Category: سرگودھا

چئیرمین وزیر اعلیٰ پنجاب شکایات سیل حسن انعام ہراچہ کی جانب سے بلا تفریق عوام دوست پالیسی کی بدولت مین سرکلرروڈ بھیرہ سے رانا محمد اقبال کی حویلی کے ساتھ محلہ آبکاری کو جاتی یہ گلی پچھلے 15 سال سے نہ بنوائی جا سکی اس گلی میں برسات کے دوران 2 / 2 فٹ تک پانی کھڑا ہوجاتا تھا کو ریاض گادی سابق کونسلر، فاروق گادی ،رانا اقبال سابق کونسلر کی نشاندہی اور محنت سے اب دوبارہ محلے داروں کی مرضی کے مطابق بنوائی جا رہی ہے

کمشنر سرگودہا ڈویژن ڈاکٹر فرح مسعود ڈویژنل ڈویلپمنٹ ورکنگ پارٹی کے منعقدہ اجلاس کی صدارت کر رہی ہیں۔اجلاس میں ڈپٹی کمشنر میانوالی محمدعمر شیر چٹھہ، ڈائریکٹر ڈویلپمنٹ شکیل نعمان، ایس ای ہائی ویز شفقت حسین بخاری اور ایس ای اریگیشن چوہدری اعجازاحمد سمیت دیگرمتعلقہ افسران بھی شریک ہیں۔

کمشنر سرگودہا ڈویژن ڈاکٹرفرح مسعود سے تھری ایئر ڈیفنس ڈویژن سرگودہا کینٹ کے بریگیڈیئر جولیئن معظم جیمز نے دفتر میں ملاقات کی ملاقات میں کمشنر ڈاکٹر فرح مسعود نے پاک فوج کی سول ایڈمنسٹریشن کی ضرورت پڑنے پر مدد کی تعریف کی اور آئندہ بھی ملکر چلنے پر اتفاق پایا گیا

کمشنرسرگودہا ڈویژن ایڈمنسٹریٹر میٹروپولیٹن کارپوریشن ڈاکٹر فرح مسعود شہر میں ٹریفک اور پارکنگ کے مسائل کے ازالہ کیلئے مشاورتی اجلاس کی صدارت کر رہی ہیں۔ اجلاس میں ڈپٹی کمشنر نائلہ باقر، ڈی پی او ذوالفقار احمد، ایڈیشنل کمشنر شہباز حسین نقوی، ڈی جی پی ایچ اے محمد یاسر بھٹی، ڈائریکٹر لوکل گورنمنٹ حنا ارشد، سیکرٹری ڈی آر ٹی اے فاروق حیدر عزیز، ایڈیشنل ڈپٹی کمشنر ریونیو شاہ رخ نیازی، ڈی ایس پی ٹریفک شیخ کاشف مسعود، چیف کارپوریشن آفیسر میٹروپولیٹن کارپوریشن خواجہ عمران صفدر، ڈائریکٹر کالجز پروفیسر محمد احمد سیال، سی ای او ہیلتھ ڈاکٹر رائے سمیع اللہ، سی ای او ایجوکیشن ریاض قدیر بھٹی، ڈپٹی ڈائریکٹر ٹیکنیکل رانا شاہد عمران او رکنٹونمنٹ بورڈ سمیت متعلقہ محکموں کے افسران بھی شریک ہیں کمشنرنے ٹریفک پولیس،میٹروپولیٹن کارپوریشن،کنٹونمنٹ بورڈ اور ڈی آر ٹی اے سمیت تمام اداروں کو ایک ہفتہ کے اندر قابل عمل تجاویز تیار کرنے کی ہدایت کی

وزیرصحت پنجاب ڈاکٹر یاسمین راشد، چیف سیکرٹری پنجاب جواد رفیق ملک کے ہمراہ انسداد کورونا کے حوالے سے منعقدہ اجلاس کی صدارت کر رہی ہیں۔ اجلاس میں کمشنرسرگودہا ڈویژن ڈاکٹر فرح مسعود اور ریجنل پولیس آفیسر اشفاق احمد خان بذریعہ ویڈیو لنک شریک ہیں۔

بھیرہ اسسٹنٹ کمشنر محمد مرتضی نے کہا ہے کہ کرونا کی تیسری لہر کے اثرات سے عوام کو محفوظ رکھنے کے لئے علاقہ بھر میں کرونا ایس او پیز پر سختی سے عمل کرایا جائے گا وہ جنرل بس سٹینڈ۔چوک دروازہ چک والا اور پھلروان روڈ پر کرونا ایس او پیز آگاہی مہم کے سلسلہ میں عوام سے گفتگو کر رہے تھے انہوں نے عوام پر زور دیا کہ سماجی فاصلوں کو برقرار رکھیں بلا ضرورت گھر سے باہر نہ نکلیں اور ماسک کا لازمی استعمال کریں باتوں کو 20 سیکنڈ تک دن میں بار بار دھوئیں انہوں نے کہا کہ کرونا وائرس سے بچاؤ کا واحد طریقہ احتیاط ہے جس پر عمل کر کے ہم اس موذی مرض سے چھٹکارا حاصل کر سکتے ہیں

بھیرہ کرونا وائرس سے بچاؤ کے لئے تحصیل ہیڈ کوارٹر ہسپتال بھیرہ میں بزرگ افراد کو ویکسینیشن کا عمل شروع کر دیا گیا ہے ڈپٹی ڈسٹرکٹ آفیسر ہیلتھ ڈاکٹر حافظ محمد اسماعیل کی نگرانی میں میڈیکل سٹاف نے مفتی شہر پیر ابرار احمد بگوی سیالوی کو ویکسین لگا کر مہم کا آغاز کیا اس موقع پر میڈیکل افسر ڈاکٹر فرقان حسین بھی موجود تھے پیر ابرار احمد بگوی سیالوی نے کہا حکومت کی جانب سے بزرگ افراد کے لئے مفت ویکسین نہایت اچھا اقدام ہے ہمارا فرض ہے کہ ہم اپنے پیاروں کو موذی مرض سے بچاؤ کے لیے اس سہولت سے فائدہ اٹھائیں اور دوسروں کے لئے باعث رحمت بنیں

بھیرہ ڈسٹرکٹ ایجوکیشن آفیسر سیکنڈری سردار اختر عباس خان بلوچ نے تحصیل بھیرہ کے مختلف تعلیمی مدارس کا دورہ کیا اور سکول کونسلز ہیڈماسٹرز اور اساتذہ کے مشترکہ اجلاس ںسے خطاب کرتے ہوئے انہیں ہدایت کی کہ تعلیمی اداروں کی کارکردگی کو مزید بہتر بنانے کے لئے شرائط داخلہ میں مزید اضافہ کیا جائے انہوں نے کہا کہ تعلیم ہر بچے کا بنیادی حق ہے والدین کا فرض ہے کہ وہ اپنے بچوں کو تعلیمی اداروں میں داخل کروائیں تاکہ وہ پڑھ لکھ کر ملک کا مفید شہری ثابت ہوں