Baaghi TV

Category: شوبز

  • سپر پنجابی کی ریلیز کی نئی تاریخ کا اعلان دس دن میں کریں گے افتخار ٹھاکر

    سپر پنجابی کی ریلیز کی نئی تاریخ کا اعلان دس دن میں کریں گے افتخار ٹھاکر

    افتخار ٹھاکر اور صفدر ملک کی فلم سپر پنجابی جو کہ تین مارچ کو ریلیز ہونے جا رہی تھی اس کی ریلز کو موخر کر دیا گیا ہے. افتخار ٹھاکر اور صفدر ملک نے آج لاہور میں ایک ہنگامی پریس کانفرنس کی اور اس میں اعلان کیا کہ ہم فلم تین مارچ کو ریلیز نہیں‌کرنے جا رہے کیونکہ ملک کے حالات ٹھیک نہیں ہیں اور ویسے بھی پی ایس ایل چل رہا ہے لوگوں کی ساری توجہ پی ایس ایل کیطرف ہو گی ایسے میں فلم لگانا دانشمندانہ فیصلہ نہ ہو گا. افتخار ٹھاکر نے کہا کہ سپر پنجابی ریلیز سے پہلے ہی فائدے میں ہے. یہ فلم ہر خاص و عام کے لئے بنائی گئی ہے. ہم نے

    جدید سینما کی بنیاد رکھی ہے فلم کی کہانی اور سکرپٹ نہایت ہی مضبوط ہے. ہم نے فلم پر بہت محت کی ہے. اس لئے چاہتے ہیں کہ کسی ایسے وقت پر ریلیز ہو جس میں سب اس کو دیکھیں. انہوں نے کہا کہ اچھی بات یہ ہے کہ پاکستان میں اچھی معیاری فلمیں بن رہی ہیں اور شائقین سینماز کا رخ کرنے لگ گئے ہیں. افتخار ٹھاکر نے کہا کہ سپر پنجابی میں ہم نے ایک ایسے موضوع کو ہائی لائٹ کیا ہے جو کہ وقت کی ضرورت ہے. اس فلم کی ریلیز کی نئی تاریخ کا اعلان بہت جلد کریں گے.

  • کونسی فلم پہلے دیکھیں گے میکال سے سوال ، بولے منی بیک گارنٹی

    کونسی فلم پہلے دیکھیں گے میکال سے سوال ، بولے منی بیک گارنٹی

    اداکار میکال ذوالفقار جن کی عید الفطر پر دو فلمیں ایک ساتھ ہی ریلیز ہونے جا رہی ہیں. میکال نے اپنے حالیہ انٹرویو میں کہا ہے کہ وہ دونوں فلموں کے لئے بہت پرجوش ہیں اور خواہش ہے کہ دونوں فلمیں ہی کامیابی سے ہمکنار ہوں. میکال سے انٹرویو کے دوران سوال ہوا کہ آپ کی دو فلمیں ایک ساتھ لگ رہی ہیں آپ پہلے کونسی فلم دیکھیں گے تو انہوں نے کہا کہ میں بیرون ملک سفر کررہا ہوں گا تو منی بیک گارنٹی ہی پہلے دیکھنے کا موقع ملے گا. میکال نے کہا کہ منی بیک گارنٹی ہو یا ہوئے تم اجئنبی دونوں فلموں میں میرے کردار کافی مختلف ہیں مجھے امید ہے کہ میرے مداح مجھے ان دونوں فلموں میں پسند کریں گے اور میری دونوں فلموں کو دیکھیں گے. انہوں نے کہا کہ بطور ایکٹر میری ہمیشہ ہی یہ

    کوشش رہی ہے کہ میں روٹین سے ہٹ کر کام کروں جب میں دونوں فلموں کی شوٹنگ کررہا تھا تو مجھے اندازہ نہیں تھا کہ یہ دونوں ایک ہی وقت میں ریلیز ہونے جا رہی ہیں . میں اس وقت نروس نہیں ہوں بلکہ بہت ہی خوش ہوں اور پرجوش بھی ہوں کہ میری دو دو فلمیں ریلیز ہو رہی ہیں. انہوں نے کہا کہ بطور پرڈیوسر بطور ایکٹر کام کرنے سے کافی مختلف اور مشکل ہوتا ہے.

