علی زرداری کو پیسے کی بیماری ہے، پیسے دیکھ کر آصف زرداری کی کانپیں ٹانگ جاتی ہیں،ڈونلڈ لو کے ذریعے امریکہ نے دھمکی دی کہ عمران خان کواقتدارسے ہٹا دو،7مارچ کو مراسلہ بھیجا جاتا ہے،8مارچ کو تحریک عدم اعتماد کی تحریک پیش کی جاتی ہے،امریکا کبھی نہیں چاہتا کہ پاکستان مستحکم ہو،اتحادیوں کوبھی اچانک یاد آ جاتا ہے کہ پی ٹی آئی حکومت بری ہوگئی ،بہت شورمچایا جاتا کہ تحریک انصاف کی حکومت نے مہنگائی کر دی،کانپیں ٹانگنے والے بلاول نے ہماری حکومت میں مہنگائی کیخلاف مارچ کیا،

    عمران خان کا مزیدکہنا تھا کہ اگرمیرا پیسہ باہرہوتا توکبھی ان کے سامنے ایبسلوٹلی ناٹ نہیں کہہ سکتا،امریکی جنگ میں شرکت کرکے ہم نے اپنا نقصان اٹھایا،زراداری اور نواز شریف نے ایک بار بھی ڈرون حملوں کی مذمت نہیں کی،کیاکبھی پہلے کسی نے ایک ہفتے میں پیٹرول 30 روپے مہنگا کیا؟ آئی ایم ایف ہمیں بھی پیٹرول مہنگا کرنے کا کہتا تھا ،ہم نےعوامی مفاد کومد نظررکھ کرفیصلے کیے،سوویت یونین معاشی بدحالی کی وجہ سےٹوٹا،پاکستان میں شریف اور زرداری خاندان نے30سال حکومت کی ،آج یہ کوشش کر رہے ہیں عمران خان پر غداری کا مقدمہ کر کے راستے سے ہٹایا جائے،یہ نیب کو ختم کرنے جا رہے ہیں نیب ختم ہونے سے ان پر اربوں روپے کی کرپشن کے کیسز ختم ہوجائیں گے ترکی میں شہباز شریف نے اپنے مفرور بیٹے کو بٹھایا ہوا تھا، یہ الیکشن میں دھاندلی کر کے جیتنے کی پوری تیاری کر رہے ہیں،انہوں نے الیکشن کمیشن کے ساتھ مل کر پہلے سے ہی میچ فکس کیا ہوا ہے، انہوں نے پولیس کو ساتھ ملا کر جھوٹے کیسز بنائے، 25کی رات جو ظلم ہوا پہلے اس ملک میں کبھی نہیں ہوا، بے دردی سے بچوں اور عورتوں پر شیلنگ کی گئی،پولیس چادر اور چار دیواری کی پروا کئے بغیر گھروں میں گھس گئی،میں تو کنٹینر میں تھا معلوم ہی نہیں تھا باہر کتنا ظلم ہوا ،یہ خوف اور دھمکیوں کے ذریعےلوگوں کوڈرا رہے ہیں ،اگرآج آپ اس ظلم کا مقابلہ نہیں کریں گے توآپ کے بچوں کومقابلہ کرناپڑے گا، سپریم کورٹ کو پیغام دینا چاہتا ہوں میں نے آج تک قانون نہیں توڑا،126دن کا دھرنا دیا ہمارے لوگ پرامن رہے، کبھی نہیں چاہیں گے کہ اپنے لوگوں کی سکیورٹی اداروں سے محاذ آرائی ہو،میں کال دوں گا آپ سب نے آنا ہے، ہم حقیقی آزادی کیلئے مارچ کریں گے،

    قبل ازیں تحریک انصاف کے رہنما فواد چودھری کا کہنا تھا کہ کراچی کے شہری پٹرول پمپوں کو نقصان کیوں پہنچا رہے ہیں؟ آپ کو MQM کے دفاتر کے سامنے احتجاج کرنا چاہئے جن کی مدد اور حمایت سے مہنگائی کا یہ طوفان آیا ، خالد مقبول صدیقی، امین الحق اور فیصل کو مفت پٹرول کی قیمت کراچی اور پاکستان کے عوام کو دینی پڑ رہی ہے

    تحریک انصاف کے رہنما شہباز گل کا کہنا تھا کہ سابق وزیراعظم کو اسلام آباد پولیس کی طرف سے دی گئی سیکورٹی واپس لے لی گئی۔ اسلام آباد پولیس کے تمام لوگوں کو کل شام واپس بلا لیا گیا۔ایک طرف ایک مجرمہ مریم صفدر کو وزیراعظم کے برابر سیکورٹی دی جا رہی ہے دوسری طرف امت مسلمہ کے لیڈر سے سیکورٹی واپس۔

    وہ کون ہے جس نے احسان فراموش عمران خان کیلیے ملک کی بقا کی خاطر سب کچھ کیا؟

    سیاسی مفادات کے لئے ملک کونقصان نہیں پہنچانا چاہئے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

