Baaghi TV

Category: کھیل

  • پی ایس ایل 9 کیلئے ٹرافی کی رونمائی کردی گئی

    پی ایس ایل 9 کیلئے ٹرافی کی رونمائی کردی گئی

    لاہور: پاکستان سپر لیگ (پی ایس ایل) کے نویں ایڈیشن کیلئے ٹرافی کی رونمائی کردی گئی۔

    باغی ٹی وی: لاہور کے ریس کورس گراؤنڈ میں پی ایس ایل کے نویں ایڈیشن کی ٹرافی کی رونمائی کی تقریب کا اہتمام کیا گیا جس میں تمام ٹیموں کے مالکان سمیت کپتانوں نے بھی شرکت کی، سیکیورٹی کےپیش نظر اسٹیڈیم کے داخلی، خارجی راستے اور نشتر پارک اسپورٹس کمپلیکس میں موجود تمام ریسٹورنٹس بھی بند کردیئے گئے ہیں، ایونٹ کا باقاعدہ آغاز 17 فروری سے ہوگا، قذافی اسٹیڈیم افتتاحی تقریب سمیت 9 میچز کی میزبانی کرے گا۔
    https://x.com/Babarazam958/status/1757332700573073829?s=20
    پہلا میچ لاہور قلندرز اور اسلام آباد یونائیٹیڈ کے درمیان کھیلا جائے گا، 34 میچز کےا یونٹ کے پہلے مرحلہ میں لاہور میں 9، ملتان میں5، دوسرے مرحلہ میں راولپنڈی میں 9 اور کراچی میں 11 میچز کا انعقاد ہونا ہے، نیشنل اسٹیڈیم، کراچی تمام میچز مصنوعی برقی قمقمہوں کی روشنی کھیلے جائیں گے۔
    https://x.com/XeeshanQayyum/status/1757335509179769050?s=20
    پہلا فلڈ لائٹ میچ 28 فروری کو کراچی کنگز اور اسلام آباد یونائیٹیڈ کے درمیان ہوگا، اگلے روز29 فروری کو کراچی کنگز اور کوئٹہ گلیڈیٹر، 3 مارچ کو کراچی کنگز اور ملتان سلطانز، 9 مارچ کو کراچی کنگز اور لاہور قلندرز، 10 مارچ کو کوئٹہ گلیڈیٹرز اور لاہور قلندرز، 11 مارچ کو کراچی کنگز اور پشاور زلمی، 12 مارچ کو کوئٹہ گلیڈیٹر اور ملتان سلطانز کے درمیان میچ کھیلا جائے گا۔

    14 مارچ کو ٹیم 1 اور ٹیم 2 کے درمیان کوالیفائر مقابلہ ہوگا، 15 مارچ کو ٹیم 3 اور ٹیم 4 کے درمیان ایلمینیٹر1 طے ہے،اگلے روز الیمینیٹر 2 میں الیمینیٹر1 اورکوالیفائر رنر اپ ٹیم کا ٹکراو ہوگا، 18 مارچ کو فائنل اور اختتامی تقریب منعقد ہوگی۔

  • انڈونیشیا میں فٹبال میچ کے دوران آسمانی بجلی گرنے سے ایک کھلاڑی کی موت

    انڈونیشیا میں فٹبال میچ کے دوران آسمانی بجلی گرنے سے ایک کھلاڑی کی موت

    جکارتہ: انڈونیشیا میں ایک فٹ بال میچ کے دوران آسمانی بجلی گرنے سے ایک کھلاڑی کی موت نے ہرطرف خوف و ہراس پھیلا دیا ہے۔

