Baaghi TV

Category: شوبز

  • شہریار منور اور ماہین صدیقی کی قوالی نائٹ میں راحت فتح علی خان کی شاندار پرفارمنس

    شہریار منور اور ماہین صدیقی کی قوالی نائٹ میں راحت فتح علی خان کی شاندار پرفارمنس

    کراچی: پاکستانی اداکار شہریار منور اور ابھرتی ہوئی اداکارہ ماحین صدیقی کی شادی کی تقریبات کئی روز سے جاری ہیں-

    باغی ٹی وی : حال ہی میں منعقد ہونے والی قوالی نائٹ کی تصاویر و ویڈیوز سوشل میڈیا پر وائرل ہو رہی ہیں،ڈھولکی کے بعد قوالی نائٹ میں بھی شوبز انڈسٹری کے فنکاروں ہمایوں سعید، احد رضا میر، سونیا خان، اریبہ حبیب سمیت دیگر نے شرکت کی،جن میں یہ جوڑا دلکش شادی کے ملبوسات میں خوشی اور دلکشی بکھیرتا نظر آیا۔

    تصاویر میں دلہن ماحین صدیقی ایک شاندار نیلے لباس میں بےحد خوبصورت لگ رہی ہیں، جس میں نفیس کڑھائی والا نیلا شرٹ اور چوڑے لہنگے کا امتزاج تھا جبکہ دولہا شہریار منور سنہرے شلوار قمیص میں ملبوس نظر آئے، جسے چمکدار واسکٹ، نیلی شال اور براؤن جوتوں کے ساتھ خوبصورتی سے مزین کیا گیا تھا۔

    عالمی شہرت یافتہ پاکستانی گلوکار راحت فتح علی خان نے اس محفل میں پرفارم کر کے سماں باندھ دیا شہریار صدیقی نے سوشل میڈیا پر قوالی نائٹ کی تصاویر شیئر کرتے ہوئے جہاں شاندار پرفارمنس پر راحت فتح علی خان کا شکریہ ادا کیا ہے تو وہیں ڈیزائنر محسن نوید رانجھا کے ملبوسات کی بھی تعریف کی ہے۔

    واضح رہے کہ شہریار منور نے گزشتہ ماہ ہی تصدیق کی تھی کہ وہ دسمبر کے اختتام تک شادی کے بندھن میں بندھ جائیں گے، ماہین صدیقی اور شہریار منور کے درمیان تعلقات کی اس وقت سے چہ مگوئیاں تھیں جب شہریار منور نے اپنی سالگرہ کے موقع پر اداکارہ ماہین صدیقی کے لیے ’جان‘ کا لفظ استعمال کیا تھا جس کے بعد اداکار کا نام اداکارہ کے ساتھ جوڑا جانے لگا تھا۔

  • وسیم اکرم کی ریمپ پر واک کے جلوے

    وسیم اکرم کی ریمپ پر واک کے جلوے

    کراچی: پاکستان کرکٹ ٹیم کے سابق کپتان وسیم اکرم کی ہاتھوں میں گیند پکڑ کر ریمپ واک کی –

    باغی ٹی وی:برائیڈل کٹیور ویک 2024 کے 3 روزہ فیسٹیول کا رنگا رنگ آغاز لاہور میں ہو چکا ہے جہاں ملک بھر کے ڈیزائنرز کو ایک معزز اسٹیج پر اپنی تخلیقات پیش کرنے کا موقع فراہم کیا گیا ہے، یہ 3 روزہ فیشن شو 20 دسمبر سے 22 دسمبر تک جاری رہے گا جو اس ایو نٹ کا 22 ویں ایڈیشن ہے-

    اس فیشن کے پہلے دن کئی مشہور پاکستانی اداکاروں نے مشہور ڈیزائنرز اور فیشن برانڈز کے لیے ریمپ پر واک کی، ان میں ’صبا قمر، کنزہ ہاشمی، عروہ حسین، نمرہ خان، نمرہ مہرہ، رجب بٹ، سونیا حسین، بلال سعید، وسیم اکرم’ اور دیگر شامل تھے جو اپنے غضب ڈھاتے عروسی جوڑوں میں حسن کے جلوے بکھیر رہے تھے۔