  • لانگ مارچ سے ایک روز قبل چار کروڑ کا چیک پشاور بار کو دینے پر سوال کھڑے ہو گئے

    لانگ مارچ سے ایک روز قبل چار کروڑ کا چیک پشاور بار کو دینے پر سوال کھڑے ہو گئے

    لانگ مارچ سے ایک روز قبل چار کروڑ کا چیک پشاور بار کو دینے پر سوال کھڑے ہو گئے

    باغی ٹی وی کی رپورٹ کے مطابق تحریک انصاف کے چیئرمین عمران خان کی حکومت جانے کے بعد عمران خان نے پشاور سے اسلام آباد کی جانب گزشتہ ماہ لانگ مارچ کیا

    عمران خان پشاور سے اسلام آباد آئے اور خطاب کر کے واپس چلے گئے، عمران خان نے بنی گالہ کو چھوڑ دیا ہے اور پشاور میں ڈیرے ڈالے ہوئے ہیں، اب انکشاف ہوا ہے کہ لانگ مارچ سے ایک روز قبل خیبر پختونخواہ حکومت کی جانب سے پشاور بار کو چار کروڑ روپے کا چیک دیا گیا ہے،یہ چیک 25 مئی کو دیا گیا ہے اور عمران خان 26 مئی کو لانگ مارچ کے لئے نکلے تھے، خیبر پختونخواہ میں تحریک انصاف کی حکومت ہے اور لانگ مارچ سے ایک روز قبل ہی پشاور بار کو چار کروڑ کا چیک دینے پر سوالیہ نشان اٹھ رہے ہیں، اسلام آباد سے صحافی عون شیرازی چیک کی تصویر شیئر کرتے ہوئے کہتے ہیں کہ یہ حلال ہے کیونکہ کپتان کی جانب سے دیا گیا ہے،اس سے کون کیا ،کتنا فائدہ چاہتا ہے،کتنا فائدہ ملا رہنے دیں

    سماجی رابطے کی ویب سائٹ ٹویٹر پر ایک صارف کا کہنا تھا کہ پی ٹی آئی نے پشاور بار کو 25 مئی کو چندے کا چیک حوالے کر کے احتجاج میں شرکت کی دعوت دی۔ پشاور کے وکلاء نے PTI کے اس اقدام کی شدید مذمت کی۔

    اینکر سلیم صافی نے ٹویٹ کرتے ہوئے کہا کہ پشاور بار ایسوسی ایشن کو عمران خان کی حکومت نے چار کروڑ روپے کا چیک خونی مارچ والی صبح ہی کیوں جاری کیا؟ کیا یہ خونی مارچ کے لئے وکلا کے ضمیروں کو دبانے کی کوشش تو نہیں؟۔ گذشتہ 9 سال سے پختونخوا میں پی ٹی آئی کی حکومت ہے۔ اتنے عرصے میں ایسی مہربانی کیوں نہیں کی؟

    واضح رہے کہ تحریک انصاف کی جانب سے لانگ مارچ سے قبل بار کو چار کروڑ کے چیک کی ادائیگی پر سوالات اٹھائے جا رہے ہیں ،

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    لانگ مارچ، عمران خان سمیت تحریک انصاف کے رہنماؤں پر مقدمہ درج

    کابینہ ارکان پر کرپشن کے الزامات ،خود کیسے اپنے حق میں رولز بدل سکتے ہیں؟سپریم کورٹ

  • سب سے بزدل ظالم ہوتا ہے،عمران خان

    سب سے بزدل ظالم ہوتا ہے،عمران خان

    سب سے بزدل ظالم ہوتا ہے،عمران خان

    تحریک انصاف کے چیئرمین عمران خان نے کہا ہے کہ ملک کے لیے فیصلہ کن وقت ہے،میڈیا نے 25 مئی کو مشکل وقت میں کوریج کی،

    سابق وزیراعظم عمران خان کا کہنا تھا کہ آپ نے جذبے اور دلیری سے کوریج کی، 30سال سے جرم کرنے والے آج اوپر آکر بیٹھ گئے،رانا ثنا اللہ نے ماڈل ٹاون میں14افراد کو قتل کرایا،رانا ثنا اللہ کا پھر بیان آیا ہے میں یہ کروں گا وہ کروں گا،اللہ کسی کو اجازت نہیں دیتا کہ وہ کہے کہ میں نیوٹرل ہوں،اس جدوجہد کو سیاست نہیں جہاد سمجھیں،4ہزار انگریزوں نے ہندوستان پر حکومت کی،جنرل ڈائر نے جلیانوالہ باغ میں لوگوں پر گولیاں برسائیں لوگوں پر گولیاں برسانے کا مقصد خوف پھیلانا تھا، عدالتیں کمزوروں کو طاقتور کرنے کے لیے بنتی ہیں، یہ جنگ لڑنی پڑے گی،طاقتور بڑے نہیں چھوٹے چور پکڑتے ہیں،سب سے بزدل ظالم ہوتا ہے،جو شیلز دہشت گردوں پر استعمال کیے جاتے ہیں، وہی مارچ میں استعمال ہوئے،

