Category: شوبز

جی ہاں فلم کے ڈائریکٹر کا “لے” یعنی تال یا جس کو انگریزی میں “ٹیمپو” کہتے ہیں میں ہونا بہت ضروری ہیں
ہر کامیاب ڈائریکٹر نے اپنی فلم کی ٹیمپو ایسی سیٹ کی کہ دیکھنے والا فلم میں ڈوبتا ہی چلا گیا اور اس طرح فلم دیکھنے والا اپنے آپ کو بھی اس فلم کا حصہ یعنی کردار سمجھنے لگا یوں فلم دیکھنے والے کے دل کے قریب ہو گئی

اور اگر ڈائریکٹر کو “ٹیمپو” کا ہی نہیں پتہ تو وہ کبھی کامیاب ڈائریکٹر نہیں بن سکتا اسی طرح یہ بات ایڈیٹر پر بھی لاگو ہے سو ایڈیٹر کا بھی “لے “ میں ہونا اتنا ہی ضروری ہے جتنا ایک ایکٹر یا ڈائریکٹر کا !!!

تو ایک بات تو کلیر ہو گئی کے اگر آپ کو اس شعبہ یعنی شوبز میں آنا ہے تو آپکی میوزک سے جان پہچان ہونا بہت ضروری ہے چاہے آپ ایکٹر ہوں ڈائریکٹر ہوں یا آپ ایڈیٹر ہوں آپ ساتھ والے ملک کی مثال لے لیں راج کپور سے لے کر سنجے لیلا بھنسالی تک جن ڈائریکٹرز نے باقائدہ موسیقی کو جان پہچان کی حد تک سیکھا وہ ہی کامیاب فلم بنا پائے بلکہ ان ڈائریکٹرز نے اپنی فلموں کے کئی گانوں کی دُھنیں تک خود بنائیں اور وہ سُپر ڈوپر ہٹ بھی ہوئیں

ہمارے ہاں سہکھنے والوں کی بہت کمی ہے اور جو لوگ اپنا کام سیکھ کر سمجھ کر رہے ہیں وہ کامیاب بھی نظر آتے ہیں آپ لوگوں نے کبھی ایک بات نوٹ کی کہ ہمارے ڈرامہ یا فلم میں جتنے لوگ کامیاب ہوئے انکا تعلق بھی میوزک سے ضرور رہا،

ہمارے ملک کے نامور بہت ہی مشہور ہیرو شان نے بھی اپنی اداکاری میں جان ڈالنے کے لئے موسیقی کو اتنا سیکھا کہ وہ اپنے کیریکٹر میں ڈائلاگ ڈلیوری سے لے کر اپنے فٹ ورک تک وہ سارے رنگ بھر سکیں جو اس کیریکٹر کی ڈیمانڈ ہیں انکو اس بات کی بہت پہلے سمجھ آگئی تھی انھیں اپنی ایکٹنگ میں رنگ بھرنے کے لئے میوزک کو ساتھ ضرور رکھنا ہوگا
ایسے ہی فواد خان اور علی ظفر کو دیکھ لیں وہ بھی آتے ہی اس لیے کامیاب ہو گئے کیوں کہ وہ میوزک انڈسٹری سے تھے تو انکی ایکٹنگ میں وہ سارے رنگ موجود تھے جو ایک اجھے ایکٹر میں ہونے چاہئے اس لئے لوگوں نے انکے کام کو پسند کیا

تو یہ بات ہماری آجکل کی اداکاراوں میں صرف ماہرا خان کو سمجھ آئی ہے وہ بھی اپنے کام میں اور بہتری لانے کے لئے دن رات محنت کر رہی ہیں اور لوگوں کے دلوں پر چھا رہی ہیں اسی طرح نئی آنے والی تمام اداکاراوں کو بھی چاہئے کہ وہ بھی محنت کریں اور اگر ماہرا خان کی طرح کامیاب ہونا چاہتی ہیں تو ان کی طرح اداکاری کے سارے رنگ اپنے ساتھ لے کر چلیں