    کرکٹ کے میدان میں پچ پر اپنی تیز رفتار گیند بازی کا مظاہرہ کرنے والے سوئنگ کے سلطان نے لاہور میں منعقدہ برائیڈل کٹیور ویک میں ریمپ پر جلوے بکھیر دئیے،مختلف سوشل میڈیا پلیٹ فارمز پر وائرل ہونے والی ویڈیو میں وسیم اکرم کو سرخ شیروانی، سیاہ شلوار، گلے میں مالا اور دھوپ کے چشمے پہنے ریمپ واک کرتے دیکھا جا سکتا ہے۔

    یہ پہلا موقع نہیں ہے جب وسیم اکرم نے برائیڈل کٹیور ویک میں ریمپ واک کی ہو، اس سے قبل 2019 میں وہ اہلیہ شنیرا اکرم کے ہمراہ ریمپ واک کر چکے ہیں۔

    دوسری جانب ریمپ پر واک کرتے ہوئے پاکستانی اداکارہ عروہ حسین لڑکھڑا گئیں، سوشل میڈیا پر وائرل ویڈیو میں عروہ حسین کو ریمپ واک کے دوران دو مرتبہ لڑکھڑاتے ہوئے دیکھا جا سکتا ہےاداکارہ نے لڑکھڑانے کے بعد بہت ہی بہترین انداز میں اپنے آپ کو سنبھالا اور اپنی واک جاری رکھی۔

    نیو ہم ٹی وی برائیڈل کٹیور ویک 2024 میں شرکت کیلئے عروہ حسین نے ڈیزائنر ‘عائشہ شعیب ملک’ کا شاہکار زیب تن کیے ریمپ پر واک کی ہاتھی دانت کے رنگ کے خوبصورت جوڑے کیساتھ عروہ حسین نے اپنے لُک کو مکمل کرنے کیلئے میچنگ چاندی اور ہیرے کے زیورات کا انتخاب کیا جبکہ چمکدار میک اپ انکی خوبصورتی کو چار چاند لگارہا تھا۔

  • فلم "مغل اعظم” کا مشہور گانا "پیار کیا تو ڈرنا کیا” میں دو مدھوبالا،کہانی کیا؟

    فلم "مغل اعظم” کا مشہور گانا "پیار کیا تو ڈرنا کیا” میں دو مدھوبالا،کہانی کیا؟

    1960کی فلم مغل اعظم کا جب بھی ذکر ہوتا ہے آج بھی فلم سامنے آ جاتی ہے فلم کا مشہور گانا دو دو مدھو بالا پر فلمایا گیا تھا

    پیار کیا تو ڈرنا کیا،1960 کی فلم کے اس گانے کا ڈانس مدھوبالا کے لئے آسان نہیں تھا حالانکہ ڈانس ڈائریکٹر نے بھر پور تیار کیا تھا، مدھو بالا جوہیروئن تھیں وہ دل کی مریض تھیں انکے دل میں سوراخ تھا،جس کی وجہ سے وہ زیادہ بھگدڑ نہیں کر سکتی تھیں،اس لئے یہ گانا دو دو مدھو بالا پر فلمایا گیا تھا.اس مشکل کا نایاب حل نکالا گیا کہ مدھو بالا ڈانس کریں گی لیکن جن سٹیپ پر مدھو بالا ڈانس نہیں کر سکیں گی وہاں پروفیشنل ڈانسر ڈانس کرے گی جو مدھو بالا کے لباس میں ہو گی اور وہ مکمل مدھو بالا کو دیکھ کر ڈانس کرے گی، اس کے لئے ایک ربڑ کا ماسک بنایا گیا جب ڈانسر نے مدھوبالا کے شکل کا ماسک پہنا تو ایسے لگا کہ مدھو بالا خود سامنے آ گئیں، دور سے ہر کسی کو لگا کہ یہ مدھو بالا ہی ہے، جس سٹیپ میں مدھو بالا کو دقت ہوتی تھی اس دوران لکشمی نارائن کے ساتھ گانا مکمل کیا جاتا تھا.

