Category: شوبز

کراچی :بھارتی وڈے چور ، مہوش حیات بھارتیوں پر برس پڑیں، پاکستانی اداکارہ مہوش حیات نے پاکستانی گانے چرانے پر بھارتیوں کو آئینہ دیکھا دیا۔تفصیلات کے مطابق چند روز قبل بھارتی اداکارہ عالیہ بھٹ کی ایک میوزک ویڈیو پراڈا منظر عام پر آئی تھی جو ملکہ ترنم نورجہاں کے 32 سال پرانے فلمی نغمے کالے رنگ کا پراندا اور پاکستانی پاپ بینڈ وائٹل سائنز کے 27 سال پرانے گانی گورے رنگ کا زمانہ کی بھونڈی نقل تھی۔

بھارتیوں کی طرف سے پاکستانی گلوکارہ ملکہ ترنم کے گانے چرانے پر مہوش حیات نے پاکستانی گانے چرانے کی روایت کو آڑے ہاتھوں لیتے ہوئے کہا یہ بہت عجیب بات ہے کہ ایک طرف تو بھارت پاکستان کو رسوا کرتا ہے اور دوسری طرف ہمارے ہی گانے ہماری اجازت کے بغیر چراتا ہے۔

واضح رہے کہ یہ پہلی بار نہیں ہے کہ بالی ووڈ نے بغیر اجازت پاکستانی گانے چرائے ہوں بلکہ بالی ووڈ ستر سالوں میں سینکڑوں پاکستانی گانے ڈھٹائی سے چرا چکا ہے، دوسری طرف بھارت پاکستانی اداکاروں ، فنکاروں اور فلم انڈسٹری کے ستاروں کی طرف سے کشمیریوں کی بھرپور مدد کرنے کے اعلان پر بہت زیادہ پریشان ہے

لاہور:اداکارہ میرا نے عدالتی عملے کو بھی مشکل میں‌ڈال دیا ہے ، اطلاعات کے مطابق سیشن کورٹ نے اداکارہ میرا کے تکذیب نکاح کیس میں ریکارڈ جمع نہ کرانے پر عدالتی عملے کے وارنٹ جاری کر دیئے گئے۔داکارہ میرا نے کیس میں موقف اپنایا ہے کہ میں عتیق الرحمان کو جانتی نہیں ہوں نہ اس سے شادی کی۔ عتیق الرحمان نے فیملی کورٹ کو گمراہ کیا۔

اداکارہ میرا کے کیس کی سماعت کرنےوالے ایڈیشنل سیشن جج عدنان طارق نے سیشن کورٹ لاہور میں اداکارہ میرا کی تکذیب نکاح کی اپیل پر سماعت کی۔دوران سماعت جج عدنان طارق نے حکم دیا کہ فیملی کورٹ کا عدالتی عملہ میرا کا ریکارڈ فوری طور پر سیشن عدالت میں جمع کروائے، جس کے بعد کیس کی سماعت 20 ستمبر تک کے لیے ملتوی کردی گئی۔

یاد رہے کہ اداکارہ میرا نے اپنے خلاف آنے والے فیملی کورٹ کے فیصلے کو چیلنج کر رکھا ہے، ا نہوں نے کہا کہ فیملی عدالت نے تکذیب نکاح کیس میں حقائق کے برعکس فیصلہ سنایا ہے۔انہوں نے کہا کہ سیشن کورٹ عتیق الرحمان کی بیوی قرار دینے سے متعلق فیملی کورٹ کے فیصلے کو کالعدم قرار دے۔

اسلام آباد: پاکستانی کی نئی فلم "ضرار ” مچائے گی اب دھوم پاکستان سمیت دنیا بھر میں ، اطلاعات کے مطابق پاکستانی اداکار شان شاہد کی فلم "ضرار” امسال کرسمس کے موقع پر 25 دسمبر کو ریلیز کی جائے گی , ہدایتکار شان شاہد نے ٹویٹر پر فلم ’’ضرار‘‘ کی عکسبندی کی تصویر شیئر کرتے ہوئے ریلیز کا اعلان کر دیا۔

ذرائع کے مطابق شان کی یہ فلم کرسمس کے موقع پر ریلیز کی جائے گی ، اس فلم کی کاسٹ میں کرن ملک، ندیم بیگ، عدنان بٹ، نیر اعجاز، ڈیوڈ کارنس ہیں,اداکار شان شاہد فلم میں مرکزی کردار ادا کر رہے ہیں ، فلم کی موسیقی گلوکار اور موسیقار یاسر جیسوال نے تر تیب دی ہے

پشاور : صوبہ خیبر پختونخواہ کے ضلع کرک کے ایک شہری کی قسمت جاگ اٹھی ، اطلاعات کے مطابق خیبر پختونخوا سے تعلق رکھنے والے نوجوان پر قسمت کی دیوی مہربان ہوئی اور ہالی ووڈ میں ہیرو کا کردار مل گیا ہے۔

