Category: کھیل

بنگلادیش کرکٹ بورڈ نے آئی سی سی کو دوبارہ خط لکھ دیا، انٹرنیشنل کرکٹ کونسل سے وینیو تنازع پر نظرثانی کی درخواست کی گئی ہے۔

بنگلادیش نے سیکورٹی خدشات کی بنیاد پر ورلڈکپ کیلئے ٹیم بھارت بھیجنے سے انکار کردیا ہے۔بنگلادیش بورڈ کے صدر امین الاسلام کا کہنا تھا 20 کروڑ عوام اگر ورلڈ کپ سے محروم ہوئے تو نقصان آئی سی سی کا ہوگا، چیمپئنز ٹرافی 2025ء میں بھارت کو سہولت دی گئی تھی۔انہوں نے کہا کہ بھارتی ٹیم نے تمام میچز پاکستان کے بجائے دبئی میں کھیلے لیکن آئی سی سی نے بنگلادیش کے میچز منتقل کرنے کا مطالبہ مسترد کردیا۔

دوسری جانب آئی سی سی ٹی ٹوئنٹی ورلڈ کپ کے بائیکاٹ کی صورت میں بنگلادیش کو بھاری مالی نقصان کا سامنا کرنا پڑسکتا ہے،بھارتی میڈیا کے مطابق ورلڈ کپ میں شرکت نہ کرنے پر بنگلادیش کو 325 کروڑ ٹکا کا نقصان ہوگا،رپورٹ کے مطابق بنگلادیش کرکٹ بورڈ (بی سی بی) کو سالانہ آمدن کی کمائی کے تقریباً 60 فیصد، براڈکاسٹ اور اسپانسر شپ کی مد میں ہونے والی آمدن سے بھی ہاتھ دھونا پڑ سکتا ہے،بھارتی میڈیا کے مطابق بنگلادیشی کھلاڑیوں کے ورلڈکپ کھیلنے پر آمادگی کے باوجود مشیر کھیل ڈاکٹر آصف نذرل نے ورلڈکپ نہ کھیلنے کا فیصلہ کیا۔

یاد رہے کہ بنگلادیش نے سکیورٹی خدشات کے باعث بھارت نہ جانے کا فیصلہ کیا تھا،بھارتی میڈیا کے مطابق ورلڈ کپ کے بائیکاٹ کے باعث بنگلادیش کی بھارت کے خلاف مستقبل کی دو طرفہ سیریز بھی خطرے میں پڑ سکتی ہیں۔ دونوں ٹیموں کے درمیان اس سال میں دوطرفہ سیریز بھی شیڈول ہیں،واضح رہے کہ ٹی ٹوئنٹی ورلڈ کپ فروری اور مارچ میں بھارت اور سری لنکا میں شیڈول ہے، پاکستان کرکٹ ٹیم اپنے تمام میچز سری لنکا میں کھیلے گی۔

کئی قومی کھلاڑی فراڈ کے سبب کروڑوں روپے کی جمع پونجی سے محروم ہوگئے۔

پاکستان کے نامور کرکٹرز بابر اعظم، محمد رضوان، شاہین آفریدی، شاداب خان سمیت کئی کھلاڑی غیر معمولی منافع کے لیے سرمایہ کاری میں اصل رقم بھی کھو بیٹھے۔کھلاڑیوں نے ایک ارب سے زائد کی سرمایہ کاری مبینہ طور پر پی ایس ایل ٹیم کے اسپانسر کے ساتھ کی تھی، دو ماہ سے منافع بند، اور اسپانسر بیرون ملک جا کر فون بند کر چکا ہے

ذرائع کے مطابق پاکستان کےسابق اور موجودہ کرکٹرز کےساتھ مبینہ فراڈ ہوا ہے، کرکٹرز نے مبینہ فراڈ کی کسی پلیٹ فارم پرباضابطہ شکایت درج نہیں کرائی،میڈیا رپورٹس کے مطابق کھلاڑیوں نے پاکستان کرکٹ بورڈ سےبھی مسئلہ حل کرانےکے لیے رابطہ نہیں کیا،ذرائع کے مطابق کرکٹرز نےسابق کپتان کی دیکھا دیکھی میں کاروباری شخص کے ساتھ سرمایہ کاری کی، موجودہ کرکٹرز میں سابق اور موجودہ کپتانوں کےنام بھی شامل ہیں، بعض کرکٹرز نے براہ راست بھی کاروباری شخص کےساتھ سرمایہ کاری کی،کرکٹرز نےاپنےکروڑوں روپےغیر معمولی منافع کےچکرمیں مبینہ طور پردے دیے،ذرائع کا بتانا ہے کہ کرکٹرز کوآغاز میں غیر معمولی منافع بھی ملتا رہا، بعد میں کاروباری شخص منظرسےغائب ہوگیا،کرکٹرزنےچند ہفتےاس متعلق کوششیں کیں، بعض کو کچھ پیسےواپس ملے۔

ذرائع کے مطابق کرکٹرز کا ایک مشہور ایجنٹ بھی رقم سےمحروم ہونےوالوں میں شامل ہے، فراڈ کرنے والا امریکا میں رہائش پذیرہے جس سےکئی پاکستانی کرکٹر سے دوستی تھی،کرکٹرز کا دعویٰ ہے کہ اس شخص کافون بند ہے، دوماہ سےغیر معمولی منافع کی رقم نہیں مل سکی،ذرائع کے مطابق کرکٹرز اصل رقم واپس لینا چاہتےہیں لیکن فراڈ کرنے والےشخص سےرابطہ نہیں ہورہا۔


انٹرنیشنل کرکٹ کونسل نے کھلاڑیوں کی تازہ رینکنگ جاری کر دی ہے، جس کے مطابق ون ڈے بیٹرز میں نیوزی لینڈ کے ڈیرل مچل نے بھارت کے ویرات کوہلی کو پیچھے چھوڑتے ہوئے پہلی پوزیشن حاصل کر لی ہے۔
‎آئی سی سی کے مطابق ویرات کوہلی اب دوسرے نمبر پر چلے گئے ہیں، افغانستان کے ابراہیم زدران تیسری جبکہ بھارتی کپتان روہت شرما چوتھی پوزیشن پر موجود ہیں۔ پاکستان کے سابق کپتان بابر اعظم چھٹے نمبر پر برقرار ہیں۔ سلمان آغا ایک درجہ ترقی کے بعد 16ویں نمبر پر آ گئے ہیں، جبکہ محمد رضوان 23ویں اور فخر زمان 27ویں پوزیشن پر ہیں۔
‎ٹی ٹوئنٹی بولرز کی رینکنگ میں بھارت کے ورون چکروتی پہلی پوزیشن پر براجمان ہیں، افغانستان کے راشد خان دو درجے ترقی کے بعد دوسرے نمبر پر آ گئے ہیں، جبکہ پاکستان کے اسپنر ابرار احمد کی پانچویں پوزیشن برقرار ہے۔
‎ٹی ٹوئنٹی بیٹرز میں بھارت کے ابھیشیک شرما بدستور پہلے نمبر پر ہیں، جبکہ پاکستان کے صاحبزادہ فرحان پانچویں پوزیشن پر موجود ہیں۔