Category: سیالکوٹ

سیالکوٹ(نمائندہ باغی ٹی وی )سینئرصحافی ڈاکٹر شاہدریاض کے والدگرامی کی وفات پر تعزیتی اجلاس منعقد ہوا
سیالکوٹ پروفیشنل پرنٹ اینڈ الیکٹرانک میڈیا ایسوسی ایشن رجسٹرڈ کے چیرمین کی سرپرستی میں تعزیتی اجلاس مرکزی افس منعقد ہوا اجلاس میں سینئر صحافی اور نمائندہ باغی ٹی وی ڈاکٹر شاہد ریاض صدر پروفیشنل پرنٹ اینڈ الیکٹرانک میڈیا ایسوسی ایشن رجسٹر کے والد گرامی ملک محمد ابراہیم جو کہ وفات پا گئے تھے ان کے لیے دعائیہ تقریب ہوئی

اس دعائیہ تقریب میں تمام صحافیوں نے ڈاکٹر شاہد ریاض کے والد کی وفات پر دکھ اور ہمدردی کا اظہار کیا ،اجلاس میں سرپرست سید عارف حسین شاہ، چیئرمین محمد خرم میر ،سیکرٹری جنرل شیخ بلال ،سینیئر نائب صدر مہر مصطفی ،سینیئر نائب صدر بابر بیگ، نائب صدر رانا جاوید ،نائب صدر مدثر رتو ،جائنٹ سیکرٹری ارشد علی تبسم، فناس سیکرٹری سہیل چوہدری، چیئرمین مجلس عاملہ فہد سعید ،سیکرٹری انفارمیشن ملک حسن رزاق ،ممبر مجلس عاملہ اسد ،ملک ساجد،خواجہ ایمان،حسنین خان اور صحافیوں نے شرکت کی.

سیالکوٹ،باغی ٹی وی (شاہدریاض کی رپورٹ) 5فروری یوم یکجہتی کشمیر ملی جوش وجذبے سے منایا گیا
5فروری یوم یکجہتی کشمیر کے سلسلہ میں سرکاری سطح پر کشمیری عوام سے اظہار یکجہتی کیلئے مرکزی تقریب کچہری چوک سیالکوٹ میں منعقد ہوئی،
تقریب میں چیف ایگزیکٹیو آفیسر ایجوکیشن اتھارٹی جاوید اقبال، ڈی او سیکنڈری ملک اللہ داد سمیت مختلف سرکاری محکموں، سکولوں اور کالجز کی طلباء و طالبات اور اساتذہ اور سول سوسائٹیز سے تعلق رکھنے والے افراد نے کثیر تعداد میں شرکت کی۔

تقریب سے طلباء و طالبات نے مسئلہ کشمیر کے حوالے سے تقاریر اور ملی نغمے پیش کئے۔تقریب کے بعد چوک علامہ اقبال سے ایوان صنعت و تجارت تک ریلی بھی نکالی گئی۔ شرکاء ریلی نے ہاتھوں میں کشمیری محکموم اور مظلوم عوام کے حق اور بھارتی غاصبانہ قبضہ کے خلاف لکھے ہوئے ہوئے پلے کارڈ اور بینرز ہاتھوں میں اٹھا رکھے تھے۔

ریلی میں کشمیریوں سے رشتہ کیا لا الہ الااللہ ، کشمیر بنے کا پاکستان کے نعرے لگائے۔ آخر میں کشمیر کی جلد آزادی اور ملک و قوم کی ترقی اور خوشحالی کیلئے دعا کی گئی۔

سیالکوٹ،باغی ٹی وی( شاہد ریاض کی رپورٹ)آل پاکستان رائٹررز ویلفیئر ایسوسی ایشن کے وفد کی سینیئر صحافی مبشر لقمان سے ان کی رہائش گاہ پر ملاقات۔
آل پاکستان رائٹررز ویلفیئر ایسوسی ایشن کے وفد نے پیٹرن ان چیف زبیر احمد انصاری اور اپوا کے بانی ایم ایم علی کی سربراہی میں سنئیر صحافی معروف تجزیہ نگار اور اینکر پرسن مبشر لقمان سے ان کی رہائش گاہ پر ملاقات کی۔