اداکاری مختلف رنگوں کا امتزاج ہے جیسے ایکسپریشن ، ڈائلاگ ، ڈانس ، “لے”، اور ٹائمینگ ان سب رنگوں کو ملا کر جو ایک رنگ بنتا ہے اس رنگ کا نام ہے “اداکاری”

پاکستان کی نامور اداکارہ ذہین طاہرہ کراچی میں وفات پا گئیں۔ ذہین طاہرہ کی وفات پرشوبز سے تعلق رکھنے والے افراد نے تعزیت کا اظہار کیا ہے

باغی ٹی وی کی رپورٹ کے مطابق پاکستان کی نامور اداکارہ ذہین طاہرہ وفات پا گئیں، وہ گزشتہ دو ہفتے سے بیمار تھیں اور مقامی ہسپتال میں داخل تھیں، گزشتہ رات ان کی طبیعت بگڑنے پر ایمرجنسی میں شفٹ کیا گیا لیکن وہ جانبر نہ ہو سکیں اور ان کی وفات ہو گئی.

اداکارہ ذہین طاہرہ کی وفات پر شوبز انڈسٹری سے تعلق رکھنے والے افراد نے افسوس کا اظہار کیا ہے، بہروزسبزواری نے کہا ہے کہ اللہ کی رضا ہےاس پرکیا کہہ سکتے ہیں،ذہین طاہرہ سے میرا تعلق بچپن سے تھا،ذہین طاہرہ محنتی خاتون تھیں،اللہ ان کی مغفرت فرمائے.

اداکارقوی خان نے کہا کہ ذہین طاہرہ ہمارے شعبے کی سینئرترین اداکارہ تھیں،ذہین طاہرہ نے 700سے زائد ڈراموں میں اداکاری کے جوہر دکھائے ،ذہین طاہرہ نےہمیشہ اصولوں کےتحت کام کیا،دعاگوہیں اللہ تعالیٰ ذہین طاہرہ کی مغفرت فرمائے،

ذہین طاہرہ نے اپنے فنی سفر کا آغاز انیس سو ساٹھ کی دہائی میں کیا۔ انہوں نے لگ بھگ سات سو ڈراموں میں مرکزی اور معاون اداکاری کے طور پر کام کیا۔ ذہین طاہرہ نے متعدد ڈراموں کی پیشکش کے ساتھ ہدایتکاری بھی کی۔مشہورڈرامے خدا کی بستی میں بہترین اداکاری پرذہین طاہرہ نے شہرت حاصل کی ،گزشتہ پانچ دہائیوں سے ذہین طاہرہ ٹی وی ڈراموں میں کام کررہی تھیں ،ذہین طاہرہ کوانکی گراں قدر خدمات پر سال 2013 میں لائف ٹائم اچیوومنٹ ایوارڈ سے نوازا گیا ،ذہین طاہرہ کو حکومت پاکستان کی جانب سے تمغا امتیاز سے بھی نوازا گیا