    1960 کی فلم مغل اعظم کا ذکر آج بھی سینما کی تاریخ میں سنہری حروف سے لکھا جاتا ہے۔ اس فلم کے گانے "پیار کیا تو ڈرنا کیا” کا شمار نہ صرف اپنی خوبصورتی کے لحاظ سے بلکہ اس کے منفرد انداز اور مدھوبالا کی لازوال پرفارمنس کے حوالے سے بھی کیا جاتا ہے۔ اس گانے کی مقبولیت آج تک برقرار ہے، اور اس کا رقص مدھوبالا پر فلمایا گیا تھا۔مدھوبالا کو جس طرح کی شہرت حاصل تھی، وہ اپنی اداکاری اور خوبصورتی کے لئے مشہور تھیں، لیکن ان کی زندگی میں ایک بہت بڑی مشکل بھی تھی، جو کہ ان کے دل کی بیماری سے جڑی ہوئی تھی۔ وہ دل کی مریضہ تھیں اور ان کے دل میں سوراخ تھا۔ یہ بیماری ان کی روزمرہ زندگی میں ایک بڑی رکاوٹ تھی، اور اس کا اثر ان کے کام پر بھی پڑتا تھا۔

    فلم کے اس گانے "پیار کیا تو ڈرنا کیا” میں مدھوبالا نے دلکش رقص کیا تھا، جو کہ ان کے لئے ایک چیلنج سے کم نہیں تھا۔ اس گانے کے رقص کے لئے ڈانس ڈائریکٹر نے بھرپور تیاری کی تھی، اور مدھوبالا نے اپنے کام میں بہترین محنت کی۔ تاہم، ان کی صحت کی وجہ سے انہیں رقص کی ایک مخصوص شدت یا تیز رفتاری نہیں اختیار کرنی پڑی تھی۔

    فلم مغل اعظم کو 1960 میں جاری کیا گیا تھا اور یہ بھارتی سینما کی تاریخ کا ایک سنگ میل ثابت ہوئی۔ اس فلم میں مدھوبالا نے آنارکلی کے کردار کو نبھایا تھا، جس کی محبت بادشاہ جہانگیر (دلیپ کمار) سے ہوتی ہے۔ اس فلم کی شان دار کامیابی کی ایک وجہ اس کا موسیقی اور گانے بھی تھے، جنہیں آج بھی پسند کیا جاتا ہے۔مدھوبالا کا "پیار کیا تو ڈرنا کیا” گانا نہ صرف ایک کلاسک بن چکا ہے بلکہ ان کی جدوجہد اور ہمت کا بھی نمائندہ ہے۔ دل کی بیماری کے باوجود، انہوں نے سینما کے سنہری دور میں اپنے کام سے جو نقش چھوڑا، وہ ہمیشہ یاد رکھا جائے گا۔ مغل اعظم کی یہ تاریخ اور اس میں مدھوبالا کی پرفارمنس آج بھی سینما کے چاہنے والوں کے دلوں میں زندہ ہے۔

  • ٹام کروز کو امریکی بحریہ نے اعلیٰ ترین سول اعزاز سے نواز دیا

    ٹام کروز کو امریکی بحریہ نے اعلیٰ ترین سول اعزاز سے نواز دیا

    نیویارک: معروف امریکی اداکار ٹام کروز کو امریکی بحریہ کی جانب سے اعلیٰ ترین سول اعزاز سے نواز دیا گیا۔

    باغی ٹی وی : غیر ملکی میڈیا کے مطابق ہالی ووڈ اداکار ٹام کروز کو منگل کے روز ڈپارٹمنٹ آف نیوی ڈسٹنگویشڈ پبلک سروس (ڈی پی ایس) ایوارڈ سے نوازا گیا، جس میں ٹاپ گن اداکار کی امریکی بحریہ کے لیے ان کے مشہور فلمی کرداروں کے ذریعے لازوال خدمات کو سراہا گیا۔

    بحریہ کے سیکرٹری کارلوس ڈیل ٹورو نے ٹام کروز ایوارڈ پیش کرتے ہوئے کہا کہ ٹام کروز کو کئی فلموں کے ذریعے کئی دہائیوں تک بحریہ کی وکالت کے لیے ڈیفنس پبلک سروس ایوارڈ سے نوازنا اعزاز کی بات ہے اداکار کے کام نے نئی نسل کو ہماری بحریہ اور میرین کور میں خدمات انجام دینے کی ترغیب دی ہے‘۔