    باغی ٹی وی: سوشل میڈیا پر جاری ویڈیو میں دیکھا جا سکتا ہے کہ کھیل کے میدان میں فٹ بال کھلاڑی دوستانہ میچ کھیل رہے تھے جب اچانک گرج چمک ساتھ بارش شروع ہوگئی،مقامی میڈیا کے مطابق میچ کے دوران آسمانی بجلی گرنے سے کھلاڑی کی موت ہو گئی،آسمانی بجلی گرنے سے "ایف ایل او” سوبانگ ٹیم کے 30 سالہ کھلاڑی سپیٹان کی موت ہو گئی۔

    https://x.com/Eyaaaad/status/1756721474990174643?s=20

  • سرفراز احمد کا کراچی میں مفت تعلیم کیلئے یونیورسٹی بنانے کا اعلان

    سرفراز احمد کا کراچی میں مفت تعلیم کیلئے یونیورسٹی بنانے کا اعلان

    کراچی: سابق قومی کپتان سرفراز احمد نے کراچی میں مفت تعلیم کے لیے یونیورسٹی بنانے کا اعلان کر دیا-

    باغی ٹی وی:کرکٹر سرفراز احمد نے کہا کہ مہنگائی کے دور میں حصول علم بہت مشکل ہوگئی ہے، طالب علموں کے لیے تعلیم کے مالی اخراجات کا ادا کرنا ناممکن سا ہوگیا ہے جبکہ بڑھتی ہوئی فیس کے سبب بعض اوقات تعلیمی ادارے میں داخلہ لینا بھی ممکن نہیں ہوتا، مالی استعداد نہ ہونے کی وجہ سے تعلیم سے محروم نہیں ہونا چاہیے۔

    کرکٹر نے کہا کہ فلاحی مقاصد کے لیے کوشاں غیر سرکاری تنظیم کے ساتھ مل کر یونیورسٹی قائم کرنے کا فیصلہ کیا ہے، اس یونیورسٹی میں طلبا کو مفت تعلیم فراہم کریں گے تاکہ وہ علم حاصل کرکے اپنا مستقبل سنواریں اور ملک و قوم کا نام روشن کریں، یونیورسٹی کے قیام کے لیےبھرپور کوشش کر رہے ہیں، اس ضمن میں عوامی تعاون بہت ضروری ہے، منصوبہ کو پایہ تکمیل تک پہنچانے کے لیے تمام اسٹیک ہولڈرز سمیت ملک بھر کی جامعات اور ماہرین تعلیم سے بھی رابطے کرکے تعاون حاصل کیا جائے گا۔

    علی ظفر نے پی ایس ایل 9 کے ترانے کا نام بتا دیا

    پاکستان ویمن کرکٹ ٹیم کی سابق کپتان جویریہ خان رشتہ ازدواج میں منسلک

    ویرات کوہلی اور انوشکا شرما کے ہاں دوسر ے بچےکی پیدائش متوقع؟

  • نگراں وزیر اعلی پنجاب محسن نقوی بلامقابلہ چیئرمین پی سی بی منتخب

    نگراں وزیر اعلی پنجاب محسن نقوی بلامقابلہ چیئرمین پی سی بی منتخب

    نو منتخب چیئرمین پی سی بی محسن نقوی کی زیر صدارت اجلاس ہوا،
    اجلاس میں نو منتخب چیئرمین پی سی بی محسن نقوی کا کہنا تھا کہ پاکستان کرکٹ کی بہتری چاہتا ہوں، مجھے پاکستان ٹیم کے علاوہ کسی اور چیز کی فکر نہیں، اجلاس میں چیف سلیکٹر وہاب ریاض، سی او او سلمان نصیر نے شرکت کی، وہاب ریاض نے چیئرمین پی سی بی محسن نقوی کو ٹی ٹوئینٹی ورلڈکپ سمیت آئندہ آنے والی سیریز کے حوالے سے بریفنگ دی ، محسن نقوی نے دو ٹوک اعلان کرتے ہوئے کہا کہ سفارشی کلچر پی سی بی میں نہیں چلے گا، ٹیم کی بہتری کے لیے بیرون ملک سے کوچنگ اسٹاف لانا پڑا تو لائیں گے،

