سیالکوٹ، باغی ٹی وی( بیووچیف شاہد ریاض سے)ایڈیشنل ایس پی، ایس پی انویسٹی گیشن سیالکوٹ اور ضلع بھر کے ڈی ایس پیز، ایس ایچ او ز سے کرائم میٹنگ کی، اچھی کارکردگی کی بناء پر افسران میں ش چیک تقسیم کیے گئے.
ڈی پی او سیالکوٹ نے پتنگ مافیا، منشیات فروشی جیسے جرائم پر قابو پانے، اشتہاری و مطلوب ملزمان کی گرفتاری، مال مسروقہ کی ریکوری کے سلسلہ میں مقدمات کی نوعیت کے مطابق ڈیڈ لائنز مقرر کرکے دیے گئے
ٹائم فریم کے اندر ٹارگٹ کو مکمل کرنے اور مقدمات کو میرٹ پریکسو کرنے کے احکامات جاری کئے
سیالکوٹ، باغی ٹی وی( بیوروچیف شاہد ریاض سے)پراسیکیوٹر جنرل پنجاب سید فہد شاہ کی میڈیا سے گفتگو۔عوام کے لئے فیسلیٹیشن سینٹر کا افتتاح کیا گیا ہےشفاف انصاف کی فراہمی کے لئے ہر اضلاع میں فسیلٹیشن سینٹر کا آغاز کیا گیا ہے
سیالکوٹ پراسیکیوٹر جنرل پنجاب سید فہد شاہ نے میڈیا سے گفتگو کرتے ہوئے کہا ہے ایف آئی آر کا اندراج اگر سیل کردیا جائے تو اسکا عمل وہیں رک جاتا ہے۔ہم نے پولیس اور اپنے سسٹم کو یکجا کیا ہےچلان میں تاخیر پراسیکیوٹر کی عدم موجودگی کے باعث پیش آرہی تھی
تفتیشی اب اپنے چلان کو پراسیکیوٹر کے پاس جمع کروانے کے بعد کمپیوٹر رائزڈ رسید وصول کرے گا۔مقررہ وقت میں اعتراضی چلان تفتیشی کے حوالے کر دیا جائے گا
عوام چلان میں تاخیر کی صورت پراسیکیوٹر برانچ میں درخواست دائر کرے گا۔ پراسیکیوسن سینٹر فوری اس پر کارروائی عمل میں لائے گا
پراسکیوسن سینٹر چلان کو سکروٹنی کے بعد عدالت میں بھیجے گی۔پولیس اگر 406 کے مقدمے کو 420 دفعات کے تحت مقدمہ درج کرتی ہے تو یہ حصول انصاف کے ساتھ زیادتی ہے۔
ہم نے ہائیکورٹ رجسٹرار کو بھی آن بورڈ لیا پراسکیوسن،جج صاحبان،پولیس اور ڈسٹرکٹ بار ایک پیج پر ہیں، پراسیکیویشن سینٹر میں کوتاہی برتنے والوں کو محکمانہ سزاؤں کا سامنا کرنا پڑے گا.
