Category: کھیل

پاکستان کے خلاف بھارت کی چوتھی وکٹ 66 رنز پر گر گئی، بارش کے بعد میچ شروع کرنے کے بعد اوپنر شبھمن گل 10 بنا کر حارث روف کے بال کا شکار ہوئے ،تاہم حارچ روف نے 15 اوورز میں دوسری وکٹ حاصل کی، اب تک کے میچ میں شاہین اور حارچ نے دو دو وکٹ اپنے نام کئے
پاک بھارت ٹاکرہ میں ایک دفعہ پھر بارش شروع ہو گئی،بھارتی کھلاڑی اب تک 11.2 اورز پر 51 رنز بنا چکے ہے،تاہم اس دوران 3 وکٹ بھی گر چکے ہیں
ابتدائی 10 اوورز میں بھارت کی 3 ووکٹیں گر گئیں حارث رؤف نے اپنے دوسرے اوور میں پہلی وکٹ حاصل کی
پاکستان کے خلاف بھارتی ٹیم کی تیسری وکٹ 48 رنز پر گر گئی بھارتی کھلاڑی شریاس کو حارچ روف نے 14 رنز پویلین واپس کر دئے گئے ،
قومی ٹیم نے شاندار بالنگ کا مظاہرہ کر کے شاہین شاہ آفریدی پہلی وکٹ روہت شرما اور دوسری وکٹ ویرات کوہلی کو 4 رنز پر اپنی خطر ناک بال کا نشانہ بنا ڈالا ،
بھارتی کپتان روہت شرما 22 گیندوں پر 11 رنز بناکر آؤٹ ہوئے، ویرات کوہلی 7 گیندوں پر 4 رنز بنا سکے، دونوں کھلاڑیوں کو شاہین شاہ آفریدی نے آؤٹ کیا۔

بارش کے باعث میچ روک دی گئی
پاک بھارت میچ بارش کے باعث روک دیا گیا ،وکٹ پر کورال ڈال دئے گئے،
بھارت نے 4.2 اوورز میں بغیر کسی نقصان کے 15 رنز بنائے ، پاکستان کی جانب سے باؤلنگ کا آغاز شاہین شاہ آفریدی نے کیا، جنہوں نے اپنے پہلے اوور میں 6 رنز دیے، دوسرے اوور میں نسیم شاہ کی تیسری گیند پر روہت شرما کا کیچ محمد رضوان سے ڈراپ ہو گیا۔

دوسرے اوور کے اختتام پر بھارت نے بغیر کسی نقصان کے 9 رنز بنا لیے، شاہین شاہ کے اگلے اوور کی دوسری گیند پر روہت شرما نے شاندار چوکا رسید کیا، تین اوورز میں بھارت نے 15 رنز بنائے اور اس کا کوئی کھلاڑی آؤٹ نہیں ہوا۔
ٹاس کا مقابلہ
پاک بھارت ٹیمیں ٹاکرے کے لئے تیار،انڈیا نے ٹاس جیت کر پہلے بیٹنگ کا فیصلہ کر لیا روہت شرما نے کہا کہ کھلاڑی مقابلے لئے تیار ہے بھارتی ٹیم نے محمد سراج ،جیسپریت بمرا اور پا نڈیا کو دوبارہ سکواڈ میں شامل کیا گیا ہے قومی ٹیم کے کپتان بابر اعظم نے بتایا کہ ہم سری لنکا کے مختلف پچز پر کافی عرصے سے کھیل رہے ہے لہذا یہاں کے کریز پہ کیسے کھیلنا ہے ہمارے کھلاڑیوں کو اچھی طرح معلوم ہے ،کپتان بابر اعظم نے مزید بتایا کہ اگر ہم ٹاس جیتتے تو یقینا پہلے بیٹنگ کا فیصلہ کرتے،تاہم ٹیم کے لڑکے پر جوش ہے اور پوری کوشش کرے گے کہ بہترین کھیل کھیلے، ہم اپنے پرانے سکواڈ کے ساتھ کھیل رہے ہے،،اور ہم اس مقابلے کو بھی دوسرے مقابلوں کی طرح لے رہے ہے، جس سے پوری طرح لطف اندوز ہونگے،
سکواڈ
پاکستان اسکواڈ میں کپتان بابر اعظم، نائب کپتان شاداب خان، فخر زمان، امام الحق، سلمان علی آغا، محمد رضوان (وکٹ کیپر) محمد نواز، نسیم شاہ، شاہین شاہ آفریدی اور حارث رؤف شامل ہیں۔ بھارت کی جانب سے کپتان روہت شرما، ویرات کوہلی، شبمن گل، ہاردیک پانڈیا، رویندار جدیدا، جسپرت بمرا، محمد شامی، کُلدیپ یادو، شریاس آئیر اور محمد سراج ٹیم کا حصہ ہیں۔