    نگراں وزیر اعلی پنجاب محسن نقوی بلامقابلہ چیئرمین پی سی بی منتخب
    محسن نقوی کو 3 سال کیلئےچیئرمین پی سی بی منتخب کیاگیا ہے،محسن نقوی بیک وقت نگران وزیر اعلیٰ پنجاب اور چیئرمین پی سی بی کی ذمہ داری نبھائیں گے، پی سی بی کا چیئرمین منتخب ہونے کے بعد محسن نقوی کا کہنا تھا کہ کرکٹ کے میدان میں میرٹ پر فیصلے ہوں گے،نگران وزیراعلیٰ پنجاب محسن نقوی پاکستان کرکٹ بورڈ کے 37ویں چیئرمین منتخب ہوئے ہیں،چیئرمین پی سی بی کی تعیناتی کی مدت تین برس ہوتی ہے،

    پی سی بی کے پیٹرن، نگراں وزیرِ اعظم انوار الحق کاکڑ نے محسن نقوی کو باضابطہ طور پر پی سی بی کے بورڈ آف گورنرز (بی او جیز) میں نامزد کیا تھا،محسن نقوی کو ذکاء اشرف کی جگہ بی او جی میں بطور پیٹرنز نمائندہ نامزد کیا گیا تھا جبکہ ذکاء اشرف کے مستعفی ہونے کے بعد پی سی بی کے آئین کے تحت پی سی بی کی باگ ڈور الیکشن کمشنر شاہ خاور کے ہاتھ میں آگئی تھی.

    ثانیہ مرزا نے شعیب ملک کی تیسری شادی پر نیک خواہشات کا اظہار کیا ہے

    ثانیہ مرزا سے قبل شعیب ملک کی عائشہ صدیقی سے شادی کی کہانی

    شعیب ملک کی اداکارہ ثنا جاوید سے دوسری شادی

    ہمیشہ کر کٹ کھیلنے کے لئے پر جوش ہوں،شعیب ملک

    یں‌ دکھاوے کا قائل نہیں ہوں جو ہے بس وہ ہے

    سلما ن خان کے ساتھ ثانیہ ،شعیب تصاویر بنوا رہے ہیں

    محسن نقوی بلامقابلہ پی سی بی چیئرمین منتخب ہوئے،آج پاکستان کی کرکٹ کےلئے اہم دن تھا،شاہ خاور
    پی سی بی کے قائم مقام چیئرمین شاہ خاور نے میڈیا سے گفتگو کرتے ہوئے کہا ہے کہ آج پاکستان کی کرکٹ کےلئے اہم دن تھا،پی سی بی چیئرمین کے الیکشن کا سب کو انتظار تھا جو کافی عرصے سے نہیں ہورہا تھا،پی سی بی چیئرمین الیکشن کروانے کیلئے مجھے منتخب کیا گیا،آج ایسا بورڈ تشکیل دیا گیا ہے کہ جو پی سی بی آئین کے مطابق ہوا ہے،میں سمجھتا ہوں آج کرکٹ کیلئے بہت اہم دن ہے،جو پی سی بی کے چییرمین منتخب ہوئے ہیں ان کا ٹریک ریکارڈ بہت اچھا ہے،محسن نقوی بغیر مقابلے کے پی سی بی سربراہ منتخب ہوئے ہیں،محسن نقوی آج سے ہی پی سی بی کے چیئرمین ہیں،میں نے اپنی تمام طاقت استعمال کرتے ہوئے ان کو آج پی سی بی کے سربراہ کا عہدہ دے دیا ہے،محسن نقوی وزیر اعلیٰ پنجاب کے ساتھ ساتھ پی سی بی چیئرمین کا عہدہ بھی سنبھالیں گے،

