Category: سرگودھا

سرگودھا۔ یکم اگست (اے پی پی) سرگودھا کے مختلف علاقوں میں یوم آزادی کی تقریبات کا آغاز ہوگیا ہے،جس کا باقاعدہ آغاز ڈاکٹر زاہد اقبال غوری نے یکم اگست کو جشن آزادی کی تقریبات کا کیک کاٹ کر کیا۔اس موقع پرانہوں نے کہا کہ یوم آزادی صرف پرچم لہرانے،کیک کاٹنے اور جھنڈیاں لگانے کا نام نہیں بلکہ اس کے پیچھے ہمارے آباؤ اجداد کی قربانیوں کی لازوال داستان موجود ہے جشن آزادی ہمیں ملکی استحکام، بقا اور باہمی یکجہتی کا درس دیتا ہے 70 سال کے دوران شاید اتنی اتحاد کی ضرورت نہ تھی جتنی اس وقت ہے، ہمیں مل کر دشمنوں کی سازشوں کو ناکام بنانا ہے۔ڈاکٹر زاہد اقبال غوری نے کہا کہ اس وقت ہم سب کو بحیثیت قوم دنیا کو یہ پیغام دینا ہے کہ ہم قومی پرچم کے سائے تلے ایک ہیں۔

سرگودھا۔(نمائندہ باغی ٹی وی) پاکستان کو معاشی طور پر مضبوط کئے بغیر جمہوریت کا استحکام ممکن نہیں ہے،اپوزیشن کو چاہیئے کہ وہ معاشی استحکام‘ بے روزگاری کے خاتمے کیلئے حکومت کاساتھ دے۔ ان خیالات کا اظہار سابق امیدوار برائے قومی اسمبلی حلقہ این اے 88 راؤ طاہر مشرف خان نے مختلف یونین کونسلز کے وفود سے گفتگو کرتے ہوئے کیا۔ انہوں نے کہا کہ بعض قوتیں ملک کو عدم استحکام کا شکار کرنے کیلئے کوئی موقع ہاتھ سے نہیں جانے دیتیں یہی وجہ ہے کہ یہ بین الاقوامی مافیا کبھی ڈالر مہنگا کرتا ہے تو کبھی پٹرول اور کبھی دیگر مسائل پیدا کرکے حکومت اور عوام کیلئے مشکلات پیدا کرتا ہے ہمیں ایسے لوگوں کا محاسبہ کرنے کی ضرورت ہے۔راؤ طاہر مشرف خان نے کہا کہ اب اختلافات بھلا کر سب کو ملکی ترقی‘ استحکام‘ بقاء کیلئے کام کرنا ہوگا تاکہ ملک ترقی کی راہ پر گامزن ہوسکے۔

سرگودھا(نمائندہ باغی ٹی وی)تفصیلات کے مطابق جماعت اسلامی کے مرکزی جنرل سیکرٹری لیاقت بلوچ نے کیپٹن عاقب شہید کے والدین سے ان کے گاؤں نوتھیں میں تعزیت کی اور بعد ازاں میڈیا کے نمائندوں سے گفتگو کرتے ہوئے لیاقت بلوچ نے کہاشہادت کی موت پوری قوم کے لیے فخر کی بات ہے، یہ شہدا ملک کے انچ انچ کی حفاظت کر رہے ہیں
ہمیں امید ہے کہ ان شہدا کا خون رنگ لائے گا اور پاکستان امن قائم ہوگا، پاکستان کے دشمن ناکام ہونگے،
ان شہدا کے والدین کا جو صبر ہے وہ پوری قوم کے لیے ایک رول ماڈل کی حیثیت رکھتا ہے،
ملک میں سیاسی افرتفری ہے جبکہ ہمارے دشمن ہمیں چاروں طرف سے گھیرے ہوئے ہیں، آج بھی کئی مقامات پر بھارت کی طرف سے کنٹرول لائین پر خلاف ورزی کی گئی ہے،
س
قوم کو مل کر بھارت کی اس جارحیت کا مقابلہ کرنا ہوگا، اور عالمی سطح پر بھارتی مکروہ چہرے کو بے نقاب کرنا ہو گا
ہم سمجھتے ہیں کہ کوئی باہر سے ثالثی نہیں بلکہ پاکستان، بھارت اور کشمیریوں کو مل کر اس مسلہ کو حل کرنا ہو گا
سینٹ میں تحریک انصاف اور پیپلز پارٹی مل کر ایک چیرمین لائے تھے، پھر پیپلز پارٹی اپنے اس قدم سے پیچھے ہٹ گئی ہم نے فیصلہ کیا ہے کہ ہم اس پورے عمل کے دوران جماعت اسلامی غیر جانبدار رہے گی،
ہم کسی ایسے کھیل کا حصہ نہیں بنیں گے جس سے پارلیمان اور جمہوریت کو نقصان پہنچنے کا خدشہ ہو، اس موقع پر جماعت اسلامی ضلع سرگودہا کے امیر جاوید چیمہ اور زبیر گوندل بھی ہمراہ تھے