پاکستان ہاکی ٹیم فائیو سائیڈ ایشیاء کپ کے سیمی فائنل میں عمان کو 3 کے مقابلہ میں 7 گول سے شکست دے کر فائنل میں جگہ بنا دی۔ عمان کے شہر صلالہ میں جاری فائیو سائیڈ ایشیاء کپ اپنے اختتامی مراحل میں داخل ہوگیا۔ آج کھیلے جانے والے پہلے سیمی ٖفائنل میں پاکستان نے عمان کو 3 کے مقابلہ میں 7 گول سے شکست دیکر ایونٹ کا فائنل کھیلنے کا اعزاز حاصل کرلیا۔ پاکستان نے فائیو سائیڈ ورلڈ کپ کے لئے بھی تاریخ میں پہلی بار کوالیفائی کرلیا ہے۔
پاکستان کی جانب سے کپتان رانا عبدالوحید اشرف نے 5 شاندار گول سکور کئے جبکہ ارشد لیاقت نے دو گول سکور کئے۔پاکستان فائیو سائیڈ ہاکی ٹیم کی کوچنگ کے فرائض ہیڈ کوچ عالمی ہاکی کپ گولڈ میڈلسٹ پرائیڈ آف پرفارمنس اولمپین وسیم فیروز سرانجام دے رہے ہیں جبکہ ٹیم مینجر میجر (ر) محمد شاہنواز خان اپنی پیشہ ورانہ ذمہ داریاں سرانجام دے رہے ہیں۔
پاکستان فائیو سائیڈ ہاکی ٹیم میں گول کیپرز: عبداللہ اشتیاق خان، علی رضا، ڈیفینڈر: محمد عبداللہ، مڈ فیلڈز: احتشام اسلم، محمد مرتضی یعقوب، سٹرائکرز: ارشد لیاقت، ذکریا حیات، رانا عبدالوحید اشرف، عبدالرحمٰن اور عبدالوہاب شامل ہیں۔
فائیو سائیڈ ایشیاء کپ میں 11 ٹیمیں شرکت کررہی ہیں جس میں پاکستان، انڈیا، افغانستان، انڈونیشیا، ایران، جاپان، بنگلہ دیش، ہانگ کانگ چائینہ، قازقستان، مالئشیا اور میزبان ملک عمان کی ٹیمں شامل ہیں۔

ایشیا کپ2023 کا سب سے بڑا مقابلہ پاک بھارت ٹاکرا آج کینڈی کے پالے کیلے اسٹیڈیم میں ہوگا۔ میچ کا آغازپاکستانی وقت کے مطابق دوپہر ڈھائی بجے ہوگا جس کیلئے دونوں ممالک کے شائقین انتہائی پرجوش ہیں۔بھارتی بیٹرز کا آج پاکستان کے طوفانی بالرز سے ہو گا سامنا ،پاکستان کا پلڑہ اس وقت کافی بھاری دکھائی دے رہا ہے کیونکہ قومی ٹیم کے ساتھ بہترین فاسٹ بالرز موجود ہے جس کا اعتراف خود بھارتی کپتان روہت شرما بھی کر چکے ہے، دوسری جانب پاکستان کے ساتھ بابر اعظم شاداب ، افتخار احمد جیسے بہترین بیٹرز بھی موجود شایقین کرکٹ میچ دیکھنے کے لئے انتہائی بے تاب دکھائی دے رہے ہے، دوسری جانب بھارتی ٹیم کے اسٹار کھلاڑی اورسابق کپتان ویرات کوہلی پاکستانی کھلاڑیوں کے ساتھ گھل مل گئے۔شاداب خان، شاہین آفریدی، وکٹ کیپربلے باز محمد رضوان کی ویرات کوہلی سے ملاقات ہوئی تو بھارتی کھلاڑی نے ان سے ہنسی مذاق کیا جس کی ویڈیو سوشل میڈیا پر وائرل ہے۔ دونوں ممالک کے شائقین کر کٹ سوشل میڈیا پر اپنے تجزیے اور نیک خواہشات کا اظہار کر رہے ہے، لیکن میچ کے شروع ہونے سے پہلے بارش کی بھی پیش گوئی کی گئی ہے تاہم ابھی تک اسمان پر صرف بادل نظر آرہے ہے،