پشاور سے ذرائع کے مطابق ضلع کرک کے رہائشی اور جمناسٹک کے کھلاڑی مشہود عالم 5 سال قبل امریکا منتقل ہوا۔ جہاں اسے دنیا کی سب سے بڑی فلم انڈسٹری میں اداکاری کرنے کا موقع مل گیا ہے۔ کرک کے اس نوجوان نے ہالی وڈ کی ایکشن تھرلر شارٹ فلم ’دی کیور‘ میں مرکزی کردار ادا کیا ہے ،فلم آئندہ سال ریلیز کی جائے گی۔

لاہور : پاکستانی ماڈلز بھی اب نئے نئے رنگ اختیار کرنے لگیں ، کہیں لباس میں جدت تو کہیں انداز میں حلاوت ، ایسے ہے پاکستانی ماڈل ایمان سلیمان نے اپنے بال منڈوا کر انوکھا ہیئر سٹال اپنا لیا ہے جس پر مداح حیران رہ گئے ہیں , تفصیلات کے مطابق ماڈل نے اپنے انسٹاگرام اکاؤنٹ پر خود سب سے پہلے اس نئے لک کے ساتھ اپنی تصاویر شیئر کی۔

https://www.instagram.com/eman_suleman/?utm_source=ig_embed

ماڈل نے اپنی ایک اور تصویر بھی اس انداز کے ساتھ شیئر کی، جس میں انہوں نے خود مزاحیہ انداز میں لکھا کہ وہ سب ٹنڈو ٹاؤن نامی ایک مقام پر سب کو پارٹی کے لیے بلا رہی ہیں۔ماڈل ایمان سلمان نے جو اندازاپنایا اسے دنیا بھر میں ‘بز کٹ’ کے نام سے جانا جاتا ہے ,ایمان نے اپنے اس نئے انداز کو معروف امریکی گلوکارہ اور اداکارہ برٹنی سپیئرز کے انداز سے تشبیہ دی۔ایمان نے اپنے اس نئے انداز کو معروف امریکی گلوکارہ اور اداکارہ برٹنی سپیئرز کے انداز سے تشبیہ دی۔

دوسری طرف ماڈل ایمان سلمان کے اس انداز پر ملا جلا ردعمل سامنے آیا ہے. سوشل میڈیا پر ماڈل کے اس انداز سے خوش ہوا تو کسی نے مایوسی کا اظہار کی، جبکہ زیادہ تر لوگ حیران نظر آئے , انہوں نے ایمان کے اس نئے انداز پر اپنے دکھ کا اظہار کیا .

لاہور :پاکستانی فلمیں "لال کبوتر” اور ” باجی ” کی واشنگٹن میں دھوم سنائی دی جانے لگی ، اطلاعات کے مطابق اس سے قبل اداکارا میرا، خالد عثمان بٹ اور آمنہ الیاس کی فلم ’باجی‘ نے جہاں رواں ماہ اگست کے آغاز میں کینیڈا میں ہونے والے موسیک انٹرنیشنل ساؤتھ ایشین فلم فیسٹیول میں 2 ایوارڈز اپنے نام کیے تھے۔

پاکستان فلم انڈسٹری ذرائع کے مطابق امریکی دارالحکومت واشنگٹن میں ہونے والے فلم فیسٹیول میں پیش کیا جائے گایہی ںہیں بلکہ ’باجی‘ کے ساتھ اس فلم فیسٹیول میں رواں برس ریلیز ہونے والی ایک اور فلم ’لال کبوتر‘ کو بھی پیش کیا جائے گا۔دوسری جانب ’لال کبوتر‘ کو جہاں واشنگٹن میں ہونے والے عالمی فلم فسیٹیول میں پیش کیا جائے گا، وہیں اسے سنگاپور میں ہونے والے فلم فیسٹیول میں بھی پیش کیا جائے گا۔

دوسری طرف ’باجی‘ فلم کے انسٹاگرام اکاؤنٹ پر بتایا گیا کہ فلم کو آئندہ ماہ 21 ستمبر کو ’واشنگٹن ڈی سی ساؤتھ ایشن فلم فیسٹیول‘ میں دوپہر کو پیش کیا جائے گا۔اسی فیسٹیول کے دوران فلم ’لال کبوتر‘ کو بھی پیش کیا جائے گا جب کہ فیسٹیول میں دیگر جنوبی ایشین ممالک کی فلموں کو بھی پیش کیا جائے گا۔

لاہور : اداکار محسن عباس کی طرف سے اہلیہ فاطمہ پر تشدد کی تصدیق ، پولیس نے عدالت کو سب کچھ بتا دیا، اطلاعات کے مطابق سیشن کورٹ لاہورمیں محسن عباس اوراہلیہ فاطمہ کیس کی سماعت ہوئی ,اداکارمحسن عباس ضمانت میں توسیع کےلیےسیشن کورٹ میں پیش ہوئے تھے

