Category: شوبز

بالی وڈ کے معروف اداکار گووندا اور ان کی اہلیہ سنیتا آہوجا کے درمیان طلاق کی خبریں آج کل بھارتی میڈیا کی زینت بنی ہوئی ہیں۔ سنیتا آہوجا کے وکیل نے انکشاف کیا ہے کہ سنیتا نے چھ ماہ قبل ہی گووندا سے طلاق کے لیے عدالت سے رجوع کر لیا تھا۔ اس خبر نے ان کے مداحوں اور انڈسٹری کو چونکا دیا ہے، جہاں ان کی شادی کو ایک مضبوط اور کامیاب رشتہ سمجھا جاتا تھا۔

بھارتی میڈیا کی رپورٹس کے مطابق، گووندا ماضی میں یہ عندیہ دے چکے ہیں کہ وہ دوسری شادی کرنے کے بارے میں سوچ رہے ہیں۔ ایک حالیہ انٹرویو میں، اداکار نے اس بات کا اظہار کیا کہ ممکن ہے وہ مستقبل میں دوبارہ شادی کر لیں کیونکہ یہ ان کی کُنڈلی میں شامل ہے۔گووندا نے اسٹارڈسٹ کے ساتھ ایک انٹرویو میں یہ بھی بتایا تھا کہ وہ کس طرح اپنے ساتھی اداکارہ نیلم کے ساتھ محبت محسوس کرتے ہیں۔ انہوں نے یہ انکشاف کیا کہ انہوں نے سنیتا سے شادی اپنے وعدے کو نبھانے کے لیے کی تھی، نہ کہ محبت کی بنیاد پر۔ گووندا کا کہنا تھا، "مستقبل کون جانتا ہے، شاید مجھے دوبارہ کسی سے محبت ہو جائے اور میں اس سے شادی کر لوں، لیکن سنیتا کو اس کے لیے تیار رہنا چاہیے، تب ہی میں خود کو آزاد محسوس کروں گا۔”

اس کے علاوہ، گووندا نے جوہی چاولہ اور دیویا بھارتی کے لیے بھی اپنی پسندیدگی کا اظہار کیا تھا اور کہا کہ یہ ایسی خواتین ہیں جن کے لیے کسی لڑکے کا ان کی محبت میں گرفتار ہونا مشکل ہو سکتا ہے۔یہ صورتحال گووندا اور سنیتا کے درمیان رشتہ کی نوعیت پر سوالات اٹھا رہی ہے، اور ان کے مداح اس نئے موڑ پر تشویش کا شکار ہیں۔

بھارتی فلم انڈسٹری کی معروف اور متنازعہ اداکارہ راکھی ساونت کی پاکستانی بہو بننے کی خواہش ابھی تک پوری نہیں ہو سکی، لیکن انہوں نے اپنے منہ بولے بھائی سلمان خان کیلئے پاکستانی دلہن کا انتخاب کر لیا ہے۔

حال ہی میں سوشل میڈیا پر راکھی ساونت کی ایک ویڈیو وائرل ہوئی ہے جس میں وہ اپنی پسندیدہ پاکستانی اداکارہ ہانیہ عامر کو سلمان خان کے لیے پسند کرتی ہیں۔ اس ویڈیو نے ایک بار پھر راکھی ساونت کو میڈیا کی توجہ کا مرکز بنا دیا ہے۔ویڈیو میں راکھی ساونت سلمان خان کو مخاطب کرتے ہوئے کہتی ہیں: "سلمان بھائی، میں نے تمھارے لیے بھابھی چن لی ہے، ہانیہ عامر، جو پاکستان سے ہیں، اور وہ میری بھابھی بنیں گی۔”راکھی نے اس موقع پر یہ بھی کہا کہ وہ چاہتی ہیں کہ ہانیہ عامر بالی وڈ میں آئیں اور سلمان خان کے ساتھ کام کریں۔ ان کا کہنا تھا کہ "ہانیہ، سلمان خان اس وقت دبئی میں ہیں اور میں تمھارے لیے ان سے بات کروں گی۔”

اداکارہ نے اپنی باتوں میں مزید اضافہ کرتے ہوئے کہا، "شکر ہے بالی وڈ نے سن لی ہے اور ہانیہ عامر اب بالی وڈ کے گلوکار دلجیت دوسانجھ کے ساتھ کام کر رہی ہیں۔”

بھارتی میڈیا میں یہ خبریں گردش کر رہی ہیں کہ بالی وڈ کے معروف سپر اسٹار گووندا اور ان کی اہلیہ سنیتا آہوجا کے درمیان شادی کے 37 سال بعد طلاق کی افواہیں ہیں۔ یہ افواہیں اس وقت زیادہ زور پکڑ گئیں جب گووندا کے بارے میں یہ کہا جانے لگا کہ ان کا تعلق ایک 30 سالہ مراٹھی اداکارہ سے ہے، تاہم اس حوالے سے ابھی تک کوئی تصدیق یا تردید سامنے نہیں آئی ہے۔

گزشتہ ماہ بھارتی میڈیا سے گفتگو کرتے ہوئے سنیتا آہوجا نے بھی گووندا کے ساتھ اپنے تعلقات میں اختلافات کا اعتراف کیا۔ سنیتا نے کہا کہ "محبت اندھی ہوتی ہے لیکن اب میری آنکھیں کھل رہی ہیں”، اور اس بات کا بھی اظہار کیا کہ وہ اگلے جنم میں گووندا کو اپنے شوہر کے طور پر نہیں دیکھنا چاہتیں۔ سنیتا نے مزید کہا کہ "یہ بات میں گووندا کو بھی کہہ چکی ہوں۔”

