Category: کوئٹہ

این-25 مستونگ تا چمن شاہراہ کی تعمیر و توسیع کا منصوبہ وفاقی اور بلوچستان حکومت کی نگرانی میں مرحلہ وار تیزی سے جاری ہے، جبکہ تعمیراتی ذمہ داری ایف ڈبلیو او کے سپرد ہے۔ یہ قومی شاہراہ مستونگ، کچلاک، کوئٹہ، قلعہ عبداللہ اور چمن جیسے اہم شہروں کو آپس میں جوڑتی ہے۔

198 کلومیٹر کا طویل منصوبہ تین حصوں پر مشتمل ہے، پہلا حصہ مستونگ تا کچلاک 88 کلومیٹر ، دوسرا حصہ کچلاک تا قلعہ عبداللہ 62 کلومیٹر ، تیسرا حصہ قلعہ عبداللہ تا چمن 48 کلو میٹر جس میں خوجک ٹنل (2.5 کلومیٹر) اور چمن باونڈز (2.5 کلومیٹر)شامل ہیں،پہلے مرحلے میں قلعہ عبداللہ تا چمن (48 کلومیٹر) سڑک کو بین الاقوامی معیار کے مطابق کشادہ کیا جا رہا ہے، جبکہ اس میں شامل خوجک ٹنل (اڑھائی کلومیٹر) پر بھی فروری میں کام شروع کیا جائے گا۔ اس منصوبے کی تکمیل سے تجارت میں اضافہ ہو گا، گاڑیوں کی آمدورفت میں آسانی ہو گی، بلوچستان کی عوام کے لیے روزگار کے مواقع پیدا ہوں گے، برفباری کے موسم میں ٹریفک حادثات میں کمی آئے گی، سفری فاصلہ کم ہو جائے گا

منصوبے کی مجموعی سیکیورٹی پاک فوج اور ایف سی بلوچستان (نارتھ) کے ذمہ ہے، جو تعمیراتی سرگرمیوں اور عام ٹریفک کی حفاظت یقینی بنا رہی ہے۔عوام، حکومت اور سیکیورٹی اداروں کے تعاون سے این-25 خطے میں ترقی، امن اور معاشی خوشحالی کی علامت بنتا جا رہا ہے۔ جو مستقبل میں ایک اہم سنگِ میل ثابت ہو گا۔

پاکستان کے صوبہ بلوچستان کی خوبصورت ساحلی پٹی مکران، سیاحوں کا توجہ کا مرکز بن گئی

مکران ایک محفوظ، پُرامن اور پُرسکون سیاحتی مرکز کے طور پر غیر ملکی سیاحوں کی توجہ سمیٹنے لگا،پاکستان کے جنوبی ساحل مکران نے ایک بار پھر دنیا کی توجہ اپنی جانب مبذول کرا لی ،گزشتہ مہینوں میں خصوصاً یورپ سے آنے والے سیاحوں کی بڑھتی تعداد بلوچستان کی پر امن شناخت مضبوط کرنے لگی ،لسبیلہ سے گوادر تک نیلی پٹی کنڈ ملیر، پسنی، ارماڑہ اور ہنگول کی طلسماتی قدرتی کشش مہمانوں کو متاثر کر رہی ہے،سیاحوں نے بلوچستان کی مہمان نوازی، ثقافتی روایات اور مقامی لوگوں کی سادگی کو بے مثال قرار دیا

مقامی پولیس کے مطابق؛رواں سال 400 سے زائد غیر ملکی سیاحوں نے مکران کا رخ کیا ،مقامی حکام کے مطابق پاکستان میں سیکیورٹی پر غیر ملکی سیاحوں نے تسلی کا اظہار کیا ہے، پولیس کی شاندار سیکیورٹی فراہم کرنے کے باعث غیر ملکی سیاح یہاں پر بلا خوف و خطر سفر کرتے ہیں، مقامی شہریوں کا کہنا ہے کہ یہ تاریخی مندر ہے جس کو غیر ملکی سیاح دیکھنے آتے ہیں اور پولیس ان کو بہترین سیکیورٹی فراہم کرتی ہے،

مکران میں ہر گزرتا دن اعتماد امن و ترقی کے نئے امکانات کو دنیا کے سامنے زیادہ نمایاں کر رہا ہے،عالمی برادری بھی بلوچستان کو امن پسند مستحکم اور ترقی کی راہ پر گامزن خطہ کے طور پر تسلیم کرچکی ہے،مکران اب صرف خوبصورت ساحل نہیں بلکہ بلوچستان کے روشن مستقبل اور اُبھرتی ہوئی عالمی شناخت بن رہا ہے

