Category: کوئٹہ

بلوچستان کے دارالحکومت کوئٹہ میں کسٹم حکام نے اسمگل شدہ ایرانی پیٹرول ڈیزل فروخت کرنے والے 4 پمپ سیل کردیئے کسٹم بلوچستان کے حکام کا کہنا ہے کہ غیرقانونی پیٹرول پمپس کیخلاف کارروائی کوئٹہ کے نواحی علاقے میں کی گئی، جس میں متعلقہ پولیس نے بھی حصہ لیا۔
حکام کے مطابق چمن روڈ پر واقع غیرقانونی ایرانی تیل اور ڈیزل بیچنے والے 4 پمپس سیل کرتے ہوئے ان کی مشینری اور تیل قبضے میں لے لیا گیا کسٹم حکام کے مطابق مذکورہ پیٹرول پمپوں پر غیرقانونی طریقے سے ایرانی پیٹرول اور ڈیزل فروخت کرکے ملکی معیشت کو نقصان پہنچایا جارہا تھا، یہ کارروائیاں مستقبل میں بھی جاری رہے گی، تاکہ ان غیر قانونی اقدامات سے ملک اور قوم کو نجات دلائی جاسکے۔
حکام کا کہنا ہے کہ کسٹم کا عملہ آئینی تقاضوں کو ملحوظ خاطر رکھتے ہوئے اس طرح کے غیر قانونی اقدامات کی روک تھام کیلئے کارروائیاں کررہا ہے، تاکہ ملکی معیشت کو مضبوط بنایا جا سکے۔

کوئٹہ:- شہر بھر میں رہائشی آبادیوں كے اندر قائم منی پیٹرول پمپ انسانی زندگیوں كے لیے خطرہ بن گئے لیکن حکومت کسی قسم کی توجہ نہیں دے رہی شہر بھر میں رہائشی علاقوں میں جگہ جگہ منی پٹرول پمپ قائم ہیں جو عوام کو کھلے عام غیر قانونی طور پر پٹرول فروخت کررہے ہیں۔ یہ ناجائز پمپس كسی بھی وقت بڑے حادثے كا باعث بن سكتے ہيں اور ماضی میں بھی ایسے ہی منی پیٹرول پمپس كے باعث كئی قیمتی جانیں ضائع ہوچكی ہیں شہریوں کا کہنا ہے کہ عام پیٹرول پمپس كے مقابلے میں ان پیٹرول پمپس پر فروخت كیا جانے والا پیٹرول بھی ناقص اور عام طور پر مقدار میں کم ہوتا ہے لہذا حکومت ایسے پمپس کے خلاف کارروائی کرتے ہوئے انہیں بند کرائے تاکہ جانیں محفوظ ہوسکیں۔

کوئٹہ بلوچستان یونیورسٹی بلوچستان کی سرکاری سب سے بڑی یونیورسٹی ہے مگر بدقسمتی سے کہنا پڑھ رہا ہے کے بلوچستان یونیورسٹی فارمیسی ڈیپارٹمنٹ کے اطراف میں کینٹین والوں کی طرف سے کوڑا کچرا پھینکا جا رہا ہے جس سی مختلف قسم کی بیماریاں اور بلوچستان یونیورسٹی کی خوبصورتی متاثر ہو رہی ہے اور انتظامیا خاموش تماشائی بننی ہوئی ہے۔

بلوچستان مچھ۔ سیکورٹی فورسسز نے خفیہ اطلاع پر لانڈھی مچھ بولان کے قریب ریلوے ٹریک سے دھماکہ خیز مواد ٹاہم ڈیوایس کو بر وقت کروائی کرتے ہوۓ ناکارہ بنا کر جعفر ایکسپریس کو تباہی سے بچا لیا۔ دھماکہ خیز مواد پٹری کے نیچے دفنایا گیا تھا اور سیکورٹی فورسسز پاک آرمی ایف سی اور لیویز نے دہشت گردی کا بڑا منصوبہ ناکام بنا دیا گیا جس کے بعد اب ٹرینو ں کی آمدورفت بلا تعطل کے جاری ہے ۔