  • معاشی مشکلات کے باوجود ترکیہ کے بہن بھائیوں کی بھرپور مدد کریں گے

    معاشی مشکلات کے باوجود ترکیہ کے بہن بھائیوں کی بھرپور مدد کریں گے

    اسلام آباد: وزیراعظم پاکستان شہباز شریف نے کہا ہے کہ معاشی مشکلات کے باوجود ترکیہ کے بہن بھائیوں کی بھرپور مدد کریں گے۔

    باغی ٹی وی: شہباز شریف کا کہنا تھا کہ ترکیہ اور پاکستان کے دیرینہ تعلقات دہائیوں پر مبنی ہیں، وزیراعظم نے ہدایت کی کہ ترکیہ بھیجے جانےوالےخیموں کا بین الاقوامی معیاریقینی بنایاجائےفوری طور پرترکیہ کی ڈیزاسٹرمینجمنٹ پریزیڈنسی سےدرکار خیموں کی خصوصیات کے حوالے سے مشاورت کی جائے۔

    وزیراعظم نے کہاکہ ترکیہ میں خیموں کی فوری ضرورت پوری کرنے کیلئے فضائی راستے سے خیمے بھیجے جائیں، پاکستان سے بھیجے جانے والے خیموں کے معیار کو یقینی بنانے کیلئے تھرڈ پارٹی ویلیڈیشن کی جائے۔ وزیراعظم نے خیموں کے معیار کے تعین کیلئے وزیر منصوبہ بندی کی سربراہی میں کمیٹی تشکیل دے دی۔

    شہباز شریف نے کہا کہ پاکستان ترکیہ کے زلزلہ زدگان کیلئے 1 لاکھ 71 ہزار خیمے بھیجے گا، پاکستان میں خیمہ سازی کے صنعتکار اس کار خیر میں بڑھ چڑھ کرحصہ لیں، ترکیہ کے بہن بھائیوں کی مدد کی خاطرخیمہ سازی کے صنعتکار حکومت کو کم نرخوں پر خیمے فراہم کریں۔

    وزیراعظم کا کہنا تھا کہ ترکیہ اور شام کے زلزلہ متاثرین کیلئے پاکستان خوراک، گرم کپڑے اور خشک دودھ بھیج رہا ہے، پاکستان کی ریسکیو ٹیمیں ترکیہ میں زلزلہ متاثرین کی بھرپور مدد کر رہی ہیں۔

  • پی ایس ایل کی وجہ سے پاکستانی فلم ’سپر پنجابی‘ کی نمائش روک دی گئی

    پی ایس ایل کی وجہ سے پاکستانی فلم ’سپر پنجابی‘ کی نمائش روک دی گئی

    لاہور: پاکستان سپر لیگ کے میچوں کی وجہ سے پاکستانی فلم ’سپر پنجابی‘ کی نمائش روک دی گئی۔

    سلمان خان نےپاکستان کی جاسوسی پر مبنی فلم کرنے سے انکار کر دیا

    ذرائع کے مطابق الحمرا آرٹ کونسل میں فلمساز صفدر ملک، سہیل ملک، ممتاز احمد کے ساتھ میڈیا کانفرنس کرتے ہوئے نامور مزاحیہ اداکار افتخار ٹھاکر نے کہا کہ پی ایس ایل کے میچز لاہور میں شروع ہونے والے ہیں، ملکی حالات کو بھی دیکھتے ہوئے ہم نے ’سپر پنجابی‘ فلم کو مارچ میں سینما گھروں کی زینت نہ بنانے کا فیصلہ کیا ہے اور نئی تاریخ کا اعلان جلد کردیا جائے گا۔

    شنیرا اکرم مکمل اداکارہ ہیں فیصل قریشی

    انہوں نے مزید کہا کہ جن فلمسازوں نے عید پر فلموں کی نمائش کا اعلان کیا ہے ہم ان سے اظہار یکجہتی کرتے ہوئے عید پر اپنی فلم ریلیز نہیں کریں گے تاکہ ہر فلم کو بزنس کا بھرپور موقع مل سکے۔

    افتخار ٹھاکر نے بتایا کہ اگلے پراجیکٹ میں بھارت سمیت دیگر غیر ملکی فنکار بھی شامل ہوں گے اور ’سپر پنجابی‘ کے ذریعے ہم نے پولیو قطرے پلانے کا پیغام بھی دیا ہے۔اس موقع پر فلمساز صفدر ملک کی اگلی فلم ’جنے لاہور نئی ویکھیا‘ کا بھی اعلان کیا گیا۔

    بچپن سے فیصل قریشی کا کام دیکھتی آرہی ہوں عائشہ عمر

    فلم ’سپر پنجابی‘ کی کاسٹ میں محسن عباس حیدر ،صائمہ بلوچ، قیصر پیا،افتخار ٹھاکر،سلیم البیلا،سہیل سمیر اور دیگر فنکار شامل ہیں۔

