Category: سرگودھا

سرگودھا ۔ تحصی شاہ پور میں معذور افراد میں چیک تقسیم،اے سی شاہ،کوارڈنیٹر ایم پی اے اور سوشل ویلفیئر آفیسر نے معذوروں کو امداد دی
تفصیلات کے مطابق :
تحصیل شاہ پور میں محکمہ سوشل ویلفیئر کیمونٹی ڈوپلمنٹ پراجیکٹ شاہ پور کے زیر اہتمام اسسٹنٹ کمشنر آفس میں معذور افراد میں مالی امداد کے سلسلے میں چیک تقسیم کئے گئے اسسٹنٹ کمشنر شاہ پور انعم علی خان،کوارڈنیٹر ایم پی اے چوہدری ضیاء الرحمن گوندل اور سوشل ویلفیئر آفیسر ملک حبیب اللہ نے معذوروں میں مالی امداد کے چیک تقسیم کئے اسسٹنٹ کمشنر شاہ پور انعم علی خان اور سوشل ویلفیئر آفیسر ملک حبیب اللہ نےمعذور افراد سے کہا کہ معذور افراد معاشرے کا اہم جزو ہیں اور ان کی ہرممکن مدد کے لیے حکومت کمربستہ ہے اس سلسلہ میں کافی اقدامات کیے جارہے ہیں اس موقع پر سوشل ویلفیئر اینڈ آفیسر سرفراز احمد بھی موجود تھے۔۔

سرگودھا یونیورسٹی کے زیرِ انتظام چوتھے سالانہ ورچوئل لٹریری فیسٹیول کا آغازہو گیا، تین روزہ فیسٹول کے دوران 14 سیشنز کا انعقاد کیا جا رہا ہے جن میں دنیا بھر سے مختلف شعبوں کے ماہرین شرکت کر رہے ہیں

تفصیلات کے مطابق :
آن لائین منعقد ہونے والے اس فیسٹول کا افتتاح وائس چانسلر ڈاکٹر اشتیاق احمد نے کیا، افتتاحی سیشن کے دوران اظہار خیال کرتے ہوئے ڈاکٹر اشتیاق احمد نے کہا کہ کرونا وائرس کی وجہ سے درپیش خطرات کی بدولت ہمیں ورچوئل لٹریری فیسٹیول کی طرف جانا پڑا۔کینیڈا سے تعلق رکھنے والے عالمی شہرت یافتہ کمیونٹی ڈویلپمنٹ پریکٹیشنر پروفیسر فیاض باقر نے ”سرت دی سوئی، پریم دے دھاگے“ کے موضوع پر خطاب میں کہاکہ سرت دی سوئی حق و باطل میں تفریق کا پیمانہ ہے اور”پریم دے دھاگے“ وہ علم ہے جو معاشرے کو جوڑے رکھے۔ یہ صوفیا کا پیغام ہے، صوفی شعراء نے اپنی شاعری کے ذریعے وحدانیت اور امن و سلامتی کا پرچار کیا۔ افتتاحی سیشن کے بعد مجموعی طو ر پر چار نشستیں منعقد ہوئیں۔’کثیر الثقافتی معاشرہ میں شناخت کی جستجو‘ کے موضوع پر منعقدہ نشست میں معروف ڈرامہ نگار و شاعر اصغر ندیم سید، مصنف ناصر عباس نیئر، اکادمی ادبیات پاکستان کے چیئرمین یوسف خشک اورپروفیسر نجیب جمال نے شرکت کی۔ ’تنوع میں اتحاد‘ کے موضوع پر منعقدہ نشست میں سندھی خواتین کے حقوق کیلئے متحرک اقوام متحدہ کے ذیلی ادارہ کے سابق سربراہ کپل دیو، ڈائریکٹر سی پیک یونٹ بلوچستان رفیع اللہ کاکڑ اور مصنف عدنان رفیق نے شرکت کی۔شرکاء نے کہا کہ تہذیبی و ثقافتی تنوع پاکستان کا معاشرتی حسن ہے۔ ہمیں قومی ریاست کی طرف جانا چاہیے جس میں تمام صوبوں اور تمام شہریوں کو برابر حقوق حاصل ہوں جدید معاشرہ‘ کے موضوع پر ہونے والی نشست میں نامور محقق اور نقاد خاور نوازش، شاعر محقق ونقاد رویش ندیم، شاعر یوسف خالد نے شرکت کی۔ شرکاء نے ادب کی معاشرے میں ضرورت و اہمیت واضح کرتے ہوئے کہا کہ ادب ہر دورمیں انسانی جذبات،احساسات اور خیالات کے اظہار کا ذریعہ بنا ہے، پہلے روز کی آخری نشست ”اردو صحافت اور مذاحیہ نثر نگاری“ کے موضوع پر منعقد ہوئی جس میں ٹی وی کے معروف مصنف و کالم نگار گل نوخیز اختر اور سبوخ سید نے شرکت کی۔

