Category: پشاور

پشاور میں نامعلوم افراد کی فائرنگ سے اے این پی کے سٹی‌ صدر جاں بحق ہو گئے

باغی ٹی وی کی رپورٹ کے مطابق خیبر پختونخواہ کے صوبائی دارالحکومت پشاور کے علاقہ گلبہار میں نامعلوم افراد کی فائرنگ سے اے این پی کے سٹی صدر سرتاج خان جاں بحق ہو گئے.

واقعہ کی اطلاع ملنے پر اے این پی کے کارکنا ن کی بڑی تعداد موقع پر پہنچ گئی، پولیس نے موقع پر پہنچ کر سر تاج خان کی نعش کو ہسپتال منتقل کیا، اے این پی کے صدر اسفند یار ولی نے پشاور کے‌صدر پر فائرنگ کے واقعہ کی مذمت کی ہے.سرتاج خان کو گلبہار کے علاقے میں موٹر سائیکل سواروں نے نشانہ بنایا ،مقتول کی لاش لیڈی ریڈنگ اسپتال پہنچا دی گئی، ہسپتال انتظامیہ نے کاروائی کے بعد نعش ورثا کے حوالے کر دی

واضح رہے کہ پنجاب کے صوبائی دارالحکومت لاہور کے علاقہ اقبال ٹاون میں بھی جماعت اسلامی کے رہنما حافظ سلمان بٹ کی رہائشگاہ پر فائرنگ ہوئی ہے، نا معلوم موٹر سائیکل سواروں نے جماعت اسلامی کے رہنما کی رہائشگاہ پر فائرنگ کی، تا ہم حافظ سلمان بٹ محفوظ رہے، فائرنگ کے وقت حافظ سلمان بٹ کی رہائشگاہ پر پنجاب یونیورسٹی میں طلبا کے مابین ہونے والے تصادم پر اجلاس ہو رہا تھا.

وفاقی وزیر دفاع پرویز خٹک کے بھتیجے کے خلاف نیب نے ریفرنس دائر کر دیا

باغی ٹی وی کی رپورٹ کے مطابق نیب خیبر پختونخواہ نے وفاقی وزیر دفاع پرویز خٹک کے بھتیجے تحصیل ناظم احد خٹک کے خلاف نیب میں ریفرنس دائر کر دیا، سابق تحصیل ناظم احد خٹک سمیت نائب ناظم اورسابق ایڈمنٹسریٹو نوشہرہ کے خلاف بھی ریفرنس دائر کیا گیا ہے.

نیب ریفرنس میں کہا گیا ہے کہ تحصیل ناظم احدخٹک سمیت نائب ناظم اورٹی ایم اے کے15افسران غیرقانونی بھرتیوں میں ملوث ہیں،انکوائری رپورٹ کے مطابق میرٹ کےبرعکس دیگرافرادکوترجیح دی گئی،اشتہارکے باوجود2013سے2018 تک غیرقانونی بھرتیاں کی گئیں، دستاویزات میں مزید کہا گیا کہ بھرتیاں ایمپلائمنٹ ایکس چینج کیساتھ رجسٹرڈ نہیں تھیں.

خیبر پی کے اسمبلی میں‌ ڈپٹی اسپیکرمحمود جان اورمیاں نثار گل کے درمیان دلچسپ مکالمہ ہوا ہے.

باغی ٹی وی کی رپورٹ کے مطابق اجلاس کے دوران جے یو آئی ف کے رکن میاں نثارگل نے وزیراعلیٰ محمود خان کو مشورہ دیا کہ آپ فرنٹ فٹ پر نہ کھیلیں، فرنٹ فٹ پر کھیلنے والے چوکےچھکےلگاکر جلدآؤٹ ہو جاتے ہیں.

اس موقع پر میاں‌ نثار گل نے ڈپی سپیکر سے کہا کہ آپ تو نسوار کو بھی منشیات کے زمرے میں سمجھتے ہیں. اگر ایسا ہے تو پھر سب اس زمرے میں آ سکتے ہیں. ان کی اس بات ڈپٹی سپیکر نے کہاکہ لگتا ہے آپ بھی نسوار استعمال کرتے ہیں. اس دوران جے یو آئی ف کے رکن میاں‌ نثار احمد نے بار بار اصرار کیا کہ آپ نسوار سے متعلق اپنی رولنگ واپس لیں.