    ٹام کروز اعلیٰ ایوارڈ وصول کرتے ہوئے جذباتی ہوگئے، انہوں نے تقریب کے دوران ایک جذباتی تقریر کی، انہوں نے کہا کہ میں زندگی میں ایک بات جانتا ہوں، جو میرے لیے بہت سچی ہے کہ قیادت کرنا خدمت کرنا ہے اور میں اسے اپنے دل سے جانتا ہوں-

    ٹام کروز نے سول ایوارڈ سے نوازے جانے پر اظہار تشکر کرتے ہوئے اپنے اردگرد موجود خدمت گزاروں اور خواتین کریو کی بھی تعریف کی ان کی قربانیوں اور لگن کو اجاگر کیاکہا کہ آپ سب کے درمیان ہونا اعزاز کی بات ہے-

  • پشپا 2 پریمیئر میں بھگدڑ سے زخمی بچہ دماغی طور پر مردہ قرار

    پشپا 2 پریمیئر میں بھگدڑ سے زخمی بچہ دماغی طور پر مردہ قرار

    پشپا 2 کے پریمیئر میں بھگدڑ سے زخمی بچے کو دماغی طور پر مردہ قرار دے دیا گیا۔

    باغی ٹی وی :بھارتی میڈیا کے مطابق حیدرآباد کے پولیس کمشنر نے زخمی ہونے والے 9 سالہ لڑکے کی حالت کے بارے میں ایک اپڈیٹ فراہم کی، جس میں انکشاف کیا گیا کہ اسے دماغی طور پر مردہ قرار دیا گیا ہے،سندھیا تھیٹر میں بھگدڑ میں پھنسنے کی وجہ سے 9 سالہ سریتیج کو آکسیجن نہ مل سکی جس کی وجہ سے اس کے دماغ کو شدید نقصان پہنچا ہے۔

    تلنگانہ کے ہیلتھ سیکریٹری نے بتایا تھا کہ لڑکے کی حالت پر گہری نظر رکھی جارہی ہے اور اب بھی اس کے صحت یاب ہونے کی امید ہےتاہم سریتیج کی صحت کے بارے میں تازہ ترین اپ ڈیٹ کے مطابق اب اسے دماغی مردہ قرار دیا گیا ہے اور بچہ وینٹی لیٹر پر زیر علاج ہے۔

    اسپتال کے میڈیکل بلیٹن کے مطابق سریتیج اب بھی بچوں کے انتہائی نگہداشت وارڈ میں زیر علاج ہےاس کی دماغی حالت کو دیکھتے ہوئے اسے براہِ راست پھیپھڑوں میں ٹیوب کے ذریعے آکسیجن پہنچانے کے لیے ایک سرجری کا منصوبہ بھی بنایا جارہا ہے تا کہ وینٹیلیٹر پر اس کا انحصار بتدریج کم کیا جاسکے۔

    واضح رہے کہ 4 دسمبر کو ”پشپا2“ کے پریمیئر کے دوران حیدرآباد کے سندھیا تھیٹر میں بھگدڑ کے دوران سریتیج کی ماں، ریوتی، اپنی جان سے ہاتھ دھو بیٹھی تھیں جس کا مقدمہ ٹالی وڈ اداکار الو ارجن اور دیگر 2افراد کے خلاف درج کیا گیا تھا بعدازاں پشپا 2 کے مرکزی اداکارکو اس واقعے کے سلسلے میں گرفتار کیا گیا تھا لیکن انہیں ہفتہ کی صبح رہا کر دیا گیا تھا،اداکار کو 50,000 روپے کے ذاتی مچلکے جمع کرانے کے بعد ضمانت مل گئی تھی، اداکار نے متاثرہ خاندان کو 25 لاکھ روپے کی مالی اعانت فراہم کرنے اور بچے کے علاج کے پورے اخرا جات برداشت کرنے کا بھی اعلان کیا تھا۔

