Category: شوبز

ممبئی: بالی ووڈ کی معروف اداکارہ شردھا کپور نے اپنی شادی کا اعلان کر دیا ہے. بھارتی میڈیا کے مطابق شردھا کپور آئندہ سال تک شادی کے بندھن میں بندھ جائیں گی۔

بالی ووڈ کے مشہور ولن شکتی کپور کی بیٹی اداکارہ شردھا کپور پیا گھر جانے کی تیاریوں میں لگ گئیں. گزشتہ برس انوشکا شرما، دپیکا پاڈوکون، پریانکا چوپڑا اور نیہا دھوپیا جیسی اداکاراؤں نے شادی کی جس کے بعد اب اداکارہ اپنے دوست روہن شریستھا (جن کا پیشہ فوٹوگرافی ہے) سے شادی کے بندھن میں بندھنے والی ہیں۔ شردھا اور روہن کے درمیان 2 سال سے تعلقات ہیں اور کئی متعدد جگہوں پر ایک دوسرے کے ساتھ نظر بھی آئے.

بھارتی میڈیا کے مطابق شردھا کا روہن شریستھا سے تعلقات سے قبل اداکار اور اینکر فرحان اختر سے تھے اور بھارتی میڈیا کے مطابق دونوں نے شادی بھی کرنی تھی لیکن کچھ عرصہ بعد دونوں میں اختلافات ہونے کی وجہ سے شردھا کپور نے اپنے دوست روہن شریستھا اور فرحان اختر نے ماڈل شبانی ڈنڈیکر سے تعلقات استوار کر لئے ہیں.

باغی ٹی وی کی رپورٹ کے مطابق دونوں نے اپنی دوستی کو رشتے میں بدلنے کا فیصلہ کرلیا ہے اور جلد ہی دونوں اس حوالے سے اعلان بھی کریں گے. شردھا کپور کی دلہن بننے کی رضا مندی پر ان کی والدہ بھی بہت خوش ہیں اور ان کے والدین نے بیٹی کی شادی کی تیاریاں بھی شروع کردیں ہیں۔

یونان کی ٹاپ فیشن ڈیزائنرسیلیا کریتھاریوٹی نے فرانس کے شہر پیرس میں فیشن شو کا اہتمام کیا۔ پیرس کے مشہور پیلس آف ٹوکیو میں سیلیا کے تیار کردہ ملبوسات کی نمائش کی گئی۔ اور اپنی تخلیقی صلاحیتوں سے تیار کردہ اچھوتے ڈیزائنوں کو متعارف کروایا۔

واضح رہےپیرس کو فیشن کا گڑھ کہا جاتا ہے اور دنیا بھر کے ٹاپ فیشن ڈیزائنرز پیرس میں اپنے خوبصورت، بیش قیمت اور اچھوتے ڈیزائنوں کے ملبوسات متعارف کروانا پسند کرتے ہیں۔ اس فیشن کے دارالحکومت میں فیشن ویک کا آغاز ہوتے ہی رنگوں اور حسن کے جلوے بکھر جاتے ہیں۔ سیلیا کے ڈیزائن کئے گئے منفرد ملبوسات ہالی ووڈ اور بالی ووڈ کی کئی فلمی ہیروئنز  کے پسندیدہ ملبوسات میں شمار ہوتے ہیں۔

باغی ٹی وی کی رپورٹ کے مطابق سیلیا کے تیار کردہ ملبوسات کی خوبصورتی اور قیمتی موتیوں سے جڑے ملبوسات حاضرین کی توجہ کا مرکز بنے. جب ماڈلز خوبصورت اور قیمتی ملبوسات پہن کر ریمپ پر آئیں تو حاضرین پلکیں جھپکانا بھول گئے. دلہنوں کے قیمتی ملبوسات پہن کر ماڈلز ریمپ پر آئی تو حاضرین نے خوب داد دی. سیلیا کے ڈیزائن کردہ ملبوسات پوری دنیا میں مقبول ہوتے ہیں.

یاد رہے سیلیا یونان میں 1906 سے قائم سب سے پرانے فیشن ہاؤس کی مالک ہیں۔ سیلیا نے اپنی تخلیقی صلاحیتوں سے تیار کردہ اچھوتے ڈیزائن متعارف کروائے.