ہم بات کر رہے ہیں فلم “سپرسٹار” کی جیسا کہ اب تک سب کو پتہ چل چکا ہے کے اس فلم ماہرا خان ہیں تو آپ لوگ کیا سمجھتے ہیں فلم کیسی ہو گی ؟
میرے خیال سے تو فلم اچھی ہی ہو گی کیوں کے اس میں ماہرا خان ہیں اور ماہرا خان اپنے کام سے بہت محبت کرتی ہیں جس وجہ سے لوگوں کو ان پہ اعتماد ہے کہ وہ ایک اچھی فلم میں ہی کام کرنا پسند کریں گی لحاظا اسی لیے لوگ ان کی فلم کا انتظار بڑی بے تابی سے کر رہے ہیں اور جس بات پر ماہرا خان بہت فوکس کر رہی ہیں وہ ہے ڈانس وہ جی جان سے ڈانس پر محنت کر رہی ہیں
جیسا کہ آجکل انکا ایک چھوٹا سا کوئی ایک منٹ کا کلِپ انسٹاگرام پر وائرل ہوا وا ہے جس میں آپ نے دیکھا ہوگا کہ کتنی مہارت سے اور ایکسپریشن کے ساتھ وہ ڈانس کر رہی ہیں یہ ابھی ایک چھوٹا سا ڈانس کلپ ہے جس سے صاف اندازہ لگایا جاسکتا ہے کہ وہ بڑی سکرین پر اور کمال کرنے والی ہیں ،
یہ ایک اجھے فنکار کی نشانی ہے کہ اپنی غلطی خود نکالتا ہے اور اس غلطی کو دوبارہ نہیں کرتا جس کی وجہ سے اس کے کام میں بہتری آتی جاتی ہے اور اس طرح وہ کامیابیوں کی منزلوں کو عبور کرتا ہوا رہتی دنیا تک اپنا نام چھوڑ جاتا ہے ،
ڈانس بھی ایک خاص جُز ہے اداکاری کا مطلب ایک اداکار کو اجھا ڈانس بھی آنا چاہیے شاید کچھ لوگ اس بات کو سیریس نہیں لیتے اور ان کے خیال میں ڈانس نہیں بھی آتا تو خیر ہے ویسے حیرت ہے کہ وہ اداکاری کے ایک خاص جُز کو ہی نظر انداز کیے جا رہے ہیں
ارے بھائی ڈانس کرتے ہوئے لپ سنگ کرنا اور ایکسپریشن دینے سے ہی تو اجھے اداکار کا پتہ چلتا ہے کہ اسکو “لے” یعنی “تال” کا کتنا پتہ ہے اور جن لوگوں نے اپنے مکالموں کو انکی “تال” کے مطابق بولا وہ جُملا لوگوں کے دل میں اتر گیا
اچھے اداکار کا اچھا “لےکار” ہونا بھی بہت ضروری ہے اور ہم مانیں یا نہ مانیں ہماری آجکل کی فلم ٹریڈ میں اس چیز کی بہت کمی ہے ہمارے ہاں جس اداکار یا اداکارہ کا ڈرامہ تھوڑا مشہور ہو جاتا ہے اسکو اٹھا کر فلم میں ڈال دیتے ہیں اور انکو فلم کی کوئی ٹریننگ نہیں دی جاتی نہ سمجھایا جاتا ہے کہ فلم میں انھوں نے بولنا کیسے ہے چلنا کیسے ہے ایسی بہت سی چیزیں ہیں جو ہمارے آجکل کے فلم بنانے والوں کو اپنے اداکاروں اور اداکاراوں کو بتانی یا سمجھانی چاہئے جس سے وہ اپنی ڈرامہ اور فلم کی اداکاری میں فرق لا سکیں لیکن انکا بھی قصور نہیں جن کو خود نہیں پتہ وہ بیچارے اپنے فنکاروں کو کیا بتائیں یا سمجھائیں گے،
حتیٰ کے ڈائریکٹر کا بھی “لے“ میں ہونا بہت ضروری ہے ،،،،،،،،،،(جاری ہے )