  • 15 سال قبل ’ہیرا منڈی‘ کی پیش کش ہوئی تھی، ماہرہ خان کا دعویٰ

    15 سال قبل ’ہیرا منڈی‘ کی پیش کش ہوئی تھی، ماہرہ خان کا دعویٰ

    کراچی: پاکستان شوبز کی خوبرو اداکارہ ماہرہ خان کا کہنا ہے کہ انہیں مشہور ویب سیریز ہیرا منڈی کیلئے 15 سال قبل آفر کی گئی تھی۔

    باغی ٹی وی: یہ انکشاف ماہرہ خان نے ایک حالیہ انٹرویو کے دوران کیا، اداکارہ نے بتایا کہ وہ ایک دوست کی شادی میں شرکت کیلئے ممبئی میں موجود تھیں جب انہیں ہیرا منڈی آفر کی گئی، اداکارہ ماہرہ کا کہنا تھا کہ ان کی دوست اپنی شادی کا جوڑا پسند کرنے کیلئے رضوان بیگ اور معین بیگ ڈیزائنر کے پاس موجود تھی جب وہ ایک پاکستانی ادا کارہ کی تلاش سے متعلق بات کر رہے تھے۔

    ماہرہ کی دوست نے رضوان بیگ کو ماہرہ کو کاسٹ کرنے کا مشورہ دیا ان کا کہنا تھا کہ انہیں ’ہیرا منڈی‘ میں کام کی پیش کش اس وقت کی گئی تھی جب ان کے ہاں بیٹے ’اذلان‘ کی پیدائش بھی نہیں ہوئی تھی جب کہ وہ اس وقت ریڈیو پر آر جے کے طور پر کام کرتی تھیں اوراس کے ساتھ ادکاری بھی کرتی تھیں، جس کے بعد ماہرہ کی سنجے لیلیٰ بھنسالی سے ملاقات کروائی گئی اور انہوں نے اداکارہ کو ہیرا منڈی میں کاسٹ کرنے کی خواہش کا اظہار کیا بد قسمتی سے اس کے بعد تاج کا واقعہ پیش آیا اور دونوں ممالک کے درمیان تعلقات کشیدہ ہوگئے جبکہ سنجے لیلیٰ بھنسالی اس وقت رنبیر کپور اور سونم کپور کی ڈیبیو فلم میں مصروف تھے۔

    خیال رہے کہ سنجے لیلا بھنسالی پہلے یہ بتا چکے ہیں کہ انہوں نے ’ہیرا منڈی‘ میں فواد خان، عمران عباس اور ماہرہ خان کو کاسٹ کرنے کا سوچا تھا۔

  • دلجیت دوسانجھ نے آئندہ بھارت میں پرفارم نہ کرنے کافیصلہ کیوں کیا؟

    دلجیت دوسانجھ نے آئندہ بھارت میں پرفارم نہ کرنے کافیصلہ کیوں کیا؟

    پنجاب: بھارت کے عالمی شہرت یافتہ پنجابی گلوکار دلجیت دوسانجھ نے بھارت میں مزید پرفارم نہ کرنے کا اعلان کر دیا۔

    باغی ٹی وی : بھارتی میڈیا کے مطابق دلجیت دوسانجھ نے ہفتے کو چندی گڑھ میں ایک ہاؤس فل کنسرٹ میں شاندار پرفارمنس دی اس دوران انہوں نے اعلان کیا کہ وہ آئندہ بھارت میں کوئی شو نہیں کریں گےدلجیت دو سانجھ نے اس فیصلے کی وجہ بھارت میں کنسرٹ کے ناقص انفراسٹرکچر اور انتظامات کو قرار دیا اور حکام سے اپیل کی کہ وہ بہتر سہولیات فراہم کریں کیونکہ کنسرٹ انڈسٹری ملک میں تیزی سے ترقی کر رہی ہے۔

    دلجیت نے چندی گڑھ میں اپنے کنسرٹ کے اختتام پر حکومت اور متعلقہ حکام سے مخاطب ہو کر کہا کہ وہ ملک میں لائیو شوز کے لیے انفراسٹرکچر پر توجہ دیں میں حکام کو بتانا چاہتا ہوں کہ ہمارے پاس یہاں لائیو شوز کے لیے مناسب سہولیات نہیں ہیں یہ ایک بڑا آمدنی پیدا کرنے والا سسٹم ہے اور اس میں بہت سے لوگ کام کر رہے ہیں، براہِ کرم، اس پر غور کریں۔