    عمران خان کا مزید کہنا تھا کہ استعفوں کی تصدیق کیلئےجانےکی ضرورت نہیں،قومی اسمبلی فلورپراسپیکرکے سامنے مستعفی ہونے کا اعلان کیا ،اسمبلی میں واپس جانا امپورٹڈحکومت کو تسلیم کرنا ہے کسی رکن کوانفرادی طورپراسمبلی جانے کی ضرورت نہیں

    واضح رہے کہ عمران خان نے لانگ مارچ کا اعلان کر رکھا تھا اور ایک ہفتے کی مہلت دی تھی کہ الیکشن کا اعلان کیا جائے، آج ایک ہفتے کی مہلت پوری ہو چکی ہے اور الیکشن کا اعلان نہیں کیا گیا،عمران خان کیا لائحہ عمل اختیار کرتے ہیں، ابھی کچھ نہیں کہا جا سکتا، تحریک انصاف کے رہنما و کارکنان گرفتار کئے گئے تھے جس کی وجہ سے گزشتہ لانگ مارچ میں کم لوگ نکلے تھے

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    اللہ تعالیٰ اس ملک کے سیاست دانوں کو ہدایت دے،لاہور ہائیکورٹ کے ریمارکس

    لانگ مارچ، راستے بند، بتی چوک میں رکاوٹیں ہٹانے پر پولیس کی شیلنگ،کئی گرفتار

    پی ٹی آئی عہدیدار کے گھر سے برآمد اسلحہ کی تصاویر سامنے آ گئیں

  • سیاسی رہنماؤں کی تقاریر میں وہ شائستگی نہیں رہی جو پہلے ہوا کرتی تھی،پشاور ہائی کورٹ

    سیاسی رہنماؤں کی تقاریر میں وہ شائستگی نہیں رہی جو پہلے ہوا کرتی تھی،پشاور ہائی کورٹ

    پشاور ہائی کورٹ نے کہا کہ سیاسی رہنماؤں کی تقاریر میں وہ شائستگی نہیں رہی جو پہلے ہوا کرتی تھی-

    باغی ٹی وی :پشاور ہائی کورٹ میں ٹک ٹاک پر غیر اخلاقی مواد شیئر ہونے سے متعلق کیس کی سماعت ہوئی، سماعت چیف جسٹس قیصر رشید اور محمد ابراہیم خان نےکی۔

    پاکستان میں فیس بک کا دفترکھولنے سے متعلق خبروں پر ایف آئی اےکا بیان سامنے آگیا

    پی ٹی اے کے وکیل عدالت میں پیش ہوئے اور عدالت کوبتایا کہ لاکھوں کی تعداد میں غیراخلاقی ویڈیوزبلاک کی گئیں ہیں اور وارننگ کے بعد فلٹریشن عمل مزید سخت کیا گیا ہے،سیکڑوں ماہرین بھرتی کیےگئےہیں، ویڈیوز اپ لوڈ ہونے سے پہلے جانچ پڑتال کرتے ہیں۔

    وکیل درخواست گزار نے عدالت کو بتایا کہ اب بھی بہت سی چیزیں اپ لوڈ ہو رہی ہیں۔

    ریاست کے خلاف لانگ مارچ ہوا تو سختی سے پیش آیا جاۓ گا، رانا ثناء اللہ

    چیف جسٹس قیصر رشید نے ریمارکس دیےکہ بعض چیزیں پی ٹی اے کے دائرہ اختیار میں نہیں، عدالتی احکامات پر اب کافی حد تک عمل درآمد کیا گیا ہے اور لاکھوں کی تعداد میں ویڈیوز ختم کی گئی ہیں اور ہزاروں ایسے افرادکے اکاؤنٹس بلاک کیےگئے ہیں۔

    چیف جسٹس نے مزید کہا کہ آج کل ٹاک ٹاک ایک طرف، اب تو سیاسی لیڈر شپ بھی ناشائستہ زبان استعمال کر رہی ہے، ان کی تقاریرمیں وہ شائستگی نہیں رہی جو پہلے ہوتی تھی، حکومت کو اس حوالے سے ضروری اقدامات کرنے چاہئیں۔

    عدالت عالیہ نے ٹک ٹاک پر غیر اخلاقی مواد شیئر ہونے سے متعلق رٹ پٹیشن نمٹادی۔

    عوامی مسا ئل فو ری حل کر نے کیلئے کھلی کچہریاں شر وع کیں،وفاقی محتسب

  • آصف زرداری سے رابطوں بارے عمران خان نے خاموشی توڑ دی

    آصف زرداری سے رابطوں بارے عمران خان نے خاموشی توڑ دی

    آصف زرداری سے رابطوں بارے عمران خان نے خاموشی توڑ دی
    باغی ٹی وی کی رپورٹ کے مطابق سابق وزیراعظم عمران خان نے کہا ہے کہ حکومت میں تھے تو اسرائیل کو تسلیم کرنے کیلئے دباؤتھا،پیغام بھیجا گیاکہ اپنے ملک کا سوچیں،پیغام کس کی طرف سے آیا تھا یہ ابھی نہیں بتا سکتا،امریکہ کے زیر اثرمخصوص لابی مسلم ممالک سے اسرائیل کوتسلیم کرانا چاہتی ہے،

    عمران خان نے عدم اعتماد کے دوران آصف زرداری سے رابطوں کی تردید کی اور کہا کہ 26 سال سے کہہ رہاہوں آصف زرداری اورن لیگ ایک ہیں،لانگ مارچ ختم کرنےکے پیچھےکوئی ڈیل نہیں،لانگ مارچ ختم نہ کرتا تو خون خرابہ  ہوتا، اسمبلیوں سے مستعفی ہو چکے .

