Category: شوبز

اسلام آباد : بھارت کی طرف سے کشمیر کو ہتھیانے کے بعد اور کشمیریوں پر مظالم کی بس نہ ہونے والی بھارتی مکاری کےبعد کسی پاکستانی اداکارکو بھارت نہیں جانا چاہیے ، غیرت کا تقاضا یہی ہے کہ کشمیروں کی خاطر بھارت سے رشتے ناطے ختم کردینے چاہیں. ان خیالات کا اظہار اداکار یاسر حسین نے ایک پوسٹ کے ذریعے کیا س

بھارت کی طرف سے کشمیر کی قانونی حیثیت کو ختم کرنے کے بعد پاکستانی شوبز سے تعلق رکھنے والی کئی نامور شخصیات نے بھارتی اقدام کی مذمت کی اور اب اداکار یاسر حسین نے بھی تمام پاکستانی اداکاروں سے اپیل کی ہے کہ وہ مستقبل میں کبھی بھی بھارتی فلم انڈسٹری کے ساتھ کام نہ کرنے کا اعلان کریں۔اس کے باوجود جو بھارت جاتا ہے وہ پاکستان کا خیر خواہ نہیں ہوسکتا ہے.

یاسر حسین نے اپنے انسٹاگرام اکاؤنٹ پر شیئر کردہ ایک پوسٹ میں لکھا کہ ‘میں چاہتا ہوں کہ پاکستان کا ہر اداکار بولے کہ وہ انڈیا کے ساتھ کبھی کام نہیں کرے گا، کشمیر سے پیار بھی ہے اور انڈیا بھی جانا ہے؟ مطلب شوگر بھی ہے اور کیک بھی کھانا ہے؟’

خیال رہے کہ بھارت میں پاکستانی فنکاروں کے کام کرنے پر طویل عرصے سے پابندی عائد ہے، دوسری جانب پاکستانی سینما گھروں میں بھی گزشتہ کئی مہینوں سے بولی وڈ فلموں کی نمائش بند ہے۔یاسر حسین کے علاوہ حمزہ علی عباسی، شان شاہد مہوش حیات اور ماہرہ خان جیسے فنکار بھی بھارتی اقدام کے خلاف سوشل میڈیا پر آواز اٹھا چکے ہیں۔

کبھی غلط انگلش،تو کبھی نکاح پر نکاح اور کبھی کسی اداکارہ کے حوالے سے بیانات دے کر اور کبھی ویڈیو سیکنڈل کے ذریعے شہرت پانے والی میرا نے دوبئی میں ایک خاتون پر تشدد کرکے اپنا پاسپورٹ بھی ضبط کربیٹھیں، پاسپورٹ کا ضبط ہونا کسی بھی شہری کے لیے بہت شرم کا مقام ہوتا ہے.

ذرائع کے مطابق لالی وڈ انڈسٹری کی سکینڈل کوئین اداکارہ میرا کا دبئی میں خاتون پر تشدد کے حوالے سے گردش کرنے والی خبروں کے بعد صورت حال مزید خراب ہوگئی ہے. ذرائع کے مطابق تشدد پر پولیس کیس بن گیا، میرا کا پاسپورٹ دبئی پولیس نے رکھ لیا جبکہ میرا کا کہنا ہے کہ ان کا پاسپورٹ ایکسپائر ہوگیا ہے۔

دوسری طرف میرا کے والد، والدہ اور مینجر بھی متضاد بیانات دے رہے ہیں، کوئی کہہ رہا ہے کہ وہ لاہور میں ہے اور کوئی کہہ رہا کہ وہ دو روز تک دبئی سے واپس آئے گی جبکہ میرا کا کہنا ہے کہ ان کا پاسپورٹ ایکسپائر ہوا ہے۔ان متضاد بیانات سے یہی پتہ چلتا ہے کہ میرا پھر پھنس گئی‌ہیں