سنیتا آہوجا نے اپنے شوہر گووندا کے ساتھ اپنی ناخوشی کا بھی اظہار کیا اور کہا کہ "وہ چھٹیوں پر نہیں جاتے، میں ایک ایسی انسان ہوں جو اپنے شوہر کے ساتھ سڑکوں پر پانی پوری کھانا چاہتی ہوں، لیکن گووندا نے خود کو کام میں بہت مصروف کیا ہوا ہے۔ ہم کبھی ایک ساتھ فلم دیکھنے باہر بھی نہیں گئے۔”سنیتا آہوجا نے کہا کہ انہیں اگلے جنم میں ایسا جیون ساتھی چاہیے جو ان کے ساتھ وہ خوشیاں گزار سکے جو انہوں نے گووندا کے ساتھ نہیں محسوس کی۔ سنیتا نے گووندا کے حوالے سے مزید کہا کہ "مجھے دل پر پتھر رکھنا پڑتا ہے کیونکہ گووندا کام میں اتنے مصروف ہوتے تھے کہ ان کے کسی افیئر کا وقت نہیں تھا۔ لیکن چونکہ وہ اب کام نہیں کرتے، تو اب میں غیر محفوظ ہوں کہ وہ افیئر نہ بنالے، کیونکہ 60 کے بعد لوگ سٹھیا جاتے ہیں۔”

اس انٹرویو کے دوران سنیتا آہوجا نے عورتوں کو مشورہ دیا کہ مردوں پر حد سے زیادہ بھروسہ نہیں کرنا چاہیے کیونکہ مرد گرگٹ کی طرح ہوتے ہیں۔ انہوں نے کہا کہ "عورت کو ایک خاص عمر کے بعد کسی پر انحصار کرنے کے بعد اپنے لیے وقت نکالنا چاہیے۔”

گووندا اور سنیتا آہوجا کی شادی کو 37 سال کا عرصہ گزر چکا ہے۔ دونوں نے 1987 میں شادی کی تھی، جب گووندا بالی وڈ میں اپنی شناخت بنانے کی کوشش کر رہے تھے۔ اس جوڑے کا ایک بیٹا اور ایک بیٹی بھی ہے، اور ان کی شادی کا یہ طویل سفر اب ایک نئے موڑ پر پہنچ چکا ہے۔گووندا اور سنیتا آہوجا کے درمیان طلاق کی افواہیں تو آچکی ہیں، لیکن اس بارے میں مزید تفصیلات یا تصدیق کا انتظار کیا جا رہا ہے۔

بالی وڈ کے معروف اداکار گووندا اور ان کی اہلیہ سنیتا آہوجا کے درمیان شادی کے 37 سال بعد طلاق کی افواہیں گردش کر رہی ہیں۔ بھارتی میڈیا کے مطابق، گووندا اپنی اہلیہ سے طلاق کی افواہوں کی وجہ سے ایک بار پھر خبروں میں ہیں۔

منگل کی صبح سوشل میڈیا پر ایک دعویٰ سامنے آیا کہ گووندا اور سنیتا آہوجا کے درمیان مبینہ طور پر طلاق کا معاملہ آخری مراحل میں ہے۔ اس حوالے سے یہ بھی کہا جا رہا ہے کہ گووندا کے 30 سالہ مراٹھی اداکارہ کے ساتھ تعلقات ان کی شادی میں کشیدگی کا سبب بنے ہیں، تاہم اس بارے میں اب تک گووندا اور سنیتا کی جانب سے کوئی تصدیق یا تردید سامنے نہیں آئی۔

گووندا کے بھانجے، اداکار کرشنا ابھیشیک کا بھی اس معاملے پر ردعمل سامنے آیا ہے۔ جب کرشنا سے گووندا اور سنیتا کی طلاق کے بارے میں پوچھا گیا تو انہوں نے افواہوں کی سختی سے تردید کی اور کہا کہ یہ سب بے بنیاد ہے اور ان کی طلاق کا کوئی سوال نہیں۔ ان کا کہنا تھا کہ "یہ ممکن نہیں ہے، طلاق نہیں ہوگی۔”

دوسری جانب، ایک انٹرٹینمنٹ پورٹل کی رپورٹ کے مطابق گووندا کے منیجر نے کچھ مسائل کی تصدیق کی ہے جو جوڑے کے درمیان پیدا ہوئے ہیں۔ منیجر نے کہا کہ "کچھ خاندانی افراد کے بیانات کی وجہ سے جوڑے کے درمیان کچھ مسائل سامنے آئے ہیں، مگر اس سے زیادہ کچھ نہیں۔ ہم اس معاملے کو حل کرنے کی کوشش کر رہے ہیں، اور گووندا اس وقت اپنی ایک نئی فلم کی تیاری کر رہے ہیں۔”

یاد رہے کہ گووندا اور سنیتا کی شادی کو 37 سال کا طویل عرصہ ہو چکا ہے، اور ان کے دو بچے ہیں—ایک بیٹا اور ایک بیٹی۔ یہ جوڑا 1987 میں اس وقت شادی کے بندھن میں بندھ گیا تھا جب گووندا بالی وڈ میں اپنی شناخت بنانے کی کوشش کر رہے تھے۔فی الحال، گووندا اور سنیتا کی طلاق کی افواہیں ایک طرف ہیں، اور ان کے مداح ان کے درمیان محبت اور ہم آہنگی کی امید رکھتے ہیں۔