    عمران خان کا مزید کہنا تھا کہ استعفوں کی تصدیق کیلئےجانےکی ضرورت نہیں،قومی اسمبلی فلورپراسپیکرکے سامنے مستعفی ہونے کا اعلان کیا ،اسمبلی میں واپس جانا امپورٹڈحکومت کو تسلیم کرنا ہے کسی رکن کوانفرادی طورپراسمبلی جانے کی ضرورت نہیں

    واضح رہے کہ عمران خان کے حوالہ سے ملک ریاض اور آصف زرداری کی آڈیو لیک ہوئی تھی جس کے بارے میں کہا گیا ہے کہ عمران خان نے عدم اعتماد کے دنوں میں مفاہمت کی اپیل کی تھی جسے آصف زرداری کی جانب سے مسترد کر دیا گیا تھا

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    اللہ تعالیٰ اس ملک کے سیاست دانوں کو ہدایت دے،لاہور ہائیکورٹ کے ریمارکس

    لانگ مارچ، راستے بند، بتی چوک میں رکاوٹیں ہٹانے پر پولیس کی شیلنگ،کئی گرفتار

    پی ٹی آئی عہدیدار کے گھر سے برآمد اسلحہ کی تصاویر سامنے آ گئیں

  • اس بار بھر پور تیاری کے ساتھ جائیں گے،عمران خان

    اس بار بھر پور تیاری کے ساتھ جائیں گے،عمران خان

    باغی ٹی وی کی رپورٹ کے مطابق تحریک انصاف کے چیئرمین عمران خان نے کہا ہے کہ یہ اس قوم کی حقیقی آزادی کی جنگ ہے آپ نے ملک بچانے کو جہاد سمجھنا ہے،

    سابق وزیراعظم عمران خان کا کہنا تھا کہ ملک فیصلہ کن موڑ پر کھڑا ہے،جمہوریت کی اخلاقیات ہوتی ہیں، پاکستان میں سب حکومتیں کرپشن کے الزامات کے تحت گئیں،ہماری حکومت پہلی حکومت ہے جس پر کرپشن کا کوئی الزام نہیں،2022میں ملک کی گروتھ 6 فیصد تھی، ہماری حکومت میں ایکسپورٹ ریکارڈ پر گئیں،کرونا کے حوالے سے سب سے بہتر اقدامات ہم نے کئے، کورونا کے بعد سب سے زیادہ روز گار ہماری حکومت نے دی جومراسلہ امریکا سے آیااس میں واضح طور پر دھمکی دی گئی ہے پاکستان کورونا کے خلاف اقدامات کرنے میں ٹاپ 5 ملکوں میں تھا،کبھی پاکستان کی سڑکوں پر اس طرح عوام نہیں نکلے، ڈونلڈ لو ہمیں دھمکی دیتا ہے عمران خان کو نہیں ہٹاؤ گے تو مشکلات کا سامنا کرنا پڑے گا، ایک سازش کے تحت پی ٹی آئی کی حکومت گرائی گئی،آج ہم کھڑے نہ ہوئے توآئندہ نسلیں معاف نہیں کریں گی،

    سابق وزیراعظم عمران خان کا کہنا تھا کہ 62سال پاکستان 2 خاندانوں کے ہاتھوں میں چلا ہے، میرا دور حکومت صرف ساڑھے 3 سال چلا ہے میں کسی سے کوئی جنگ نہیں چاہتا،ہندوستان نے کبھی کسی کی جنگ میں شرکت نہیں کی،ہندوستان کبھی اجازت دےگا کہ امریکا جا کر وہاں ڈرون حملہ کرے؟ہمارا سب سے بڑا دہشتگرد لندن میں بیٹھا ہے، ہم نے امریکہ کی جنگ لڑی انہوں نے شکریہ تک ہمیں نہیں کہا، روس ہمیں 30فیصدکم قیمت پر تیل دینے کیلئے تیار تھا،ہندوستان نے روس سےکم قیمت پر تیل خریدا،ہم نے 30روپے ڈیزل اور پٹرول کی قیمت بڑھائی ،آپ عوام کیلئے نہیں کسی اور کو خوش کرنے کیلئے فیصلے کرتے ہیں،الیکشن کرانے سے آپ ڈرتے ہیں،عوام میں آپ نہیں جا سکتے ،ان کا سپریم کورٹ نے سیسیلین مافیا کا نام ٹھیک رکھا ہے،بےنظیر کی انہوں نے تصویریں پھینکی تھیں ،انہوں نے لوگوں کو مارا،35ہزار شیلنگ کی، انہوں نے ایسے شیل استعمال کئے جو دہشتگر وں کیلئے ہوتے ہیں،

