Category: شوبز

اسلام آباد :صبا قمر کملی ہوگئی ، یہ پہلا موقع نہیں‌ کہ صبا قمر کو ایک بہت بڑی فلم میں کام کرنے کا موقع ملا ہے ،اس سے پہلے بھی صبا قمر کئی پاکستانی فلموں میں کام کرچکی ہیں، اب پاکستانی اداکارہ صبا قمر سرمد کھوسٹ کی نئی فلم’’کملی‘‘ کی کاسٹ کا حصہ بن گئیں۔

مصری نوجوان چمچ ، کانٹے اور زیورات کھانے لگا

ذرائع کے مطابق یہ فلم آئندہ سال نمائش کے لیے پیش کی جائے گی، فلم کی دیگر تفصیلات ابھی فراہم نہیں کی گئیں۔یاد رہے کہ اس کے علاوہ بھی پاکستانی کی صف اول کی اداکارہ صبا قمر ہدایت کار سرمد کھوسٹ کی فلم’’منٹو‘‘ کے بعد ان کی نئی فلم’’کملی‘‘ کی کاسٹ کا حصہ بن گئیں ہیں ،

اسلام آباد:شادی سے پہلے بیوی اور وہ بھی احمد علی بٹ کی ، کیا احمد علی بٹ کی بیوی نمرہ یہ پسند کریں گی ، اس خبر نے ہلچل ہی مچادی ، اطلاعات کے مطابق اداکارہ اقراء عزیز ڈرامہ سیریل’’ جھوٹی‘‘میں احمد علی بٹ کی اہلیہ کے روپ میں دکھائی دیں گی۔

ذرائع کے مطابق یہ ساری کہانی ایک ایسے میاں بیوی کے گرد گھومتی ہے جس کی بیوی کی نظر میں پیسے کی زیادہ اہمیت ہوتی ہے اور وہ سمجھتی ہے کہ پیسہ ہی سب کچھ ہوتا ہے، ڈرامے میں احمد علی بٹ ایک متوسط طبقے کا سنجیدہ شخص ناصر کا کردار ادا کر رہے ہیں

کراچی: بیٹی اللہ کی رحمت ہے ، ہمیں اللہ نے بیٹی سے نوازا ہے بہت زیادہ خوش ہیں، ان خیالات کااظہار اداکارہ ایمن خان اور منیب بٹ نے سوشل میڈیا کے ذریعے صارفین کے لیے اپنے پیغام کیا ہے ، اداکارہ ایمن خان اورمنیب بٹ کی ننھی پری کی تصویر منظر عام پرآتے ہی سوشل میڈیا پر وائرل ہوگئی۔

https://www.instagram.com/aimanmuneebbutt.official/?utm_source=ig_embed

پاکستان شوبزانڈسٹری کی خوبصورت جوڑی ایمن خان اورمنیب بٹ کی بیٹی امل منیب کی تصویرمنظرعام پر آتے ہی سوشل میڈیا پروائرل ہوگئی۔ تصویر میں ایمن خان اسپتال میں اپنی بیٹی کو گود میں اٹھائے ہوئے نظرآرہی ہیں، جب کہ ننھی امل کولوگوں کی جانب سے دعائیں دینے کا سلسلہ بھی جاری ہے۔

ذرائع کے مطابق منیب بٹ نے اپنے سوشل میڈیا اکاؤنٹ پر یہ خوشخبری مداحوں کے ساتھ شیئر کرتے ہوئے کہاتھاکہ اللہ نے انہیں بیٹی کی رحمت سے نوازا ہے اور اس وقت اپنے جذبات کو بیان کرنے کے لیے ان کے پاس الفاظ نہیں ہیں۔ اسی پوسٹ میں منیب بٹ نے بتایا تھا کہ انہوں نے اپنی بیٹی کا نام امل منیب رکھاہے۔

کراچی:ایک طرف مہوش حیات اور پریانکا چوپڑا کے درمیان بیان بازی کی جنگ تو دوسری طرف اداکارا مہوش حیات نے پریانکا چوپڑا کے شوہر کے ساتھ تصویر شیئر کرکے سب کو حیران کر دیا، تصویر سوشل میڈیا پر تیزی سے وائرل ہوگئی۔

ذرائع کے مطابق نیویارک میں جاری یو ایس اوپن ٹینس کے دوران مہوش حیات کی پریانکا چوپڑا کے شوہر سے ملاقات ہوئی۔ مہوش حیات نے تصویر شیئر کرتے ہوئے لکھا ہم دونوں رافیال نڈال کو سپورٹ کر رہے ہیں۔واضح رہے کہ کچھ عرصہ قبل مہوش حیات نے بھارتی اداکارہ پریانکا چوپڑا کو متنازعہ بیان پر شدید تنقید کا نشانہ بنایا تھا

لاہور: شمعون عباسی کی آدم خوری سے متعلق سسپنس تھرلر فلم’’دُرج‘‘18 اکتوبر کو ریلیز کی جائے گی۔فلم’’درج‘‘کی کہانی آدم خوری سے متعلق حقیقی واقعات کے گرد گھومتی ہے اور اس سے قبل اس طرح کی کہانی پر مشتمل فلم برصغیر میں کسی ڈائریکٹر نے پردہ سیمیں کی زینت نہیں بنائی۔”دُرج“ کے عنوان سے بنائی گئی فلم برصغیر میں آدم خورانسانوں سے متعلق کہانیوں اور معلومات کا احاطہ کرتی ہے

ذرائع کے مطابق اس فلم کے ڈائریکٹر شمعون عباسی اور پروڈکشن ٹیم نے فلم کو حقیقی روپ دینے کیلئے کئی مہینے ریسرچ کی اور کافی وقت دنیا سے الگ تھلگ غاروں میں رہنے والے انسانوں کے ساتھ گزارا تاکہ ان کے طرز زندگی کی پراسراریت کو صیحح روپ میں فلم بینوں کے سامنے پیش کیا جاسکے۔شام فلمز کے بینر تلے بنائی گئی اس فلم میں شمعون عباسی، شیری شاہ،مائرہ خان،ڈودی خان،نعمان جاوید، عذیر عباسی اور نعیم عباسی نے اہم کردار ادا کئے ہیں

لاہور : نو اور دس محرم الحرام کے احترام میں تمام تھیٹرز اور سینما گھر بند رہیں گے۔تفصیلات کے مطابق عاشورہ محرم کی مناسبت سے 9اور10محرم الحرام ( پیر اور منگل) کولاہور سمیت صوبہ بھر میں تمام تھیٹرزاورسینما گھر بند رہیں گے اور دو روز تک کسی اسٹیج ڈرامہ اور فلم کاشوز پیش نہیں کیا جائے گا ۔

ذرائع کے مطابق سینما حکام نے محرم الحرام کے احترا م میں یہ فیصلہ کیا ہے ، یہ بھی معلوم ہوا ہے کہ ان دنوں تمام متعلقہ فنکار، گلوکار ناچ گانے کی بجائے مجالس میں بیٹھ کر ثواب پائیں‌گے