Category: شیخوپورہ

شیخوپورہ (نمائندہ باغی ٹی وی سے) باخبر ذرائع کے مطابق وفاقی حکومت ریلوے کے فوت شدہ ملازم غلام محمد کی بیوہ نذیراں بی بی کو تلاش کر ہی ہے اور اس مقصد کے لیے محکمہ مال کے حکام کی بھی مدد حاصل کر لی گئی ہے بتایا گیا ہے کہ وفاقی کابینہ نے بیوہ نذیراں بی بی کو مالی امداد دینے کا فیصلہ کیا تھا مگر اس کی درخواست دیئے جانے والے موبائل فون نمبر بند ہیں جس کی وجہ سے 6 ماہ کا عرصہ گذر جانے کے باؤجود بیوہ خاتون سے وفاقی حکومت کا رابطہ نہ ہو رہا ہے جس نے اپنی درخواست میں 6 بی ریلویز کالونی شیخوپورہ کا پتہ درج کیا تھا ذرائع کے مطابق کیبنٹ ڈویژن بیوہ نذیراں بی بی سے رابطہ کرنے کی خاطر تحریری طور پر محکمہ مال کے حکام سے بھی رابطہ کر لیا ہے اور ہدایت کی ہے کہ بیوہ نذیراں بی بی سے رابطہ کو یقینی بنایا جائے اور اسے مالی امداد کا چیک وصول کرنے کی خاطر آگاہ کیا جائے اور اس کے زندہ ہونے کا سرٹیفکیٹ بھی دیا جائے

شیخوپورہ (نمائندہ باغی ٹی وی سے) پاکستان تحریک انصاف ضلع شیخوپورہ کے صدر کنور عمران سعید خان نے میونسپل کمیٹیوں اور ٹاؤن کمیٹیوں میں تحریک انصاف کی تنظیموں کی گورننگ باڈیز کے ناموں کی منظوری دے دی ہے جس کے بعد ایڈیشنل جنرل سیکرٹری حافظ مدثر مصطفیٰ خان نے ان ناموں کا نوٹیفکیشن جاری کر دیا ہے تحریک انصاف کے ذرائع کے مطابق ان میں شرقپور شریف مانانوالہ فیروز وٹواں کوٹ پنڈی داس جھبراں خانپور نارنگ منڈی کی کمیٹیاں شامل ہیں

شیخوپورہ (نمائندہ باغی ٹی وی )پاکستان بھر کی طرح ضلع شیخوپورہ میں بھی کشمیر ڈے کے سلسلہ میں کشمیری بہن بھائیوں سے اظہار یکجہتی کے حوالے سے سمینار اور ریلیوں کا انعقاد کیا گیا۔یوم کشمیر کے سلسلہ میں سب سے بڑی تقریب کا انعقاد تحصیل کونسل ہال کمپنی باغ میں کیا گیا جس کے مہمان خصوصی صوبائی وزیربرائےڈیزاسٹرمنجمنٹ میاں خالد محمود اور ڈپٹی کمشنر شیخوپورہ محترمہ سدرہ یونس تھے۔اس موقع پر ممبر صوبائی اسمبلی میاں جلیل شرقپوری،راہنما پی ٹی آئی رانا وحید،کنور عمران سعید، ڈی پی او شیخوپورہ غازی صلاح الدین،ایڈیشنل ڈپٹی کمشنر ریونیو رانا شکیل اسلم، ایڈیشنل ڈپٹی کمشنر (جنرل)واصف بشیر کھوکھر ،ایڈیشنل ڈپٹی کمشنر (فنانس اینڈ پلاننگ) مظہر اقبال،اسسٹنٹ کمشنر شیخوپورہ شبیر حسین بٹ،جاوید چوہان، سی ای او ہیلتھ ڈاکٹر صدیق سی ای او ایجوکیشن مسعود اختر صدر شیخوپورہ بار کونسل زاہد سعید سمیت تمام اداروں کے افسران و ملازمین کے علاوہ طلباءاور عوام الناس کی کثیر تعداد نے شرکت کی۔سمینار کے شرکاءسے خطاب کرتے ہوئے صوبائی وزیر میاں خالد محمود نے کہا کہ کشمیرپاکستان کی شہ رگ ہےاور بھارت کا جنونی رویہ خطے کے امن کے لیےبڑاخطرہ ہے انہوں نے کہا کہ حکومت پاکستان کی بہترین سفارتکاری کی بدولت کشمیر ایک بین الاقوامی ایشو بن گیا ہے وزیر اعظم پاکستان نےاقوام متحدہ کی جنرل اسمبلی میں مسئلہ کشمیر کو بھرپور انداز سے اٹھایا ہے انہوں نے کہا کہ مقبوضہ کشمیرمیں رواں صدی کا بدترین المیہ رونما ہونے کا خدشہ ہے پچھلے 6ماہ سے مقبوضہ کشمیر میں خوراک ادویات اور دیگرضروریات کی شدید کمی ہے انہوں نے کہا کہ مودی کو اپنا قبلہ درست کرکے مذاکرات کی میز پر آنا چاہیے نہیں تو پوری قوم افواج پاکستان کے شانہ بشانہ بھارتی مظالم کے خلاف لڑے گی اور وہ دن دور نہیں جب مقبوضہ کشمیر پاکستان کا حصہ ہوگاانہوں نے مزید کہا کہ آج ہماری بیٹیاں بھی کشمیریوں پر بھارتی مظالم کے خلاف ہزاروں کی تعداد میں اجتجاج کررہی ہیں اس موقع پر میاں جلیل احمد شرقپوری نے کہا کہ بھارت کشمیرپر زبردستی تسلط قائم نہیں رکھ سکتاپاکستان ہر فورم پر مقابلہ کرنے کے لیے تیار ہے کشمیریوں سے جینے کا حق نہ چھینا جائے بھارت کرفیو ختم کرکے بے گناہ قید شہریوں کو رہا کرے اور مواصلاتی پابندیوں کو فی الفور ختم کرے سمینار کے شرکا سے خطاب کرتے ہوئے ڈپٹی کمشنر شیخوپورہ محترمہ سدرہ یونس نے کہا کہ کشمیر کے معاملے پر کسی بھی حد تک جائیں گے مودی نے ہندو ذہنیت کے ساتھ مسلمانوں پر ظلم و ستم کی انتہا کر دی ہے عالمی برادری مودی کے اس اقدام پر نوٹس لے پاکستان کے 22کروڑعوام نے کشمیری بھائیوں کا مقدمہ دنیا کے سامنے پیش کر دیا ہے انہوں نے کہا کہ مشکل کی گھڑی میں پوری قوم کشمیریوں کے ساتھ کھڑی ہے مودی کی ہٹ دھرمی خطے کے امن کے لیے خطرہ بن چکی ہے۔ڈپٹی کمشنر نے کہا کہ پاکستانی قوم ہر طرح سے کشمیریوں کے ساتھ ہے اور کسی بھی صورت میں انہیں تنہا نہیں چھوڑے گی۔آخر میں کشمیری بھائیوں سے اظہار یکجہتی کے لیے ریلی کا انعقاد کیا گیا جو کہ تحصیل کونسل ہال سے شروع ہوکر جناح پارک پر اختتام پزیر ہوئی ریلی کے شرکانےکشمیر میں بھارتی مظالم اور بربریت کے خلاف پلے کاڈز اور بینرز اٹھا رکھے تھے جن پر مودی حکومت مردہ باد اور بھارتی فوج مردہ باد کے نعرے درج تھے ریلی کے شرکاُنے بھارت کے خلاف شدید نعرے بازی کی ریلی کے اختتام پر ملک کی سلامتی اور خوشحالی کے لیے دعا بھی کی گئی اور لاہور پولی ٹکنیکل انسٹیٹوٹ کے طلباُ نے علامتی زنجیر بھی بنائی۔

