Category: شوبز

پاکستان کے منجھے ہوئے گلوکار سجادعلی نے گزشتہ دنوں ایک وڈیو سوشل میڈیا پر جاری کرکے اس میں‌کہا کہ میں ایک بھارتی فلم کے گیت سن رہا تھا کہ مجھے اپنے 26 سال پہلے کا ایک گیت یاد آگیا ، انہوں نے گیت کے بول اب کے بچھڑے بھی سنائے . اس کے بعد سوشل میڈیا پر ایک نئی بحث چھڑ گئی اور کہا جانے لگا کہ شاہ رخ‌خآن کی فلم بے شرم رنگ سجاد علی کے گانے کی کاپی ہے، بالی وڈ‌والوں‌کو شرم آنی چاہیے کاپی کرتے ہیں اور کریڈٹ بھی نہیں دیتے.بلکہ کچھ لوگوں نے تو یہاں تک کہہ دیا کہ سجاد علی نے ناہید اختر کے گانے کی نقل کی ہے. سوشل میڈیا پر جاری بہت بڑی بحث نے سجاد علی کو یہ کہنے پر مجبور کر دیا ہے کہ میں نے کب کہا تھا کہ بےشرم رنگ میرے گانے کی کاپی ہے . گلوکار نے کہا کہ

میں نے تو صرف یہ کہا تھا کہ میں ایک فلم کے گیت سن رہا تھا تو مجھے اپنا گانا یاد آگیا. سجاد علی نے یہاں تک کہا کہ اب کے بچھڑے ، احمد فراز کی غزل ہے اور غزل تو کوئی بھی گا سکتا ہے. یاد رہے کہ بے شاہ رخ خان کی فلم پٹھان کا گیت بے شرم رنگ ان دنوں کافی مقبول ہے کہا جا رہا تھا کہ یہ گیت سجاد علی کے گانے کی کاپی ہے لیکن سجاد علی نے ایسی کسی بھی چیز کی تردید کردی ہے.

گزشتہ برس جہاں دا لیجنڈ آف مولا جٹ نے ریکارڈ توڑ بزنس کیا وہیں دو اور ایسی فلمیں تھیں جنہوں نے اچھا بزنس کیا اور شائقین کی بڑی تعداد ان فلموں کو دیکھنے کےلئے سینما گھروں میں‌گئی. ایک فلم تھی لندن نہیں‌جائونگا اور دوسری کا نام تھا قائداعظم زندہ باد . قائداعظم زندہ باد اب ٹی وی پر لگنے جا رہی ہے . 14 جنوری کو یہ فلم ٹی وی پر نمائش پذیر ہو گی جوکہ ماہرہ خان اور فہد مصطفی کے مداحوں کے لئے کسی ٹریٹ سے کم نہیں ہے. گزشتہ برس جو فلمیں ریلیز ہوئیں تھیں ان میں دم مستم بھی ٹی وی پر لگ چکی ہے ، کملی بھی ریلیز ہو رہی ہے جبکہ قائداعظم اب ریلیز

ہونے جا رہی ہے. قائداعظم زندہ باد پاکستان کی پہلی ایسی فلم ہے جس میں ایسے ایفکٹس استعمال ہوئے ہیں جو عموما باہر کی فلموں‌میں استعمال ہوتے ہیں. فلم کی کہانی جذبہ حب الوطنی کو ابھارتی ہے . محمد قوی خان نے فہد مصطفی کے باپ کا کردار ادا کیا ہے وہ ایک ایسے پاکستانی دکھائے گئے ہیں جو ملک کے لئے جیتا مرتا ہے. فلم کا میوزک کافی اچھا ہے . ماہرہ خان اور فہد مصطفی کی اداکاری دیکھنے سے تعلق رکھتی ہے. فلم مجموعی طور پر سپر ہٹ رہی تھی . فلم کو نبیل قریشی نے ڈائریکٹ کیا تھا.