واضح رہے کہ چند دن قبل (ن) لیگی رکن صوبائی اسمبلی سردار اورنگزیب نلوٹھہ کیطرف سے نسوار پر ٹیکس سے متعلق آواز اٹھائے جانے پر ایوان میں قہقے بلند ہوئے تو اجلاس کی صدارت کرنیوالے ڈپٹی اسپیکر محمود جان نے فوری طور پر نسوار کو منشیات کی فہرست میں ڈال کر کارروائی سے لفظ نسوار کو حذف کرنیکی رولنگ دیدی تھی.

خیبر پختونخواہ کے وزیر بلدیات شہرام ترکئی نے کہا ہے کہ پاکستان میں پہلی ٹیکنیکل یونیورسٹی خیبرپختونخوامیں بن رہی ہے.

باغی ٹی وی کی رپورٹ کے مطابق خیبرپختونخوا اسمبلی میں انہوں‌ نے ضمنی بجٹ اجلاس سے خطاب کرتے ہوئے کہا کہ ہم سےپہلے حکومتوں نےبھی ضمنی بجٹ پیش کیے ہیں، ضمنی بجٹ کوئی غیرآئینی کام نہیں. تمام اسپتالوں میں جلد ادویات کی کمی پوری کی جائے گی، عوام کو صحت انصاف کارڈ جلد دیے جائیں گے.

انہوں‌ نے کہ کہ تاثردیا جارہا ہے ہم سےپہلے حکومتوں میں دودھ اورشہد کی نہریں بہہ رہی تھیں. واضح‌ رہے کہ اپوزیشن جماعتوں‌ کی جانب سے حکومت کی طرف سے ضمنی بجٹ پیش کرنے پر شدید تنقید کا نشانہ بنایا جارہا ہے.

نوشہرہ میں‌ قمرمیلہ میں پولیس موبائل پر فائرنگ کا واقعہ پیش آیا ہے جس سے 2 پولیس اہلکار شہید ہو گئے ہیں.

باغی ٹی وی کی رپورٹ کے مطابق ڈی پی او نے اس واقعہ کی تفصیلات بیان کرتے ہوئے کہا ہے کہ ایس ایچ او نظامپور سمیت 4 پولیس اہلکار زخمی بھی ہوئے ہیں.

ان کا کہنا ہے کہ 3 شدید زخمیوں کو پشاور منتقل کردیا گیا ہے.

بنوں‌ کی انسداد دہشت گردی کی عدالت نے پی ٹی ایم کے رہنماوں محسن داوڑ اور علی وزیر کے مزید جسمانی ریمانڈ کی استدعا مسترد کر کے انہیں جیل بھیجنے کا حکم دے دیا

پی ٹی ایم کا پاک فوج کی چیک پوسٹ پر حملہ، پاک فوج نے رات کو اہم پیغام جاری کر دیا

پی ٹی ایم کا بیانیہ نیا نہیں ،فواد چودھری

باغی ٹی وی کی رپورٹ کے مطابق بنوں کی انسداد دہشت گردی کی عدالت میں پی ٹی ایم کے محسن داوڑ اور علی وزیر کو پیش کیا گیا ، سی ٹی ڈی حکام نے عدالت سے مزید جسمانی ریماںڈ کی استدعا کی ، عدالت نے سی ٹی ڈی کی استدعا مسترد کرتے ہوئے ملزمان کو جیل بھیجنے کا حکم دے دیا، عدالت نے کیس کی سماعت نو جولائی تک ملتوی کر دی .

پی ٹی ایم کے اراکین کے پروڈکشن آرڈر کے لئے شاہد خاقان عباسی بھی بول پڑے

واضح رہے کہ پی ٹی ایم نے پاک فوج کی چیک پوسٹ پر حملہ کیا تھا جس میں ایک فوجی جوان شہید اور پانچ زخمی ہو گئے تھے. پی ٹی ایم کے دو اراکین اسمبلی کو گرفتار کیا گیا ہے،