    سابق وزیراعظم عمران خان کا کہنا تھا کہ مرغی کی قیمتیں دگنی ہوگئی ہے جب سے حمزہ شہبازوزیراعلیٰ بنا ہے ،جب تک قانون کی بالادستی نہیں ہوگی ملک آگے نہیں بڑھ سکے گا، جو ملک طاقت ور مجرموں کو کٹہرے میں لے آتا ہے وہ ترقی کر جاتا ہے،پہلے ہم تیاری کے بغیر گئے تھے،اس بار بھر پور تیاری کے ساتھ جائیں گے، میں اس امپورٹڈ حکومت کو کسی صورت قبول نہیں کروں گا،ایک وزیراعلیٰ کو بچانے کی کوشش کی جارہی ہے، حمزہ شہباز کو فوری طور پرہٹایا جائے، پاکستان میں فوری فری اینڈ فیئر الیکشن کرائے جائیں،سپریم کورٹ ہمیں پروٹیکشن دیں تو نئی حکمت عملی بنائیں گے سپریم کورٹ نے اجازت نہیں دیں تو دوسری حکمت عملی بنائیں گے

    رافیل اور ایف سولہ میدان جنگ میں آمنے سامنے ،سنئے مبشر لقمان کی زبانی تہلکہ خیز انکشافات

    خطے میں قیام امن کیلئے اسرائیل اور متحدہ عرب امارات کے مابین ڈیل ہو گئی

    متحدہ عرب امارات اور اسرائیل کے مابین معاہدے پر ترکی بھی میدان میں آ گیا

    ترکی اسرائیل کے لئے ایران سے بڑا خطرہ بن چکا ہے، موساد سربراہ

    ‏فلسطینی لڑکی مریم عفیفی کی گرفتاری کے دوران مسکراہٹ، عالمی برادری کو جھنجھوڑ کر رکھ دیا

  • اب تیاری کے ساتھ آئینگے،جو ہمارے ساتھ ہوا آئندہ کیسے بچنا ہے پلان بنا لیا،عمران خان

    اب تیاری کے ساتھ آئینگے،جو ہمارے ساتھ ہوا آئندہ کیسے بچنا ہے پلان بنا لیا،عمران خان

    اب تیاری کے ساتھ آئینگے،جو ہمارے ساتھ ہوا آئندہ کیسے بچنا ہے پلان بنا لیا،عمران خان

    تحریک انصاف کے چیئرمین عمران خان نے کور کمیٹی اجلاس کےبعد پریس کانفرنس کرتے ہوئے کہا ہے کہ ہم نے کبھی پرتشدد احتجاج نہیں کیا،

    عمران خان کا کہنا تھا کہ پرامن کارکنوں پر تشدد کیا گیا ہم نے ہمیشہ پرامن احتجاج کیا ہم اس معاملے کو ہر فورم پر اٹھائیں گے، ہمارا 26 سالہ ریکارڈ ہے کبھی قانون کی خلاف ورزی نہیں کی، ہماری جماعت میں کوئی شدت پسند ونگ نہیں،بیرونی سازش تحریک عدم اعتماد کو کامیاب کرنے کیلئے ہوئی،منتخب وزیراعظم کو اس لیے ہٹایا گیا کیونکہ وہ آزاد خارجہ پالیسی چاہتا تھا، قوم کو سمجھنے میں صرف 6 ہفتے لگے، ڈیڑھ ماہ میں ہی انہوں نے ڈیزل اور پیٹرول کی قیمتوں میں 30 روپے کا اضافہ کیا، ہندوستان امریکا کا اسٹرٹیجک پارٹنر ہے پھر بھی وہاں تیل کی قیمتیں کم ہوئیں،ہندوستان نے روس سے سستا تیل خرید کر قیمتیں کم کیں، پیٹرول اور ڈیزل کی قیمتیں آئی ایم ایف کے دباؤ میں آکر بڑھائی گئیں،ہندوستان تو امریکا کے دباؤ میں نہیں آیا،میرے خلاف سازش کر کے غلاموں کو مسلط کیا گیا، مراسلے میں لکھا ہے کہ عمران خان روس کیوں گیا،ہم امپورٹڈ حکومت کو کبھی نہیں مانیں گے، احتجاج بھی اسی وجہ سے تھا،موجودہ حکومت میں 60 فیصد لوگ ضمانت پر ہیں،کابینہ میں شامل لوگ اس ملک کے کرپٹ ترین لوگ ہیں 26سال پہلے جب سیاست میں آیا تب بھی کہا تھا یہ دونوں کرپٹ ہیں،جب ہم اقتدار میں آئے تو ان پر سب مقدمات پہلے سے تھے،ہم نے مقصود چپڑاسی کے علاوہ ان پر کوئی کیس نہیں بنایا، اس مافیا کے دباؤ کی وجہ سے وہ کیسز ختم ہی نہیں ہوتے تھے

