Category: رحیم یارخان

رحیم یار خان ()ڈپٹی کمشنر جمیل احمد جمیل نے کہا ہے کہ وطن عزیز کے حالات اس امر کے متقاضی ہیں کہ ہم مذہبی، لسانی اور گروہی معاملات سے نکل کر ایک ہو جائیں،ہمیں اپنے فروعی اختلافات کو بھول کو ملک وقوم کی بہتری اور قیام امن کے لئے کام کرنا ہے، اللہ تعالیٰ نے ریاست اور قانون کے ذریعے جو اختیارات ہمیں دیئے ہیں وہ اختیارات جرائم کے خاتمے، قانون کی عملداری اور عوام کی فلاح وبہبود کے لئے استعمال کئے جائیں گے۔ا ن خیالات کا اظہار انہوں نے محرم الحرام کے حوالہ سے منعقدہ ضلعی امن کمیٹی کے اجلاس کی صدارت کرتے ہوئے کیا جس میں ڈی پی او عمر سلامت، ارکان پارلیمنٹ چوہدری محمد شفیق، میاں محمد شفیع، عامر نواز خان چانڈیو،اسسٹنٹ کمشنرز، ایس ڈی پی اوز، ممبران امن کمیٹی علامہ عبدالروف ربانی، خواجہ محمد ادریس، ریاض احمد نوری، بابر زمان، مولانا فضل محمود حیدری، جمیل اظہر نقشبندی، شیخ اللہ وسایا قصوری، سید شاداب الحسن گیلانی، رانا محمد آصف، سید جاوید حسین شاہ، سید آصف حسین نقوی، مفتی عبدالقادر سعیدی، حاجی اکبر علی شاہین، صدر پریس کلب میاں احسان الحق، اشفاق خان ایڈووکیٹ ودیگر موجود تھے۔ڈپٹی کمشنر نے کہا کہ ہر مذہب ہمیں دوسروں کے عقائد کا احترام سکھاتا ہے اور کسی بھی مذہبی تہوار کے دوران امن و امان کو برقرار رکھنا انتظامیہ، پولیس، قانون نافذ کرنے والے اداروں سمیت تمام مکاتب فکر کے رہنماؤں کی ذمہ داری ہے اور بطور ضلعی ایڈمنسٹریٹر مجھے خوشی ہے کہ ضلع رحیم یار خان کے تمام علماء کرام امن کے داعی اور قیام امن کے لیے اپنا بھر پور کردار اداکرنے والے ہیں۔انہوں نے کہا کہ تمام اسسٹنٹ کمشنر ز کو ہدایات جاری کردی گئی ہیں کہ وہ فوری طور پر اپنی تحصیلوں میں امن کمیٹیوں کے اجلاس طلب کرکے محرم الحرام کے حوالہ سے انتظامات کو حتمی شکل دیں اور جلوس ومجالس کے روٹس کو کلیئر رکھنے کے لئے اقدامات کریں۔ڈی پی او عمر سلامت نے کہا کہ پاکستان ایک فلاحی اسلامی ریاست ہے ہمارا دوسروں کے مذاہب اور فرقہ ورستی سے کوئی تعلق نہیں ہونا چاہیے ایک دوسرے کی عزت کریں اور دوسروں کے حقوق کا خیال رکھیں۔انہوں نے کہا کہ علماء،مشائخ اور دینی جماعتیں امن و امان قائم رکھنے میں حکومتی اداروں کی مدد کریں، دشمن کی ہر سازش کو ناکام بنانے کے لئے اتحاد اور یکجہتی کی فضا کو قائم رکھنا ہو گا۔انہوں نے کہا کہ ضلع رحیم یار خان کے علماء کرام اور مذہبی جماعتوں نے ہمیشہ قیام امن کے لئے ایک قدم آگے بڑھ کر اپنا کردار ادا کیا اس روایت کو مزید مستحکم بناتے ہوئے آگے بڑھیں گے۔انہوں نے کہا کہ رمضان المبارک، عید تہوار سمیت دیگر مذہبی مواقع پر پولیس نے اپنے فرائض احسن انداز سے سر انجام دیئے او راب بھی عوام کی جان ومال کی حفاظت کے لئے کوئی دقیقہ فروگذاشت نہیں کیا جائے گا۔انہوں نے کہا کہ محرم الحرام کے موقع پر امن وامان کے قیام میں تمام مکاتب فکر اور منتظمین مجالس و جلوس پولیس کے ساتھ تعاون کریں، بغیر پیشگی اجازت کسی جلوس یا مجالس کا انعقاد نہیں کیا جائے جبکہ تمام سرکل کے ایس ڈی پی اوز فوری طور پر امن کمیٹی ممبران کے ساتھ مل کر محرم الحرام کی حکمت عملی مرتب کریں۔ارکان پارلیمنٹ چوہدری محمد شفیق، میاں محمد شفیع اور عامر نواز خان چانڈیو نے کہا کہ رمضان المبارک، عید الفطر، عید الاضحی سمیت مذہبی اور قومی تہواروں پر موجودہ حکومت کی ہدایات پر ضلعی انتظامیہ اور پولیس نے اپنے فرائض سابقہ ادار کی نسبت بہتر انداز سے انجام دیئے جس کے باعث شہریوں کی جانب سے شکایات موصول نہیں ہوئی۔انہوں نے کہا کہ اسی طرح محرم الحرام کے ایام میں بھی بھائی چارے کی فضا کو برقر ار رکھا جائے گااور ارکان اسمبلی اس میں اپنا بھر پور کردار ادا کریں گے۔ممبران امن کمیٹی خواجہ محمد ادریس، علامہ عبدالروف ربانی، ریاض نوری بابر زمان، مولانا فضل محمود حیدری سمیت دیگر نے کہا کہ ضلع رحیم یار خان میں فرقے موجود مگر فرقہ واریت کا نام و نشان نہیں ہے اس ضلع کے تمام مسالک کے علماء کرام قیام امن اور مذہبی رواداری کے فروغ میں انتظامیہ کے شانہ بشانہ اپنا کردار ادا کریں گے۔انہوں نے کہا کہ ڈپٹی کمشنر اور ڈی پی او نے قبل از وقت میٹنگ کا انعقاد کرکے اچھی روایت قائم کی ہے اور پیشگی مسائل سامنے آنے سے ان کے حل میں آسانی ہو گی۔اجلاس کے اختتام پر ملک وقو م اور کشمیری عوام کے لئے خصوصی دعا مانگی گئی۔