کراچی:ٹویٹر ٹریند اداکاروں میں کام کرنے لگا ، خوبرو اداکارہ ثناجاوید نے تو اپنے چاہنے والوں کو بھی ٹویٹر پر فالوکرنے کا کہہ دی اہے. اطلاعات کے مطابق اداکارہ ثناءجاوید نے اپنے مداحوں سے رابطے کےلئے بالآخر سماجی رابطے کا معروف پلیٹ فارم ٹوئٹر جوائن کر لیا۔اداکارہ نے کہا ہے کہ وہ بھی چاہتی ہیں‌کہ چاہنے والے سوشل میڈیا کے ذریعے رابطہ کریں

ثنا جاوید نے بتاتے ہوئے کہا ہےکہ اب تک اداکارہ کا آفیشل اکاؤنٹ صرف فیس بک اور فوٹو شیئرنگ ایپ انسٹاگرام پر تھا لیکن اب سے وہ ٹوئٹر اکاؤنٹ کے ذریعے بھی سب سے رابطے میں رہیں گی۔ادکارہ نے انسٹاگرام پر اپنے ٹوئٹر پروفائل کی تصویر شیئر کی اور لکھا کہ آخرکار ٹوئٹر جوائن کرلیا ہے۔ادکارہ نے مداحوں کو بطور ٹوئٹر فالوورز دیکھنے کی امید کا بھی اظہار کیا۔

یاد رہے کہ گزشتہ برس ثناءجاوید کا جیو ٹیلی ویڑن پر نشر ہونے والا ڈرامہ سیریل ”خانی“بے حد مقبول ہوا جسے بین الاقوامی سطح پر بھی خوب پذیرائی ملی۔اس کے بعد اداکارہ نے اپنے آپ کو مزید مشہور اور معروف دیکھنےکی خواہش کرتے ہوئے اپنے مداحوں سے سوشل میڈیاپر رابطہ کرنے کا کہا ہے.

لاہور : مجھے آج بھی یاد ہے کہ اس وقت میں نہیں چاہتی تھی کہ میری عمر بڑھے اور میں 30 سال کی ہوں’۔ کیوں کہ میں بھر پور پرفارمنس میں تھی اور فٹ فاٹ تھی. یہ حقیقت پر مبنی باتیں معروف اداکارہ سلمیٰ ہائیک نے اسٹائل فیشن میگزین کے 25 سال مکمل ہونے پرایک انٹرویو میں میں‌ بتائیں

داکارہ نے مزید بتایا کہ ‘امریکا میں اداکاراؤں کو کہا جاتا تھا کہ 30 سال کا ہونے پر ان کا کیریئر ختم ہوجاتا ہے، لیکن اب مجھے اس کی پروا نہیں، جب میں 40 کی اور پھر 50 برس کی ہوئی، مجھے کوئی فرق نہیں پڑا، میں بس خوش ہوں کہ میرا وہ کوور آج بھی موجود ہے، ایک وقت ایسا تھا جب مجھے اپنے لباس کی فکر نہیں تھی، اب ایسا نہیں ہوتا’۔

52 سالہ سلمیٰ ہائیک نے بتایا کہ ‘آج اپنے کیریئر پر نظر ڈالتی ہوں تو احساس ہوتا ہے کہ امریکا آنا ہی کتنا بڑا خطرہ تھا، پھر یہاں اداکارہ بننا، میں میکسیکو میں ہی رہ سکتی تھی’۔ان کے مطابق ‘میرا خواب تھا کہ میں بڑی اداکارہ بنوں، مجھے زندگی میں ہمیشہ سے آگے بڑھنا تھا اور اس کے لیے میں نے بہت محنت کی’۔

یاد رہے کہ سلمیٰ ہائیک نے 1995 کی ہولی وڈ فلم ‘ڈیسپراڈو’ کے ساتھ ڈیبیو کیا، اس کے بعد یہ ‘فران ڈسک ٹل ڈان’ اور ‘وائلڈ وائلڈ ویسٹ’ جیسی فلمون کا حصہ بنی۔

اسلام آباد : پاکستانی اداکار اعجاز اسلم کی ٹیلی فلم”اپنی اپنی لوّ سٹوری“ کا پہلا ٹیزر جاری کر دیا گیا ہے۔ اس فلم میں مختلف کرداروں کے ذریعے محبت بھری داستانوں کو متعارف کرایا جائے گا. ہدایت کار کاشف سلیم کا کہنا ہے کہ یہ فلم بڑی مقبول ہوگی

