Category: شیخوپورہ

شیخوپورہ (نمائندہ باغی ٹی وی سے) ڈسٹرکٹ کونسل کے بورڈ ٹیکس کے ٹھیکہ میں سنگین نوعیت کی بد عنوانیوں کی فوری طور پر تحقیقات کروا کر اس کونسل کو مالی بحران سے بچایا جائے یہ بات سابق صدر ڈسٹرکٹ بار ایسوسی ایشن ملک نصراللہ خان وٹو ایڈووکیٹ نے جماعت اسلامی کے رہنما چوہدری خالد محمود ورک کے ہمراہ میڈیا کے نمائندوں سے گفتگو کرتے ہوئے کہی انہوں نے کہا کہ گذشتہ ایک سال سے شیخوپورہ میں مالی کرپشن کا طوفان مچا ہوا ہے اور اس ضلع میں تحریک انصاف کی حکومت کے کرپشن کو ختم کرنے کے تمام دعوے جھوٹے ثابت ہو رہے ہیں ترقیاتی کاموں پر کمیشن کی شرح پنجاب میں سب سے زیادہ اب ضلع شیخوپورہ میں ہوگئی ہے ضلع کونسل نے پچھلے سال بورڈ ٹیکس کا ٹھیکہ ایک کروڑ 60 لاکھ میں دیا تھا مگراب یہ ٹھیکہ مبینہ طور پر بھاری رشوت اور مک مکا کے ذریعے 80 لاکھ روپے میں دے دیا گیا ہے اور فیکٹریوں کی سالانہ فیس بھی ضلع کونسل ختم ہو جانے کی بناءپر ففٹی ففٹی کی بنیاد پر وصول کی جارہی ہے انہوں نے مطالبہ کیا کہ فوری طور پر صوبائی حکومت اس بات کی تحقیقات کروائے کہ بھکھی پاور پلانٹ پر وزیراعلیٰ کی آمد کے انتظامات کے اخراجات کے علاوہ سچاسودا میں سکھ یاتریوں کی آمد وغیرہ کے اخراجات کن کن محکموں نے اپنے اخراجات میں ظاہر کیے ہیں انہوں نے کہا کہ ضلع کونسل سمیت تمام بلدیاتی اداروں اور دیگر محکموں کے زیر انتظام ہونے والے ترقیاتی کاموں کی بھی فوری طور پر تھرڈ پارٹی فزیکل انسپکشن کروانے کی ضرورت ہے دریں اثناءضلع کونسل سمیت تمام مذکورہ محکموں کے حکام نے کہا ہے کہ بورڈ ٹیکس کی نیلامی میں ملی بھگت اور دیگر الزامات بالکل غلط ہیں تمام کام میرٹ پر ہوئے ہیں اور اخراجات اور کشمیر واک وغیرہ کے اخراجات بار بار ڈالنے کا الزام درست نہیں

شیخوپورہ (نمائندہ باغی ٹی وی سے) ضلع کونسل میں سنگین نوعیت کی مالی بد عنوانیوں کا انکشاف ہوا ہے اس بارے میں پاکستان تحریک انصاف کی اینٹی کرپشن کمیٹی کے چیئرمین بدر منیر چوہدری ایڈووکیٹ نے ایک رپورٹ تیار کر کے وزیراعظم عمران خان اور وزیراعلیٰ پنجاب عثمان بزدار کو بھیجی ہے جس میں کہا گیا ہے کہ گذشتہ چند ماہ کے دوران ضلع کونسل میں ترقیاتی کاموں ریلیاں نکالنے بڑے بڑے بورڈ بنوانے اور دیگر کاموں کے علاوہ چھوٹے کام مقامی کوٹیشنوں کی بنیاد پر کیے جانے کے ذریعے کروڑوں روپے خرد برد کیے گئے ہیں جس کی تحقیقات فوری طور پر نیب پنجاب کے سپرد کی جائے سابق چیئرمین ضلع کونسل رانا عتیق انور نے جب چارج چھوڑا تو ضلع کونسل کے کھاتوں میں تقریباً 90 کروڑ سے زیادہ رقم موجود تھی مگر بعداذاں دو من پسند ٹھیکیداروں اور بعض افسروں نے ملی بھگت کر کے سرکاری فنڈز کو بے دریغ طریقے سے جعلی بلوں کے ذریعے ہڑپ کیا اس دوران مقبوضہ کشمیر پر بھارت کے غاصبانہ قبضہ کے خلاف نکالی جانے والی ریلیوں کے علاوہ انسداد ڈینگی کی ریلیوں کے اخراجات کے نام پر بھی سنگین مالی بد عنوانیاں کی گئی ہیں چوہدری بدر منیر چوہدری نے میڈیا کے نمائندوں سے گفتگو کرتے ہوئے کہا کہ کرپشن مافیا کا تعاقب کرنا تحریک انصاف کی اولین ترجیح ہے ضلع شیخوپورہ کو سونے کی چڑیا سمجھ کر یہاں کروڑوں روپے کمانے والے افسروں کا ہر مقام پر ہر لحاظ سے احتساب ہوگا انہوں نے کہا کہ ہماری جماعت کمیشن اور کرپشن کے خاتمہ پر یقین رکھی ہے مگر اس ضلع میں جس قدر کرپشن چند افسروں نے رواں مالی سال کے دوران کی ہے اس کی مثال ماضی میں نہیں ملتی کئی افسر یومیہ حرام کی کمائی اکٹھا کرتے تھے دریں اثناءضلع کونسل سمیت تمام متعلقہ محکموں کے حکام نے مالی بدعنوانیوں بے ضابطگیوں کے الزامات کی تصدیق نہ کی ہے اور کہا ہے کہ ضلع کونسل کی رجسٹری فیس میں سالانہ کروڑوں روپے کی کمی اور صنعتی اداروں کی لائسنس فیس کی کمی کرپشن کی وجہ سے نہیں بلکہ دیگر وجوہات کی بنا پر ہوئی ہے