سُپر سٹار

عیدلاضٰحی پر لالی وڈ ویسے تو اپنے ناظرین کے لیے بہت سی فلمیں لے کر آ رہا ہے مگر لوکوں کو جس فلم کا بڑی بے صبری سے انتظار ہے جس کا پوسٹر بھی ریلیز ہو چکا اس فلم کا نام ہے “سُپر سٹار”
جس وجہ سے لوگ اس فلم کا انتظار کر رہے ہیں وہ وجہ ہے “ماہرا خان” جو اس کا اہم کردار ادا کر رہی ہیں
ہر دل عزیز ماہرا خان جو کے پہلے بھی اپنی ایکٹنگ کا جادو کئی بار جگا چُکی ہیں اور ان کو اپنے ملک کے علاوہ دوسرے ملکوں میں بھی بےحد پسند کیا جا رہا ہے اب تو انکی گرومنگ اور اچھی ہو گئی ہے جب سے وہ بالی وڈ میں اپنے فن کا مظاہرہ کر کے کامیاب لوٹیں ہیں اور آج تک بالی وڈ والے انکے کام کی تعریفیں کرتے نہیں تھکتے خود شاہ رُخ خان نے بھی کئی بار اون سکرین انکی تعاریف کی اور ان کے کام کو بھی سراہا جس وجہ سے مائرہ خان کی وجہ شہرت میں اور اضافہ ہوتا چلا گیا اور یہ بات سچ بھی ہے کسی دوسرے ملک جا کے اپنے فن کا جادو جگانا کوئی آسان کام نہیں !!!
آپ دیکھیں اس سے پہلے بھی کئی پاکستانی فنکار بالی وڈ میں گئے لیکن وہ کیوں اپنے فن کا لوہا نہیں منوا سکے وہ اس لیے کہ ان تمام لوگوں نے مائرہ خان کی طرح اپنے کردار کے بارے میں نہ ذیادہ پوچھ گِچھ کی اور نہ ہی اپنے کردار کی ڈیٹیل لی لیکن مائرہ خان نے اپنے کردار کی ایک ایک ڈیٹیل لی اور انکو یہ بھی کہا کے جو انکا امیج اپنے ملک اور فیملی میں ہے وہ امیج خراب نہ ہو تو ہی وہ کام کریں گی تو انکی اس بات کو مدِنظر رکھا گیا اور اسطرح وہ اپنے فن کا لوہا منوا کر اپنے ملک کامیاب لوٹیں
اور باقی تمام لوگوں نے ایسا نہیں کیا جس کی وجہ سے انکی بنی بنائی عزت بھی گئی
ماہرا خان سے پہلے جو لوگ بالی وڈ گئے انکے نام ہیں علی ظفر، فواد خان ، عمران عباس ، میرا ، وینا ملک ، ماورا حسین ، ان میں سے جن لوگوں کو عزت ملی اور انکے کام کو بھی سراہا گیا وہ ہیں علی ظفر ، فواد خان ، اور مائرہ خان ، باقی تمام لوگوں کو سخت ناکامی کا سامنا کرنا پڑا
جس کی وجہ سے ان فنکاروں کو اپنے ملک میں بھی کام نہ ملنے کے برابر ملا لحاظا آپ دنیا میں کہیں بھی کام کریں تو اپنے امیج کو سامنے رکھ کے اور اپنی شرطوں پہ کریں
تو ہی آپ کامیاب ہو سکتے ہیں اور اگر آپکو دنیا میں کہیں سے بھی آفر ہو رہی ہے تو یہ بات تو طے ہے کہ آپ میں ٹیلنٹ ہے اگلا بندہ ایسے تو آپکو آفر نہیں کر رہا ہاں اگر آپ کسی سفارش سے وہاں تک پہنچے ہیں تو پھر وہ آپ سے سارے حق چھین لیتے ہیں اور آپکو وہی کرنا پڑتا ہے جو وہ کہہ رہے ہوتے ہیں اس میں چاہے آپکا امیج ہی کیوں نہ خراب ہو رہا ہو آپ کچھ نہیں کر سکتے !!!
(جاری ہے)

