Category: کھیل

جنوبی افریقہ کے خلاف پہلے ٹیسٹ میچ میں سابق کپتان بابراعظم کو ٹیم میں شامل کرنے کا فیصلہ کیا گیا ہے۔

باغی ٹی وی کے مطابق اب صائم ایوب اور شان مسعود پاکستان کی جانب سے ٹیسٹ میچ میں اوپننگ کریں گے۔ٹیم مینجمنٹ اور سلیکشن کمیٹی چاہتی ہے کہ بابراعظم 26 دسمبر کو جنوبی افریقہ کے خلاف کھیلے جانے والے پہلے ٹیسٹ میچ میں ٹیم کا حصہ ہوں۔بابر اعظم کو خراب کارکردگی کی وجہ سے انگلینڈ کے خلاف پہلے ٹیسٹ میچ کے بعد اگلے دو ٹیسٹ میچوں میں نہیں کھلایا گیا تھا، بابر اعظم کو ٹیسٹ کرکٹ میں چار ہزار رنز مکمل کرنے کے لئے صرف تین رنز درکار ہیں۔انہیں جنوبی افریقہ کے خلاف پہلے ٹیسٹ میچ میں قومی ٹیم کا حصہ بنانے کا فیصلہ کیا گیا ہے، آؤٹ آف فارم اوپنر عبداللہ شفیق کو ٹیسٹ ٹیم سے ڈراپ کر دیا گیا ہے۔

بینظیر بھٹو کی برسی، خیرپور سے ہزاروں کارکنوں کا قافلہ روانگی کے لیے تیار

پیپلزپارٹی اور ن لیگ کے اجلاس کی اندرونی کہانی سامنے آ گئی

بلاول بھٹو کی مسیحی کمیونٹی کو کرسمس مبارک باد

گوادر میں ہونے والی ایچ بی ایل پاکستان سپر لیگ (پی ایس ایل) کے 10ویں ایڈیشن کی ڈرافٹنگ کے لیے پلیئرز ڈرافٹ کا پک آرڈر جاری کردیا گیا۔

باغی ٹی وی کے مطابق ایونٹ میں شریک تمام 6 ٹیمیں پلیٹینم، ڈائمنڈ اور گولڈ کیٹیگریز میں تین، تین دفعہ کھلاڑیوں کا انتخاب گی۔11 جنوری 2024 کو گوادر میں ہونے والی پلیئرز ڈرافٹ تقریب میں دو دفعہ ایونٹ کا ٹائٹل اپنے نام کرنے والی لاہور قلندرز سب سے پہلے کھلاڑی کا انتخاب کرے گی۔اسی طرح دوسری باری کراچی کنگز، تیسری کوئٹہ گلیڈی ایٹرز اور چوتھی باری پشاور زلمی کی ہوگی، گزشتہ سیزن میں فائنل کھیلنے والی ٹیم ملتان سلطانز پانچویں اور دفاعی چیمپئن اسلام آباد یونائیٹڈ چھٹے نمبر پر اپنے کھلاڑی چنے گی۔پلاٹینم کیٹیگری کے دوسرے راؤنڈ کے لیے اسلام آباد یونائیٹد پہلے جبکہ لاہور قلندرز آخر نمبر پر اپنے کھلاڑی کا انتخاب کرے گی۔گزشتہ روز پاکستان کرکٹ بورڈ (پی سی بی) نے شائقین کے لیے ایونٹ سے قبل شائقین کے لیے فینز چوائس ایوارڈز متعارف کرانے کا اعلان کیا تھا۔مذکورہ ایواڈ کے لیے فینز اپنے ووٹ کے ذریعے گزشتہ ایڈیشنز میں بہترین پرفارمنس والے کھلاڑیوں کا انتخاب کریں گے۔فینز چوائس ایوارڈ کے لیے 6 کیٹگریز بنائی گئی ہیں جن میں بہترین بیٹر، بہترین باؤلر، بہترین آل راؤنڈر، سب سے قیمتی کھلاڑی، بہترین انفرادی باؤلنگ پرفارمنس اور بہترین انفرادی بیٹنگ پرفارمنس شامل ہیں۔

جوہانسبرگ: پاکستان اور جنوبی افریقا کے درمیان تین ایک روزہ میچز کی سیریز کا آخری میچ اتوار کو کھیلا گیا جہاں اسٹیڈیم میں دو غیر معمولی مگر خوشگوار واقعات ہوئے –

باغی ٹی وی : جوہانسبرگ میں کھیلے گئے میچ میں پاکستان نے میزبان ٹیم کو ڈک ورتھ لوئس میتھڈ کے تحت 36 رنز سے شکست دی، وینڈیررز اسٹیڈیم میں کھیلا گیا یہ میچ صرف میچ نہیں بلکہ زندگی، محبت اور کرکٹ کا جشن بن گیا –

اسٹیڈیم میں ایک تماشائی خاتون نے بچے کو جنم دیا، میچ دیکھنے والے جوڑے کے ہاں بیٹے کی پیدائش ہوئی جس کا اعلان اسکور بورڈ پر کیا گیا،اسکور بورڈ پر لکھا تھا ‘مسٹر اینڈ مسز رابینگ کو صحت مند بچے کی پیدائش پر مبارک ہو’۔

دوسری جانب ایک تماشائی نے اسٹیڈیم میں ہی ایک لڑکی کو شادی کی پیشکش کی جسے اس نے قبول کرلیا۔