دوسری طرف لاہور پولیس کی تفتیشی رپورٹ نےاداکارمحسن عباس کوذمہ دار قراردےدیا اداکار محسن عباس نےاہلیہ فاطمہ کودھمکیاں دیں،اور تشدد بھی کیا ہے، پولیس نے عدالت کو اداکار محسن عباس کے متعلق اس کیس کے حوالے سے ہونےوالی پیش رفت سے بھی آگاہ کیا ,عدالت نے اداکار محسن عباس کےخلاف امانت میں خیانت کی دفعات خارج کردیں، عدالت نےفاطمہ سہیل کے وکلاکوپیش ہونےکےاحکامات جاری کردئیے

کراچی:مہوش حیات نے پریانکا چوپڑا کوآڑے ہاتھوں کیا لیا کہ اب ہر کوئی اس کی اس دلیری کا معترف ہوگیا ہے . مہوش حیات کا خواتین کے حقوق کےلیے سامنے آنا اور کام کرنا اس کے لیے اعزاز بن گیا ، یہی وجہ ہے کہ ایک بین الاقوامی میگزین نے مہوش حیات کا نام عالمی تبدیلی کے لیے کوشاں خواتین کی فہرست میں شامل کرلیا۔

میگزین انتظامیہ کی طرف سے جاری تفصیلات کے مطابق دنیا بھر میں 26 اگست کے روز خواتین کی برابری کا دن منایا جاتا ہے اس حوالے سے ایک بین الاقوامی میگزین ’دی مسلم وائب‘ نے خواتین کی معاشرے میں کاوشوں کے تناظر میں ایک مضمون شائع کیا ہے جس میں دنیا بھر سے مختلف پانچ ان خواتین کے نام شامل کیے گئے ہیں جوکہ نہ صرف معاشرے کی بہتری کے لیے کوششوں میں مصروف ہیں بلکہ خواتین کے لیے بھی مشعل راہ بن رہی ہیں۔

ذرائع کے مطابق اس میگزین کی جانب سے جاری کردہ مضمون میں خواتین کی فہرست میں تمغہ امتیاز یافتہ مہوش حیات کا نام بھی شامل ہے جوکہ دنیا بھر میں پاکستان کی نمائندگی کرتے ہوئے خواتین کے حقوق، لڑکیوں کی تعلیم، انسانی حقوق اور خیراتی کام کے لیے مشغول ہیں۔عالمی تبدیلی کے لیے کوشاں خواتین کی فہرست میں نام شامل ہونے پر مہوش حیات خوشی پر قابو نہ رکھ سکیں اور ٹویٹر پر خوشی کا اظہار کرتے ہوئے کہا کہ میرے لیے یہ فخر کی بات ہے کہ عالمی میگزین ’ مسلم وائب‘ نے دنیا بھر سے ایسی خواتین کی فہرست کے لیے میرا انتخاب کیا جو روایتی سوچ کو ختم اور دنیا تبدیل کرنے کی کوشش کر رہی ہیں۔

مسلم ویب کی طرف سے اعزاز ملنے کے بعد مہوش حیات پہلے سے زیادہ عزم لے کر میدان میں‌اتری ہیں. دوسری طرف مہوش حیات نے یہ بھی کہا کہ دیگر مسلم خواتین کی طرح میری سوچ بھی عین ان خواتین جیسی ہے جو معاشرے کی بہتری چاہتی ہیں۔واضح رہے کہ میگزین میں شامل خواتین کی فہرست میں مصر سے تعلق رکھنے والی منال روسٹم ، صومالی نڑاد امریکن الحان عمر، امریکن سیاسی کارکن لنڈا سرسور اور امریکن نڑاد اولمپیئن ابتہاج محمد نامی خاتون شامل ہیں۔

کراچی: اداکار محسن عباس حیدر اور ان کی گرل فرینڈ نازش جہانگیر کی شادی کی خبریں اب سوشل میڈیا پر وائرل ہورہی ہیں۔اطلاعات کے مطابق تاہم اب سوشل میڈیا پر محسن عباس حیدر اوران کی گرل فرینڈ کے درمیان شادی کی خبریں گردش کررہی ہیں۔ حال ہی میں محسن عباس حیدر کے انسٹاگرام فین پیج پر محسن اور نازش جہانگیر کی تصویر شیئر کی گئی جس کے ساتھ لکھا تھا ’’بہترین جوڑی بہت جلد‘‘۔

ذرائع کے مطابق گزشتہ ماہ اداکار محسن عباس حیدر کی اہلیہ فاطمہ سہیل نے اپنے شوہر پر بے وفائی کا الزام عائد کرتے ہوئے کہا تھا کہ محسن کے نا صرف ماڈل نازش جہانگیر کے ساتھ تعلقات ہیں بلکہ وہ انہیں شدید جسمانی اورذہنی تشدد کا نشانہ بھی بناتے رہے ہیں۔محسن عباس حیدر نے اپنی اہلیہ کے الزامات کو بے بنیاد اورجھوٹ پرمبنی قرار دیاتھا ۔

ذرائع کے مطابق اس نئی شادی کے حوالے سے دلچسپ بات یہ ہے کہ اس تصویر اور کیپشن پر نازش جہانگیر نے تبصرہ کرتے ہوئے لکھا تھا’’بہت جلد انشااللہ‘‘جب کہ اس تبصرے کو محسن عباس حیدر نے لائک بھی کیاتھا