گوہ کے ہمارے ملک میں بہت سارے اسٹائلسٹ موجود ہیں تو جب “گینگسٹر گڑیا “ آئٹم سونگ شوٹ ہو رہا تھا تو کیا اس فلم کے ڈائریکٹر صاحب نے کسی سٹائلسٹ سے رابط نہیں کیا ؟
حیرت کی بات ہے اگر واقع ہی اس آئٹم سونگ کی سٹائلنگ ہمارے ملک کے ہی کسی بندے نے کی ہے تو اس نے تو کمال ہی کر دیا کیا ہو بہو کاپی کی ہے جس نے بھی کی ہے وہ سہی کہتے ہیں کے نقل کے لیے بھی عقل کی ضرورت ہوتی ہے آجکل سوشل میڈیا کا دور ہےآپ کیسے نِقل سکتے ہیں بچ کے ۔۔۔۔۔
ہم بات کر رہے ہیں آئٹم سونگ “ گینگسٹر گڑیا” کے بارے میں جس کو ہمارے ملک کی نام ور اداکارہ مہوش حیات جنکو تمغۂ امتیاز سے بھی نوازا گیا ان پر فلمایا گیا ایک طرف ہم ان کو اتنی عزت دے رہے ہیں دوسری طرف ہم خود ہی ان کو ایسا بنا کر پیش کر رہے ہیں کے دوسرے لوگ ہمارا مزاق اڑائیں
اس وقت یہ بات ہر عام و خاص کی زبان پر ہے کہ مہوش حیات آئٹم سونگ “گینگسٹر گڑیا” میں جو گِٹ اپ کروایا گیا وہ انڈین فلم “زیرو” کے ایک گانا “حُسن پرچم”
جس کو کتھرینا کیف پر فلمایا گیا اس کی ہو بہو کاپی ہے اور وہ سونگ بہت پہلے ریلیز ہوا کیا اس فلم کے ڈائریکٹر کی آنکھوں سے یہ گانا نہیں گزرا ہو گا یا اس پوری کاسٹ میں سے کسی نے کتھرینا والا سونگ نہیں دیکھا ہو گا
ایسا ہو تو نہیں سکتا اگر اس فلم کے ڈئیریکٹر ہا کوریوگرافر سب لوگ بھی یہ کہیں تو یہ بات ماننے میں نہیں آتی
ایک اور بات حیرت والی ہے کے کیا مہوش حیات کو بھی نہیں پتہ چلا کہ انکے ساتھ کیا ہو رہا ہے مطلب وہ خود کسی سے کم نہیں تو انکے امیج کو خراب کرنے میں کس کا ہاتھ ہے ؟
ہمیں اپنے آرٹسٹ کی عزت بڑھانی چاہیے نہ کے انکی عزت داوُ پہ لگائیں انکا بنا بنایا امیج خراب نہیں کرنا چاہئیے اس میں آرٹسٹ کا اپنا بھی قصور ہے اصل میں آرٹسٹ کو خود اپنے امیج کا خیال رکھنا چاہئیے اسی لئے تو بڑا ایکٹر یا ایکٹرس کبھی ایسا کردار نہیں کرتے تھے جس کی وجہ سے انکا امیج خراب ہو بلکہ وہ ہر بار ایسا کردار کرتے تھے کے لوگ جو انکے فین ہوتے تھے وہ انکو اور عزت دیتے تھے جبکہ مہوش حیات کے جو چاہنے والے یعنی جتنے فین ہیں انکا کہنا ہے کہ انکو بہت دکھ ہوا کہ اتنی اچھی ایکٹرس کو کسی دوسرے ملک کی ایکٹرس کا سٹائل کیوں کاپی کروایا گیا اس سے اچھا تھا کہ اسی ایکٹرس یعنی کیتھرینا کیف کو ہی کاسٹ کر لیتے جیسے یہ گانا “گینگسٹر گڑیا” بھی ہمارے ہمسایہ ملک انڈیا کی سنگر سونیدھی چوہان سے گوایا گیا ہے سونیدھی چوہان جو اپنے ملک میں بھی پرانی ہو گئی ہیں وہ لوگ بھی نئے لوگوں کو چانس دے رہے ہیں مگر ہم ابھی بھی دوسروں سے انسپائر ہیں کس بات کا ڈر ہے ہم اپنے آرٹسٹ پہ بھروسہ کیوں نہیں کرتے ؟؟؟ جبکہ وہ ہمارے آرٹسٹ جیسے راحت فتح علی خان ، عاطف اسلم ، فواد خان ، مائرہ خان وہ تو ہمارے آرٹسٹوں سے کام لے رہے ہیں
اگر ہم دوسرے پہلو پہ غور کریں تو کہیں ایسا تو نہں کہ مہوش حیات خود تو کیتھرینا کیف سے متاثر ہوں اور خود کیتھرینا جیسا دکھنا چاہ رہی ہوں ہاں کسی سے متاثر ہونا بری بات نہیں لیکن کسی کو کاپی کر کے ہم خود کو بی گریڈ والی لائن میں کھڑا کر لیتے ہیں ویسے دیکھا جائے تو مہوش حیات کو یہ ائیٹمُ سونگ کرنے کی ضرورت کیا تھی
اس کا جواب تو خود مہوش حیات ہی دے سکتی ہیں کہ ایسی کیا مجبوری تھی کہ انکو یہ سونگ اور یہ گٹ اپ کرنا پڑا جبکہ اس سونگ میں تو کوئی ایسی بات نہیں کہ اسکو نہ کر کے انکو کوئی فرق پڑتا !!!