چھوٹی سکرین کی بڑی اداکارہ یمنہ زیدی کو بڑی سکرین پر دیکھنے کےلئے ان کے مداح خاصے بے چین تھے تاہم اب خوشخبری ہے کہ یمنہ اپنے مداحوں کو بڑی سکرین پر نظر آئیں گی. جی ہاں‌یمنہ زیدی فلم میں‌کام کررہی ہیں اس ھوالے سے انہوں نے ایک فلم سائن کر لی ہے . فلم کا نام ہے نایاب یاد رکھنا، اداکارہ نے اپنی اس فلم کا پوسٹر مداحوں کے ساتھ شئیر کرتے ہوئے لکھا کہ میں‌اپنی پہلی فلم کو لیکر کافی پرجوش ہوں ، مجھے امید ہے کہ آپ سب کو میرا اس فلم میں‌کردار پسند آئیگا. اداکارہ یمنیٰ زیدی فلم نایاب یاد رکھنا میں کرکٹر کا کردار نبھا رہی ہیں۔ڈائریکشن عمیر علی کی جبکہ پیشکش رومینہ عمیر اور عمیر عرفانی کی ہے، فلم کا اسکرین پلے علی عباس نقوی اور باسط نقوی نے لکھا ہے۔ فلم کی کاسٹ

میں جاوید شیخ اور محمد فواد خان شامل ہیں۔ یمنہ زیدی کو چھوٹی سکرین پر تو بہت زیادہ سراہا جاتا ہے لیکن اب دیکھنا یہ ہے کہ بڑی سکرین پر یہ کتنی سراہی جا تی ہے کیونکہ بہت بار ایسا ہوا ہے کہ چھوٹی سکرین پر اپنا جادو چلانے والے فنکار بڑی سکرین پر اپنا جادو نہ چلا سکے لیکن امید کی جا رہی ہے یمنہ زیدی بڑی سکرین پر بھی چھا جائیں گی.

ان دنوں ساجد خان بہت زیادہ خبروں میں ہیں‌کیونکہ وہ بگ باس 16 میں شریک ہیں. ان پر جنسی ہراسانی کے الزامات کی وجہ سے بگ باس کی انتظامیہ سے متاثرہ خواتین کا مطالبہ ہے کہ ساجد خان کو گھر سے باہر نکالا جائے لیکن بگ باس نے ابھی تک ایسا کوئی ایکشن نہیں‌لیا تاہم فرح خان جو کہ بالی وڈ کی معروف ڈائریکٹر ہیں انہوں نے اپنے بھائی کے اس معاملے پر ابھی تک زبان نہیں‌کھولی نہ ہی کوئی کمنٹ کیا ہے. فرح خان نے حال ہی میں ایک پروگرام میں شرکت کی اور وہاں اپنے بھائی ساجد خان کے معاملے پر تو بات نہیں کی لیکن یہ ضرور بتایا کہ ان کے حالات کیسے تھے ، انہوں نے کہا کہ ہم بہت غریب تھے ہمارے پاس رہنے کو گھر نہ تھا ، میں ساجد اور میری ماں چھ سال تک سٹور روم میں رہے.

فرح‌خان نے کہا کہ اس مقام کو ھاصل کرنے اور چھت بنانے کےلئے مجھے اور میرے بھائی کو بہت زیادہ محنت کرنی پڑی. ہمارے پاس کھانے کو بھی پورا پورا ہی ہوتا تھا ، بلکہ کبھی تو بھوکے ہی سونا پڑتا تھا. فرح‌ خان نے کہا کہ کچھ پانے کےلئے بہت کچھ کھونا پڑتا ہے ، ہم نے اپنی راتوں کی نیندیں کھوئیں دن رات محنت کی تب جا کر چھت میسر ہوئی. انہوں نے کہا میں اور میرا بھائی کبھی بھی اپنے سٹرگلنگ ڈیز کو نہیں بھولے.