لاہور: حریم فاروق اورعلی رحمان کی نئی رومانوی کامیڈی فلم ”ہیر مان جا“ کا ٹریلر ریلیز ہوتے ہی مداحوں میں مقبول ہوگیا۔

گزشتہ روز پاکستسنی کامیڈی فلم "ہیر مان جا‘‘ کا ٹریلر یو ٹیوب اور دیگر سوشل میڈیا کے ساتھ ملک کے تمام سنیما گھروں میں ریلیز کیا گیا ہے جسے فلمی حلقوں کے ساتھ ساتھ شائقین نے بھی بہت پسند کیا ہے۔ یوٹیوب پر ٹریلر کو 24 گھنٹوں کے دوران تقریباً 1 ملین ویوز مل چکے ہیں.

ہدایت کار اظفر جعفری کی رومانوی کامیڈی فلم’’ہیرمان جا‘‘ میں ٹی وی کی معروف جوڑی علی رحمان اور حریم فاروق نے مرکزی کردار ادا کئے ہیں جسے لوگوں نے بہت پسند کیا ہے.

آئی آر کے بینر تلے بننے والی فلم ”ہیر مان جا“ اس کامیاب ٹیم کی نئی پیشکش ہے جو اس سے پہلے’’جانان‘‘ اور’’پرچی‘‘ فلمیں بنا چکے ہیں، جلد ریلیز ہونے والی فلم میں علی رحمان اور حریم فاروق کی جوڑی اس سے قبل بھی کئی ڈراموں اورفلم ’’پرچی‘‘ میں جلوے دکھا چکی ہے،اور یہی وجہ ہے کہ فلمی حلقوں اور شائقین کو فلم کا بے صبری سے انتظار ہے۔

باغی ٹی وی کی رپورٹ کے مطابق فلم کی کہانی نوجوان نسل کے مسائل اور حالات کو مد نظر رکھ کر لکھی گئی ہے. فلم کی کہانی کو اجاگر کرنے کے لیے کئی معروف فنکار میکائل ذولفقار، آمنہ شیخ، شیزعلی خان، عابد علی اور احمد علی اکبر اپنا جلوہ دکھائیں گے.

یاد رہے کامیڈی سے بھرپور حریم فاروق اور علی رحمان کی فلم عیدالاضحی پر سینما گھروں کی زینت بنے گی.

بھارتی ریپ سٹار بادشاہ نے 1 دن میں یوٹوب پر 76ملین ویوز لے کر سارے ریکارڈز توڑ دیے. 24 گھنٹوں میں اتنے لائکس لے لے کر معروف سنگر ٹیلر سوئفٹ اور جنوبی کوریا کے بی ٹی ایس بوائے بینڈ کو بھی پیچھے چھوڑ دیا.

ریپ سٹار کا نیا گانا "پاگل” بدھ کو سونی میوزک یوٹوب چینل پر ریلیز کیا اور منٹوں میں ہی وائرل ہو گیا. ریکارڈ تک پہنچنے پر، بادشاه نے کہا کہ یہ گانا دنیا بھر میں سامعین تک پہنچنے کا ارادہ رکھتا ہے.

بادشاہ نے کہا کہ میں بہت خوش ہوں اور میں گزشتہ 24 گھنٹوں میں اتنا پیار ملنے سے مطمئن ہوں. ” انہوں نے مزید کہا کہ وہ امید رکھتے ہیں کہ ان کے ٹریک بھارت سے سرحدوں پار موسیقی لے کر ہماری موجودگی کو محسوس کرنے میں کامیاب ہو جائے.

بادشاہ نے مزید بتایا کے ان کے فینز باہر چلے گئے تھے تاکہ میں اپنا خواب پورا کر سکوں. اس سے ہم مزید آگے جائیں گے.

بادشاہ نے بی ٹی ایس سے اپنا ٹائٹل لیا جس کے گانا ‘بوئے ود لو’ نے اپریل سے ایک دن میں 74،600،000 ویوز لے کر ریکارڈ بنایا تھا. اس کے بعد امریکی پاپ اسٹار ٹیلر سوئفٹ کا گانا ‘لک ایٹ وٹ یو میڈ می ڈو’ شہرت کمانے والا گانا ہے.

واضح رہے اسی ہفتےمیں ٹیلر سوئفٹ فوربس کی طرف سے $ 185 ملین ڈال کما کر دنیا کی سب سے بڑی انٹرٹینر بن گئی ہیں.