دو گھنٹے سے زائد جاری رہنے والی اس ملاقات میں اہم موضوعات پر تفصیلی اور سیر حاصل گفتگو ہوئی ۔ملک کی مجموعی صورتحال،بالخصوص سیاسی ،معاشی اور خاندانی مسائل پر تفصیلی بات چیت ہوئی ۔

گرما گرم چاۓ کے ساتھ سوال و جواب کا سلسلہ بھی جاری رہا مبشر لقمان نے وفد کے سوالات کے تفصیلی جوابات دئے.

انہوں نے نئے لکھنے والوں کو مفید تجاویز سے بھی نوازا اور ان کے ساتھ اپنے تجربات بھی شئیر کیے ۔

سینئرصحافی ،معروف اینکرپرسن اور باغی ٹی وی کے سی ای اومبشر لقمان نے اپووا کی ادبی کاوشوں کو سراہا ،ان کا کہنا تھا کہ وہ اپووا کی ایک ورکشاپ میں بطور مہمان خصوصی شرکت کر چکے ہیں، اپووا ایک متحرک اور منظم تنظیم ہے۔

انہوں نے اپووا وفد کو دوبارہ آنے کی دعوت بھی دی اور کہا کہ اگلی ملاقات میں ہم اکھٹے ڈنر کریں گے۔انہوں نے مزید کہا کہ باغی ٹی وی کا پلیٹ فارم آپ لوگوں کے لیے حاضر ہے آپ لوگ اس پلیٹ فارم سے مستفید ہو سکتے ہیں۔

اپووا کے وفد کی طرف سے مبشر لقمان کو یادگاری شیلڈ بھی پیش کی گئی ۔

اپووا وفد نے اس خوبصورت ملاقات کا انعقاد کروانے پر ممتاز اعوان کا بھی شکریہ ادا کیا۔

وفد میں زبیر احمد انصاری،ایم ایم علی،رفیق بھٹی،اظہر حسین بھٹی،فاروق خان،مدیحہ کنول،نبیلہ اکبر،مریم راشد،ساجدہ اصغر،عائشہ صدیقہ اور نگار بیگ سمیت دیگر شامل تھے۔

سیالکوٹ،باغی ٹی وی (شاہدریاض کی رپورٹ)پولنگ سٹاف کی ڈیوٹیاں جلد از جلد لگا کر ڈیوٹی روسٹر جاری کریں،محمد ذوالقرنین
ڈسٹرکٹ ریٹرننگ آفیسر /ڈپٹی کمشنر سیالکوٹ محمد ذوالقرنین نے کہا ہے کہ ریٹرننگ افسران اپنے اپنے حلقوں میں پریذائیڈنگ اور پولنگ سٹاف کی ڈیوٹیاں جلد از جلد لگا کر ڈیوٹی روسٹر جاری کریں،

پولنگ میٹریل کی تقسیم کیلئے الیکشن کمیشن کی ہدایات پر عمل کیا جائے گا جبکہ حساس پولنگ اسٹیشن پر سیکیورٹی کیلئے سی سی ٹی وی کیمروں کی تنصیب نیشنل ریڈیو ٹیلی کام کارپوریشن پاکستان کی ذمہ داری ہوگی۔

یہ بات انہوں نے ڈسٹرکٹ ریٹرننگ افسران کے اجلاس میں الیکشن کی تیاریوں کا جائزہ لینے کے دوران کیا۔ ڈپٹی کمشنر نے کہا کہ انتخابات میں امن و امان کو یقینی بنانے پاک فوج اور رینجرز کے جوان پولیس کی معاونت کیلئے ڈیوٹی انجام دیں گے۔

ڈپٹی کمشنر نے کہا کہ انتخابات ضابطہ اخلاق پر سختی سے عملدرآمد کو یقینی بنایا جائے گا اور سلسلہ میں کسی سے رو رعایت نہیں برتی جائے گی۔