میٹر و پولیٹن کارپوریشن کوئٹہ کی سرکاری زمین کوڑیوں کے بھاو بیچنے کا معاملہ ، سابق ٹاو ن ناظم کوئٹہ کے بھائی سمیت تین بے نامی دار گرفتار ، قانون کی آنکھ میں دُھول جھونکھتے ہوئے ملزمان نے قومی خزانے کو کروڑوں روپے کا نقصان پہنچایا اور قومی احتساب بیورو بلوچستان نے سابق ٹاو ن ناظم کوئٹہ قہارودان اور میٹروپولیٹن کارپوریشن کوئٹہ کے آفسران کی جانب سے سرکاری زمین کی بندر بانٹ میں ملوث تین ملزمان سلطان محمد ،رحمت اﷲ ، اور عبد الرازق کو گرفتار کرلیا ہے۔ نیب بلوچستان کی تحقیقات کے مطابق سابق ٹاون ناظم کوئٹہ قہارودان نے میٹر و پولیٹن کارپوریشن کے آفسران کی ملی بھگت سے شہر کے وسط میں واقع کروڑوں روپے مالیت کی سرکاری زمین اپنے بے نامی دار عزیز کو غیر قانونی طور پر ننانونے سال کی لیز پر الاٹ کی ۔ بعد ازاں جھٹکا مارکیٹ کوئٹہ میں واقع مذکورہ سرکاری زمین دوسری پارٹی پر بیچتے ہوئے اپنے بھائی کے آکاو نٹس میں رقم وصول کی ۔ نیب بلوچستان کے قانونی نوٹسز پر پیش نہ ہونے اور تحقیقات میں تعاون نہ کرنے پر قومی احتساب بیورو بلوچستان کی اینٹیلیجنس ٹیم نے سابق ٹاون ناظم کوئٹہ کے بھائی سمیت تینوں ملزمان کو گرفتار کر لیا ہے ۔ ملزمان کو احتساب عدالت پیش کر کے ریمانڈ حاصل کیا جائے گا۔مزید تحقیقات جاری ہیں۔

ضلع کوہلو میں سیکورٹی اداروں کی اطلاع پرلیویز نےتحصیل ماوند کے علاقے لال ونگ میں کاروائی کرتے ہوۓ دہشت گردی کا بڑا منصوبہ ناکام بنا دیا اور بڑھی تعداد میں اسلحہ برآمد کیا جب کے برآمد کیئے گئے اسلحہ میں
1۔ایس ایم جی روند۔۔700عدد
2۔سکیل روند۔۔۔۔۔۔۔۔۔۔۔1200عدد
3۔ہینڈ گرنیڈ۔۔۔۔۔۔۔۔۔۔۔۔31عدد
4۔RPG7فیوز۔۔۔۔۔۔۔۔۔۔12عدد
5۔RPG7گولے۔۔۔۔۔۔۔۔۔۔02عدد
6۔82مارٹرگولہ۔۔۔۔۔۔۔۔۔01عدد
7۔75مارٹرگولہ۔۔۔۔۔۔۔۔۔01عدد
8۔75mmگولہ۔۔۔۔۔۔۔۔۔03عدد
9۔83mmگولہ۔۔۔۔۔۔۔۔۔01عدد
10۔اینٹی ٹینک مینز۔۔02عدد
11۔اینٹی وہیکل مینز۔04عدد
شامل ہیں۔

کوئٹہ:- رکن اسمبلی حاجی محمد نواز کاکڑ نے بلوچستان ہائیکورٹ میں آئینی درخواست جمع کروادی ہے آئندہ مالی سال کے بجٹ میں سپریم کورٹ اور بلوچستان ہائیکورٹ کے احکامات نظر انداز کئے گئے ہیں بلوچستان ہائیکورٹ نے درخواست سماعت کےلئے منظور کرلی ہے اور فریقین کو نوٹسز جاری ہوگئیں ہیں جب کے 28 جون کو سماعت ہوگی.