    عمران خان کا مزید کہنا تھا کہ اپنی جان قربان کر دوں گا اور انہیں کبھی قبول نہیں کروں گا، کور کمیٹی کے اجلاس میں آئندہ کے لائحہ عمل کا جائزہ لیا، ہم نے اپنی تیاریاں شروع کر دی ہیں، انہیں 6 دن کا وقت دیا تھا، انہوں نے ہمارے خلاف گلو بٹ استعمال کئے،اس بار پوری تیاری کے ساتھ آئیں گے، آج سے سب کو مارچ کی تیاری کرنے کو کہہ دیا ہے، جو ہمارے ساتھ ہوا اس سے آئندہ کیسے بچنا ہے پلان بنا لیا پیر کو ہم اس معاملے پر سپریم کورٹ میں پٹیشن دائر کرنے جا رہے ہیں،عدالت سے پوچھیں گے کیا احتجاج کسی جمہوری جماعت کا حق ہے کہ نہیں، لندن میں 20 لاکھ لوگ عراق وار کے خلاف نکلے ایک کنٹینر نہیں لگا، ڈاکٹر یاسمین پر تشدد کیا گیا، ان کی عمر 70 سال سے بھی اوپر ہے ہم کوئی اسلام آباد میں انتشار پھیلانے آ رہے تھے؟ہمارے خلاف پی ٹی وی کا کیس فراڈ تھا،اب بھی کہہ رہے ہیں کہ انہوں نے درختوں کو آگ لگا دی، سی سی پی او لاہور، ڈی آئی جی آپریشنز، آئی جی اسلام آباد کیخلاف ایف آئی آر کٹوائیں گے ان سب کی شکلیں سوشل میڈیا پر ڈالیں گے،اب پاکستان کی جمہوریت کا امتحان ہے، کیا یہ پرامن احتجاج کے راستے روکیں گے اور ہم خاموش ہو جائیں گے،

    عمران خان کا مزید کہنا تھا کہ آج ملک میں روپیہ بہت تیزی سے گر رہا ہے، اتنی مہنگائی پہلے کبھی نہیں ہوئی اگر انہیں روکا نہ گیا تو سب ذمہ دار ہوں گے یہ فاشسٹ ہیں، جیسے ہی حکومت میں آتے ہیں ایسی حرکتیں کرتے ہیں، میں اُس روز صرف لوگوں کے غصہ کی وجہ سے رکا،سپریم کورٹ نے ہمیں صبح کوئی گائیڈلائنز دیں، سمجھے سب ٹھیک ہو گیا جو ہمارے ساتھ ہوا ہم اس کیلئے تیار ہی نہیں تھے،مجھے یقین تھا وہاں خون خرابہ ہونا تھا گولیاں چل جانی تھیں،اوورسیز پاکستانیوں کی ووٹنگ ختم کرنے کیخلاف عدالت جارہے ہیں، چیئرمین نیب کی تعیناتی بھی عدالت میں چیلنج کریں گے، عدالت میں اوورسیز پاکستانیوں کی ووٹنگ کے خاتمے کو چیلنج کریں گے، نیب قوانین میں ترمیم کا معاملہ بھی عدالت میں چیلنج کریں گے،

    ہمارا اولین مطالبہ الیکشن کی تاریخ ہے مذاکرات کا دروازہ ہمیشہ کھلا رہنا چاہیےمیں کوئی جنگ تو نہیں چاہتا صرف الیکشن کا مطالبہ کر رہا ہوں، صاف و شفاف الیکشن کی طرف پہنچنے کیلئے بات چیت کیلئے تیار ہوں،ہم شریف خاندان کو اچھی طرح جانتے ہیں، طاہر القادری کے ساتھ جو کچھ کیا گیا اسے سبق سکھایا گیا تھاافسوس ہوتا ہے یہ ہمیشہ سزا سے بچ جاتے ہیں، شہباز شریف نے نواز شریف کی واپسی کی گارنٹی دی تھی ہماری کابینہ نے کہا تھا 7 ارب روپے کا ضمانتی بانڈ ہی رکھوا لو،اُنہوں نے کہا ایسے ہی ٹھیک ہے جب تک الیکشن کی تاریخ نہیں ملتی بات آگے نہیں بڑھ سکتی،

    ڈاکٹر یاسمین راشد کا کہنا تھا کہ جس طرح تشدد ہوا آپ سب نے دیکھ لیا،وہاں کوئی لیڈی پولیس نہیں تھی، آنسو گیس کا بے دریغ استعمال کیا گیا،میں نے گاڑی روکی لیکن ڈنڈے برسائے گئے،72سال کی ہونے والی ہوں، ایسی غنڈہ گردی زندگی میں کبھی نہیں دیکھی انہوں نے پرائیویٹ گاڑیوں کو بھی توڑا،

    چیئرمین عمران خان کی زیرصدارت پی ٹی آئی کور کمیٹی کا اجلاس پشاورمیں ہوا.پی ٹی آئی کور کمیٹی اجلاس میں 6 دن کے ڈیڈ لائن سمیت دیگر امور پر غور کیا گیا، پی ٹی آئی کور کمیٹی اجلاس میں دوبارہ مارچ کرنے پر بھی مشاورتکی گئی، اجلا س میں شاہ محمود قریشی، پرویز خٹک، شاہ فرمان ،اسد عمر، وزیراعلیٰ محمود خان شریک تھے