شیخوپورہ (نمائندہ باغی ٹی وی سے) ڈپٹی کمشنر شیخوپورہ سدرہ یونس اور ایڈیشنل ڈپٹی کمشنر جنرل ملک واصف بشیر کھوکھر کے براہ راست کاروائی کرنے کی بناء پر شہر اور اس کے نواحی علاقوں میں آٹا کی مصنوعی قلت ختم ہوگئی ہے اور 20 کلو کا آٹا کا تھیلہ 805 روپے میں جبکہ دس کلو کا آٹا کا تھیلہ 403 روپے میں فروخت ہو رہا ہے ذرائع کے مطابق 20 کلو آٹا کے تھیلے کی قیمت چند روز قبل 840 تا 850 روپے جبکہ دس کلو آٹا کے تھیلے کی قیمت 420 تا 430 روپے تک پہنچ گئی تھی جس پر ہونے والے عوامی احتجاج پر ایڈیشنل ڈپٹی کمشنر جنرل واصف بشیر کھوکھر نے ڈی ایف سی اور محکمہ خوراک کے دیگر حکام سے میٹنگ کر کے آٹا کی مصنوعی قلت کو ختم کرنے کا لائحہ عمل مرتب کیا اور اے ڈی سی جی نے ہدایت جاری کی کہ تمام فلور ملوں کو ملنے والی سرکاری گندم کی پسائی اور اس سے روزانہ بننے والے 30 ہزار تھیلوں کی ضلع شیخوپورہ میں فروخت کو یقینی بنایا جائے اس دوران فلور ملوں میں سرکاری گندم کی پسائی کی نگرانی کے لیے محکمہ مال کے عملے کی بھی خدمات حاصل کر لی گیں اس کے بعد آٹا کا مصنوعی بحران ختم ہوگیا باخبر ذرائع نے بتایا ہے کہ ضلعی حکام نے فلور ملوں کے بجلی کے میٹروں کی روزانہ چیکنگ کے لیے لیسکو کے حکام سے مل کر لائحہ عمل مرتب کر لیا ہے تاکہ سرکاری گندم کا کوٹہ فروخت کرنے والی ملوں کے مالکان کے خلاف کاروائی کی جاسکے یاد رہے کہ ضلع شیخوپورہ میں محکمہ خوراک فلور ملوں کو 1375 روپے فی 40 کلو کے حساب سے گندم مہیاء کرتی ہے جبکہ مارکیٹ میں گندم کا ریٹ 1750 تا 1800 روپے فی 40 کلو ہوچکا ہے اس سے فائدہ اٹھاتے ہوئے چند مل مالکان گندم محکمہ خوراک سے لے کر آٹا بنانے کی بجائے اسے مارکیٹ میں فروخت کر دیتے تھے ذرائع نے بتایا ہے کہ گندم کی پسائی اور آٹے کی فروخت کی نگرانی کا موجودہ لائحہ عمل جاری رکھا گیا تو ضلع شیخوپورہ میں آٹے کا بحران دوبارہ پیدا نہ ہونے کی توقع ہے جبکہ محکمہ خوراک کے پاس کئی ماہ تک فلور ملوں کو گندم مہیاء کرنے کے ذخائر موجود ہیں