سرگودھا(نمائندہ باغی ٹی وی )سرگودھا کے حلقے این اے 91 سے مسلسل سات بار الیکشن جیتنے والے انور علی چیمہ کو ضلع میں شہنشاہِ تعمیرات کے لقب سے یاد کیا جاتا ہے_انور علی چیمہ نے پہلا الیکشن 1985 میں لڑا اور بھاری اکثریت سے کامیاب ہوئے۔مبر قومی اسمبلی عامر سلطان چیمہ ، ممبر صوبائی اسمبلی منیب سلطان چیمہ نے کہا ہے کہ سابق وفاقی وزیر انور علی چیمہ نے اپنی ساری عمر عوام کی خدمت اور علاقائی تعمیر وترقی میں گزار دی انہوں نے جتنے ترقیاتی کام کروائے اس کی مثال پورے ملک میں نہیں ملتی ان کی خدمات کی وجہ سے لوگ انور علی چیمہ کو شہنشاہ تعمیرات کے نام سے پکارتے ہیں ہم سے بچھڑے انہیں تین سال گزر چکے ہیں لیکن عوام آج بھی ان سے بے پناہ محبت کرتی ہے ہم چوہدری انور علی چیمہ کے مشن کو جاری رکھے ہوئے ہیں حلقہ کی عوام کو بنیادی سہولیات فراہم کرنے کے لیے دن رات کوشاں ہیں یہ بات انہوں نے سابق وفاقی وزیر چوہدری انور علی چیمہ کی تیسری برسی کے موقع پر آبائی گاؤں چک35جنوبی میں خطاب کر تے ہوئے کہی ، مزید براں انہوں نے کہا کہ عوام سے کئے تمام وعدے پورے کریں گے ۔

فروکہ/سرگودہا:(نمائندہ باغی ٹی وی) صحافیوں کا قلم قوم کی امانت ہے مثبت صحافت کرناہم سب پر فرض ہے علاقائی صحافیوں کی ذمہ داری ہے کہ وہ اپنے اپنے علاقہ کے مسائل اپنی قلم کے ذریعے اجاگر کریں تاکہ شہریوں کی بنیادی مسائل اعلی حکام تک پہنچ سکیں اور انہیں حل کروانے میں اپنا کلیدی کردار ادا کریں ان خیا لات کا اظہار شاہین پریس کلب فروکہ کے جنرل سیکرٹری سینئر صحافی صدر انٹر نیشل جنرلسٹ کونسل آف پاکستان تحصیل ساہیوال رانا شاہد علی نے صحافیوں کی کارنر میٹنگ میں گفتگو کرتے ہوئے کیا انہوں نے کہا کہ ہماری پوری ٹیم شہریوں کے مسائل اجاگر کرنے کے لیئے سرگرم عمل ہے ۔صحافیوں کے ہر دور میں حق وصداقت کا علم بلندکیا اور اپنے قلم کے ذریعے ظلم وجبراور معاشرتی ناانصافیوں کے خلاف جہاد کیا۔شاہین پریس کلب فروکہ نے ہمیشہ علاقائی مسائل اجاگر کرنے میں اہم کردار ادا کیا اس لیئے ہمیں دھمکیاں مل رہی ہیں انشاءاللہ دھمکیوں سے ڈرنے والے نہیں بہتجلد شاہین پریس کلب فروکہ کے صحافیوں کا وفد اعلی حکام سے ملاقات کر کے اپنے مسائل اور باثر افراد کی جانب سے ملنےوالی دھمکیوں سے اگاہ کرے گا تاکہ ہمیں تحفظ مل سکے ۔