    دوسری جانب پی ٹی آئی رہنما فواد چودھری نے سوشل میڈیا پر کردار کشی کرنے کے الزام میں استغاثہ دائر کر دیا ،ایڈشنل سیشن جج حسنین اظہر نے فریقین کو 4 جون تک نوٹسز جاری کر دئیے ،فواد چودھری کا کہنا تھا کہ سوشل میڈیا پر میرے خلاف ہتک آمیز پروگرام چلایا گیا،مجھ پر اپنے رشتہ دار کو ایم ڈی پی ٹی وی لگانے اور کرپشن کے سنگین الزامات لگائے، یوٹیوبر نے مجھ و دیگر پر کرپشن کے بے بنیاد الزام لگا کر ساکھ کو نقصان پہنچایا کردار کشی کرنے والے یوٹیوبر کیخلاف کارروائی اور نام ای سی ایل میں ڈالا جائے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    لانگ مارچ میں فیاض الحسن چوہان کتنے بندے لے کر نکلے،ویڈیو وائرل

  • حکومت کی جانب سے تشدد کو کسی صورت معاف نہیں کریں گے،وزیر اعلیٰ خیبر پختونخوا

    حکومت کی جانب سے تشدد کو کسی صورت معاف نہیں کریں گے،وزیر اعلیٰ خیبر پختونخوا

    وزیر اعلیٰ خیبر پختونخوا محمود خان نے کالام میں عوامی اجتماع سے خطاب کرتے ہوئے کہا ہے کہ امپورٹڈ حکومت نے آزادی مارچ کے دوران پر امن کارکنوں پر بدترین تشدد کیا،

    وزیر اعلیٰ خیبر پختونخوا محمود خان کا کہنا تھا کہ ہم امپورٹڈ حکومت کی جانب سے تشدد کو کسی صورت معاف نہیں کریں گے، کارکنوں کو یقین دلاتا ہوں کہ امپورٹڈ حکومت کے تشدد کا بدلہ ہر صورت لیا جائے گا، وزیراعظم اور وزیر داخلہ کے خلاف شہید کارکنوں کے قتل کا مقدمہ درج ہوگا،رانا ثنا اللہ نے میرے خلاف ایف آئی آر درج کروائی ہے، رانا ثنا اللہ کے قلم میں جتنا زور ہے میرے خلاف استعمال کرے، امپورٹڈ حکومت جتنا بھی تشدد کرے ہم حقیقی آزادی کی جنگ سے پیچھے ہٹنے والے نہیں، ہمارے لیڈر عمران خان دوبارہ کال دیں گے تو اسے زیادہ تعداد میں عوام نکلے گی،ہمارے پر امن کارکنوں پر جو تشدد ہوا اس کی ملکی تاریخ میں مثال نہیں ملتی یہ ملک اس لیے نہیں بنا تھا کہ یہ وسائل چوری کرکے بیرون ملک اپنے اثاثے بنائیں، امپورٹڈ وزیر اعظم نیب کو مطلوب ہے اور آدھے سے زیادہ کابینہ ضمانت پر ہے، کالام گبرال ہائیڈرو پاور پراجیکٹ علاقے کی ترقی و خوشحالی میں سنگ میل ثابت ہوگا، منصوبہ 36 ارب روپے کی لاگت سے مکمل کیا جائے گا،

    قبل ازیں وزیر اعلی محمود خان نے دورہ کالام کے دوران مختلف ترقیاتی منصوبوں کا افتتاح کیا وزیر اعلی نے 4 ارب روپے کی لاگت 88 میگاواٹ کالام گبرال ہائیڈرو پاور پراجیکٹ کے رہائشی کالونی اور 2.8 ارب روپے کی تخمینہ لاگت شاہی کرکٹ اسٹیڈیم کالام کا سنگ بنیاد رکھ دیا۔ وزیر اعلی نے سکولوں کو شمسی توانائی کی فراہمی کے منصوبے کی تکمیل کا افتتاح کیا۔منصوبے کے تحت صوبے میں 8000 سکولوں کو شمسی توانائی فراہم کی گئی ہے۔ منصوبے پر ساڑھے چار ارب روپے لاگت آئی ہے۔ وزیراعلی نے مساجد کو شمسی توانائی فراہم کرنے کے منصوبے کا بھی افتتاح کیا۔ منصوبے کے تحت صوبے میں 4000 مساجد کو شمسی توانائی فراہم کی گئی ہے منصوبے پر ڈھائی ارب روپے لاگت آئی ہے۔ وزیر اعلی نے انجینئرنگ یونیورسٹی کالام کیمپس کا بھی افتتاح کیا۔ وزیر اعلی نے کالام میں سڑکوں اور پلوں کی تعمیر کے متعدد منصوبوں کا بھی افتتاح کیا۔

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    لانگ مارچ میں فیاض الحسن چوہان کتنے بندے لے کر نکلے،ویڈیو وائرل

