Category: شوبز

سیشن کورٹ لاہور نے اداکار و گلوکار محسن عباس حیدر کے اہلیہ پر تشدد کے کیس میں ان کی عبوری ضمانت میں 16 اگست تک توسیع کردی ۔ عدالت نے پولیس کو آئندہ سماعت تک تفتیش مکمل کرنے کا حکم دے دیا۔

اہلیہ پر تشدد کیس میں محسن عباس اپنے وکلاء کے ساتھ ضمانت میں توسیع کےلیے عدالت میں پیش ہوئے. پولیس نے نا مکمل تفتیش عدالت میں جمع کرائی جس پرعدالت کی جانب سے حکم دیا گیا کہ آئندہ سماعت تک تفتیش مکمل کی جائے ۔

محسن عباس کی اہلیہ نے بھی اپنے وکیل کا وکالت نامہ جمع کرا دیا ہے۔ فاطمہ سہیل نے اپنے کیس کے لیے بیرسٹر احتشام کی خدمات حاصل کی ہیں۔ محسن کے خلاف ان کی اہلیہ نے 23 جولائی کو لاہور کے تھانہ ڈیفنس سی میں مقدمہ درج کرایا تھا۔ ایف آئی آر میں محسن عباس حیدر پر تشدد، جان سے مارنے کی دھمکیاں اور بے وفائی کیے دفعات شامل ہیں۔

ایف آئی آر کے مطابق فاطمہ سہیل نے محسن عباس کے کہنے پر اپنے والد سے 50 لاکھ روپے لے کر ان کو دیے لیکن محسن نے مزید 50 لاکھ روپے لانے کا کہا اور منع کرنے پر اہلیہ کو تشدد کا نشانہ بنایا۔ فاطمہ نے ایف آئی آرمیں ماڈل نازش جہانگیر نامی لڑکی سے تعلقات کا الزام بھی عائد کیا ہے۔

ایڈیشنل سیشن جج تجمل شہزاد نے محسن عباس کی درخواست پر 24 جولائی کوان کی عبوری ضمانت 50 ہزار روپے کے مچلکوں کے عوض 5 اگست تک منظور کی تھی جس میں آج 16 اگست تک توسیع کی گئی ہے۔

یاد رہے نازش جہانگیر نے فاطمہ کی جانب سے تمام الزامات جھٹلا دیے تھے اور کہا تھا کہ جو سچ ہے سامنے آ جائے. فاطمہ پر تشدد کا افسوس ہے لیکن ان کے الزامات جھوٹے ہیں.

سماجی رابطوں کی ویبسائٹ ٹویٹر پر شان شاہد نے ٹویٹ کرتے ہوئے بھارتی وزیراعظم نریندن مودی کی تصویر شیئر کرتے ہوئے تنقید کا نشانہ بنایا اور کہا کہ گنگا میں نہانے سے کشمیر کے شہیدوں کے خون کے نشان نہیں مٹ سکتے.

فیروز خان نے بھی کشمیر کی حمایت میں کہا کہ "میں کشمیر ہوں” اور کشمیر کے ساتھ کھڑا ہوں. کشمیر خون میں بہہ رہا ہے.

کشمیر کی حمایت میں مہوش حیات بھی میدان میں آئی اور کہا کہ کشمیر میں کلسٹر بم کا استعمال اپنے معاہدوں کی خلاف ورزی ہے. اس رد عمل کے بعد اس کی صفائی دینا فضول ہے. اس طرح کا عمل جنگ کو فروغ دیتا ہے. اب دنیا کو جاگنا چاہیے اور اس ظلم کو ختم کرنا چاہیے. مہوش حیات نے ہیش ٹیگ میں لکھا کہ کشمیر کو بچاؤ.

واضح رہے کشمیر میں مسلمانوں پر ظلم کی انتہا بڑھتی جا رہی ہے اور مسلمان سب سے مدد کی اپیل کر رہے ہیں.

