Category: شیخوپورہ

شیخوپورہ(نمائندہ باغی ٹی وی )ملک بھر کی طرح شیخوپورہ میں بھی ضلعی انتظامیہ کے زیر انتظام ڈسٹرکٹ پبلک سکول میں قائد اعظم ڈے کے حوالے سے تقریب کا اہتمام کیا گیا جس کے مہمان خصوصی صوبائی وزیر برائے ڈیزاسٹرمنجمنٹ میاں خالد محمود اور ڈپٹی کمشنر شیخوپورہ محترمہ سدرہ یونس تھیں۔اس موقع پر ایڈیشنل ڈپٹی کمشنر(جنرل)واصف بشیر کھوکھر،اسسٹنٹ کمشنرشیخوپورہ شبیر حسین بٹ،اظہر عباس گیلانی۔جاوید چوہان ،پرنسپل ڈی پی ایس مس شاہدہ اقبال،طلبا وطالبات کے والدین سمیت میڈیا کے نمائندگان نے کثیر تعداد میں شرکت کی۔تقریب میں طلبا وطالبات نے بانی پاکستان قائد اعظم محمد علی جناح کی زندگی کے مختلف پہلووُں پر روشی ڈالی اورکہا کہ ہم قائداعظم کے افکار ایمان اتحاد تنظیم پر عمل پیرا ہوکر پاکستان کا مستقبل سنوار سکتے ہیں تقریب سے خطاب کرتے ہوئے صوبائی وزیر میاں خالد محمود نے کہا کہ پاکستان لاالہ الا اللہ کے نام پر حاصل کیا گیا ہمیں چاہیے کہ اپنے فرائض کی ادائیگی پوری ایماندرای کے ساتھ کریں تاکہ اس ملک کو صحیح معنوں میں قائد اعظم کا پاکستان بنا سکیں انہوں نے مزید کہا اسلام کے نام پر بننے والے پاکستان میں تمام مکاتب فکر کو مکمل آزادی حاصل ہے یہ وہ وقت ہے کہ تمام مکاتب فکر اپنے اختلافات بھلا کر پاکستان کو مستحکم کریں اور امن کا گہوارہ بنائیں اس موقع پر تقریب سے خطاب کرتے ہوئے ڈپٹی کمشنر شیخوپورہ محترمہ سدرہ یونس نے کہا قائد اعظم ڈے ہمیں اپنے عظیم لیڈر محمد علی جناح کی بے مثال جدو جہد کی یاد دلاتاہے انہوں نے کہا کہ بہت سے لوگوں نے تاریخ پر اچھے اثرات چھوڑے لیکن ہمارے قائد وہ ہیں جنہوں نے تاریخ رقم کی جناح کے لیے یہ بات کہنا غلط نہ ہو گی کہ وہ ایسی تاریخ ساز شخصیت تھے جو کہیں صدیوں بعد پیدا ہوتی ہے۔انہوں نےکہا کہ قائداعظم بہترین سیاست دان اور مسلمانوں کے عظیم لیڈر ہیں جن کو کبھی دل سے فراموش نہیں کیا جاسکتا۔انہوں نے مزید کہا کہ آج کے پاکستان کو قائد کا پاکستان ہم بنائیں گے۔ تقریب میں سکول کے بچوں نے تقاریر،علاقائی وثقافتی ٹیبلوز اور ملی نغمے پیش کر کے تقریب کو چار چاند لگا دیے آخر میں قائداعظم کی سالگرہ کا کیک کاٹا گیا اور ملکی سلامتی کے لیےخصوصی دعا بھی کی گئی

شیخوپورہ (نمائندہ باغی ٹی وی)
میڈیکل سپرنٹنڈ نٹ صاحب نے ماہ نومبر 2019 کی کارکردگی رپورٹ جاری کر دی۔

