Category: کوئٹہ

بلوچستان سبی : واپڈا گریڈ اسٹیشن کے مین ٹرانسفارمر کی کیبل پھٹ گئی ہے جس کی وجہ سے شہر کے پانچ فیڈر بند ہوگئیں ہیں اور تین گھنٹوں سے شہر تاریکی میں ڈوبا ہوا ہے کیبل کی مرمت کاکام جاری ہے اور مین کیبل کی مرمت کا کام مکمل کرکے جلد بجلی بحال کردی جائے گی ۔ کیسکو حکام۔

بلوچستان نیشنل پارٹی کے مرکزی رہنماء نوابزادہ حاجی میر لشکری خان رئیسانی نے وحدت کالونی کے رہائشیوں کو مکانات خالی کرنے کے نوٹسز جاری کرنے کے اقدام پر تشویش کااظہارکرتے ہوئے کہا ہے کہ لوگوں کوبے گھر کرنے کی اجازت کسی کو نہیں دی جاسکتی ہم حکومت کے جعلی منصوبوں کی صرف مذمت نہیں بلکہ مزاحمت کریں گے، گزشتہ روز سراوان ہاؤس میں وحدت کالونی کے رہائشی افراد کے ایک وفد سے ملاقات میں گفتگو کرتے ہوئے انہوں نے کہا کہ نئے پاکستان میں جعلی مینڈیٹ پر آنے والی حکومت ناکامی کا شکار ہے حکومت اپنی ناکامی کا اعتراف کرنے کے بجائے جعلی منصوبوں کے ذریعے عوام کی توجہ ان ناکامیوں سے ہٹانے کی ناکام کوشش کررہی ہے انہوں نے کہا کہ نیا پاکستان ہاؤسنگ منصوبہ کے تحت بلوچستان کے لوگوں کورہائش کی سہولت دینے کی بجائے لوگوں سے ان کے مکانات چھیننے جارہے ہیں جس کی جنتی مذمت کی جائے کم ہے۔ انہوں نے کہا کہ مکانات کی تعمیر کا منصوبہ سابق حکومت کا تھا جسے موجودہ حکومت اپنے کھاتے میں ڈالنے کیلئے وحدت کالونی میں رہائشی لوگوں کو ان کے مکانات سے بے دخل کرنا چاہتی ہے۔ وحدت کالونی کے رہائشی سالہا سال سے کالونی میں رہ رہے ہیں جنہیں اب تک کی حکومتیں بنیادی انسانی سہولیات تک فراہم نہیں کرپائیں انہوں نے کہا کہ کوئٹہ زلزلے کی فالٹ لائن پر واقع ہے جہاں بلندو بالا عمارتوں کی تعمیر مضحکہ خیز ہے اور اس شہر میں حکومت فیلٹس تعمیر کرنے جارہی ہے جہاں لوگوں کو پینے کا پانی تک میسر نہیں ہے انہوں نے کہا کہ وحدت کالونی میں گزشتہ کئی دہائیوں سے لوگ رہ رہے ہیں ضرورت اس کی ہے کہ وہاں رہائشی لوگوں کو بے دخل کرکے سڑک پر بے سہارا چھوڑنے کی بجائے حکومت انہیں مالکانہ حقوق دے اور انہوں نے وفد کو یقین دہانی کرائی کہ انہیں کسی صورت تنہا نہیں چھوڑا جائے گا ہم نے ہمیشہ بلوچستان کے حقوق، ساحل اور وسائل کی بات کی ہے حکومت کے جعلی منصوبے کی مذمت نہیں بلکہ اس منصوبے کے آگے مذاحمت کرینگے۔

وزیر اعلیٰ بلوچستان جام کمال خان نے کہا ہے کہ پاکستان میں لیبر قوانین کم اور بلوچستان میں نہ ہونے کے برابر ہیں

باغی ٹی وی کی رپورٹ کے مطابق عالمی یوم مزدور پر کوئٹہ میں منعقدہ تقریب سے خطاب کرتے ہوئے وزیر اعلیٰ بلوچستان جام کمال خان نے کہا کہ پاکستان کی نسبت دنیا نے لیبر یونین قوانین میں بہت ترقی کی بلوچستان کے لیبر قوانین سمیت متعدد شعبوں میں قانون سازی کی ضرورت ہے، انہوں نے کہا کہ بلوچستان میں 27 ارب روپے صرف پنشن کی مد میں دیے جا رہے ہیں،آیندہ پانچ سال کے دوران صوبے کا پنشن بل 140 ارب تک پہنچ جائےگا

واضح رہے کہ وزیر اعظم عمران خان نے یوم مزدور پر اپنے پیٍغام میں مزدوروں کو خوشخبری سناتے ہوئے کہا کہ مزدوروں اور ان کے خاندان کی فلاح و بہبود کے لیے ایک منصوبہ شروع کر رہے ہیں، ہم آج سے مزدور کے لئے احساس پروگرام کا آغاز کرنے جا رہے ہیں. یہ پروگرام غربت کے خاتمے کے لئے اہم کردار ادا کرے گا، اس پروگرام سے مزدور کو سماجی تحفظ ملے گا. وزیر اعظم کا مزید کہنا تھا کہ تحریک انصاف کی حکومت مزدور کی عظمت پر یقین رکھتی ہے، ملک کی ترقی اور خوش حالی میں محنت کش کا کلیدی کردار ہے،