ڈیرہ بگٹی ۔ پاکستان ہاؤس سوئی میں بی آر اے(براہمداغ بگٹی) کے سب سے بڑے کمانڈر وڈیرہ نور علی چاکرانی نے اپنے 100 سے زائد فراریوں کے ہمراہ سرنڈر ہوکر ہتھیار ڈال دئیے

سوئی میں ایک اہم اور تاریخی لمحہ اس وقت رقم ہوا جب وزیراعلیٰ بلوچستان میر سرفراز احمد بگٹی کی امن دوست اور دوراندیش قیادت کے زیرِ اثر وڈیرا نور علی چاکرانی اپنے 100 سے زائد ساتھیوں سمیت قومی دھارے میں شامل ہو گئے، ہتھیار رکھے اور پاکستان کا پرچم اٹھا کر اس کے ساتھ وفاداری نبھانے کا عہد کیا۔ اس شاندار اور پروقار تقریب کی صدارت وزیراعلیٰ کے بھائی میر آفتاب احمد بگٹی نے کی، جبکہ بگٹی قوم کے چیف صاحبان، معزز وڈیرگان، نوٹیبلز اور نوجوانوں کی بڑی تعداد نے شرکت کر کے اس دن کو واقعی ایک تاریخی موقع بنا دیا۔

ٹاؤن چیئرمین سوئی عزت اللہ امان بگٹی نے اپنے خطاب میں کہا کہ ہم اپنے ان بھائیوں کا دل کی اتھاہ گہرائیوں سے خیرمقدم کرتے ہیں اور یہ تقریب اس بات کی واضح گواہی ہے کہ وزیراعلیٰ میر سرفراز احمد بگٹی اور ان کا خاندان ہمیشہ امن، استحکام اور بلوچستان کی اجتماعی ترقی کے علمبردار رہے ہیں۔

آخر میں میر آفتاب احمد بگٹی نے پیغام دیتے ہوئے کہا کہ جو لوگ اب بھی پہاڑوں میں بھٹکے ہوئے ہیں اور بیرونی عناصر کے ہاتھوں استعمال ہو رہے ہیں، وہ واپس آ کر قومی دھارے میں شامل ہوں اور ڈیرہ بگٹی و بلوچستان کی ترقی، خوشحالی اور ایک پرامن مستقبل کی جدوجہد میں اپنا مثبت کردار ادا کریں۔

یہ اقدام دہشتگرد تنظیم BRA کے ایک کلیدی کمانڈر سمیت دیگر افراد کی واپسی کی علامت ہے اور بلوچستان میں امن کی جانب ایک مضبوط قدم ہے۔وزیراعلیٰ میر سرفراز احمد بگٹی اور سیکیورٹی فورسز کی مسلسل کوششوں کے نتیجے میں یہ ممکن ہوا، اور نوجوانوں، وڈیروں اور معززین کی شرکت نے اس دن کو واقعی تاریخی بنا دیا۔

ملک کے پہلے چیف آف ڈیفنس فورسز فیلڈ مارشل جنرل عاصم منیر کو وزیر اعلیٰ بلوچستان میر سرفراز بگٹی نےمبارکباد دی ہے

وزیراعلیٰ بلوچستان میرسرفراز بگٹی کا کہنا تھا کہ پاکستان فیلڈ مارشل جنرل عاصم منیر کی قیادت میں ایک مضبوط اسلامی فلاحی ریاست کے طور پر اُبھرا،پاک افواج نے فیلڈ مارشل جنرل عاصم منیر کی سربراہی میں دشمن کی ہر جارحیت کو ناکام بنا کر قوم کا سر فخر سے بلند کیا، فیلڈ مارشل جنرل عاصم منیر کی تقرری قوم کی اُمنگوں اور ملکی سلامتی کے تقاضوں کے عین مطابق ہے، پاکستان کی سرحدوں کی حفاظت کرنے والا ہر جوان فیلڈ مارشل جنرل عاصم منیر کی قیادت پر بھرپور اعتماد رکھتا ہے، فیلڈ مارشل جنرل عاصم منیر کا وژن ملکی دفاع، قومی سلامتی اور امن کے قیام کے لیے تاریخی سنگِ میل ثابت ہوگا، بلوچستان کی عوام فیلڈ مارشل جنرل عاصم منیر کی پیشہ ورانہ قیادت کو خراجِ تحسین پیش کرتی ہے، ملکی وحدت، یکجہتی اور دفاع کے سفر میں بلوچستان ہمیشہ پاک افواج کے شانہ بشانہ کھڑا رہے گا، فیلڈ مارشل جنرل عاصم منیر کی قیادت میں پاکستان کا مستقبل زیادہ محفوظ، مستحکم اور روشن دکھائی دیتا ہے،