پاکستان مکسڈ مارشل آرٹس فیڈریشن (پی ایم ایم اے ایف) کے زیراہتمام پاکستان اسپورٹس بورڈ اور سندھ مکسڈ مارشل آرٹس ایسوسی ایشن کے اشتراک سے 2023 نیشنل ایم ایم اے چیمپئن شپ، (مرد اور خواتین) کا اپنا پہلا ایڈیشن کراچی میں پاکستان اسپورٹس بورڈ کراچی میں منعقد ہوگی۔ چیمپئن شپ 8 ستمبر سے شروع ہوگی اور اگلے تین روز تک کراچی میں جاری رہے گی۔
پاکستان مکسڈ مارشل آرٹس فیڈریشن ایک مستند ادارہ ہے جو گلوبل ایسوسی ایشن آف مکسڈ مارشل آرٹس (GAMMA) سے وابستہ ہے۔
چیمپئن شپ میں پاکستان بھر کے مرد اور خواتین فائٹرز کا مشاہدہ کیا جائے گا جو چیمپئن شپ کے حتمی ٹائٹل کے حصول کے لیے آنے والی لڑائیوں میں ایک دوسرے کے خلاف مقابلہ کرتے نظر آئیں گے۔
فائٹرز کی دو مختلف کیٹیگریز میں فائٹ ہوں گی جن میں ایم ایم اے اور اسٹرائکنگ ایم ایم اے شامل ہیں تاہم انفرادی کیٹیگری کو مختلف ویٹ کیٹیگریز میں تقسیم کیا گیا ہے جس میں فائٹ لڑی جائیں گی۔
پاکستان مکسڈ مارشل آرٹس فیڈریشن کے صدر ذوالفقار علی نے کہا ہے کہ تمام الحاق شدہ یونٹس کو مشورہ دیا جاتا ہے کہ وہ اپنی ٹیمیں تیار کریں۔
اس چیمپئن شپ میں پاکستان مکسڈ مارشل آرٹس فیڈریشن کے الحاق شدہ یونٹس بھی شامل ہوں گے جن میں شامل ہیں: بلوچستان، پنجاب، خیبر پختونخوا، سندھ، اسلام آباد، جی بی اور اے جے کے کے کھلاڑی اپنی اپنی ٹیموں کے کھلاڑی اپنی تمام تر صلاحیتوں کے ساتھ مقابلہ کرتے ہوئے نظر آئیں گے ،

پاکستان کرکٹ ٹیم کے کپتان بابر اعظم کاکہنا ہے کہ بھارت کے خلاف میچ کا ٹیم پر کوئی پریشر نہیں ہے، لڑکے پرجوش ہیں، اپنا مومینٹم برقرار رکھیں گے۔
انہوں نے پالے کیلے میں موجود میڈیا سےگفتگو کرتے ہوئے کہاکہ بھارت کے خلاف میچ کا ٹیم پر کوئی پریشر نہیں ہے، لڑکے پرجوش ہیں۔انہوں نے مزید کہا کہ ہم پچھلے ڈھائی مہینوں سے یہاں سری لنکا میں ہی ہیں، ہم نے افغانستان کے خلاف سیریز یہیں کھیلی اور کچھ کھلاڑیوں نے لنکا پریمیئر لیگ میں بھی حصہ لیا، اس لیے کہا جا سکتا ہے کہ یہاں کی کنڈیشز بارے کافی چیزیں معلوم ہیں اور میرے خیال میں کینڈی کی وکٹ کافی اچھی ہے۔
قومی ٹیم کے کپتان کا کہنا تھا کہ پاک، بھارت میچ کے حوالے سے ہم پر کوئی پریشر نہیں ہے، ماضی پر فوکس نہیں کر رہے ، ہماری کوشش ہے کہ اپنا مومینٹم برقرار رکھیں، اپنی طرف سے بہترین کرنے کی کوشش کریں گے۔بابر اعظم کا کہنا تھا کہ لڑکے بہت پرجوش ہیں، سب جانتے ہیں کہ پاکستان اور بھارت کے درمیان میچ کافی دلچسپ ہوتا ہے اور فینز بھی اس میچ کے لئے منتظر ہوتے ہیں، ہم انشاء اللہ اچھی کرکٹ کھیلیں گے۔
ان کا کہنا تھا کہ ہمارے ہاتھ میں کوشش ہے اور ہم کوشش کریں گے، نتائج ہمارے ہاتھ میں نہیں ، سب لڑکے فارم میں ہیں اور انشاء اللہ اچھی کرکٹ دیکھنے کو ملے گی۔
انہوں نے کہا کہ قومی ٹیم کا ٹاپ آرڈر وہی رہے گا، ہمارے مڈل آرڈر میں جو مسائل تھے وہ کافی بہتر ہوچکے ہیں، مڈل آرڈر محنت کر رہا ہے ، افتخار احمد ، شاداب خان اور آغا سلمان نے بہت اچھا رسپانس دیا ہے، کوشش یہی ہے کہ جو ہماری بیسٹ الیون ہو اسی کو لے کر چلیں۔