خود کشی کرنے والی اداکارہ تنیشا کام نہیں‌کرنا چاہتی تھیں وہ دنیا گھومنا چاہتی تھیں وہ زندگی کو انجوائے کرنا چاہتی تھیں وہ چاہتی تھی شوٹنگ پر نہ جائے بلکہ گھر پر ریسٹ کرلے لیکن اس کی ماں ایسا نہیں چاہتی تھی. ایسا کہنا ہے اداکار شیزان خان کی بہنوں کا. انہوں نے ایک پریس کانفرنس کرکے کہا ہے کہ وہ بچی بہت اچھی تھی اسکی ماں اسکے ساتھ زبردستی کرتی تھی ، اس پریس کانفرنس میں شیزان خان کی والدہ نے کہا کہ ہم نے تنیشا کی والدہ سے کہا تھا کہ اسکو اکیلا نہ چھوڑیں یہاں‌ تک کہ شوٹنگ پر بھی اکیلا نہ جانے دیں لیکن انہوں نے ہماری ایک نہیں سنی. تنیشا کو

سو روپیہ بھی چاہیے ہوتا تھا وہ ترلے منتیں کرکے اپنی ماں سے منگواتی تھی ، وہ تنیشا کے ساتھ ایک لمبی بحث کرکے ساری انکوائری کرکے پھر کہیں جا کر اسکو سو یا پانچ سو روپیہ بھیجتی تھی. شیزان خان کی بہن نے کہا کہ ہماری تنیشا سے چھ مہینے کی ملاقات ہے ہم نے اسکو بہت خوش رکھا، اسکی زندگی ہوتی تو ہم اسکو مزید خوش رکھتے. شیزان خان کی بہنوں نے انکشاف کیا کہ تنیشا کی والدہ نے اسکا موبائل توڑ دیا تھا . ہماری ماں اسکو بہت پیار کرتی تھی ہر وقت اسکو پوچھتی تھی کہ کھانا کھایا یا نہیں‌لیکن تنیشا کی ماں اسکو زچ کرکے رکھتی تھی. تنیشا کی ماں چاہتی تھی کہ اسکی بیٹی کی شادی شیزان خان سے نہ ہو.

اداکارہ زارا نور عباس جو کہ اداکارہ اسماء عباس کی بیٹی ہیں اور اداکار اسد صدیقی کی اہلیہ ہیں انہوں نے حال ہی میں عمرہ کی سعادت حاصل کی ہے . اداکارہ نے اپنی اور اپنے شوہر کی عمرے کے دوران لی گئی تصویر سوشل میڈیا پر جاری کی ، جہاں بہت سارے لوگوں نے ان کو عمرے کی سعادت حاصل کرنے پر مبارکباد دی وہیں چند ایک نے عجیب و غریب باتیں‌کیں، ثمن نامی ایک صارف نے زارا کو لکھا کہ اداکارہ ہونے کا مطلب کیا ہے؟ پورا سال فحاشی پھیلائو ، آدھے کپڑے پہنو ، اپنا جسم دکھا کر لوگوں‌کو اپنی جانب متوجہ کرو اور پھر سال کے آخر میں عمرہ کرنے چلے جائو ، اس صارف کو زارا نور عباس نے جواب دیتے ہوئے کہا کہ ” میں چاہے جو بھی کروں میرا اللہ میری قبر ، آپ میری قبر میں گھسنے کی کوشش

کیوں کررہی ہیں؟‌بہت معذرت میری قبر میں‌آُپ کے لئے جگہ نہیں ہے پلیز اپنے بارے میں فکر کریں . یوں زارا نور عباس نے گھٹیا کمنٹ پر سنجیدگی سے جواب دیکر اپنے مداحوں کے دل جیت لئے. جبکہ ثمن نامی صارف کو دوسرے صارفین نے شدید تنقید کا نشانہ بنایا. یاد رہےکہ اس برس بہت ساری شوبز سلیبرٹیز نے عمرے کی سعادت حاصل کی .

سرمد سلطان کھوسٹ‌کی ڈائریکشن میں تیار ہونے والی فلم کملی اب ٹی وی پر بھی دیکھی جا سکے گی، فلم 7 جنوری کو ہم ٹی وی پر دکھائی جائیگی، یوں کملی جنہوں نے پہلے نہیں دیکھی تھی وہ اب اس فلم کو اپنے گھر بیٹھ کر ٹی وی پر دیکھ سکیں گے. یہ خبر یقینا مجموعی طور پر شائقین کے لئے ایک بڑی خوشخبری ہے. فلم کملی میں‌مرکزی کردار صبا قمر اور ثانیہ سعید نے ادا کئے تھے. صبا قمر نے ایک ایسی خاتون کا کردار ادا کیا تھا جس کا شوہر مر چکا ہے لیکن وہ نہیں‌جانتی اور سال ہا سال اسکے انتظار میں گزار دیتی ہے ، ثانیہ سعید نے صبا قمر کی بھابھی کا کردار ادا کیا ہے ، یہ کردار ایک اندھی خاتون کا ہے جو سخت مزاج کی ہے. فلم میں حمزہ خواجہ کو بھی متعارف کروایا گیا. سرمد سلطان کھوسٹ

