Category: سیالکوٹ

سیالکوٹ ،باغی ٹی وی( بیوروچیف شاہد ریاض سے) پسرور میں رکشہ مافیا کا راج، انتظامیہ بے بسی کی تصویر بن گئی

تحصیل پسرور میں رکشہ مافیا کا راج/ انتظامیہ بے بسی کی تصویر بن گئی،مین بازار کے سامنے پرانا لاری اڈا چوک میں دونوں اطراف رکشہ مافیا کا قبضہ۔ٹریفک جام رہنا معمول بن گیا۔ انتظامیہ کی جانب سے لگایا جانے والا نو پارکنگ بورڈ بھی نظر انداز۔ڈسکہ موڑ پسرور۔پرانا لاری اڈا چوک پسرور اور چوک شاہ ببن گیٹ پسرور ان جگہوں پر ٹریفک جام رہنا معمول بن گیا ہے

ان چوکوں میں کوئی ٹریفک پولیس اہلکار موجود نہیں ہوتے کسی کی ڈیوٹی نہیں یہاں پر لگائی جاتی مسافر 30 منٹ سے زیادہ دیر تک ٹریفک میں پھنسے رہتے ہیں حالانکہ ان چوکوں میں ٹریفک پولیس اہلکاروں کی ڈیوٹی ریگولر ہونی چاہیے جب کے ٹریفک پولیس اہلکار نارووال بائیپاس پسرور میں ناکہ لگا کر ٹرانسپورٹ ڈرائیوروں سے 100 سو روپے سے لے کر 500 سو روپے تک صبح سے لے کر شام تک رشوت لے کر جیب میں ڈالتے جاتے ہیں

ڈسٹرکٹ آفیسر ٹریفک پولیس سیالکوٹ کو چاہیے کے اس پر نوٹس لے۔

سیالکوٹ، باغی ٹی وی( بیوروچیف شاہد ریاض سے)مسلح ڈاکوؤں نے شہری سے نقدی اور قیمتی موبائل فون چھین لئے

تفصیل کے مطابق رنگپورہ کا رہائشی سلیمان نامی نوجوان سے مسلح ڈاکوؤں نے شہری سے نقدی اور قیمتی موبائل فون چھین لئے ہیں

جب سلیمان نامی نوجوان محلہ حسین پورہ کے قریب پہنچا جہاں موٹرسائیکل سوار دو مسلح ڈاکوؤں نے اسلحہ کے زور پر اسے روک کر اس سے 2 لاکھ روپے نقدی لاکھوں روپے مالیت کے دو قیمتی موبائل فون چھین لئے اور فرار ہو گئے

جبکہ پولیس مصروف تفتیش ہے،شہریوں کا کہنا ہے کہ پولیس مصروف تفتیش سے کب باہر نکلے گی اور عوام کو تحفظ کا احساس دلائے گی.

سیالکوٹ،باغی ٹی وی( بیوروچیف شاہد ریاض سے)سابق ڈی او اسپشل برانچ انسپکٹرقیصر امین بٹ اور وسیم بٹ کے خلاف کسٹمز انٹیلی جنس کی مدعیت میں بھی مقدمہ درج ،

انسپکٹرقیصر امین بٹ کے گھر سے 3عدد نان کسٹم گاڑیاں برآمد ہوئی تھی۔کسٹم اینٹلی جنس نے کسٹم ایکٹ178 اور 156 دفعات کے تحت مقدمہ درج کر لیا

ایف آئی آر کے متن کے مطابق انسپکٹرقیصر امین بٹ نے دوران ریڈ کسٹم عملہ سے مزاخمت کی اورانسپکٹرقیصر امین بٹ نے اپنے آپ کو ڈی ایس پی اسپشل برانچ شو کیا۔

ایف آئی آر کا متن کے مطابق دوران ریڈ موجودہ گاڑیوں کا ریکارڈ امپورٹ ڈیٹا اور ایمنیسٹی اسکیم میں نا پایا گیا۔کسٹم حکام نے گاڑیاں تحویل میں لیکر کا لاہور کسٹم ہاؤس شفٹ کر دی ہیں۔