سیالکوٹ ،باغی ٹی وی (بیوروچیف شاہد ریاض سے)ریسکیو1122 اورگورنمنٹ جناح اسلامیہ کالج کے مابین باہمی یاداشت پر دستخط
ڈسٹرکٹ ایمرجنسی آفیسر انجینئر نوید اقبال نے سیکرٹر ی پنجاب ایمرجنسی سروس ڈاکٹر رضوان نصیر کے اولین مقصد اور سیفر کمیونٹی کے تحت گورنمنٹ جناح اسلامیہ کالج سیالکوٹ کے ساتھ باہمی یاداشت پر دستخط کیئے۔ اس سلسلے میں تقریب کا انعقاد کالج کے فاطمہ جناح ہال میں کیا گیا۔
تقریب میں پرنسپل کالج مجاہد حسین بخاری، ڈسٹرکٹ ایمرجنسی آفیسر انجینئر نوید اقبال، وائس پرنسپل محمد منیر قادری، اردو ڈیپارٹمنٹ ہیڈ آصف سلہری، ریسکیو ڈسٹرکٹ وارڈن جمیل جنجوعہ، کمیونٹی ونگ انچارج محمد وسیم کے علاوہ خواتین ریسکیو سکاؤٹس نے بھی شرکت کی۔
بعدازاں کالج پرنسپل مجاہد حسین بخاری اور ڈسٹرکٹ ایمرجنسی آفیسر انجینئر نوید اقبال نے باہمی یاداشت پر دستخط کیے۔ مزید براں ڈسٹرکٹ ایمرجنسی آفسیر نے کہا کہ اس معاہدہ کے تحت ریسکیو 1122 کالج کے طلباء و طالبات کو زندگی بچانے کی تربیت فراہم کریں گے تا کہ وہ شہر سیالکوٹ کو محفو ظ بنانے میں ریسکیو کا ساتھ دیں۔
طلباء و طالبات کو Pak Life Saver Program, PLSP ، ریسکیو کیڈٹ کارپس اور CADRE کے کورسز پر ٹریننگ دی جائے گی تا کہ کسی بھی ہنگامی صورتحال میں یہ طلباء بروقت امدادی کاروئیوں کا آغاز کر کے قیمتی جانوں کو بچا سکیں۔
پرنسپل مجاہدحسین بخاری نے کہا کہ نے کہا کہ ریسکیو1122قابل تحسین ادارہ ہے جو دن رات عوام الناس کی خدمت میں سرشار رہتا ہے، ہمیں ریسکیو1122پر فخر ہے۔
انہوں نے ریسکیو کے اس اقدام کو سراہا اور کہا کہ اس طرح کی تربیت ہر شہری کے لیے لازمی ہے۔ انہوں نے اپنے بھر پور تعاون کی یقین دہانی بھی کروائی۔
سیالکوٹ ،باغی ٹی وی( بیوروچیف شاہد ریاض سے)جنگلی حیاتیات کی زندگی کے لئے اقدامات اٹھانا انتہائی ضروری امر ہے: ڈاکٹر عتیقہ ریحان
جنگلی حیات اور حیاتیاتی تنوع پر مبنی وسائل پر انحصار کر کے ہی انسانی زندگی ممکن ہے، وائلڈ لائف کے عالمی دن پر پیغام
ہر جگہ لوگ ہماری ضروریات کو پورا کرنے کے لیے جنگلی حیات اور حیاتیاتی تنوع پر مبنی وسائل پر انحصار کرتے ہیں. خوراک سے لے کر ایندھن، ادویات، رہائش اور لباس تک ہمارے لیے ان فوائد اور خوبصورتی سے لطف اندوز ہونے کے لیے ہیں جو فطرت نے ہمیں اور ہمارے سیارے کو نعمت سے نوازا ہے.
وائلڈ لائف کے عالمی دن کے موقع پر سینئر وائس چیئرمین ڈرائی پورٹ سرگودھا، سینئر وائس پریذیڈنٹ برداشت، سینئر وائس چئیرپرسن انٹرنیشنل کمیشن فار ہیمومن رائٹس پنجاب ڈاکٹر عتیقہ ریحان کا کہنا تھا کہ میں پرامید ہوں کہ ماحولیاتی نظام ترقی کی منازل طے کر سکے اور پودوں اور جانوروں کی نسلیں آنے والی نسلوں کے لیے موجود رہیں۔
تو آئیں جنگلی حیات اور دنیا بھر میں کیے جانے والے اہم تحفظ کے کام کا جشن منائیں! جنگلی حیات کا عالمی دن جنگلی حیوانات اور نباتات کی بہت سی خوبصورت اور متنوع شکلوں کو منانے اور ان کے تحفظ سے لوگوں کو فراہم ہونے والے بے شمار فوائد کے بارے میں بیداری پیدا کرنے کا ایک موقع ہے۔
اس کے ساتھ ساتھ، یہ دن ہمیں جنگلی حیات کے جرائم کے خلاف جنگ کو تیز کرنے کی فوری ضرورت کی یاد دلاتا ہے اور انسانوں کی طرف سے انواع کی کمی، جس کے معاشی، ماحولیاتی اور سماجی اثرات وسیع پیمانے پر ہوتے ہیں اس کے خلاف اقدامات پر روز دیتا ہے۔
ان مختلف منفی اثرات کے پیش نظر، پائیدار ترقی کا ہدف 15 حیاتیاتی تنوع کے نقصان کو روکنے پر توجہ مرکوز کرتا ہے۔ آئیں مل کر اپنے ماحول کو بچائیں.