نے اس فلم میں موجود تمام فنکاروں سے کمال انداز میں‌کام لیا. اداکارہ صبا قمر نے ثابت کیا کہ واقعتا وہ ایک بڑی اداکارہ ہیں اور اداکاری میں ان کا کوئی ثانی نہیں‌ہے. فلم کی موسیقی بہت خوبصورت ہے اس میں ریشماں کا ایک گیت شامل کیا گیا ہے جبکہ عاطف اسلم کا گیت بھی اس میں موجود ہے. کملی صبا قمر کے کیرئیر کی بہترین فلم ہے جو دیکھنے سے تعلق رکھتی ہے.

نوجوت سنگھ سدھو جن کے پوری دنیا میں پرستار پائے جاتے ہیں وہ کپل شرما کے شو میں بطور جج بھی فرائض انجام دے چکے ہیں. ان کا کرکٹ کا ایک لمبا اور کامیاب کیرئیر ہے ، سدھو کس کی کس بات سے ہیں بے حد متاثر. آئیے ہم آپکو بتاتے ہیں. سدھو کے ایک پرانے انٹرویو کا سوشل میڈیا پر کلپ وائرل ہو رہا ہے جس میں‌وہ کہتے ہوئے سنائی دے رہے ہیں، کہ میں شاہ رخ خان کو اُن وقتوں میں ملا جب وہ ڈرامہ سیریل فوجی میں‌کام کیا کرتے تھے ، ان کا ٹی وی پر کافی نام بن چکا تھا. اس ملاقات میں ، میں نے ان سے پوچھا کہ ٹی وی میں تو بہت نام بنا لیا اب اگلہ کیا پلان ہے تو اس نے کہا کہ بالی وڈ‌. میں اس کی بات سن کر حیران ہوا اور میں‌نے کہا کہ بالی وڈ ؟ ارے کیا بات کرتے ہو وہاں تو مقابلے کی ایک

بڑی فضا ہے بڑے بڑے نامور اور کامیاب لوگ بیٹھے ہیں جو تمہیں ایسے کھا جائیںگے کہ تمہیں پتہ بھی نہیں چلے گا ، تو شاہ رخ خان نے آگے سے ایک جواب دیا اس جواب کو میں‌ آج تک یاد رکھے ہوئے ہوں، انہوں نے کہا کہ میں کبھی کسی سے مقابلہ نہیں کرتا میرا مقابلہ مجھ سے ہے ، میں خود سے ہی اپنا مقابلہ کرتا ہوں ، میں کسی کی نہ ٹانگ کھینچتا ہوں نہ ہی خود کے ساتھ ایسا ہونے دیتا ہوں. تو یہ ہوتا ہے یقین جو شاہ رخ خان میں تھا.

معروف اداکارہ سونیا حسین جو کہ ایک بڑی فین فالونگ رکھتی ہیں انہوں‌ نے چھوٹی سکرین کے ساتھ بڑی سکرین پر بھی نام بنایا. ان کی گزشتہ برس فلم ٹچ بٹن ریلیز ہوئی ان کی اداکاری کو بے حد سراہا گیا. سونیا حسین کے کریڈٹ پر کئی یادگار ڈرامے ہیں انہوں نے ثابت کیا کہ بغیر سفارش کے آنے والے کہیں بہتر کام کر سکتے ہیں. انہوں نے اپنے حالیہ انٹرویو میں کہا ہے کہ انسان کو رشتوں کی اہمیت کا احساس رہنا چاہیے اسے پتہ ہونا چاہیے کہ اسنے کب کہاں کیا کہنا اور کرنا ہے. اگر کہیں سوری کہنا پڑے تو کہہ دینا چاہیے کہیں کچھ کرنا پڑے تو کرنا چاہیے اس سے پہلے کے پچھتانا پڑے. انہوں نے کہا کہ بعض‌ رشتے اسی لئے خرابی کی طرف چلے جاتے ہیں کیونکہ وقت پر احساس نہیں کیا جاتا کہ کہاں کیا کہہ کر