زرداری کے بعد فریال تالپور گرفتار،بزدلوں کی حکومت ہے، بلاول کا رد عمل

زرداری کے پروڈکشن آرڈرکے مطالبہ پر فواد چودھری خاموش نہ رہ سکے

پی ٹی ایم کی جانب سے وزیرستان میں پاک فوج پر حملے کی تحقیقاتی رپورٹ سامنے آئی ہے. ڈپٹی کمشنرشمالی وزیرستان نےرپورٹ تیارکرکے خیبرپختونخوا حکومت کو بھیج دی ہے. رپورٹ کے مطابق 25مئی کوعلاقہ بویہ میں 12 عمائدین کے ساتھ مذاکرات کیے گئے مذاکرات میں حکام دھرناختم کرنے کی شرط پر ایک مشتبہ شخص کو رہا کرنے پرآمادہ ہوئے ،ایم این اےعلی وزیر ،محسن داوڑ کے اکسانے پرمظاہرین دوبارہ چیک پوسٹ پرجمع ہوئے،26 مئی کو ایم این ایز 300 حمایتوں کو لے کر چیک پوسٹ پہنچے، سیکیورٹی فورسزنے احتجاجی کیمپ میں شامل ہونے کیلیے پارلیمنٹرنیزکو دوسراراستہ اختیار کرنےکا کہا،

پی ٹی ایم حملہ کیخلاف سوشل میڈیا صارفین پھٹ پڑے، ملزمان پر فوجی عدالتوں میں‌ مقدمہ چلانے کا مطالبہ

رپورٹ کے مطابق ایم این اے علی وزیر نے سیکیورٹی فورسز کے خلاف نازیبا زبان استعمال کی ،علی وزیرنے مظاہرین کو چیک پوسٹ پرحملے کےلیے اکسایا ،پی ٹی ایم کے دوپارلیمنٹرینز نےخاڑکمر چیک پوسٹ پر حملہ کرنے والوں کی قیادت کی ،مظاہرین نےچیک پوسٹ پرپتھراؤکیا ،پارلیمنٹیرین کیساتھ مسلح افرادنےچیک پوسٹ پرفائرنگ کی ،رپورٹ کے مطابق چیک پوسٹ پرمختلف اطراف سے فائرنگ کی گئی، ،مظاہرین نے سیکیورٹی اہلکاروں سے اسلحہ چھیننے کی کوشش کی ،شرپسندوں کی گولیاں مظاہرین اور پارلیمنٹرینز کی گاڑیوں کو لگیں .

قبائلی ضلع شمالی وزیرستان میں بارودی سرنگ کے دھماکے میں ایک بچی جاں بحق اور 3بچے زخمی ہوگئے۔

تفصیلات اور سرکاری ذرائع کے مطابق شمالی وزیرستان کے علاقے ھمزونی میں بچے گھر کے قریب کھیل رہے تھے کہ اس دوران ان کا پاؤں بارودی سرنگ پر پڑگیا جس سے دھماکا ہوا اور 3سالہ ہانیہ جاں بحق ہوگئی۔

تینوں زخمی بچوں کو فوری طور پر اسپتال منتقل کیا گیا

خیبر پختونخواہ میں پولیو کے بڑھتے ہوئے کیسز کے حوالہ سے وزیراعلیٰ خیبر پختونخواہ کی زیر صدارت اجلاس ہوا

باغی ٹی وی کی رپورٹ کے مطابق وزیراعلیٰ خیبر پختونخواہ کی زیر صدارت ہنگامی اجلاس ہوا جس میں وزیراعظم کے معاون برائے پولیو بابربن عطا نے بھی شرکت کی. اجلاس میں پولیو پر قابو پانے کے لیئے ہنگامی اقدامات کا فیصلہ کیا گیا. اجلاس میں فیصلہ کیا گیا کہ ڈی ایچ او لکی مروت اور ڈی ایچ او بنوں سمیت متعدد کو معطل کیا جائے گا جن کی ناقص کارکردگی سامنے آئی ہے. اجلاس میں فیصلہ کیا گیا کہ پولیومہمات کے دوران محکمہ صحت کےاختیارات کمشنرزکو دئیے جائیں گے. آئندہ پولیومہم کےدوران انکاری والدین کےخلاف ایف آئی آرنہ کرنے کا فیصلہ بھی کیا گیا ہے. محکمہ پولیس کوپولیوورکرزکی حفاظت یقینی بنانےکا بھی کہا گیا ہے. وزیراعظم کے معاون برائے پولیو بابر بن عطا کا کہنا ہے کہ پولیو کےخلاف پروپیگنڈاسےنہیں پیارومحبت سےجنگ لڑیں گے.