    دلجیت دوسانجھ نے مزید کہا کہ چندی گڑھ انتظامیہ کو گلوکاروں اور فنکاروں کو پریشان کرنے کے بجائے انفراسٹرکچر کو بہتر بنانے پر توجہ دینی چاہیے انہوں نے اعلان کیا کہ وہ اس وقت تک بھارت میں شوز نہیں کریں گے جب تک اسٹیج کو کانسرٹ کے میدان کے درمیان نہیں بنایا جائے گا میں آئندہ کوشش کروں گا کہ اسٹیج کو درمیان میں لگایا جائے تاکہ فینز میرے ارد گرد ہوں جب تک ایسا نہیں ہوتا، میں بھارت میں پرفارم نہیں کروں گا،اس لیے میری درخواست ہے کہ انتظامیہ انفراسٹرکچر پر کام کرے۔

  • بھارتی میڈ یا کا نیا شوشہ، اداکارہ ریکھا کو ہم جنس پرست قرار دیدیا

    بھارتی میڈ یا کا نیا شوشہ، اداکارہ ریکھا کو ہم جنس پرست قرار دیدیا

    ممبئی: بھارتی میڈ یا نے اداکارہ ریکھا کو ‘ہم جنس پرست، قرار دے دیا ۔

    باغی ٹی وی: بھارتی میڈیا رپورٹ ک مطابق اداکارہ کے امیتابھ بچن سے رومانوی تعلقات کے علاوہ نجی زندگی کے حوالے سے خبریں وائرل ہوئیں اس کے بعد ریکھا نے معروف کاروباری شخصیت مکیش اگوال سے شادی کی تاہم کچھ عرصے میں اُن کے شوہر نے خودکشی کرلی اُس کے بعد سے ریکھا نے شادی نہیں کی۔

    شوہر کی زندگی میں اداکارہ نے خاتون مینیجر فرزانہ کو اپنے ساتھ رکھا بھارتی میڈیا کا دعویٰ ہے کہ دونوں کے درمیان بہت ’خاص تعلقات‘ ہیں،ریکھا کی منیجر فرزانہ اداکارہ کی زندگی میں ایک خاص مقام رکھتی ہیں فرزانہ کو اکثر ریکھا کے سائے کے طور پر دیکھا جاتا ہے، وہ اس کے ساتھ رہتی ہیں،بالخصوص اداکارہ جب خاص حالت میں خاص مواقعوں پر مخصوص لباس میں زندگی کا لطف اٹھا رہی ہوتی ہیں تو مینیجر اُن کے ساتھ ہی ہوتی ہیں۔

    بھارتی میڈیا کے مطابق فرزانہ کے والد پروڈکشن کنٹرولر تھے اور وہ خود ہدایت کار بننے کی خواہش مند بھی تھیں ایک سیٹ پر اُن کی ریکھا سے ملاقات ہوئی جس کے بعد اداکارہ نے اُن کی خدمات حاصل کی اور 30 سال سے زائد عرصہ ہونے کے باوجود فرزانہ آج بھی ریکھا کے ساتھ کام کررہی ہیں۔

    رپورٹ کے مطابق ایک موقع پر فرزانہ کی والدہ بیمار ہوئیں تو وہ دن میں اُن کی تیمارداری کرتی مگر رات ریکھا کے ساتھ ہی گزارتی تھیں فرزانہ کے قریبی لوگوں کا کہنا ہے کہ وہ ریکھا سے بہت زیادہ متاثر ہیں اور اپنی زندگی کو اُن کے لیے وقف کرچکی ہیں۔

  • راج کپور کی 100 ویں سالگرہ پشاور میں منائی گئی

    راج کپور کی 100 ویں سالگرہ پشاور میں منائی گئی

    پشاور: آنجہانی فلمسٹار، پروڈیوسر اور ڈائریکٹر راج کپور کی 100 ویں سالگرہ پشاور میں منائی گئی۔

