Category: شوبز

بالی وود کے نواب سیف علی خان کی بیٹی سارہ علی خان نے کارتک آریان کا دل جیت لیا-
بالی ووڈ میں آئے دن نئی جوڑیاں بنتی اور ٹوٹتی رہتی ہیں لیکن ان دنوں اداکار کارتک آریان اوراداکارہ سارہ علی خان کے چرچے ہیں اور یہ سلسلہ خود سارہ علی خان نے ہدایت کار کرن جوہر کے پروگرام کافی ود کرن میں مزاحیہ انداز میں یہ کہہ کر شروع کیا تھا کہ وہ کارتک آریان کو ” ڈیٹ ”کرنا چاہیں گی اوراداکار رنوویر سنگھ نے دونوں کو ایک پارٹی میں ملوا کر سارہ علی خان کی یہ خواہش پوری کر دی-
سارہ علی خان اورکارتک آریان کی کی بڑھتی ہوئی مقبولیت کو دیکھتے ہوئے نامور ہدایت کارامتیاز علی نے دونوں کو فلم میں کاسٹ کرنے کا فیصلہ کیا،امتیاز علی ہی کی کامیاب فلم”لوآج کل”کے سیکوئل کی شوٹنگ تو مکمل ہو گئی لیکن نام ابھی تک فائنل نہ ہو سکا کہا جا رہا ہے کہ فلم کا نام”لو آج کل ٹو”رکھا جائے گا-

ایک انٹر ویو میں کارتک آریان نے سارہ علی خان کی تعریف کرتے ہوئے کہا کہ سارہ نہ صرف ایک اچھی اسٹار ہیں بلکہ ان کا دل بھی سونے کا ہے.ان کا کہنا تھا کہ سارہ کے ساتھ کام کر کے بہت اچھا لگا میں باربار سارہ علی خاان کے ساتھ کام کرنا چا ہوں گا-

ناموراداکارہ وگلوکارہ کومل رضوی کا کہنا ہے کہ ٹی وی پر آنا محض ایک اتفاق تھا میری پہلی محبت موسیقی ہے.پی ٹی وی کی ڈرامہ سریل”ہوائیں”سے کیرئیرکا آغاز کیا جس میں میرا کردار بہت مختصرتھا لیکن میرے کام کو دیکھتے ہوئے اسے طویل کردیا گیا-

ایک انٹر ویو میں کومل رضوی نے اپنی زندگی کے بارے مین بات کرتے ہوئے کہا کہ میری پیدائش دبئی کی ہےاورمیں دبئی،امریکہ کے علاہ نائجیریا میں بھی طویل قیام کر چکی ہوں-
ٹی وی پرسینئرز نے میری بھرپور رہنمائی کی کیونکہ مجھے صحیح اردو بولنا نہیں آتی تھی لیکن آج میری اردو بہت اچھی ہو چکی ہے-اب ٹی وی ڈرامہ کی نسبت گلوکاری کی جانب زیادہ توجہ ہے.میں نے عربی،سپینش،پنجابی اور بلوچی زبان میں گانے گائے ہیں.عنقریب سندھی زبان میں البم ریکارڈ کروں گی-

گزشتہ برس ریلیز ہونے والی علی ظفر کی ایکشن کامیڈی فلم”طیفاان ٹربل”کو جیکی چن ایکشن فلم فیسٹیول میں بہترین ایکشن فلم کیلئے نامزد کیا گیا ہے-
نامورگلوکارواداکارعلی ظفراورمایا کی کامیاب فلم”طیفاان ٹربل”کو چین کے صوبہ شانشی میں منعقد ہونے والے پانچویں جیکی چن انٹر نیشنل ایکشن فلم فیسٹیول میں بہتریں ایکشن فلم کیلئے نامزد کیا گیا ہے-
علی ظفر نے ٹوئٹر پر شائقین کو آگاہ کرتے ہوئے کہا ہے کہ وہ جیکی چن ایکشن فلم فیسٹیول میں پاکستان کی نمائندگی کیلئے چین میں موجود ہیں .علی طفر نے یہ بھی بتایا ہے کہ فلم فیسٹیول میں نہ صرف ان کی فلم بہترین فلم کیلئے بلکہ فلم کے ہدایت کار بہترین ایکشن ہدایت کار اور وہ خود بہترین ایکشن ہیرو کیلئے نامزدہیں-