  • پاکستان سپر لیگ کا پشاور زلمی کے ٹریننگ کٹ کی منفرد انداز میں رونمائی

    پاکستان سپر لیگ کا پشاور زلمی کے ٹریننگ کٹ کی منفرد انداز میں رونمائی

    پاکستان سپر لیگ میں ہمیشہ سے منفرد اور ٹرینڈ سیٹنگ اسٹائل سے کٹس اور اینتھم لانچ کرنے والی پشاور زلمی نے پی ایس ایل نو کے لیے خصوصی ٹریننگ کٹ لانچ کردی۔پاکستان سپر لیگ (پی ایس ایل) 9 کےلیے پشاور زلمی کی ٹریننگ کٹ کی منفرد انداز اور ٹیکنالوجی کے ذریعے رونمائی کردی گئی ہے۔پی ایس ایل فرنچائز پشاور زلمی کی جانب سے جاری اعلامیہ کے مطابق ٹریننگ کٹ کو کٹنگ ایج سی جی آئی ٹیکنالوجی کے ذریعے لانچ کیا گیا ہے جس کا محور زلمی کا ہوم گراؤنڈ ارباب نیاز اسٹیڈیم پشاور ہے۔پی ایس ایل فرنچائز کا کہنا ہے کہ پشاور زلمی اپنے ہوم گراؤنڈ ارباب نیاز میں اپنے جوشیلے فینز کے سامنے کھیلنے کےلیے بےتاب ہے۔


    پشاور زلمی کا کہنا ہے کہ پی ایس ایل 9 کی ٹریننگ کٹ کو ارباب نیاز اسٹیڈم کی پچ سے منسلک کرنے کا مقصد اپنے فینز کا آنیوالے سیزن کےلیے جوش بڑھانا ہے اور ساتھ ہی آنیوالے سیزنز میں اپنے ہوم گراؤنڈ اور ہوم کراؤڈ کے سامنے ان ایکشن ہونے کی خواہش کا اظہار بھی ہے۔اعلامیہ میں یہ بھی کہا گیا کہ پشاور زلمی خیبر پختونخواہ اور ہوم سٹی پشاور اور اس کی روایت سے جڑی ہوئی ہے اور ٹریننگ کٹ کا ارباب نیاز اسٹیڈیم جڑنا اسی جذبے کی عکاسی کرتا ہے۔اعلامیہ کے مطابق پشاور زلمی ماضی کی طرح ایک بار پھر اپنے تمام فینز اور خیبر پختونخواہ کے کلچر کے فروغ اور کرکٹ فینز کے جوش و خروش میں اضافے کا عزم لیے پی ایس ایل نو کی جانب گامزن ہے۔

  • علی ظفر نے پی ایس ایل 9 کے ترانے کا نام بتا دیا

    علی ظفر نے پی ایس ایل 9 کے ترانے کا نام بتا دیا

    لاہور: عالمی شہرت یافتہ پاکستانی گلوکار علی ظفر نے ایچ بی ایل پی ایس ایل (پاکستان سُپر لیگ) کے سیزن 9 کے ترانے کا نام بتادیا ہے ۔

    باغی ٹی وی: تفصیلات کے مطابق پی ایس ایل 9 کا آغاز 17 فروری کو ہوگا، پہلا میچ لاہور کے قذافی اسٹیڈیم میں کھیلا جائے گا، ٹی ٹوئنٹی ٹورنامنٹ میں مجموعی طور پر 34 میچ کھیلے جائیں گے، پی ایس ایل کا فائنل 18 مارچ کو کراچی میں ہوگا،پاکستان کرکٹ بورڈ کی جانب سے ایونٹ کی تیاریاں جاری ہیں جبکہ شائقین اس سیزن کے ترانے کا انتظار کررہے ہیں شائقین کرکٹ کے انتظار کو ختم کرتے ہوئے علی ظفر نے سماجی رابطے کی ویب سائٹ ایکس پر پی ایس ایل کے ترانے کے حوالے سے پوسٹ جاری کی ہے۔
    https://x.com/AliZafarsays/status/1754176018997555282?s=20
    علی ظفر نے پاکستان سُپر لیگ کے آفیشل ایکس اکاؤنٹ کی پوسٹ ری ٹوئٹ کی جس میں ترانے کی دُھن تھی اور ساتھ ہی پوسٹ پر لکھا تھا کہ جب مقابلہ ہو ٹکر کا تو کُھل کے کھیل،اس بار پی ایس ایل کا ترانہ کھیلنے اور بے خوف ہو کر جینے کے بارے میں ہے تو اسی لیے میں نے “کُھل کے کھیل” کے عنوان سے ترانہ لکھا ہے”،ڈانس کے لیے اپنے جوتے تیار کرلیں کیونکہ ترانہ بہت جلد آنے والا ہے-