ممبئی میں پولیس نے دھوکہ دہی میں ملوث بالی ووڈ اداکارہ سوناکشی سنہا کے گھر پر چھاپا مارا. بھارتی میڈیا کے مطابق گزشتہ روز پولیس نے  اداکارہ سوناکشی سنہا کے گھر پر چھاپا مارا لیکن سوناکشی گھر پر موجود نہیں تھی تاہم پولیس ان سے تفتیش نہ کر سکی۔

باغی ٹی وی کی رپورٹ کے مطابق پولیس نے تصدیق کرتے ہوئے کہا کہ بھارت کی ریاست اتر پردیش میں گزشتہ برس اداکارہ کے خلاف دھوکہ دہی کا کیس دائر کیا گیا تھا جس میں درخواست گزار نے الزام عائد کیا کہ تمام تر معاہدوں کے باوجود سوناکشی نے دہلی میں ہونے والے ایونٹ میں شرکت نہ کی جس کی وجہ سے شو کی انتظامیہ کو بھاری نقصان کا سامنا کرنا پڑا۔

دوسری جانب سوناکشی سنہا کے ترجمان کی جانب سے بتایا گیا ہے کہ دھوکہ دہی کے حوالے سے سوناکشی سنہا پر لگائے گئے تمام الزامات جھوٹے ہیں اور ان میں سناکشی ملوث ہی نہیں ہیں۔

واضح رہے کہ سوناکشی سنہا ان دنوں سلمان خان کی فلم ’دبنگ تھری‘ کی شوٹنگ میں مصروف تھیں اور ان پر بے بنیاد الزام لگائے جا رہے ہیں۔

کچھ ماہ قبل شاہ رخ خان نے اپنے بیٹے کی بالی ووڈ میں انٹری کا اعلان کیا تھا جس میں انہوں نے بتایا تھا کہ آریان خان ابتدائی طور پر فلم بالی ووڈ میں اداکاری نہیں بلکہ اپنی آواز کا جادو دکھائیں گے۔ شاہ رخ خان کے اعلان کے بعد سے ہی اُن کے فینز کو آریان کی فلم کا انتظار تھا تاہم اب خان فیملی کے بیٹے آریان خان کی پہلی فلم کا پرومو جاری کردیا گیا ہے۔

کنگ خان نے ٹوئٹر پر  ہالی ووڈ فلم ’دی لوائن کنگ‘ کا چھوٹا سا پرومو پوسٹ کیا جس میں فلم کے مشہور کردار ’سمبا‘ کو دکھایا گیا ہے، اس پرومو کی خاص بات یہ ہے کہ ’سمبا‘ کی پس پردہ آواز شاہ رخ خان کے بیٹے آریان خان کی ہے.

کنگ خان نے مزید ایک ٹویٹ میں کہا کہ ڈزنی فلم انڈیا اور دیگر ٹیم کا شکریہ بھی ادا کرتا ہوں۔ ساتھ ہی یہ بھی کہا کہ کیا آریان کی آواز میری آواز سے ملتی جلتی ہے یا یہ میری ہی آواز ہے۔

یاد رہے کہ فلم ’لوائن آف کنگ ‘ کا اینی میٹڈ ورژن  انگلش، ہندی، تامل اور تیلگو زبانوں میں ریلیز کیا جائے گا جس میں  ’مفاصہ‘ کے کرداد میں شاہ رخ خان نے اپنی آواز کا جادو دکھایا ہے. فلم رواں ماہ 19 جولائی کو سنیما گھروں کی زینت بنے گی۔

نیوزی لینڈ کے ہاتھوں ورلڈ کپ کے سیمی فائنل میں بری شکست کے بعد بالی ووڈ کے مسٹر پرفیکشنسٹ عامر خان نے بھارتی کپتان کوہلی کو سپورٹ کرتے یوئے ٹویٹ کیا۔

ورلڈ کپ سے باہر ہونے پر جہاں پورے بھارت میں لوگ غمزدہ ہیں اور کھلاڑیوں پر تنقید کررہے ہیں وہیں بالی ووڈ کے مسٹر پرفیکشنسٹ عامر خان نے بھی بھارتی کپتان کوہلی کو ٹوئٹر پر دلاسہ دیتے ہوئے کہا کہ ویرات! بدقسمتی سے آج ہمارا دن نہیں تھا۔

مسٹر پرفیکشنسٹ نے لکھا کہ میرے لیے بھارت پہلے ہی ورلڈ کپ جیت چکاتھا جب اس نے پوائنٹس ٹیبل پر ٹاپ پوزیشن حاصل کر لی تھی۔ عامر خان نے بھارتی ٹیم کی کارکردگی کو سراہا اور کہا میری چاہ رہا تھا کہ میچ کے دوران بارش نہ ہو لیکن نتیجہ مختلف نکل آیا. لیکن کوئی بات نہیں بھارتی ٹیم بہت اچھا کھیلی.