پاکستانی ڈرامہ اداکارہ صبورعلی نے فلموں میں کام کرنے کی خواہش ظاہر کی ہے لیکن ساتھ ہی شرط عائد کرتے ہوئے کہا ہے کہ اگر اچھا اسکرپٹ ملا تو ضرور فلموں میں کام کروں گا-
ایک ویب سائٹ کو انٹرویو دیتے ہوئے صبور علی نے کہا کہ میں ایک ایرونا ٹیکل انجینئربننا چاہتی تھی لیکن میرا اداکارہ بننا محض ایک اتفاق تھا کیوں کہ میں بہت شرمیلی تھی لیکن شروع سے ہی اداکاری کی بہت شوقین تھی ،میرے ساتھ ہونے والا اتفاق میرے لیے بہترین ثابت ہوا اب میں اس شعبے میں ڈھل چکی ہوں اور اس سے محبت بھی کرتی ہوں-
ان کا مزید کہنا تھا کہ سلوراسکرین نے مجھے بہت کچھ سکھایاہے لیکن بڑی اسکرین پر کام کرنا ہراداکارہ کا خواب ہوتا ہے اگر مستقبل میں اچھا اسکرپٹ ملا تو فلموں میں ضرور کام کروں گی-

اسلام آباد: مومنہ اور درید پروڈکشنز اور ہم فلمز کی شراکت سے بننے والی فلم سپر اسٹار کا نیا گانا ’’دھڑک بھڑک ‘‘ آج ریلیز کیا جارہا ہے.

اس فلم میں‌شیراز اوپال اور راکتیما مکھرجی کی آواز میں گایا گیا گانا فلم کے ہیرو بلال اشرف اور کبریٰ خان پر فلمایا گیا ہے۔یاد رہے کچھ روز پہلے فلم سپر اسٹار کا چوتھا گانا ’’غلط فہمی‘‘ ریلیز ہوتے ہی سوشل میڈیا پر چھا گیا اور چند گھنٹے میں ہی لاکھوں لوگوں نے اس گانے کو سنا اور پسند کیا گیا۔

چین میں ” طیفاان ٹربل” کے سپر ہیرو علی ظفرکا بادشاہوں کی طرح استقبال ،

یہ بھی یاد رہے کہ اس سے قبل ریلیز ہونے والے گیت ’نوری‘ نے دھوم مچا دی تھی اور یوٹیوب پر اب تک اسے نو لاکھ سے زائد شائقین دیکھ چکے ہیں۔
’نوری‘ میں ماہرہ خان کے غیرمعمولی رقص نے جہاں شائقین کو مسحور کر دیا وہاں اس کی موسیقی بھی چاروں اور چھا گئی۔

اس سے پہلے فلم کا ایک اور گانا ’ان دنوں‘ریلیز کیا گیا تھا جس نے مقبولیت کے نئے ریکارڈ قائم کر دیے تھے۔عاطف اسلم کی آواز میں ریکارڈ کیا گیا یہ گانا فلم کے مرکزی اداکاروں ماہرہ خان اور بلال اشرف پر فلمایا گیا ہے۔

کراچی : پاکستان کے سنیئر اداکار فردوس جمال کو ماڈل اداکارہ ماہرہ خان پر تنقید مہنگی پڑی ، ساتھی اداکاروں نے فردوس جمال پر تنقید کرتے ہوئے کہا ہے کہ ماہرہ خان پر ننقید ایک گھٹیا حرکت ہے،

اداکارہ عاصمہ عباس نے جوابی وار کرتے ہوئے کہا ہے کہ فردوس جمال نے جو ماہرہ خان کے بارے میں کہا وہ اچھا نہیں کیا ماہرہ خان ایک اچھی اخلاق والی اداکارہ ہے ، فردوس جمال کو مخاطب کرتے ہوئے کہا کہ وہ یاد رکھیں کہ سنیئر کو اپنی عزت کا خود خیال کرنا چاہیے ان سے بھی بڑی بڑی غلطیاں ہوتی ہیں اور وہ صرف اس لیے نظر انداز کی جاتی ہیں کہ وہ سنیئر ہیں.

عاصمہ عباس نے فردوس جمال کو آڑے ہاتھوں لیتے ہوئے کہا بڑی شرم کی بات ہے کہ خود بھارتی اداکاروں کی کاپی کرتے ہیں اور دوسروں پر تنقید کرتے ہیں.
فردوس جمال کو ماہرہ خان سے معافی معانگنی چاہیے.

یاد رہے کہ روز قبل اداکار فردوس جمال نےایک نجی چینل کے معروف شو میں شرکت کی، اُس دوران میزبان نے فردوس جمال کو ماہرہ خان کی تصویر دکھائی اور کہا کہ آپ ان کو کوئی مشورہ دیں جس پر اداکار نے فوراً کہا کہ وہ اچھی اداکارہ نہیں ہیں، اُن کا چہرہ ماڈلنگ کے لیے اچھا ہے لیکن اُن کی عمر اب زیادہ ہو گئی ہے۔

کراچی: اداکاروں کے باہمی اختلافات اور تنازعات نے مداحوں کو غمگین کردیا . ایسے ہی اداکارفردوس جمال نے نیا پنڈوراباکس کھول دیا، اداکار نے مائرہ خان کوبوڑھی خاتون قراردیتے ہوئے کہا کہ مائرہ خان تو ایک بوڑھی عورت ہے،۔