سٹی صادق آباد پولیس کی بستی سینسراں صادق آباد میں کامیاب کاروائی۔جعلی ڈرائیونگ لائسنس بنانے والا ملزم صادق حسین ولد حاجی محمد قوم سینسر گرفتار۔
موقع سے 3 عدد کمپیوٹر، 4 عدد پرنٹر معہ سکینر، استری، کارڈ شیٹ، جعلی ایچ ٹی وی لائسنس مع دیگر سامان برآمد کرکے قبضہ میں لے لیا گیا۔ ملزم کے خلاف مقدمہ درج کر لیا گیا۔

اے ایس پی سلیم شاہ کی ایس ایچ اوز محمد رفیق دھریجہ اور حسین رضا نظامی کے ہمراہ پریس کانفرنس۔ اے ایس پی سلیم شاہ نے پریس کانفرنس کرتے ہوئے بتایا کہ صدر سرکل پولیس منشیات اور ناجائز اسلحہ کے خلاف کارروائیاں کر رہی تھانہ کوٹسمابہ اور اقبال آباد پولیس نے مختلف علاقوں میں کریک ڈاؤن کر کے 10 پسٹل، 3 بندوقیں، ایک رپیٹر، ایک رائفل، ایک موزر اور 124 روند و کارتوس برآمد کیے جبکہ منشیات کے خلاف کارروائی کے دوران ایک چالو بھٹی شراب 35 لیٹر کشید شدہ شراب قبضہ میں لیتے ہوئے سترہ ملزمان کو گرفتار کر کے ان کے خلاف الگ الگ مقدمات درج کر کے کارروائی شروع کر دی ہے۔

سرکل صادق آباد تھانہ کوٹ سبزل
اے ایس پی حفیظ الرحمن بگٹی کی سر براہی میں ایس ایچ او مسلم ضیا اور انکی ٹیم نے کاروائی کرتے ہوئے گھروں میں واردت کرنے والے گینگ کو گرفتار کر کے 35لاکھ روپے نقدی برآمد کرکے اصل ملکان کے حوالے کی گئی۔۔

رحیم یارخان( )صوبائی پارلیمانی سیکرٹری عشروزکوۃ چوہدری محمدشفیق نے کہاہے کہ کشمیرکے حوالے سے حکومتی پالیسی دوٹوک اورواضح ہے‘ عوام کے حقوق کی فراہمی کے لیے عملی اقدامات اٹھائے جارہے ہیں‘ ترقیاتی کاموں میں کسی قسم کی کوتاہی برداشت نہیں کی جائے گی‘ سڑکوں کی تعمیرمیں اعلی معیارکامیٹریل استعمال کیاجائے تاکہ اس کی میعادمکمل ہو۔نمائندہ ایم این اے چوہدری عثمان رشیدوڑائچ‘ ڈاکٹراعجازتنویر‘ کاشف بخاری‘ ایکسیئن ہائی وے محمدکامران ودیگرکے ہمراہ چک105پی سڑک کی تعمیرکے افتتاح کے بعد جائزہ لیتے ہوئے انہوں نے کہاکہ حلقہ میں ترقیاتی کام میرٹ کی بنیادپرکروائے جارہے ہیں اقتدار میں عوام کی خدمت کامشن لے کرآئے ہیں انشاء اللہ عوام سے کیے وعدے پورے کریں گے‘ انہوں نے کہاکہ وزیراعلی پنجاب کی قیادت میں صوبہ کومثالی بنانے کے لیے شب وروزانتھک محنت کی جارہی ہے‘ قبل ازیں چوہدری محمدشفیق‘ چوہدری عثمان رشیدوڑائچ ودیگرکوایکسیئن ہائی وے محمدکامران نے ترقیاتی منصوبوں کے حوالے سے تفصیلی بریفنگ دی۔