  • خیبرپختونخوا اسمبلی میں خواجہ سراؤں کی مالی معاونت کا بل پیش

    خیبرپختونخوا اسمبلی میں خواجہ سراؤں کی مالی معاونت کا بل پیش

    پشاور: صوبائی حکومت کی جانب سے خیبرپختونخوا خواجہ سرا ویلفئیر انڈونمنٹ فنڈ بِل 2022 اسمبلی میں پیش کیا گیا ہے۔

    باغی ٹی وی : تفصیلات کے مطابق مجوزہ بل میں کہا گیا کہ مالی مشکلات سے دو چار خیبرپختونخوا کے خواجہ سراؤں کے لیے انڈونمنٹ فنڈ کے قیام کا فیصلہ کیا گیا ہے۔

    بل میں اس بات کا بھی اعادہ کیا گیا کہ فنڈز کے ذریعے حکومت خواجہ سراؤں کی فلاح و بہبود،مالی معاونت اور روزگار فراہم کرنے کی کوشش کرے گی جبکہ خواجہ سراؤں کو کاروبار کے لیے بلا سود قرضے بھی دیئے جائیں گے۔

    بل کے تحت 6 ممبران پر مشتمل کمیٹی تشکیل دی جائے گی جس کا مقصد خواجہ سراؤں کی فلاح و بہبود سے متعلق فیصلوں کی تعمیل کو یقینی بنانا ہوگا جس میں بالخصوص خواجہ سراؤں کی معاشی ضروریات بھی شامل ہیں۔

    مجوزہ بل میں کیا گیا کہ حکومت کا مقصد خواجہ سراؤں کو مالی لحاظ سے مستحکم بنانا اور اپنے پاؤں پر کھڑا کرنا ہے۔

    واضح رہے کہ خیبر پختونخوا ملک کا وہ پہلا صوبہ ہے جہاں خواجہ سراؤں کو شناختی کارڈ، پاسپورٹ، ڈرائیونگ لائسنس جیسے اہم اور بنیادی دستاویز جاری کیے گئے تھے-

    پاکستان کی حکومت نے مئی سنہ 2018 میں خواجہ سراؤں کے تحفظ کے لیے قانون منظور کیا تھا جس کے تحت انھیں شناختی کارڈ، ڈرائیونگ لائسنس، پاسپورٹ بنوانے کا حق دینے کے ساتھ ساتھ گھر یا عوامی مقامات پر ہراساں کرنے کی ممانعت، تعلیم، خصوصی طبی سہولیات، زبردستی بھیک منگوانے پر پابندی اور جیلوں میں الگ بیرک میں رکھنے کا کہا گیا تھا۔

    اس قانون کے تحت خواجہ سراؤں کو اپنی مرضی سے قومی ڈیٹا بیس اینڈ رجسٹریشن اتھارٹی (نادرا) کے ریکارڈ میں اپنی جنس کی تبدیلی کا اختیار بھی دیا گیا تھا تاہم مذکورہ قانون میں جنس کےتبدیلی کی شق پرنہ صرف ملک میں مذہبی جماعتوں نے اعتراضات اُٹھائے بلکہ اسلامی نظریاتی کونسل نے بھی اس کو اسلام کے منافی قرار دیاموجودہ وقت میں یہ کیس وفاقی شریعت عدالت میں زیر سماعت ہے جس کے وجہ سے اس پر عملدرآمد نہیں کیا جا رہا۔

    خیبرپختونخوا میں خواجہ سراؤں کے حقوق کے تحفظ کی پالیسی مرتب کرنے کے لیے سنہ 2015 میں سابق وزیر اعلیٰ پرویز خٹک نے سپیکر صوبائی اسمبلی مشتاق غنی کی سربراہی میں کمیٹی تشکیل دی تھی۔

    خواجہ سراؤں کو بااختیار بنانے کی 47 صفحات پر مشتمل پالیسی 2021 کے مجوزہ مسودے میں صحت، تعلیم، معاشی، سماجی و معاشرتی تحفظ اور سیاسی عمل میں بلاامتیاز حصہ لینے کی بات کی گئی۔

    حکومتی پالیسی کا مسودہ چھ حصوں میں تقسیم کیا گیا ہے جن میں اسلامی و تاریخی پس منظر، کل آبادی معلوم کرنا، شناخت، متعلقہ ادارے کے ساتھ رجسٹریشن، رہائش، تشدد سے بچاؤ اور مفت صحت اور تعلیم کی بلا امتیاز سہولت فراہم کرنے کے ساتھ قانونی مسائل کے حل میں مفت مدد فراہم کرنا شامل ہے۔

    اس مجوزہ پالیسی میں خواجہ سراؤں کو ہنر سکھانے، چھوٹے پیمانے پر کاروبار کے لیے بلاسود قرضے، سرکاری نوکریوں میں دو فیصد کوٹہ، بیمار اور بزرگ خواجہ سراؤں کو اشیائے خوردو نوش کی فراہمی کے ساتھ ماہانہ نقد وظائف شامل ہیں۔

    اس کے ساتھ ساتھ خواجہ سراؤں کو ووٹ کے استعمال اور انتخابات میں حصہ لینے کا حق بھی دیا گیا۔ اس پالیسی کے تحت انھیں سیاسی اور سماجی اُمور کے لیے دفتر قائم کرنے کی اجازت شامل ہے۔