سیالکوٹ ،باغی ٹی وی ( بیوروچیف شاہد ریاض سے) ایڈیشنل ڈپٹی کمشنر سیالکوٹ سید اسد رضا کاظمی کی زیر صدارت اسپیشل پرائس مجسٹریٹس کے اجلاس کا انعقاد کیا گیا، اجلاس میں چاروں تحصیلوں کے اسسٹنٹ کمشنر سمیت تمام اسپیشل پرائس مجسٹریٹس نے شرکت کی۔
ایڈیشنل ڈپٹی کمشنر جنرل نے اسپیشل پرائس مجسٹریٹس کو ہدایت کی کہ وہ گراں فروشوں اور ناجائز منافع خوروں کے خلاف کارروائیوں کو تیز کریں اور مقررہ نرخوں پر اشیائے خورد و نوش کی صارفین کو فراہمی کو یقینی بنائیں۔
سیکرٹری انڈسٹریز نے اسپیشل پرائس مجسٹریٹس کی گزشتہ ماہ فروری کی کارکردگی کی روشنی ڈالتے ہوئے بتایا کہ 39 اسپیشل مجسٹریٹس نے گزشتہ ماہ کے دوران مجموعی طور پر 44 ہزار 61 انسپکشنز کیں اور ناجائز منافع خوری کی پاداش میں 489دکانداروں جو مجوعی طور پر 21 لاکھ 42 ہزار 500 روپے جرمانہ کیا جبکہ 24 دکانوں کو سیل کیا گیا اور 51افراد کی گرفتاری عمل میں لائی گئی۔
سیالکوٹ،باغی ٹی وی (بیوروچیف شاہد ریاض سے) پولیس کا خونی کھیل پتنگ بازی کےخلاف کریک ڈاؤن، سینکڑوں پتنگیں برآمد کر کے ملزم کے خلاف کائٹ فلائنگ ایکٹ کے تحت مقدمہ درج
تفصیلات کے مطابق ایس ایچ او تھانہ مراد پور انسپکٹر محمد رزاق معہ ملازمان و فلیڈ سٹاف سکیورٹی برانچ نے دوران کاروائی ملزم عمر ولد عبدالستار کو گرفتار کر کے قبضہ سے1200 عدد پتنگیں برآمد۔
ملزم کے خلاف کائٹ فلائنگ ایکٹ کے تحت مقدمہ درج کر کے حوالات جوڈیشل بھجوا دیا گیا۔
ڈی پی او سیالکوٹ محمد حسن اقبال کا کہنا ہے کہ قاتل ڈور پھرنے سے متعدد قیمتی انسانی جانیں ضائع ہو چکی ہیں پتنگ مافیا کے خلاف کاروائی کا مقصد قیمتی انسانی جانوں کے ضیاع کو روکنا ہے۔
کریک ڈاؤن میں شامل پولیس افسران و جوانوں کو تعریفی سرٹیفیکیٹ اور نقد انعام دینے کا اعلان کیا۔
سیالکوٹ، باغی ٹی وی( بیوروچیف شاہد ریاض سے)سمبڑیال میں بیٹے نے حقیقی باپ کو آگ لگادی،ضعیف العمر باپ بری طرح جھلس گیا
سمبڑیال کے علاقہ بھوپالوالہ میں ناخلف بیٹے نے آپس میں معمولی جھگڑے کی رنجش پر اپنے 56 سالہ حقیقی باپ کو آگ لگادی ہے جس کے نتیجہ میں ضعیف العمر باپ بری طرح جھلس گیا ہے، ریسکیو 1122 ٹیم نے متاثرہ شخص کو طبی امداد کے لیے ہسپتال منتقل کردیا ہے، متاثرہ باپ کی مدعیت میں بیٹے کے خلاف مقدمہ درج کر لیا گیا ہے
سمبڑیال کے قصبہ بھوپالوالہ میں ناخلف بیٹے کے ہاتھوں حقیقی باپ کو آگ لگا کر جھلسانے کا دلخراش واقعہ پیش آیا ہے جہاں پر ارحم نامی ناخلف بیٹے نے گھریلو جھگڑے پر طیش میں آکر اپنے 56 سالہ حقیقی باپ محمود احمد ولد مشتاق احمد سکنہ چونڈہ کو آگ لگا دی جس کے نتیجہ میں باپ مشتاق احمد بری طرح جھلس گیا