    باغی ٹی وی:اس موقع پر کلچرل ہیریٹیج کونسل کے سیکریٹری شکیل وحیداللہ نے راج کپور کی سالگرہ کے موقع پر کیک کاٹا کونسل کے سیکریٹری کا کہنا تھا کہ راج کپور کی سالگرہ منانے کا مقصد پاکستان اور ہندوستان کے لوگوں کے مابین فاصلے کم کرنا ہےہماری تنظیم کی ہمیشہ کوشش رہی ہے کہ اپنی تاریخ اور ہیریٹیج کے بچاؤ اور عوام میں آگاہی کےلیے کوئی نہ کوئی سرگرمی ہوتی رہے۔

    راج کپور 14 دسمبر 1924 کو پشاور کے علاقہ ڈھکی منور شاہ میں پیدا ہوئے تھے راج کپور کے والد پرتھوی راج کپور بھی معروف اداکار تھے لیجنڈری اداکار 1932 کو پشاور سے بمبئی (ممبئی) منتقل ہوئے راج کپور کی عمر تقریباً 10 سال تھی جب انھیں اپنی زندگی کی پہلی فلم ’’انقلاب‘‘ میں کام کرنے کا موقع ملا ،1990 میں راج کپور کے بیٹے رشی کپور اور رندھیر کپور جب فلم ’’حنا‘‘ بنا رہے تھے تو دونوں بھائی پشاور آئے تھے اور اپنی حویلی بھی گئے تھے اطلاعات کے مطابق رشی کپور پاکستان سے واپسی پر اپنے ساتھ گھر کی مٹی بھی ساتھ لے گئے تھے۔

  • اداکارہ نرگس پر شوہر کا تشدد کیس،ملزم کی ضمانت میں توسیع

    اداکارہ نرگس پر شوہر کا تشدد کیس،ملزم کی ضمانت میں توسیع

    سیشن کورٹ لاہور میں اسٹیج اداکارہ نرگس پر شوہر کا تشدد کے مقدمہ کیس کی سماعت ہوئی

    ملزم ماجد بشیر کی عبوری درخواست ضمانت پر سماعت ہوئی پولیس نے نامکمل رپورٹ عدالت میں پیش کی اور عدالت سے استدعا کی کہ ہمیں تفتیش مکمل کرنے کے لیے مہلت دی جائے ، عدالت نے ملزم ماجد بشیر کی عبوری ضمانت میں دو جنوری تک توسیع کردی ڈیوٹی ایڈیشنل سیشن جج نے عبوری ضمانت پر سماعت کی، تھانہ ڈیفنس سی پولیس نے مقدمہ درج کر رکھا ہے

    واضح رہے کہ اداکارہ نرگس کے شوہر ماجد بشیر ضمانت پر ہیں اور عدالت نے انہیں کیس میں شامل تفتیش ہونے کا حکم دے رکھا ہے،لاہور ڈیفنس سی کے علاقہ میں اداکارہ نرگس پر تشدد کا واقعہ پیش آیا تھا، جس پر ان کے شوہر ماجد بشیر کے خلاف تھانہ ڈیفنس سی میں مقدمہ درج کیا گیا مقدمے میں تشدد اور گن پوائنٹ پرجان سے مارنے کی دفعات شامل کی گئی ہیں، بعد ازاں ماجد بشیر نے کہا تھا کہ میری اہلیہ باکردار عورت ہے، جھگڑے ہر گھر میں ہوجاتے ہیں، یہ جھگڑا ہمارا ذاتی معاملہ ہے، نرگس ابھی بھی میرے نکاح میں ہے، کچھ لوگ اس واقعے کو کردار کشی کے لئے استعمال کررہے ہیں، میں ان کے خلاف قانونی کارروائی کروں گا۔

    عابدہ عثمانی کی اداکارہ نرگس پر تہمت، شہریوں کا احتجاج

    عابدہ عثمانی کی سابقہ اداکارہ نرگس پر تنقید ،علامہ ہشام الہی ظہیر کا موقف

    اداکارہ نرگس پر تہمت،عابدہ عثمانی توبہ کرے،معافی مانگے،فتویٰ جاری

    عابدہ عثمانی کی اداکارہ نرگس پر تہمت،مولانا ناصر مدنی کا بیان بھی آگیا