ڈی ایچ کیو ہسپتال شیخوپورہ کی کارکردگی ماہ نومبر 2019 میں بھی شاندار رہی۔ ڈی ایچ کیو ہسپتال شیخوپورہ میں مریضوں کی تعداد میں بہت اضافہ ہوا۔جن میں او پی ڈی اورایمرجنسی کے126153 مریض ہسپتال میں دیکھے گئے، جن میں سے ان ڈور کے10263 مریض ہسپتال کے مختلف شعبوں میں داخل ہوئے اور35688 مریض ایمرجنسی میں لائے گئے جن کا بروقت اور بہترین علاج کیا گیا۔ایمرجنسی ڈیپارٹمنٹ میں کتے کے کاٹے کی ویکسین بھی 24 گھںٹے موجود ہوتی ہے۔
ماہ نومبرمیں ہسپتال کی لیبارٹری میں 18409ٹیسٹ کئےگئے۔ ریڈیالوجی ڈیپارٹمنٹ میں 7312 ایکسرے، 4178 الٹراساؤنڈ اور694 سی ٹی سکین پرفارم کئے گئے۔ گائناکالوجی ڈیپارٹمنٹ میں 811 ڈلیوریزکی گئی جن میں سے 395 آپریشن اور416 نارمل ڈ یلیوریز تھیں، یہاں یہ امر قا بل ذکر ہے کہ ہسپتال ہذا میں زیادہ تر گائنی کے پیچیدہ کیس لا ئے جاتے ہیں۔ اس کے علاوہ 983 سرجریزبھی پرفارم کی گئی۔
ڈی ایچ کیو ہسپتال شیخوپورہ میں برن یونٹ بھی فنکشنل کر دیا گیا ہے۔ اوراس کے علاوہ ماہ نومبر2019میں پہلی بار ڈی ایچ کیو ہسپتال شیخوپورہ میں میگسیلوفیشل ٹوٹے جبڑوں کی سرجری شروع کی گئی۔
ڈی ایچ کیو ہسپتال شیخوپورہ میں ایکسر ے، سی ٹی سکین،الٹراساؤنڈ، ای سی جی کے علاوہ ایکوکارڈیوگرافی اور اینڈوسکوپی کی سہولت بھی مہیا کر دی گئی ہے۔ جس کی وجہ سے لاہورریفر ہونے والے مریضوں کی تعداد میں نمایاں کمی آئی ہے۔
ہسپتال کے ڈائلیسزیونٹ میں گردوں کی صفائی کے لئے ماہ نومبر میں 1546ڈائلیسزکئے گئے ہیں۔
ہسپتال انتظامیہ ہر وقت مریضوں کی خدمت کے لئے کوشاں ہے تاکہ آنے والے مریضوں کو کسی قسم کا مسئلہ درپیش نہ آئے اور وہ بروقت اپنا علاج کرواسکیں۔ مریضوں کو ادویات کی24 گھنٹے بروقت فراہمی کوبھی یقینی بنا یا گیا ہے۔
حکومت پنجاب کے احکامات اور ڈپٹی کمشنرشیخوپورہ کی ہدایت پر سی ای او صاحب کی نگرانی میں مریضوں کو بے شمار سہولیات مفت مہیا کی جارہی ہے۔ اور تما م ڈاکٹرز کو ہدایات کی جا رہی ہے کہ مریضو ں کے ساتھ حسن سلوک سے پیش آئے۔ اور ان کے ساتھ اپنا رویہ دوستانہ رکھیں۔

شیخوپورہ (نمائندہ باغی ٹی وی) پولیس ملازمان کے ڈسپلن اورٹرن آؤٹ کو بہتر بنانے کے لئے پولیس پریڈ گراونڈ میں ڈی پی او شیخوپورہ غازی محمد صلاح الدین کی ہدایت پر جنرل پریڈ کا انعقاد

تفصیلات کے مطابق پولیس ملازمان کے ڈسپلن اورٹرن آؤٹ کو بہتر بنانے کے لئے پولیس پریڈ گراونڈ میں ڈی پی او شیخوپورہ غازی محمد صلاح الدین کی ہدایت پر علی الصبح جنرل پریڈ کا انعقاد کیا گیا. جنرل پریڈ میں شیخوپورہ پولیس کے ساتھ ساتھ ، ٹریفک پولیس, ایلیٹ فورس اور لیڈیز پولیس کے دستے بھی شامل تھے-ایڈیشنل ایس پی سید احمد نواز شاہ نے پریڈ اور جوانوں کے ٹرن آوٹ کا معائنہ کیا اور چبوترے پر سلامی لی۔ جنرل پریڈ میں آئے پولیس افسران و ملازمان سے خطاب کرتے ہوئے انہوں نے کہا کہ اپنے فرائض دیانتداری اور خدمت خلق سمجھ کر سر انجام دیں۔ ہمارا مقصد عوام کی جان ومال کی حفاظت کرنا ہے اور اس ملک و قوم کی رکھوالی کے لیے ہم کسی بھی قسم کی قربانی سے دریغ نہیں کریں گے۔

شیخوپورہ (نمائندہ باغی ٹی وی) معذور افراد کے عالمی دن کے موقع پر پاکستان ایسوسی ایشن آف بلائینڈ کے زیر اہتمام میونسپل کارپوریشن کے ہال میں سیمنار کا انعقاد کیا گیا جس کی مہمان خصوصی ڈپٹی کمشنر شیخوپورہ محترمہ سدرہ یونس تھیں سمینار سے خطاب کرتے ہوئے ڈپٹی کمشنر شیخوپورہ نے کہا کہ حکومت پنجاب خصوصی افراد کی بحالی کے لیے بہترین انتظامات کر رہی ہے۔ خصوصی افراد کائنات کا حسن ہیں اور ہماری خصوصی توجہ کے طلبگار ہیں ان کی خصوصی تربیت کرکے انہیں مفید شہری بنایا جاسکتاہے ۔ معاشرے کے ہرفرد کا یہ فرض بنتا ہے کہ وہ خصوصی افراد کے حوالے سے زیادہ سے زیادہ دلچسپی لے کر اپنا کردار ادار کرے انہوں نے مزید کہا کہ ایسے افراد کو ڈس ایبل کہنا غلط ہوگا بلکہ یہ سپشل ایبل پرسن ہیں انہوں نے کہا کہ معذور افراد معاشرے کا اہم حصہ ہیں اور ان کو خصوصی توجہ کی ضروت ہے۔سمینار کے آخر میں پروفیسر عمردراز ڈوگر نے ڈپٹی کمشنر شیخوپورہ محترمہ سدرہ یونس کو اعزازی شییلڈ بھی پیش کی۔

