سٹیج کی معروف اداکارہ روبی انعم اور افتخار ٹھاکر نے گزشتہ روز لاہور پریس کلب میں ایک اہم پریس کانفرنس کی ، اس میں انہوں نے انڈین پنجابی فلم ”اینی ہاﺅ مٹی پاﺅ“ کے حوالے سے بات کی ، فلم میں پاکستان کے دو فنکار بھی شامل ہیں جن کا نام اکرم اداس اور وکی کوڈو ہے۔ یہ دونوں بھی اس پریس کانفرنس میں شریک تھے۔ اکرم اداس نے اس موقع پر کہا کہ میں نے اس سے پہلے بھی ایک انڈین فلم میں کام کیا ہے میرا وہاں پر کام کرنے کا تجربہ بہت ہی اچھا رہا ہے۔ وکی کوڈو نے بھی کہا کہ میری یہ پہلی فلم ہے میرا بہت ہی خوشگوار تجربہ رہا ہے۔ مجھے اگر مزید موقع ملا تو میں مزیدبھی انڈین پنجابی فلموں میں کام کروں گا ۔ دوسری طرف قیصر پیا نے کہا کہ انڈین پنجابی فلموں میں پاکستانی فنکاروں کا کام کرنا خوش آئند ہے۔
اسی طرح سے دونوں ملکوں کے فنکاروں کا آپس میں کام کرنے کا سلسلہ جلد سے جلد شروع ہونا چاہیے اس سے دونوں ملکوں کی فلم انڈسٹری کو فائدہ ہو گا۔” افتخار ٹھاکر نے کہا کہ دونوں ملکوں کی عوام ایک دوسرے کے قریب آنا چاہتی ہے ”بلکہ ایک دوسرے کے قریب ہی ہے۔ میںنے جب جب انڈین فنکاروں کے ساتھ کام کیا بہت اچھا محسوس کیا ، ایسا لگا کہ یہ اپنے ہی ہیں اور واقعتا وہ ہمار ہیں اور ہم ان کے ہیں۔ روبی انعم نے کہا کہ اینی ہاﺅ مٹی پاﺅ ایک بہترین فلم ہے جو کہ چار اکتوبر کو ریلیز ہونے جا رہی ہے اسے ضرور دیکھئے۔