شیخوپورہ (نمائندہ باغی ٹی سے) پنجاب میں ایڈیشنل چیف سیکرٹری ایس ایم بی آر متعدد صوبائی سیکرٹریوں کمشنروں ڈپٹی کمشنروں اور ان کے برابر کے عہدہ کے افسروں کے تبادلوں کے بعد درجنوں کی تعداد میں دیگر افسروں کے تبادلوں کا بھی اصولی طور پر فیصلہ کر لیا گیا ہے نئی تقرریوں کے لیے دیانتدار فرض شناس اور دلجمی سے کام کرنے والے افسروں کی فہرستیں تیار کی جا رہی ہیں اور ایسے افسروں کو فیلڈ ڈیوٹی سے فارغ کیا جا رہا ہے جن کے بارے میں کچھ عرصہ قبل خفیہ اداروں نے وزیراعظم عمران خان کی ہدایت پر رپورٹ تیار کی تھی کہ وہ مالی کرپشن میں ملوث ہیں اور ان کی وجہ سے وزیراعظم کے ویژن کے مطابق سرکاری مشینری شفاف انداز میں کام نہیں کر رہی جس کا سامناحکومت کو کرنا پڑتاہے ذرائع کے مطابق جن افسروں کے تبادلوں کا اگلا راﺅنڈ چلنے کی توقع ہے ان میں متعدد ایڈیشنل ڈپٹی کمشنر ریونیو ایڈیشنل ڈپٹی کمشنر فنانس اسسٹنٹ کمشنرز ڈی ایم اوز سی ای اوز اور ان کے برابر کے عہدوں کے علاوہ صوبائی محکموں کے ڈویژنل اور ڈسٹرکٹ کی سطح پر کام کرنے والے متعدد افسران شامل ہیں ذرائع کے مطابق اس بات کا بھی امکان ہے کہ کرپشن میں ملوث افسروں کو آنے والے دنوں میں سخت حالات کا سامنا کرنا پڑے اور انہیں نیب اور اینٹی کرپشن کے روبرو بھی اپنی آمدن سے زیادہ وسائل کو ثابت کرنا پڑسکتا ہے

شیخوپورہ (نمائندہ باغی ٹی وی سے) شیخوپورہ سے متعدد افسروں کے تبادلوں پر دیانتدار سیاسی رہنماوں اور ملازمین نے خوشی کا اظہار کیا ہے اور کئی افسروں کے تبادلوں کی خوشی میں آتش بازی کامظاہرہ اور مٹھائی بھی تقسیم کی گئی ہے سب سے زیادہ خوشی کا اظہار تعمیراتی کاموں کے ٹھیکیداروں کی طرف سے کیا گیا ہے جنہیں کچھ عرصہ سے سابقہ دور حکومت کے مقابلے میں زیادہ کمیشن دینا پڑتی تھی اور انہوں نے ایک افسر کومسٹر فور پرسنٹ کا نام دیا ہوا تھا اور بعض افسروں کی وجہ سے ضلع شیخوپورہ میں کمیشن کی شرح بڑھ گئی تھی اور کرپشن مافیا بلا جھجک اپنی سرگرمیاں جاری رکھے ہوئے تھا نئی ڈپٹی کمشنر سدرہ یونس سے شیخوپورہ کی عوام توقع کر رہے ہیں کہ وہ موجودہ حکومت کے ویژن کے مطابق کرپشن اور کمیشن مافیا کو نکیل ڈالنے کے لیے اپنی بہترین صلاحیتوں کو بروئے کار لائیں گی