واضح رہے کہ بنوں ڈویژن کو پولیوسے متاثرہ علاقوں میں خطرناک ترین ڈویژن قرار دیا گیا ہے۔وزیراعظم عمران خان کے معاون خصوصی برائے انسداد پولیو بابرعطا نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ شمالی وزیرستان، لکی مروت اور بنوں میں پولیو کا تیزی سے پھیلنا تشویشناک ہے، مقامی افراد سمیت ہمارا اسٹاف بھی انسداد پولیو مہم کی راہ میں رکاوٹ بنا ہواہے جسے فوری طورپر روکنا ہے۔

پشاور میں ان سکولوں کے خلاف کاروائی کی گئی ہے جنہوں نے پولیو کے خلاف مہم چلائی تھی. ماہ اپریل میں چھ روزہ مہم کے دوران پشاور میں پولیو کے قطرے پلانے سے بچوں کی حالت غیر ہو گئی تھی جس پر صوبائی دارالحکومت کے تمام بڑے سرکاری ہسپتالوں میں ان بچوں کو لا یا گیا تھا جنہوں نے پولیو کے قطرے پئے تھے. اس واقعہ کے خلاف شہریوں نے احتجاج کیا تھا جبکہ ایک ہسپتال کو بھی آگ لگائی تھی. واقعہ کے بعد کمشنرپشاورکی سربراہی میں کمیٹی نے نجی اسکولوں کے خلاف کارروائی کی سفارش کی تھی۔ سیل کیے جانے والےا سکولوں میں دارالکلام ماڈل اسکول، اقراء اسکول،حال مارک اسکول، پشاور کیمبرج اسکول، مسلم اسٹینڈرڈ، آکسفورڈ پبلک اسکول پاین بریز اسکول شامل ہے۔ ان سکولوں کے خلاف کاروائی ڈپٹی کمشنر محمد علی اضغر کی ہدایت پر کی گئی ہے

انسداد پولیو مہم کی جانب سے سوشل میڈیا پر 495 اکاونٹ بند کرنے کی درخواست کی گئی تھی جن میں سے 257 اکاونٹ بند کر دئیے گئے. فیس بک پر 263 اکائونٹس بلاک کرنے کی درخواست پر 209 اکائونٹس بلاک کئیگئے۔ ٹویٹر پر 134 اکائونٹس بلاک کرنے کی درخواست پر 15 اکائونٹس بلاک کئے گئے ہیں. یو ٹیوب پر 88 بلاک کرنے کی درخواست پر اب تک 33 اکائونٹس بلاک کئے جا چکے ہیں۔ بابر بن عطا نے مزید کہا کہ جن اکائونٹس کو بند نہیں کیا گیا ان کے خلاف کارروائی کے لیے دوبارہ رابطہ کیا جائے گا۔

کوہستان میں مسافر جیپ دریا میں گرنے سے خواتین اور بچوں سمیت 9 افراد ہلاک اور 3 زخمی ہوگئے۔

تفصیلات کے مطابق جیپ سیر غازی آباد سے غدر کے علاقے کی جانب رواں دواں تھی لیکن راستہ خراب ہونے کی وجہ سے بے قابو ہو کر دریا میں جا گری. حادثے کے وقت جیپ میں 21 افراد سوار تھے جو کولائی پلس کوہستان کے علاقے میں شلکن آباد کے قریب دریائے سندھ میں جا گری۔

ایس ایچ او نے بتایا کہ 9 افراد نے گاڑی سے اس وقت چھلانگ لگائی جب وہ دریائے سندھ میں گر رہی تھی اور وہ معمولی زخمی ہوئے جبکہ 2 خواتین اور 3 بچوں سمیت دریا میں گرنے والے 9 افراد جاں بحق ہوگئے۔

جاں بحق ہونے والے 9 افراد میں سے 7 کی لاشیں نکال لی گئی ہیں جنہیں قریبی ہسپتال منتقل کردیا گیا۔

پولیس افسر نے کہا کہ دریا میں ڈوبنے والے دیگر افراد کی لاشیں نکالنے کی کوششیں جاری ہیں، اس سلسلے میں جائے حادثہ پر اتنظامیہ کے عہدیدار بھی موجود ہیں۔

گذشتہ برس نومبر میں آزاد کشمیر کے علاقے وادی نیلم کے بالائی علاقوں میں جیپ کھائی میں گرنے سے اسکول جانے والے 3 بچے جاں بحق اور 5 زخمی ہوگئے تھے۔

اس سے قبل فروری 2018 مظفر آباد کے قریب ایک جیپ گہری کھائی میں جا گری تھی جس کے نتیجے میں ایک نومولود سمیت 5 افراد جاں بحق اور 9 زخمی ہوئے تھے۔