جسے ریسکیو 1122 ٹیم نے فوری طبی امداد کے لیے تحصیل ہیڈکوارٹر ہسپتال منتقل کر دیا ہے ۔ تھانہ سمبڑیال پولیس نے متاثرہ باپ کی درخواست پر بیٹے کے خلاف مقدمہ درج کرلیا ہے اور مصروف تفتیش ہے۔ تاہم فرار ہونے والے بیٹے کی گرفتاری عمل میں نہیں آسکی ۔
سیالکوٹ،باغی ٹی وی (بیوروچیف شاہد ریاض سے) ایڈیشنل ڈپٹی کمشنر ریوینیو محمد اقبال نے کہا ہے کہ وزیر اعلیٰ پنجاب کی ہدایت پر شہری اور دیہی علاقوں میں صفائی اور تجاوزات کے خاتمے کے لیے جامع پروگرام کا آغاز کر دیا گیا ہے ، چاروں تحصیلوں میں پانچ دیہات کو ماڈل ویلج بنایا جائے گا
ان خیالات کا اظہار انہوں نے اجلاس سے خطاب کرتے ہوئے کیا، اسسٹنٹ کمشنرز غلام سرور ، احسن ممتاز ، انور علی کانجو ، قمر محمود منج، بلدیات و دیگر محکموں کے افسران بھی تھے۔ اے ڈی سی ریونیو محمد اقبال نے ہدایت کی کہ ضلعی و تحصیل ہیڈ کوارٹرز اور اہم قصبوں میں تجاوزات کنندگان کو فوری نوٹس جاری کئے جائیں گے اور مقررہ وقت میں رضاکارانہ طور پر تجاوزات ختم نہ کرنے والوں کے خلاف بلا تفریق ایکشن ہوگا۔
اے ڈی سی ریونیو محمد اقبال نے ہدایت کی کہ سیالکوٹ ویسٹ مینجمنٹ کمپنی شہری علاقوں میں جامع صفائی مہم چلائیں ، ویسٹ بن رکھے جائیں نیز کولیکشن پوائنٹس بنائے جائیں ۔
انہوں نے ہدایت کی کہ صاف دیہات پروگرام پر عمل درآمد کے لیے اسسٹنٹ کمشنرز خود نگرانی کریں۔ ایڈیشنل ڈپٹی کمشنر محمد اقبال نے بتایا کہ تحصیل سیالکوٹ میں جھائی اور لکھن پور، ڈسکہ میں بھیلو مہار، سمبڑیال میں کھوپرا اور تحصیل پسرور کے گاؤں بن باجوہ کو ماڈل ویلج کے لیے منتخب کیا گیا ہے جہاں صفائی ، گلیوں اور گھرانوں کے نمبر لگائے جائیں گے اور بہتر سہولیات کی فراہمی یقینی بنائی جائے گی ۔
ایڈیشنل ڈپٹی کمشنر محمد اقبال نے ہدایت کی کہ شاہراہوں اور گلیوں میں لگے انتخابی بینرز اور پوسٹرز فوری ہٹائے جائیں ، خراب سٹریٹ لائٹس کو درست کیا جائے اسی طرح بیوٹی فیکشںن کے لیے اقدامات پر فوکس کیا جائے۔
سیالکوٹ،باغی ٹی وی (بیوروچیف شاہد ریاض سے) ڈپٹی ڈائریکٹر پنجاب فوڈ اتھارٹی سیالکوٹ محمد رضوان سعید نے کہا کہ پاکستان میں 40 فیصد بچے غذائی قلت کا شکار ہیں، غذائی قلت زیادہ کھانے سے نہیں بلکہ متوازن غذا لینے سے ختم ہوسکتی ہے