شیخوپورہ (نمائندہ باغی ٹی وی) وزیر اعلی پنجاب سردار عثمان بزدار اور آئی پنجا ب کیپٹن شعیب دستگیر کے ویژن کے مطابق ڈی پی اوشیخوپورہ غا زی صلاح الدین نے ہفتہ وارکی بنیاد پر تھانہ صفدر آباد کے علاقے میں کھلی کچہری کا انقعاد کیا ۔ کھلی کچہری کا مقصد وہاں کی عوام و الناس کے مسائل کو سننا اور ان کا مناسب حل اور بر وقت کاروائی اور جلد از جلد انصاف کے تقاضوں کو پورا کرنا ہیں تاکہ عوام والناس کو انصاف ان کی دہلیز پر پہنچایا جاسکے۔کھلی کچہری میں عوام الناس کے بیٹھنے اور پینے کے پانی کا خصوصی انتظام کیا گیا۔کھلی کچہری میں صفدر آباد او ر اردگرد کے علاقے کی عوام والناس سے درخواستیں موصول کرکے ان کے حل کے لیے فوری طورپر متعلقہ افسران کو احکامات جاری کیے۔ اور ان میں سے کچھ درخواستوں کو موقع پر حل کر دیا گیا ۔کھلی کچہری میں متحدہ امن کونسل اور منتخب نمائندے تاجر وکلاء اور معززین شہر صفدر آباد کی بڑی تعداد نے شرکت کی۔ ڈی پی او شیخوپورہ نے سرکل آفیسر صفدرآبادخالد محمود اور تمام تفتیشی افسران کو ہدایات جاری کی۔کہ عوام والناس کو اس بات کی یقین دہانی کروائی جائے کہ پولیس ہمیشہ آپ لو گوں کی جان و مال کی حفاظت کے لیے دن رات اپنی خدمات سرانجام دے گی۔ تھانہ جات میں ہر آنے والے سائل کے ساتھ خو ش اسلوبی سے پیش آئے۔ اور عوام الناس کے ساتھ عوام دوست پالسیی کو فروغ دیں۔ تاکہ پولیس اور عوام کے درمیان پائے جانے والی دوریوں کو کم کیا جاسکے۔تھانہ جات میں ہر عام خاص کے لیے قانون یکساں ہے۔ اور کوئی بھی قانون سے بالاتر نہیں ہے۔ عوام و الناس کے لیے پولیس افسران کے دروازے چوبیس گھنٹے کھولے ہیں۔ اس موقع پر ڈی پی او شیخوپورسرکل افیسر صفدر آبادکے ہمراہ میڈیا سے گفتگو کرتے ہوئے کہا۔ کہ ڈسڑکٹ شیخوپورہ کو فری کرائم زون بناناہماری ا ولین ترجحات میں شامل ہے۔عوامی شکایات کے فوری ازالے کے لیے ڈسٹرکٹ پولیس اپنے تمام تر وسائل اوراختیارات کو برؤئے کار لائے گی۔اور اس میں کسی قسم کی کوئی کوتاہی اور لاپرواہی ہرگز برداشت نہیں کی جائے گی۔ تھانہ میں آ ئے ہوئے ہرسا ئل کی دادرسی کرنا اور انصاف کی فراہمی کو یقینی بنانا ہمار ا اخلاقی اور بنیاد ی فرض ہے۔

شیخوپورہ (نمائندہ باغی ٹی وی سے) انجمن غلامان مصطفی امامیہ کالونی کے زیر اہتمام ناروے میں قرآن پاک کی بے حرمتی کے واقعہ کے خلاف صدر انجمن محمد عاشق کی زیر قیادت ایک ریلی نکالی گئی جس میں مطالبہ کیا گیا کہ ڈنمارک سے آنے والی اشیاءکا بائیکاٹ کیا جائے دریں اثناءسیاسی مذہبی رہنماوں چوہدری شاہ نواز سرا ملک ذوالقرنین ڈوگر میاں شفاقت علی ممتاز خان مون چوہدری یاسر اقبال گوپے راءفہد قیوم ڈاکٹر محمد اشرف گھمن ملک عمر صدیق خان سردار شہزاد احمد ڈوگر آف ککڑ گل چوہدری محمد ناصر واہگہ محترمہ جمیلہ یونس محترمہ نجم السحر محترمہ بینش قمر ڈار چوہدری شہزاد علی ورک چوہدری محمد رمضان ورک میاں ذیشان پرویز سید واجد بخاری رانا محمد اشرف خان میاں عبدالرشید میاں منور اقبال رانا عمران سکندر قدیر خان چوہدری آصف منظور ورک چوہدری اکبر علی ورک میاں تنویر تبسم نے بھی ناروے میں قرآن پاک کی بے حرمتی کے واقعہ کی شدید مذمت کی ہے اور کہا ہے کہ ایسے واقعات عالمی امن کے لیے خطرہ ہیں