رحیم یارخان مدارس دینیہ کی طرف سےکشمیری مسلمانوں سےاظہاریکجہتی کرتےہوئےریلی نکالی گئ۔۔۔ریلی سےجےیوآئ کےضلعی جنرل سیکرٹری قاضی خلیل الرحمان صاحب جےیوآئ کےضلعی نائب امیرقاری ظفراقبال شریف صاحب سیرت کمیٹی کےروح رواں قاری اظہراقبال رحیمی صاحب جامعہ قادریہ کےناظم اعلٰی قاضی جوادالرحمان صاحب انجمن تاجران کےنمائندہ چوہدری بوٹاطاہرصاحب کےشرکت کی

چولستان میں سینکڑوں ہرنوں کاغیر قانونی شکار کرنے والا انتہاٸی بااثر ملک امیر وڈھ نامی شکاری گرفتار.محکمہ واٸلڈ لاٸف کی ٹیم نے ملک امیروڈھ کو چولستان سے شکار کرنے کے دوران گرفتار کیاملک امیر وڈھ ہرن کے علاوہ نایاب ترین پرندے انڈین بکھڑ کا بھی شکار کرتا تھا.وہ ہرن اور انڈین بھکڑ کا شکار کرکے بااثر بیوروکریسی کی خدمت میں پیش کرتا تھا.اس کی أر پی او ملتان وسیم سیال اور دیگر بااثر شخصیات کے ساتھ تصویریں بھی حاصل کرلی گئی.
ملک امیر وڈھ کی گرفتاری کے بعدمحکمہ واٸلڈ لاٸف کے افسران کو بااثر ترین بیوروکریٹس اور سیاستدانوں کے ٹیلی فون محکمہ واٸلڈ لاٸف نے اسے 1لاکھ جرمانہ کرکے چھوڑ دیا.محکمہ واٸلڈ لاٸف کو انتہاٸی دباو کے باعث ملک امیر وڈھ کو 4گھنٹوں بعد رہا کرنا پڑا.

رحیم یارخان( )معروف عالم دین قاری فداحسین سعیدی بقضائے الہی وفات پاگئے‘ مرحوم کی نمازجنازہ مین مارکیٹ گلشن اقبال پارک میں مفتی عبدالمجیدخان سعیدی نے پڑھائی‘ نمازجنازہ میں سیاسی‘ سماجی‘ مذہبی ودینی شخصیات اورعمائدین علاقہ کی کثیرتعدادنے شرکت کی‘ مرحوم کونمازجنازہ کی ادائیگی کے بعد سپردخاک کرنے کے لیے میت آبائی علاقہ کروڑپکاضلع لودھراں میں روانہ کردی گئی ہے‘ یادررہے کہ قاری فداحسین سعیدی بین الاقوامی اورقومی سطح پرقرات کے مقابلوں میں نمایاں پوزیشنزحاصل کرچکے ہیں۔

رحیم یارخان( )صوبائی پارلیمانی سیکرٹری عشروزکوۃ چوہدری محمدشفیق نے کہاہے کہ موجودہ حکومت کی مثبت پالیسیوں کی بدولت عوام کوکاروبارکے وسیع مواقع فراہم ہورہے ہیں اورملکی معیشت بہترسے بہترین ہورہی ہے‘ رحیم یارخان میں کاروبارکے بڑھتے ہوئے رجحان سے عوام خوشحال ہوں گے اورروزگارکے مواقع میسرآئیں گے۔ان خیالات کااظہار انہوں نے تھلی چوک پرسابق کونسلرجام محمداکرم کے پٹرول پمپ کاافتتاح کرتے ہوئے کیا۔انہوں نے کہاکہ عوام کے حقوق کاتحفظ ہرصورت یقینی بنائیں گے اپنے دوراقتدارمیں تھانہ کلچر‘ قبضہ اورلوٹ مار کی سیاست نہیں کریں گے بلکہ عوام کی خدمت کواپناشعاربناتے ہوئے ترقی کی جانب گامزن ہیں حلقہ کے تام مسائل ترجیحی بنیادوں پرحل کریں گے‘ اس موقع پررئیس ممتازمصطفے ایڈووکیٹ‘ نبی بخش سنگھڑ‘ خادم حسین خاصخیلی‘ جام فیاض لاڑ‘ جام عبدالمجیدلاڑ‘ چوہدری محمداشرف‘ فاروق ریاض گجر‘ تنویردرانی‘ چوہدری محمدعلی‘ چوہدری خضرحیات سمیت عمائدین علاقہ کی کثیرتعدادموجودتھی۔