سماجی رابطوں کی ویبسائٹ ٹویٹر پر رابی پیرزادہ نے ٹویٹ کرتے ہوئے کہا کہ ہندوپاک میں پچاس سال سے فردوس جمال ایک ہی ہے اور ماہرہ ہر ہفتے ایک نئی آ جاتی ہے.

رابی پیرزادہ نے اپنے ٹویٹ میں ماہرہ کو تنقید کا نشانہ بنایا ہے اور ساتھ یہ بھی لکھا ہے کہ اپنے سینیئرز کی عزت کرو لیکن یاد رہے ماہرہ خان نے اپنے بیان میں بس یہی کہا تھا کہ ایک آرٹسٹ کو دوسرے آرٹسٹ کی عزت کرنی چاہیے اور میں مزید اس معاملے پر خاموش رہنا چاہتی ہوں.

واضح رہے گزشتہ ہفتے فردوس جمال نے فیصل قریشی کے شو میں ماہرہ خان کو ایک عام سی ماڈل کہتے ہوئے کہا تھا کہ ماہرہ کو ہیروئن کے کردار کی بجائے ماں کا کردار کرنا چاہیے کیونکہ ان کی عمر زیادہ ہے. ان کے اس بیان پر فلم انڈسٹری میں ماہرہ کو بہت سپورٹ دیا گیا لیکن سلجھتے ہوئے معاملے کو مومنہ درید نے پھر تازہ کر دیا اور اعلان کیا کہ میری کمپنی فردوس جمال کے ساتھ کسی قسم کا کام نہیں کرے گی اور کئی سخت الفاظ بھی استعمال کیے.

مومنہ درید کی اس ردعمل پر فیروز خان میدان میں آئے اور کہا کہ کسی کی روزی روٹی چھین لینا کہاں کا انصاف ہے. فیروز کے بعد اب رابی پیرزادہ بھی میدان میں آگئی ہیں.

پاکستانی اداکار حمزہ علی عباسی نے سماجی رابطوں کی ویبسائٹ ٹویٹر پر ٹویٹ کرتے ہوئے کہا کہ میری گزارش تمام پاکستانی آرٹسٹز خاص طور پر سوشل میڈیا پر جن کی بہت زیادہ فین فالوونگ ہے کہ زرا اپنے آپ سے نہایت بے ریائی کے ساتھ پوچھیں کہ آپ لوگ کشمیر کے لیے اپنی آواز کیوں نہیں اٹھاتے؟ کیا آپ سب کو یہ لگتا ہے کہ آپ کے آواز اٹھانے سے کوئی فرق نہیں پڑے گا؟

حمزہ علی عباسی نے مزید کہا کہ کیا آپ سب آرٹسٹز یہ مانتے ہیں کہ آپ سب اس مسئلے سے انجان ہیں اور اپنی رائے کا اظہار نہیں کر رہے؟ یا آپ اس معاملے میں مداخلت ہی نہیں کرنا چاہتے اور اس سے آپ کے بھارتی مداح متاثر ہوں گے یا پھر اپنے مستقبل کے کام کی پرواہ ہے؟

انہوں نے کہا کہ مہربانی کر کے میری بات پر غور فرمایا جائے اور دیکھا جائے کہ ہمارے ہمسایوں کے ساتھ کتنا ظلم ہو رہا ہے. اس پر سب کو اپنی آواز اٹھانی چاہیے ( ہم صرف اتنا ہی کر سکتے) لیکن آپ سب خاموش ہیں. اور یاد رکھیں کہ آپ کے مداح ایک دن آزمائش بن جائیں گے جب آپ سب اللہ تعالی کے سامنے جواب دہ ہوں گے.

واضح رہے کشمیر میں مسلمانوں پر ظلم بڑھتا جا رہا ہے لیکن بھارتی حکومت اس مسئلے پر آنکھیں بند کیے ہوئے ہے اور کشمیری مدد کے طلبگار ہیں.