نجی ٹی وی سے بات کرتے ہوئے فردوس جمال کا کہنا ہے مائرہ خان کوہیروئن کے بجائے ماں کے رول کرنے چاہئیں، سوشل میڈیا پرفردوس جمال کے اس بیان کو آڑے ہاتھوں لیا جارہا ہے۔ مارننگ شومیں عالمی شہرت رکھنے والی پاکستان کی خوبرو اداکارہ مائرہ خان کو نشانہ بنایا گیا۔

دوسری طرف شوکے میزبان اداکارفیصل قریشی نے بھی مائرہ خان پر بجلی گراتے ہوئے کہا ہے کہ مائرہ خان وہ اداکارہ ہیں،جن کی آج تک کوئی فلم بھی کامیاب نہیں ہوئی۔ اس پرشومیں بلائے گئے مہمان اداکارفردوس جمال نے کہا مائرہ خان کونہ تواداکاری آتی ہے اورنہ ان کی عمر ہیروئن آنے والی ہے،وہ ماڈل ہی ٹھیک ہیں۔

پاکستانی اداکارہ مہک نور فاسٹ بالر محمد عامر کی ٹیسٹ کرکٹ سے قبل ازوقت ریٹائر منٹ کے اعلان سے افسردہ ہو گئیں-
اداکارہ مہک نور نے فاسٹ بالر محمد عامر کی جانب سےٹیسٹ کرکٹ سے اچانک ریٹائرمنٹ کے اعلان پر حیرانی کا اظہار کرتے ہوئے کہا ہے کہ محمد عامربڑا با صلا حیت بالرہے اورانہیں ابھی ٹیست کرکٹ کھلینی چاہیے-
ان کا مزید کہنا تھاکہ محمد عامر کی بالنگ کا انداز زبردست ہے خصوصاََ مخالف ٹیم کے کھلاڑی کوآؤٹ کرنے کے بعد ان کا ردعمل دیکھنے کے قابل ہوتاہے.انہوں نے کہا کہ میرے سمیت دیگراسٹار ان کے اعلان سے افسردہ ہیں.ہماری درخواست ہے کہ وہ اپنے فیصلے پر نظر ثانی کریں اوراسے واپس لیں-پاکستان کرکٹ بورڈ کو بھی اس سلسلہ میں اپنا کردار ادا کرنا چاہیے-

بالی ووڈ کی ناموراداکارہ پرینیتی چوپڑا نےاپنی بہن اور اداکارہ پریا نکا چوپڑا کی سگریٹ پیتے ہوئے وائرل تصویر پر تبصرہ کرنے سے انکار کردیا-

حال ہی میں پریانکا چوپڑا کی ایک تصویر وائرل ہوئی ہے جس میں‌وہ سگریٹ پیتی ہوئی نظرآرہی ہیں-جبکہ ان کے برابر میں موجود ان کے شوہر نک جونز اور ان کی والدہ مدھو چوپڑا بھی سگار کا مزہ لے رہی ہیں-
یاد رہے کہ پریانکا چوپڑا نا صرف دمہ کے حوالے سے چلائی جانے والی مہم کا حصہ ہیں بلکہ خود بھی دمے کی مریضہ ہیں گزشتہ برس انہوں نے لوگوں کو دمہ کے حوالے سے آگاہی دینی والی مہم میں بڑھ چڑھ کر حصہ لیا تھا-لہذا سوشل میڈیا صارفین نے پریانکا چوپڑا کو سگریٹ پینے پر ان کے دُہرے معیار کو شدید تنقید کا نشانہ بناتے ہوئےانہیں دوغلہ قراردےدیا ہے-
حال ہی میں جب پریانکا چوپڑا کی بہن پرینیتی چوپڑا سے اس بارے میں سوال کیا تو انہوں نے یہ کہہ کے تبصرہ کرنے سے انکار کر دیا کہ اس بارے میں بولنے کا ان کا کوئی حق نہی

سارہ علی خان کا کہنا ہے کہ مجھے کئی فلموں میں کام کرنے کی پیشکش ہوئیں لیکنن نا مناسب لباس کی وجہ سے انکار کردیا-
ایک انٹرویو میں سارہ علی خان نے کہا کہ مجھے کئی فلموں میں کام کرنے کی پیشکش ہوئی لیکن آئٹم سانگ میں نا مناسب لباس کی وجہ سے آئٹم سانگ کرنے سے انکار کر دیا-کیوں کہ پہلی بات تو یہ کے کسی بھی فلم میں آئٹم سانگ کا ہونا ضروری نہیں ہے.پاکستان فلم انڈسٹری آئٹم سانگ کے بغیر بھی مزید بہتری کی جانب بڑھ سکتی ہے-
سارہ علی خان نے کہا کہ کچھ لوگ یہ سمجھتے ہیں کہ آئٹم سانگ کی بغیرفلم باکس آفس پر اچھا بزنس نہیں کرسکتی،میں اس بات کی مکمل طور پر مخالفت کرتی ہوں-