ذرائع کے مطابق اعجاز اسلم نے انسٹاگرام پر ٹیلی فلم”اپنی اپنی لوّسٹوری“ کا پہلا ٹیزر جاری کیا جس میں اعجاز اسلم ، ماہ نور بلوچ، صدف کنول، اظفر رحمان اور ایاز سموں شامل ہیں۔ فلم کے ہدایت کار کاشف سلیم ہیں جبکہ یہ ٹیلی فلم عید الاضحیٰ پر آن ایئرکی جائے گی۔

ممبئی : اگر کسی نے اس سے پہلے بولی وڈ میں بادشاہ کہلائے جانے والے شاہ رخ خان کا شاہی محل نہیں دیکھا تو ہم اسے اس شاہی محل کی سیر کراتے ہیں ، یہ شاہی گھرجسے مقامی لوگ شاہی محل کے نام سے بھی پکارتے ہیں ممبئی کے پوش علاقے باندرا میں واقع ہے جو مقامی افراد کے ساتھ ساتھ سیاحوں کی توجہ کا بھی مرکز بنا رہتا ہے۔

بھارتی میڈیا کے مطابق شاہ رخ کے مداح ہمیشہ سے گوری خان کے اس خوبصورت گھر کا نظارہ دیکھنے کے خواہش مند رہے، کنگ خان کے گھر کے باہر ان کے مداحوں کی بھیڑ لگی رہتی ہے جو نہ صرف اداکار سے ملاقات کرنے کے خواہش مند ہوتے بلکہ ان کا گھر بھی دیکھنا چاہتے ہیں۔

خیال رہے کہ کنگ خان نے اپنے گھر کو ‘منت’ کا نام دیا، جو ان کے مطابق واقعی ان کی منت ہی ہے، کیوں کہ کیریئر کے آغاز میں شاہ رخ خان نے خود سے وعدہ کیا تھا کہ ایک دن وہ ممبئی میں ایسا گھر بنائیں گے جو بےحد شاندار ہوگا۔دلچسپ بات یہ ہے کہ شاہ رخ خان کا یہ گھر منت ان کی اہلیہ گوری خان نے ہی ڈیزائن کیا جو پیشے سے انٹیریئر ڈیزائنر بھی ہیں۔

بھارتی میڈیا نے یہ بھی رپورٹ کیا ہے کہ شاہ رخ خان نے کئی سال قبل اپنے ایک انٹرویو میں انکشاف کیا تھا کہ شادی کے شروع کے عرصے میں انہوں نے گوری سے وعدہ کیا تھا کہ وہ ایک دن انہیں یہ گھر تحفے میں دیں گے جسے وہ اپنی پسند سے ڈیزائن کرسکیں گی۔

لاہور: پنجاب حکومت نے صوبے کے سینماگھروں میں پھیلنے والی بے حیائی اور آوارگی کو ختم کرنے کا فیصلہ کرلیا. پنجاب حکومت کے ذرائع کے مطابق یہ فیصلہ فلم انڈسٹری میں حد درجہ بڑھنے والی بے حیائی کے پھیلاو کو روکنے کے لیے بنایا گیا ہے.

ذرائع کے مطابق کمشنر لاہور نے حکم دیتے ہوئے کہا ہےکہ کسی سینما یا تھیٹر کو اجازت نہیں کہ وہ بے حیائی پھیلائے یا ڈانس کرے ،کمشنر لاہور نے حکومت پنجاب کی طرف سے یہ حکم دیتے ہوئے کہا ہے بے حیائی کو روکنے کے لیے چھاپ مار ٹیمیں تشکیل دی جائیں گی ،

یاد رہے کہ لاہور اور صوبے کے دیگر مقامات پر سینما گھروں اور تھیٹروں کے اندر اور باہر بے حیائی پھیلائی جارہی ہے ، چوکوں اور شاہراہوں پراداکاروں ، گلوکاروں کی بیہودہ تصویریں لگارکھی ہیں. اب یہ سلسلہ نہیں چلے گا