دونوں کی تصویریں سوشل میڈیا پر گردش کر رہی ہیں صارفین دنیا بھر سے جوڑے اور دنیا میں آنے والے بچے کے لیے نیک خواہشات کا اظہار کررہے ہیں۔

واضح رہے کہ گزشتہ روز پاکستان کرکٹ ٹیم نے جنوبی افریقہ کی سرزمین پر نئی تاریخ رقم کرتے ہوئے میزبان ملک کو پہلی مرتبہ ون ڈے سیریز میں وائٹ واش کیا تھاسیریز کے تیسرے اور آخری ون ڈے میچ میں پاکستان نے جنوبی افریقا کو 36 رنز سے شکست دے کر یہ تاریخی کارنامہ انجام دیا۔

آخری ون ڈے میں قومی ٹیم کی جیت میں اوپنر صائم ایوب نے اہم کردار ادا کیا اور 91 گیندوں پر 101 رنز کی اننگز کھیلی، شاندار کارکردگی پر انہیں میچ کا بہترین کھلاڑی قرار دیا گیا۔

پاکستان نے جنوبی افریقہ کو تیسرے ون ڈے انٹرنیشنل میں ڈک ورتھ لوئس میتھڈ کے تحت 36 رنز سے شکست دے کر سیریز میں 0-3 سے کلین سوئپ کردیا-

فتح کے ساتھ ہی قومی ٹیم پروٹیز کو ہوم گراؤنڈ پر ایک روزہ سیریز میں وائٹ واش کرنے والی پہلی ٹیم بھی بن گئی۔جنوبی افریقہ کے شہر جوہانسبرگ میں پروٹیز کپتان ٹیمبا باووما نے ٹاس جیت کر باؤلنگ کا فیصلہ کیا،بارش کے باعث میچ کو 47 اوورز فی اننگز تک محدود کیا گیا ہے۔پاکستان کی جانب سے اننگز کا آغاز صائم ایوب اور عبداللہ شفیق نے کیا، عبداللہ شفیق مسلسل تیسرے میچ میں بھی بغیر کوئی رن بنائے آؤٹ ہوئے تاہم صائم ایوب نے اپنی شاندار فارم کو جاری رکھا اور سینچری اسکور کی، انہوں نے دوسری وکٹ پر بابر اعظم کے ساتھ 113 رنز کی شراکت داری قائم کی، 22 ویں اوور کی تیسری گیند پر بابر اعظم 52 رنز بنا کر کیون مافاکا کا شکار بنے۔اس کے بعد کریز پر محمد رضوان آئے اور انہوں نے صائم ایوب کے ساتھ ذمہ دارانہ اور برق رفتاری سے بیٹنگ کرتے ہوئے ٹیم کے ٹوٹل کو آگے بڑھایا، 35 ویں اوور میں 208 کے مجموعی اسکور پر صائم ایوب ڈیبیو کرنے والے کوربن بوسک کا شکار بنے، انہوں نے 13 چوکوں اور 2 چھکوں کی مدد سے 94 گیندوں پر 101 رنز کی شاندار اننگز کھیلی۔ .

اس کے بعد نائب کپتان آغا سلمان اور طیب طاہر نے بھی اچھی کارکردگی کا مظاہرہ کیا اور ٹیم کو مستحکم ٹوٹل تک پہنچایا، آغا سلمان 48 اور طیب طاہر 28 رنز بنا کر آؤٹ ہوئے، گرین شرٹس نے 47 اوورز میں ۹ وکٹوں کے نقصان پر 308 رنز اسکور کیے، پروٹیز کی جانب سے کگیسو رباڈا نے تین اور مارکو جانسن نے تین کھلاڑیوں کو پویلین کی راہ دکھائی۔ہدف کے تعاقب میں میزبان ٹیم کا آغاز اچھا نہ تھا، پہلے 6 اوورز میں ہی جنوبی افریقہ کے دونوں اوپنرز آؤٹ ہوگئے، کپتان ٹیمبا باووما 8 اور ٹونی ڈی زورزی 26 رنز بنا کر آؤٹ ہوئے، ابتدائی دو وکٹیں جلدی گرنے کے بعد توقع کی جارہی تھی کہ ایڈن مارکرم اور راسی وینڈر ڈوسن ٹیم کی مشکلات کو کم کریں گے تاہم دونوں کے درمیان صرف 36 رنز کی شراکت داری قائم ہوئی۔اس کے بعد وقفے وقفے سے وکٹیں گرنے کا سلسلہ جاری رہا اور پروٹیز ہدف سے دور ہوتے چلے گئے، جنوبی افریقہ کی جانب سے ہنرک کلاسن نمایاں بیٹر رہے، انہوں نے 43 گیندوں پر 12 چوکوں اور 2 چھکوں کی مدد سے برق رفتار 81 رنز بنائے تاہم ان کی مزاحمت بھی کام نہ آسکی اور پوری ٹیم 42 ویں اوور میں 271 رنز بنا کر ڈھیر ہوگئی، قومی ٹیم کی جانب سے ڈیبیو کرنے والے سفیان مقیم نے چار کھلاڑیوں کو آؤٹ کیا۔صائم ایوب مجموعی طور پر بہترین کارکردگی کا مظاہرہ کرنے کی وجہ سے مین آف دی میچ اور سیریز کے بہترین کھلاڑی قرار پائے۔