  • پاکستان ویمن کرکٹ ٹیم کی سابق کپتان جویریہ خان رشتہ ازدواج میں منسلک

    پاکستان ویمن کرکٹ ٹیم کی سابق کپتان جویریہ خان رشتہ ازدواج میں منسلک

    کراچی: پاکستان ویمن کرکٹ ٹیم کی سابق کپتان جویریہ خان رشتہ ازدواج میں منسلک ہوگئیں۔

    باغی ٹی وی : جویریہ خان اور وقاص کی شادی کی پروقار تقریب کراچی میں منعقد ہوئی جس میں ان کے عزیز و اقارب اور دوستوں نے شرکت کی، شادی کی تقریب میں سابق قومی ویمن کپتان بسمہ معروف اور آل راؤنڈر فاطمہ ثنا سمیت دیگر پاکستانی ویمن کرکٹرز بھی شریک ہوئیں۔

    35 سالہ جویریہ خان قومی ویمن ٹیم کی جانب سے 116 ون ڈے اور 112 ٹی ٹوئنٹی انٹرنیشنل میچز کھیل چکی ہیں،جویریہ نے مئی 2008 میں سری لنکا کیخلاف میچ سے ون ڈے انٹرنیشنل ڈیبیو کیا تھا، ون ڈے میچز میں انہوں نے پاکستان کیلئے 2885 رنز جبکہ ٹی ٹوئنٹی میں 2018 رنز اسکور کیے ہیں،انہوں نے اپنا آخری او ڈی آئی میچ 2022 میں بھارت جبکہ آخری ٹی ٹوئنٹی فروری 2023 میں آئرلینڈ کے خلاف کھیلا تھا۔

    ویرات کوہلی اور انوشکا شرما کے ہاں دوسر ے بچےکی پیدائش متوقع؟

    سعودی عرب:کرپشن کے الزام میں سرکاری ادارے کے سربراہ گرفتار

    لاہور میں مریم نواز کی حمایت میں شاندار موٹر سائیکل ریلی نکالی

  • ایچ بی ایل پی ایس ایل سیزن 9“ ٹکٹوں کی پری بکنگ کا اعلان

    ایچ بی ایل پی ایس ایل سیزن 9“ ٹکٹوں کی پری بکنگ کا اعلان

    پاکستان کرکٹ بورڈ نے ”ایچ بی ایل پی ایس ایل سیزن 9“ کی ٹکٹوں کی پری بکنگ کا اعلان کر دیا۔پی سی بی کے مطابق پاکستان سپرلیگ کے 9 ویں ایڈیشن کی ٹکٹوں کی پری بکنگ 6 فروری کی شام 5 بجے ہو گی۔شائقین کرکٹ کے لئے چاروں ای ٹکٹس آن لائن دستیاب ہوں گی۔واضح رہے کہ پی ایس ایل 9 کا آغاز 17 فروری سے ہوگا اور 17 مارچ تک جاری رہنے والے ایونٹ میں 34 میچز کھیلے جائیں گے۔پاکستان سپر لیگ کے شیڈول کے مطابق پہلے مرحلے میں میچز لاہور اور ملتان میں کھیلے جائیں گے جبکہ دوسرے مرحلے کے میچز کراچی اور راولپنڈی میں ہوں گے۔ایونٹ کا افتتاحی میچ قذافی سٹیڈیم میں لاہور قلندرز اور اسلام آباد یونائیٹڈ کے درمیان ہو گا جبکہ ایونٹ کا فائنل کراچی میں ہو گا۔ٹورنامنٹ میں 7 ڈبل ہیڈر ہوں گے جبکہ لیگ کے 6 میچز اور ایک کوالیفائر دن کے وقت ہو گا۔پی ایس ایل 9 میں راولپنڈی میں تین، لاہور میں 2 میچز دن کے وقت کھیلے جائیں گے جبکہ کراچی میں 11، لاہور اور راولپنڈی میں 9، 9 اور ملتان میں 5 میچز ہوں گے