  • میں اتفاق نہیں کرتی کہ لڑکا اور لڑکی دوست نہیں ہو سکتے کبری خان

    میں اتفاق نہیں کرتی کہ لڑکا اور لڑکی دوست نہیں ہو سکتے کبری خان

    وھااداکارہ کبری خان جن کی تصویریں آج کل گوہر رشید کے ساتھ بہت زیادہ وائرل ہورہی ہیں اور ان دونوں کے مداح اس ھوالے سے مختلف تبصرے کررہے ہیں. ان دونوں کی تصاویر کو دیکھ کر ہر کوئی کہتا ہے کہ دونوں بہت جلد شادی کرنے والے ہیں اور کوئی کہہ رہا ہےکہ لڑکا اور لڑکی دوست نہیں ہو سکتے لہذا یہ دونوں بہت جلد شادی کرنے والے ہیں. ایسے تبصروں پر کبری خان نے اپنا رد عمل دیتے ہوئے کہا ہے کہ میں ایسی باتوں پر یقین نہیں رکھتی کہ لڑکا اور لڑکی دوست نہیں ہو سکتے. لڑکا اور لڑکی بالکل دوست ہو سکتے ہیں اور میں اور گوہر رشید بہت اچھے دوست ہیں.

    کبری خان نے ایسے تبصروں کے لڑکا اور لڑکی دوست نہیں ہو سکتے پر تو اپنا رد عمل ظاہر کر دیا لیکن اپنی اور گوہر کی شادی کی خبروں پر بالکل بھی کوئی رد عمل نہیں دیا. یوں کبری‌خان نے ایک بار پھر اپنی اور گوہر رشید کی شادی کی خبروں پر بات نہ کرتے ہوئے اپنے اور گوہر رشید کے تعلق کو مزید مبہم بنا دیا ہے. سوشل میڈیا صارفین کا کہنا ہے کہ کبری خان کیوں اپنے اور گوہر کی شادی پر ہاں یا نہ نہیں‌کرتیں یا ایسی باتیں کرنے والوں کو آئینہ کیوں‌نہیں دکھاتیں.

  • اشنا شاہ اور حمزہ کی شادی کی تیاریاں عروج پر

    اشنا شاہ اور حمزہ کی شادی کی تیاریاں عروج پر

    اداکارہ اشنا شاہ اور حمزہ امین جو کہ ایک معروف گالفر بھی ہیں ان کی شادی رواں ماہ ہونے جا رہی ہے. اداکارہ اشنا شاہ معروف ڈیزائنر وردہ سلیم کا تیار کردہ جوڑا زیب تن کریں گی. انہوں نے وردہ سے اپنا جوڑا تیار کروا لیا ہے ان کی وردہ سلیم کے ساتھ ایک وڈیو وائرل ہوئی جس میں دیکھا جا سکتا ہے اشنا شاہ ڈیزائنر سے اپنے جوڑے کے متعلق بات کرتے ہوئے جذباتی ہو گئیں تھیں. اشنا شاہ اور حمزہ امین نے جب سے اپنی شادی کا اعلان کیا تب سے ان کے مداح جاننے کی خواہش رکھتے ہیں کہ یہ دونوں کب شادی کررہے ہیں . لیکن اب ان کی شادی کی تاریخ سامنے آگئی ہے. ان دونوں کی شادی رواں ماہ کے آخر میں ہونے جا رہی ہے . اشنا اور حمزہ دونوں کی فیملیز کی طرف سے شادی کی تیاریاں کی جا رہی ہے.

    یاد رہے کہ اشنا شاہ نے منگنی کی تصاویر گزشتہ برس اپنےسوشل میڈیا پر شئیر کیں اس سے پہلے کسی کو اندازہ بھی نہیں تھا کہ اشنااور حمزہ کی شادی ہونے جارہی ہے. تاہم اب ایک پروگرام میں میزبان نے اشنا شاہ کو رواں رواں ماں ہونے والی ان کی شادی کی مبارکباد دیکر ظاہر کر دیا ہے کہ شادی کب ہونے جا رہی ہے.