انسپکٹرقیصر امین بٹ ڈی او اسپشل برانچ کے عہدے پر تعینات تھے،وقوعہ کے بعد قیصر امین بٹ کو معطل کر دیا گیا تھا۔قبل ازیں بھی انسپکٹر قیصر امین بٹ کے خلاف تھانہ مراد پور میں مقدمہ درج ہو چکا ہے۔

سیالکوٹ،باغی ٹی وی ( بیوروچیف شاہد ریاض سے)بیٹی کو عید دینے جانے والی ماں حادثہ کا شکار,60 سالہ خاتون موقع پر دم توڑ گئی

سیالکوٹ میں سمبڑیال بھوپالوالہ سٹاپ پر پر بیٹی کو عید دینے جانے والی ماں حادثہ کا شکار ہو گئی،ٹرک کی ٹکر سے 60 سالہ خاتون موقع پر دم توڑ گئی،ٹرک ڈرائیور فرار ہونے میں کامیاب ہو گیا

سیالکوٹ سمبڑیال روڈ پر بھوپالوالہ کے قریب 60 سالہ خاتون ثریا بی بی اپنی بیٹی کو عید دینے جا رہی تھی کہ پیدل سڑک کراس کرتے موٹرسائیکل سے ٹکرا کر گری اور پیچھے سےآنے والے تیز رفتار ٹرک نے خاتون کو کچل دیا جس سے وہ موقع پر دم توڑ گئی

جبکہ ٹرک ڈرائیور ٹرک چھوڑ کر فرار ہو گیا ،ریسکیو اہلکاروں نے نعش کو ہسپتال منتقل کر دیا ہے جاں بحق خاتون بھوپالوالہ کی رہائشی ہے۔

سیالکوٹ،باغی ٹی وی (بیوروچیف شاہدریاض کی رپورٹ ) ڈسکہ میں مکان کی چھت گرنے سے دو بہن بھائی جاں ،میاں اور ایک بیٹی زخمی،

تفصیل کے مطابق تھانہ صدر ڈسکہ کے علاقہ وڈالہ سندھواں میں مکان کی چھت گرنے سے دو بہن بھائی جاں بحق، میاں بیوی اور ایک بیٹی شدید زخمی،تینوں بہن بھائی والدین کے ساتھ رات کو سو رہے تھے کہ اچانک مکان کی چھت گر گئی، جس سے پانچوں ملبے تلے دب گئے

اہل دیہہ نے اپنی مدد آپ کے تحت زخمیوں اور میتوں کو ملبے سے نکالا، جاں بحق ہونے والوں میں عراہ اور ولی محمد جبکہ زخمیوں میں لقمان اسکی بیوی کرن اور بیٹی حریم شامل ہیں، زخمی میاں بیوی اور بیٹی حریم کو سول ہسپتال گوجرانوالہ منتقل کردیا گیا۔

سیالکوٹ، باغی ٹی وی( بیوروچیف شہد ریاض سے)بھٹہ پر کام کرنے والے مزدوروں پر تشدد کرنے والے ملزمان کو گرفتار کر لیا گیا

تفصیلات کے مطابق تھانہ موترہ کے علاقہ سیوکے میں بھٹہ مالک کا اپنے رشتہ داروں کے ہمراہ بھٹے پر کام کرنے والے مزدوروں کو تشدد کرکے شدید مضروب کردیا.

ملزمان کے خلاف ایف آئی آر درج کرکے فوری گرفتاری کے لیے ٹیمیں تشکیل دیکرملزمان کو گرفتار کر لیا گیا۔وقوعہ کی بابت مزید تفتیش عمل میں لائی جارہی ہے۔

وزیر اعلی پنجاب کے ویژن اور ہدایات کے مطابق کسی بھی شر پسند عناصر کو ہیومن رائٹس کی خلاف ورزی اور امن کو تباہ کرنے کی اجازت نہیں دی جائے گی.