حکومت بلوچستان نے بیرون ملک موجود کالعدم تنظیموں کے خلاف گھیرا تنگ کرنے کا فیصلہ کرلیا۔

وزیراعلیٰ بلوچستان سرفراز بگٹی کی زیر صدارت اعلیٰ سطح کا اجلاس ہوا جس دوران دہشتگرد نیٹ ورک کے خاتمے کیلئے سخت اور غیرمعمولی اقدامات کی منظوری دی گئی، اجلاس میں بیرون ملک دہشتگرد قیادت کے مقامی سہولت کاروں سے رابطوں،کال ریکارڈنگز اور دیگر شواہد پیش کیے گئے جب کہ ساتھ ہی کالعدم تنظیموں کے سربراہان،کمانڈرز اور دہشتگردوں کے خلاف گھیرا تنگ کرنے کا فیصلہ کیا گیا،اجلاس میں کالعدم بی ایل اے، بی ایل ایف، یو بی اے، بی آر جی اور لشکربلوچستان کی قیادت کے خلاف درج مقدمات کی پراسیکیوشن تیز کرنے کی ہدایت کی گئی،وفاقی وزارت داخلہ اور خارجہ کی مدد سے انٹرپول کے ذریعے ریڈ نوٹسز کی کارروائی تیزکرنےکی بھی ہدایت جاری کردی گئی ہے، دہشتگردی میں ملوث مقامی سہولت کاروں،کالعدم تنظیموں کی قیادت تک کے خلاف کارروائی ہوگی ، یہ کارروائی دہشتگردوں کیخلاف پروونشل ایکشن پلان کی گائیڈ لائن کے تحت کی جائے گی.

کوئٹہ: بلوچستان کے محکمہ تعلیم نے نئے تعلیمی سال کے لیے نصاب میں اہم اور وسیع تبدیلیاں متعارف کرانے کا فیصلہ کر لیا ہے۔

سرکاری اعلامیے کے مطابق یہ تبدیلیاں تعلیمی معیار کو بہتر بنانے، جدید تقاضوں سے ہم آہنگ کرنے اور مذہبی و سماجی تربیت کو مضبوط بنانے کے لیے کی جا رہی ہیں۔محکمہ تعلیم کے مطابق سالِ نو کے نصاب میں جماعت اول سے بارہویں جماعت تک ناظرہ قرآنِ مجید اور ترجمہ قرآنِ مجید کو باقاعدہ طور پر نصاب کا لازمی حصہ بنایا جائے گا۔ اس اقدام کا مقصد بچوں میں ابتدا ہی سے قرآن فہمی، دینی شعور اور اخلاقی تعلیمات کے فروغ کو یقینی بنانا ہے،اسی طرح چھٹی سے آٹھویں جماعت کے طلبہ کے لیے کمپیوٹر ایجوکیشن کی نئی کتابیں متعارف کرائی جائیں گی جن میں بنیادی آئی ٹی مہارتوں کے ساتھ جدید ٹیکنالوجی کے بارے میں آگاہی بھی شامل ہوگی۔ محکمہ تعلیم کے مطابق جدید دور میں ٹیکنالوجی کی سمجھ بوجھ ضروری ہے، لہٰذا طلبہ کو ابتدائی سطح پر ہی کمپیوٹر مہارتوں سے روشناس کرانا ناگزیر ہو چکا ہے۔