بات ختم کر دینی چاہیے تھی. اداکارہ سونیا حسین یہ باتیں کہتے ہوئے خاصی سنجیدہ دکھائی دے رہی تھیں.یاد رہے کہ کہا جاتا ہے کہ سونیا حسین کی شادی ہو کر ختم ہو چکی ہے ، تاہم سونیا نے کبھی اس شادی کا اقرار نہیں کیا وہ صرف یہ کہتی ہیں‌ کہ میں منگنی کے تعلق میں تھی. سونیا حسین کو ویسے تو تمام ہیروز کے ساتھ پسند کیاجاتا ہے لیکن اداکار زاہد احمد کے ساتھ انکی جوڑی کو کافی سراہا جاتا ہے.

جوائے لینڈ کے بعد اب پاکستان کی ایک اور فلم نے کانز فلمی میلے میں ایوارڈ جیت لیا ہے، فلم کا نام لوزنگ سائیڈ ہے اسے کانز فلم فیسیٹول میں بہترین فلم برائے انسانی حقوق کا ایوارڈ دیا گیا ہے۔ اس فلم کو جواد شریف نے ڈائریکٹ کیا ہے۔ اس فلم کی کہانی متنازعہ ہے جو کہ جبری مذہب کی تبدیلی پر بنائی گئی ہے۔ا س میں چار مختلف متاثرین کی جبری تبدیلی مذہب کی کہانیوں کا تذکرہ کیا گیا ہے۔جاوید شریف کے مطابق انسانی حقوق کی تنظیم کی سالانہ رپورٹ برائے 2021 کے مطابق صوبہ سندھ سے 27 جبری تبدیلی مذہب کے کیس رپورٹ ہوئے ہیں۔ یہ ہی وجہ ہے کہ انہیں اس موضوع پر دستاویزی فلم بنانے کا خیال آیا۔اس فلم کا مختصر سا ٹریلر جاری کیا گیا ہے اس میں حقیقی کم عمر لڑکیوں کو بھی دکھایا گیا ہے جنہیں اغوا کے بعد ان کا مبینہ طور پر مذہب تبدیل کرکے ان کی شادی مسلمان مرد حضرات سے کی گئی تھی۔ٹریلر میں ہندو مذہب سے تعلق رکھنے والے ایک عمر رسیدہ شخص بولتے دکھائی دیتے ہیں کہ بااثر مسلمان اپنی عیاشیوں کے لیے کمزور اقلیتی برادری کی کم سن لڑکیاں اٹھاکر زبردستی ان

کا مذہب تبدیل کرتے ہیں۔اس ٹریلر کو دیکھنے کے بعد پاکستان میں کچھ حلقے اسے ملک کے خلاف سازش قرار دے رہے ہیں۔
پاکستان کے صوبہ سندھ میں مذہب کی مبینہ جبری تبدیلی اور اقلیتی برادری کی خواتین و کم عمر لڑکیوں کے اغوا اور ان کے استحصال پر بنائی گئی دستاویزی اس فلم کوتاحال پاکستان میں ریلیز نہیں کیا گیا تاہم امکان ہے کہ اسے رواں سال کے وسط یا اختتام تک یوٹیوب پر ریلیز کردیا جائے گا۔یاد رہے کہ لوزنگ سائیڈ کوکانز فلم فیسیٹیول میں ’ہیومن رائٹس‘ کی کیٹیگری میں منتخب کیا گیا تھا اور اسے نومبر 2022 کی ’ہیومن رائٹس کیٹیگری‘ کی فلم قرار دیا گیا۔تاہم ڈائریکٹر جواد شریف کا کہنا ہے کہ انہیں یقین نہیں تھاکہ ان کی فلم ایوارڈ جیتے گی لیکن انہیں خوشی ہے کہ انکے کام کو بین الاقوامی سطح پر سراہا گیا۔