  • کیرتی سینن جس فلم میں ہوتی ہے وہ فلاپ ہوتی ہے کے آر کے

    کیرتی سینن جس فلم میں ہوتی ہے وہ فلاپ ہوتی ہے کے آر کے

    انڈین فلموں کے نقاد کے آر کے نے کہا ہےکہ کیرتی سینن جس فلم میں بھی ہوتی ہے وہ فلاپ ہوجاتی ہے، بلکہ سپر فلاپ ہوتی ہے. مجھے تو ڈر ہے کہ فلم شہزادہ بھی کہیں فلاپ نہ ہوجائے. انہوں نے کہا کہ حالانکہ کارتک آریان کی بے انتہا فین فالونگ ہے لوگ اسے پسند کرتےہیں وہ دور حاضر کا سپر سٹار ہیں لیکن یہ بھی زہن میں رکھیں کہ ان کے ساتھ فلم میں کیرتی سین ہیں. کے آر کے نے کہا کہ کیرتی کا کیرئیر اٹھا کر دیکھ لیں یہ مکمل طور پر فلاپ اداکارہ ہیں. جس فلم میں آتی ہے اسکو لے ڈوبتی ہے. بھیڑیا جیسی فلم کو بھی کھا گئی. کیرتی سینن کے ساتھ ساتھ کے آر کے نے ڈیوڈ

    دھون کے بیٹے روپت دھون کو بھی اپنی ایک ٹویٹ میں تنقید کا نشانہ بنا ڈالا بولے جس فلم کو ڈائریکٹ کرتا ہے اسکو لے بیٹھتا ہے سپر فلاپ ڈائریکٹر ہے. کے آر کے نے کہا کہ شہزادہ فلم کارتک کی وجہ سے چل سکتی ہے ورنہ تو روہت نے بنائی ہے اسکا فلاپ ہونا یقینی ہے. یاد رہے کہ کے آر کے بھارتی فلموں کے خود ساختہ نقاد ہیں. اور ہر دوسرے فنکار کو لیتے ہیں آڑھے ہاتھوں درجن کے قریب فنکار ان پر پرچے درج کروا چکے ہیں .

  • کارتک آریان کی فلم شہزادہ کی اوپننگ تسلی بخش نہیں

    کارتک آریان کی فلم شہزادہ کی اوپننگ تسلی بخش نہیں

    اداکار کارتک آریان جن کی فلم شہزادہ گزشتہ روز ریلیز ہوئی ہے فلم کا ابھی تک کا بزنس کافی کم ہے. کہا جا رہا تھا کہ فلم آتے ہی سینما گھروں پر چھا جائیگی لیکن پہلے دن کے بزنس کے بعد ابھی تک تو ایسا محسوس نہیں ہو رہا، فلم شہزادہ کو انڈیا میں تین ہزار کے قریب سکرینز پر ریلیز کیا گیا ہے. تین ہزار سکرینز کا مطلب یہ ہے کہ فلم کو انڈیا میں کافی زیادہ اہتمام کے ساتھ ریلیز کیا گیا ہے. اس فلم کے ساتھ انگلش فلم اینٹ مین بھی ریلیز کی گئی ہے. جبکہ فلم پٹھان ابھی تک کامیابی کے ساتھ بزنس کررہی ہے. فلم شہزادہ کو ڈیوڈ دھون کے بیٹے روہت دھون نے بنایا ہے. فلم میں کارتک آریان کے ساتھ کیرتی سینن اور پاریش وارل نے بھی اہم کردار ادا کئے ہیں. دوسری طرف فلم نقاد کمال آر خان نے لے لیا ہے آڑھے ہاتھوں فلم کے ڈائریکٹر روہت دھون کو انہوں نے کہا کہ آج تک اس لڑکے نے جتنی بھی فلمیں بنائی ہیں وہ سپر فلاپ ہوئی ہیں . ان کی اگر شہزادہ فلم کامیاب ہوتی ہے تو اس کے واحد وجہ کارتک آریان ہوں گے ، کارتک کی فین فالونگ بہت زیادہ ہے ورنہ روہت دھون کو تو کوئی پوچھتا ہی نہیں ہے.

  • مرد کے بغیر لڑکی یا اسکی زندگی کو ادھورا کہنا مناسب نہیں سجل علی

    مرد کے بغیر لڑکی یا اسکی زندگی کو ادھورا کہنا مناسب نہیں سجل علی

    اداکارہ سجل علی کے انٹرویو کا سوشل میڈیا پر ایک کلپ وائرل ہو رہا ہے جس میں وہ کہہ رہی ہیں کہ مرد کے بغیر عورت بالکل ادھوری نہیں ہوتی مجھے سمجھ نہیں آتی لوگ ایسا کیوں کہتے ہیں کہ مرد کے بغیر عورت ادھوری ہوتی ہے. سجل علی نے مزید کہا کہ اگر کسی عورت کی زندگی میں کوئی مرد آجائے اور دونوں کی ذہنی آہم آہنگی ہو پیار ہو تو ایسے میں تو بہت ہی اچھی بات اور سیچوایشن ہے. میں اپنی زندگی کا ہر روز سیلیبریٹ کرتی ہوں خدا نے مجھے اتنی عزت اور شہرت دی ہے میں اس کے لئے خدا کے بعد اپنے مداحوں کی شکر گزار ہوں. سجل علی نے کہاکہ ہمارے کلچر میں لڑکیوں کے زہنوں میں پہلے دن ہی یہ چیز بٹھا دی جاتی ہے کہ بس پڑھنا لکھنا ہے اور شادی کر لینی ہے. ان کی ڈگری