بچوں میں یہ شعور اور آگاہی پیدا کرنے کیلئے پنجاب فوڈ اتھارٹی نے صوبہ بھر کے تمام پرائمری لیول کے پبلک اور پرائیویٹ سیکٹر سکولوں میں مہم کا آغاز کردیا گیا ہے۔
یہ بات انہوں نے پنجاب فوڈ اتھارٹی کے زیر اہتمام گورنمنٹ گرلز ہائیر سکینڈری سکول ماڈل ٹاؤن سیالکوٹ کے آڈیٹوریم میں بچوں میں غذائی آگاہی کے سلسلہ میں ” محفوظ غذا، صحت مند بچے” مہم کے سلسلہ میں افتتاحی تقریب سے خطاب کرتے ہوئے کہی۔
چیف ایگزیکٹو آفیسر ڈسٹرکٹ ایجوکیشن اتھارٹی سیالکوٹ جاوید اقبال بابر نے بچوں پر زور دیا کہ وہ محفوظ غذا کے بارے میں آگاہی دینے کا مقصد یہ ہے کہ آپ صحت مند اور محفوظ غذا کا پیغام اپنے گھروں، محلوں اور سوسائٹی تک پہنچائیں۔
انہوں نے کہا کہ صحت مند زندگی گذارنے کیلئے سادہ غذا لینا ہوگی۔ چائے اور کولڈ ڈرنک کو چھوڑ کر دودھ، دہی اور انڈوں کو اپنی خوراک کا حصہ بنائیں۔ انہوں نے کہا کہ پیزا، برگر، شوارما، چاکلیٹس اور فاسٹ فوڈ سے اجتناب برتے۔
انہوں نے کہا کہ اگر ہم متوازن غذا نہ لی جائے تو آپ بیمار ہو جائیں گے اور بیمار جسموں میں صحت مند دماغ پروان نہیں پاسکتا۔ انہوں نے کہا کہ بچے صفائی ستھرائی اور سادہ غذا لینا شروع کر دیں تو غذائی کمی کو پورا کرکے صحت مند معاشرے کی تشکیل ممکن ہے۔
ڈسٹرکٹ ایجوکیشن آفیسر سیکنڈری ایجوکیشن ملک اللہ داد، پرنسپل گورنمنٹ گرلز ہائیر سیکنڈری سکول حاجرہ ثروت ،فوڈسیفٹی آفیسر محمد کامران اور نیوٹریشن آفیسر مس عبیر نے بھی سیمینار سے خطاب کرتے ہوئے کہا کہ ضلع سیالکوٹ میں پبلک اور پرائیویٹ سیکٹر میں 8 سے 9 لاکھ بچے زیر تعلیم ہیں یہ محفوظ غذا کا پیغام گھر گھر پہنچا سکتے ہیں۔
سیالکوٹ،باغی ٹی وی(یوروچیف شاہد ریاض سے)ڈسکہ الیکٹرانک میڈیا کاالیکشن، عمران شریف بلامقابلہ صدر منتخب
تفصیل کے مطابق ڈسکہ الیکٹرانک میڈیا کاالیکشن سال 2024,2025 جو 6 مارچ کو ہونا تھا کاغذات نامزدگی کی آخری تاریخ تک صدر کے لیے عمران شریف ، سنئیر نائب صدر سلیم عباس بخاری جنرل سیکریٹری کے لیے عثمان حیدر اور نائب صدر کے لیے شیخ نوید نے کاغذات نامزدگی جمع کروائے ان کے مقابلے میں مقرر تاریخ اور مقررہ وقت تک کسی نے کاغذات نامزدگی جمع نہیں کروائے
چیف الیکشن کمیشن شکیل احمد ورک کی جانب سے عمران شریف کو صدر ، سلیم عباس بخاری کو سنئیر نائب صدر ،عثمان حیدر کو جنرل سیکریٹری اور شیخ نوید کو نائب صدر سیکٹریری اطلاعات ملک چاند کے عہدوں پر کامیاب قرار دیا گیا،
نومنتخب عہدیداران کو شہریوں کی بڑی تعداد نے مبارکباد دے کر نیک تمناؤں کا اظہار کیا.