اداکارہ حمائمہ ملک جو ایک بڑی فین فالونگ رکھتی ہیں ، اداکارہ خوبصورتی کی وجہ سے بھی موضوع بحث رہتی ہیں. انہوں نے حال ہی میں بتایا ہے کہ ان کی خوبصورت جلد کا راز کیا ہے. انہوں نے کہا کہ ویسے تو میری خوبصورت سکن خدا کی دین ہے، لیکن میں اس میںنکھار پیدا کرنے کےلئے بہت محنت کرتی ہوں، زیادہ سے زیادہ پانی پیتی ہوں. دن میں دو تین بار گرین ٹی پیتی ہوں اس کے علاوہ میں جب بھی باہر نکلتی ہوں تو سن بلاک لگاتی ہوں. انہوں نے کہا کہ گرین ٹی کا استعمال اسلئے بھی کرتی ہوں کیونکہ اس سے جلد پر لکیریں نہیں پڑتیں.
انہوں نے کہا کہ ”میری جلد خوبصورت ضرور ہے لیکن بہت زیادہ خشک ہے اس لئے مجھے اسکو موئسچر کرنا پڑتا ہے.” انہوں نے کہا کہ ہر انسان خوبصورت ہوتا ہے بس خود پر توجہ دیں تو مزید نکھار آجاتا ہے. انہوں نے کہا کہ یہ زندگی چھوٹی سی ہے اور ایک ہی ہے لہذا اسکو بھرپور انداز سے جئیں. کیا پتہ کل ہو نہ ہو. یاد رہے کہ حمائمہ ملک کا ان دنوں ڈرامہ جندو آن ائیر ہے اس میںان کی اداکاری بہت سراہی جا رہی ہے. حمائمہ کا کہنا ہےکہ ان کے پاس پائپ لائن میں بہت ہی زبردست پراجیکٹس ہیں.