    مکمل ہوتے ہی ان کے آگے شادی کا باکس رکھ دیاجاتا ہے ان کو ان کا کیرئیر بنانے کی طرف راغب نہیں کیا جاتا بس بچے اور گھر شادی اس کے ذہن میں گھسایا ہوتا ہے. پھر جب کوئی مشکل آتی ہے تو وہ اس کو اپنے پائوں پر کھڑے میں ہونے مسائل کا شکار ہونا پڑتا ہے. جو کہ بہت ہی غلط رجحان ہے لڑکیوں کا زہن کم از کم ان کا کیرئیر بن جانے تک فری رکھنا چاہیے.

  • پرتھوی نےمجھےمارا:پھرمیرےساتھ کیا سلوک کیا؟سپناگل نےسچ سچ بتادیا

    پرتھوی نےمجھےمارا:پھرمیرےساتھ کیا سلوک کیا؟سپناگل نےسچ سچ بتادیا

    ممبئی: اداکارہ سپنا گل کا کہنا ہے کہ بھارتی کرکٹر پرتھوی شاہ نے انہیں سینے اور بازو پر مارا تھا۔بھارتی کرکٹر پرتھوی شاہ پر حملے اور لڑائی جھگڑے کے مقدمے میں گرفتار اداکارہ سپنا گل نےعدالت میں پیش ہوکر بیان ریکارڈ کروا دیا۔

    بھوجپوری اداکارہ نے عدالت میں بیان دیتے ہوئے کہا کہ پرتھوی شاہ نے انہیں مارا جبکہ معافی مانگتے ہوئے یہ بھی کہا ہے کہ پولیس میں شکایت مت کرنا اور پھر معافی مانگ کر وہاں سے چلے گئے۔

    سپنا گل کا عدالت میں کہنا تھا کہ ’مجھے پرتھوی شاہ نے بازو اور سینے پر مارا تھا ہم پولیس کی مدد کیلئے وہاں موجود رہے پرتھوی اپنے سات آٹھ دوستوں کے ساتھ تھے جبکہ ہم صرف دو تھے‘۔

     

    پرتھوی کے ساتھ سیلفی بنوا نے کے حوالے سے اداکارہ کا کہنا تھا کہ وہ پرتھوی شاہ کو نہیں جانتی نہ انہوں نے کبھی انہیں دیکھا تھا اور انہوں نے سیلفی لینے کا نہیں کہا تھا۔

    اداکارہ نے پرتھری شاہ پر شراب نوشی کا الزام لگاتے ہوئے کہا کہ ’وہ شراب کے نشے میں دھت تھے، پولیس سٹیشن کے سامنے کھڑے ہونے کے باوجود بھی وہاں ایف آئی آرنہیں کٹوائی کیونکہ وہ نشے میں تھے، اس وجہ سے اُنہیں یہ خیال نشہ اُترنے کے بعد آیا‘۔

     

    سپنا گل نے معاملے کو ختم کرنے کے لئے 50 ہزار روپے مانگنے کے الزام کو بھی مسترد کر دیا ساتھ ہی اداکارہ نے بتایا کہ وہ پرتھوی شاہ سے پہلے ہی ہوٹل کے وی آئی پی لاؤنج میں دوست کے ہمراہ پارٹی کر رہی تھیں جس کے بعد یہ ناخوشگوار واقعہ پیش آیا۔ عدالت نے سپنا گِل کو 20 فروری تک پولیس کے حوالے کر دیا ہے۔

    خیال رہے کہ بدھ کے روز بھارتی کرکٹر پرتھوی شاہ پر مشتعل افراد کی جانب سے حملہ کیا گیا تھا جس میں بھوجپوری اداکارہ سپنا گل ملوث پائی گئی تھیں زیرِ حراست اداکارہ پر دوستوں کے ہمراہ پرتھوی شاہ پر حملہ کرنے اور ان کی گاڑی کو نقصان پہنچانے کا الزام ہے واقعے کی ویڈیوز سوشل میڈیا پر بھی وائرل ہوئی تھیں۔