  • ویرات کوہلی اور انوشکا شرما کے ہاں دوسر ے بچےکی پیدائش متوقع؟

    ویرات کوہلی اور انوشکا شرما کے ہاں دوسر ے بچےکی پیدائش متوقع؟

    جنوبی افریقا کے سابق کپتان اے بی ڈی ویلیئرز نے بھارتی کرکٹر ویرات کوہلی کی انگلینڈ کے خلاف سیریز سے عدم دستیابی کی اصل وجہ بتادی-

    باغی ٹی وی: سابق کپتان اے بی ڈی ویلیئرز نے یو ٹیوب پر اپنے آن لائن شو میں دعویٰ کیا ہےکہ ویرات کوہلی اور انوشکا شرما دوسر ے بچےکی پیدائش کے منتظر ہیں،انہوں نے انگلینڈ کے خلاف ٹیسٹ سیریز میں ویرات کوہلی کی عدم شرکت کی وجہ بتاتے ہو ئے کہا کہ ویرات کوہلی کی زندگی میں سب کچھ بہتر ہے وہ اپنی فیملی کے ساتھ وقت گزار رہے ہیں کیونکہ ان کے ہاں ننھے مہمان کی آمد متوقع ہے۔

    انہوں نے کہا کہ اس کے علاوہ میں کسی اور بات کی تصدیق نہیں کرسکتا، میں کرکٹ کے میدان میں انہیں کھیلتے دیکھنے کا انتظار کر رہا ہوں لیکن اگر آپ سچےاور جینوین انسان ہیں تو فیملی آپ کی پہلی ترجیح ہوتی ہےاس پر ویرات کوہلی کو جج نہیں کیا جا سکتا، یقیناً ہم انہیں مس کر رہے ہیں لیکن انہوں نے اچھا فیصلہ لیا ہے میں اس کے علاوہ کسی اور چیز کی تصدیق نہیں کرسکتا، میں اسے دوبارہ دیکھنےکے لیے انتظار نہیں کر سکتا، میرا ویرات کوہلی کے ساتھ پیغامات کا تبادلہ ہوا ہے، یہ ایک فیملی ٹائم ہے اور ان کے لیے چیزیں اہم ہیں، فیملی زیادہ لوگوں کی ترجیح ہوتی ہے جوکہ اچھی چیز ہے۔

    خیال رہے کہ انوشکا شرما اور ویرات کوہلی نے 2017میں شادی کی تھی اور پھر 2021میں ان کے ہاں بیٹی کی پیدائش ہوئی تھی اس وقت ویرات کوہلی آسٹریلیا کے خلاف سیریز ادھوری چھوڑ کر اپنی فیملی کے پاس آگئے تھے۔

  • ایشین کرکٹ کونسل کا جے شاہ کو ایک سال کی توسیع ملنے کا باضابطہ اعلان

    ایشین کرکٹ کونسل کا جے شاہ کو ایک سال کی توسیع ملنے کا باضابطہ اعلان

    ایشین کرکٹ کونسل (اے سی سی) نے جے شاہ کو ایک سال کی توسیع ملنے کا باضابطہ اعلان کردیا۔ اے سی سی اعلامیہ میں کہا گیا کہ بی سی سی آئی سیکریٹری جے شاہ ایک بار پھر ایشین کرکٹ کونسل کے صدر منتخب ہوئے ہیں۔ انڈونیشیا کے شہر بالی میں ہونے والے اجلاس کے اعلامیہ میں کہا گیا کہ جے شاہ کو توسیع دینے کی تجویز سری لنکا کرکٹ کے صدر شمی سلوا نے دی تھی۔ اے سی سی سالانہ جنرل میٹنگ میں جے شاہ کو ایک سال کی توسیع دی گئی۔اس سالانہ جنرل میٹنگ میں جاپان، انڈونیشیا کرکٹ ایسوسی ایشن کو ممبرشپ بھی دی گئی ہے۔ اعلامیہ میں کہا گیا کہ جاپان اور انڈونیشیا کو بطور ممبر ایشین کرکٹ کونسل میں شامل کیا گیا۔اسی طرح تاجکستان کرکٹ ایسوسی ایشن کو اے سی سی کی مشروط ممبر شپ دی گئی ہے۔