مزید برآں، سوشل میڈیا کے بڑھتے ہوئے استعمال کو مدنظر رکھتے ہوئے چھٹی سے بارہویں جماعت تک "سوشل میڈیا کے مثبت اور ذمہ دارانہ استعمال” کے عنوان سے علیحدہ نصابی کتب بھی تیار کی گئی ہیں۔ ان کتابوں میں طلبہ کو آن لائن خطرات، سائبر بُلیئنگ، ڈیجیٹل سکیورٹی، معلومات کی تصدیق، اور سوشل میڈیا کے اخلاقی استعمال کے بارے میں رہنمائی فراہم کی جائے گی،محکمہ تعلیم کے حکام کا کہنا ہے کہ نصاب میں یہ تبدیلیاں آئندہ تعلیمی سال کے آغاز سے نافذ العمل ہوں گی، جبکہ اساتذہ کے لیے تربیتی ورکشاپس بھی منعقد کی جائیں گی تاکہ وہ نئی کتب اور موضوعات کو مؤثر انداز میں پڑھا سکیں۔

تعلیمی ماہرین نے اس اقدام کا خیر مقدم کرتے ہوئے کہا ہے کہ یہ تبدیلیاں نہ صرف طلبہ کو مذہبی و سماجی طور پر مضبوط بنائیں گی بلکہ انہیں ڈیجیٹل دور کے تقاضوں سے ہم آہنگ کرنے میں بھی اہم کردار ادا کریں گی۔

سبی ڈویژن اسپورٹس فیسٹیول 27 تا 30 نومبر شاندار انداز میں منعقد ہوا، جس میں سبی، کوہلو، زیارت، ہرنائی اور ڈیرہ بگٹی کی ٹیموں نے شرکت کی۔ فیسٹیول میں کرکٹ، کبڈی، رسی کشی، بیڈمنٹن، ٹینس، فٹبال، فائر شوٹنگ، میوزیکل نائٹ اور آتش بازی سمیت مختلف مقابلوں نے عوام کی توجہ حاصل کی۔

ایف سی بلوچستان نارتھ اور سول انتظامیہ کے اشتراک سے منعقدہ فیسٹیول کا افتتاح ڈپٹی کمشنر سبی اور مقامی کمانڈر نے کیا۔ اختتامی تقریب میں کمانڈنٹ سبی اسکاؤٹس نے نمایاں کھلاڑیوں میں انعامات تقسیم کیے اور کہا کہ ایسی سرگرمیاں نوجوانوں کو مثبت مواقع فراہم کرتی ہیں اور امن و بھائی چارے کے فروغ میں اہم کردار ادا کرتی ہیں۔تقریب کے آخر میں آئندہ بھی اس طرح کے پروگرام جاری رکھنے کے عزم کا اظہار کیا گیا۔

ایف سی بلوچستان (نارتھ) کی جانب سے ایف سی پبلک اسکول کوہلو اور بارکھان میں ای کامرس تربیتی کلاسز 4 نومبر 2025سے جاری ہیں، جس میں 100 سے زائد طلباء و طالبات شرکت کر رہے ہیں،

طلباء و طالبات کو ای کامرس، فری لانسنگ، ڈیجیٹل مارکیٹنگ، ویب ڈیزائننگ اور بزنس مینجمنٹ کی تربیت فراہم کی جائے گی تاکہ وہ عالمی ڈیجیٹل مارکیٹ کے تقاضوں سے ہم آہنگ ہو سکیں۔ خواتین کی خود انحصاری پر خصوصی توجہ دی گئی تاکہ وہ گھروں میں رہ کر باعزت روزگار حاصل کر سکیں۔

آئی جی ایف سی بلوچستان نارتھ میجر جنرل عاطف مجتبٰی نے طلباء و طالبات سے اظہار خیال کرتے ہوئے کہا،”طلباء و طالبات کسی بھی معاشرے کی ترقی کی بنیاد ہیں اور قیمتی سرمایہ ہیں ، نوجوان طلباء و طالبات کو تعلیم کے ساتھ ساتھ بہترین روزگار کے مواقع فراہم کئے جائیں گے ،ایف سی بلوچستان (نارتھ) جدید تعلیم و مہارتوں کے ذریعے ایک پرامن اور خوشحال بلوچستان کی بنیاد رکھ رہی ہے۔”

ای کامرس کلاسز کے بعد آئی جی ایف سی بلوچستان نارتھ نے گورنمنٹ گرلز ڈگری کالج کوہلو کا بھی دورہ کیا، جہاں پر کالج فیکلٹی اور طالبات کے ساتھ بھی معیاری تعلیم کے حصول کے بارے میں بات چیت کی۔آخر میں والدین،اساتذہ اور طلباء و طالبات نے ایف سی بلوچستان (نارتھ) کے اس اقدام کو نوجوانوں کی ترقی اور خودکفالت کی جانب مثبت قدم قرار دیا۔