بھیرہ وزیراعلی پنجاب عثمان بزدار نے شکایت سیل سرگودھا ڈویژن کے چیئرمین حسن انعام پراچہ کی درخواست پر بھیرہ شہر کو تاریخی ورثہ قرار دینے کے لئے سروے کا حکم دے دیا ہے وزیر اعلی کے حکم پر ڈپٹی ڈائریکٹر وال سٹی لاہور اتھارٹی مبشر حسن نے شہر کے تاریخی مقامات کا سروے کیا تحریک انصاف تحصیل بھیرہ کے جنرل سیکرٹری چوہدری خالد محمود ارائیں کی رہائش گاہ پر میڈیا سے گفتگو کرتے ہوئے مبشر حسن نے بتایا کہ بھیرہ شہر کی تاریخی اہمیت سے انکار نہیں قبل مسیح سے آباد اس شہر کو شیر شاہ سوری نے نئے سرے سے آباد کیا اس دور میں تعمیر ہونے والی جامع مسجد بگویہ بھیرہ۔ اورنگزیب عالمگیر کے دور میں تعمیر ہونے والے حافظانی مسجد۔بدھ دور کے مندر سکھ دور کا گردوارہ اور ملکہ وکٹوریہ عہد میں تعمیر ہونے والے تاریخی دروازے اب تک اپنی اصلی حالت میں موجود ہیں جن کی حفاظت اور بحالی کے لیے وزیر اعلی پنجاب نے حسن انعام پراچہ کی درخواست خصوصی احکامات جاری کیے ہیں تاکہ تاریخی ورثہ کو محفوظ کیا جا سکے انہوں نے کہا کہ شہر کی تاریخ کو مسخ نہ کیا جائے اور اسے اس کی اصل حالت میں بحال کرنے کے لئے عوام کا تعاون ازحد ضروری ہے اس موقع پر چوہدری نوید جاوید،مہر محمد بلال طاہری،محمد عظمت اقبال،چوہدری امیر معاویہ،محمد عاطف اقبال،عطالرحمن،گادی ویلفیئر کے چیئرمین چوہدری محمد فاروق سابق ارکان بلدیہ چوہدری محمد ریاض گادی،مہر محمد بشیر،چوہدری شفیق الرحمن انصاری اور چوہدری صابر علی بھی موجود تھے مبشر حسن نے شہر کے تاریخی مقامات ریلوے اسٹیشن کا سروے کیا انہوں نے یقین دلایا کہ سروے رپورٹ کی منظوری کے بعد ان تاریخی آثار کی بحالی کے لیے کام شروع کر دیا جائے گا

حسن انعام پراچہ نے ایک اور وعدہ پورا کردیا وزیر اعلئ پنجاب سے سپیشل ریکوسٹ بھیرہ ڈی ایس پی آفس قائم اب میانی اور بھیرہ والوں کے مسائل ڈی ایس پی بھیرہ سنیں گے اس طرع جرائم میں بھی کافی حد تک کمی ھو پائے گی حکومت پنجاب کا فیصلہ

بھیرہ اسسٹنٹ کمشنر محمد مرتضیٰ نے کہا ہے کہ رمضان المبارک کی آمد سے قبل گرانی کو روکنے اور عوام کو مناسب نرخوں پر اشیائے ضروریہ کی فراہمی کے لیے اقدامات کیے جا رہے ہیں رمضان المبارک کے دوران 85 روپیہ فی کلو چینی کی فروخت کو یقینی بنایا جائے گا اور کسی تاجر اسٹاکسٹ یا دوکاندار کو زائد نرخوں پر فروخت کی اجازت نہیں دی جائے گی انہوں نے تاجروں سے کہا کہ رمضان المبارک کے مقدس مہینہ میں عوام کی ضروریات کا خیال رکھتے ہوئے ناجائز منافع خوری سے گریز کر کے اللہ پاک کی خوشنودی حاصل کریں

بھیرہ ایس او پیز کی خلاف ورزی پر اسسٹنٹ کمشنر محمد مرتضی کی قیادت میں آپریشن کرتے ہوئے انتظامیہ نے 5 مارکیز/شادی ہالز اور 2 درجن سے زائد دوکانات سیل کر دیں تحصیلدار حاجی اکبر جاوید نے شادی بیاہ کی تقریبات پر پابندی کے باوجود باراتیوں کا اکٹھ کرنے اور ایس او پیز کی خلاف ورزی پر 5 مارکیز شادی ہالز اور دوکانات جبکہ چیف آفیسر بلدیہ ظفر عباس بھٹی نے مزید دوکانات کو سیل کر دیا انہوں نے دکانداروں کو تنبیہ کی کہ وہ کرونا کے پھیلاؤ کو روکنے اور عوام کی زندگیوں کو محفوظ رکھنے کے لئے حکومتی ہدایات پر عمل کریں خلاف مزید سخت کاروائی کرتے ہوئے ان کے خلاف مقدمات کا اندراج بھی کیا جائے گا عوام نے انتظامیہ سے مطالبہ کیا ہے کہ سیل کی گئی مارکیز اور شادی ہالز پر گہری نظر رکھیں کیونکہ شادی ہال مالکان سیل ہونے کے باوجود بیک ڈور سے تقریبات جاری رکھے ہوئے ہیں