بارش سے متعلق سوال کے جواب میں ان کا کہنا تھا کہ جتنا میں نے یہاں دو مہینوں میں کھیلا ہے یہاں بارش کا کوئی پتا نہیں لگتا، کبھی کبھار ریڈار پر بارش ہوتی ہے لیکن پڑتی نہیں ہے، اس چیز پر میں یقین نہیں رکھتا اس لئے کل دیکھیں گے۔ان کا مزید کہنا تھا کہ قومی ٹیم پراعتماد ہے اور ایشیا کپ میں اچھے نتائج سامنے آئیں گے۔

سپین فٹ بال کوچ لوئس ڈی لا فوینٹے نے گزشتہ ہفتے فٹ بال فیڈریشن کے صدر لوئس روبیلیز کے اس بیان کی تعریف کرنے پر جمعہ کو معافی مانگی جس میں انہوں نے کہا تھا کہ وہ استعفیٰ نہیں دیں گے۔ڈی لا فوینٹے نے ایک نیوز کانفرنس کو بتایا، "مجھے معاف کرنا ہے، میں نے غلطی کی، یہ ناقابل معافی ہے۔”
46 سالہ روبیئلز نے اس وقت دنیا بھر میں غم و غصے کو جنم دیا جب اس نے 20 اگست کو سڈنی میں ویمنز ورلڈ کپ میڈل تقریب کے دوران اسپین کے مڈفیلڈر ہرموسو کو زبردستی بوسہ دیا تھا، ہسپانوی فٹ بال فیڈریشن (RFEF) کے سربراہ نے ایک ہنگامی اجلاس میں ایک منحرف تقریر کے ساتھ مزید غصے کو بھڑکا دیا جس میں انہوں نے بڑھتے ہوئے دباؤ کے باوجود استعفیٰ دینے سے انکار کر دیا اور اس کے بجائے "جھوٹی حقوق نسواں” کے خلاف آواز اٹھائی، جس کی ڈی لا فوینٹے نے تعریف کی تھی ربیو لیس نے اصرار کیا کہ اس کا بوسہ اتفاق رائے سے تھا، لیکن ہرموسو نے کہا کہ ایسا نہیں ہے اور وہ "حملے کی شکار” کی طرح محسوس کرتی ہے۔
فٹ بال کی عالمی گورننگ باڈی فیفا نے عارضی طور پر روبیلز کو 90 دن کے لیے معطل کر دیا جس کے بعد ڈی لا فوینٹے نے صدر کے رویے پر تنقید کرتے ہوئے ایک بیان شائع کیا۔ہسپانوی دوسری نائب وزیر اعظم یولانڈا ڈیاز سمیت کچھ ناقدین نے کہا کہ ڈی لا فوینٹے اپنے عہدے پر برقرار نہیں رہ سکتے۔
ڈی لا فوینٹے نے کہا، "مجھے (تالیاں بجانے) کے لیے شدید تنقید کا سامنا کرنا پڑا اور میں سمجھتا ہوں کہ یہ مکمل طور پر مستحق ہے، میں اسے سمجھتا ہوں، میں اس کے لیے معذرت خواہ ہوں، یہ بلاجواز تھا۔”میں اسمبلی میں اس یقین کے ساتھ آیا تھا کہ ہم ایک صدر کے الوداع کو دیکھ رہے ہیں اور یہ اس کے برعکس ہو گیا ہے۔”
62 سالہ ڈی لا فوینٹے نے کہا کہ اس صورتحال نے "جذباتی تناؤ” پیدا کیا اور وہاں موجود لوگوں کو حیران کردیا۔انہوں نے مزید کہا ، "میں یہ سوچ کر پہنچا کہ یہ استعفیٰ ہو گا اور جب ہم نے دیکھا کہ ایسا نہیں ہے تو ہم صدمے میں آگئے۔میں صحیح سطح پر نہیں تھا اور میں اپنے جذبات پر قابو نہیں رکھ سکا۔ بعد میں جب آپ نے دیکھا اور آپ نے خود کو کیمروں پر دیکھا… میں نے خود کو پہچانا نہیں۔عبوری آر ایف ای ایف کے صدر پیڈرو روچا نے جمعرات کو تصدیق کی کہ ڈی لا فوینٹے "مکمل طور پر” رہیں گے، لیکن کہا کہ وہ اگلے ہفتے خواتین کی ٹیم کے کوچ جارج ولڈا سے ملاقات کریں گے۔ اسپین میں رپورٹس کا کہنا ہے کہ آسٹریلیا اور نیوزی لینڈ میں ٹیم کی ورلڈ کپ جیتنے کے باوجود ولڈا کو نوکری سے نکال دیا جائے گا۔اس وقت 80 سے زیادہ کھلاڑی روبیئلز کے واقعے کی وجہ سے خواتین کی ٹیم سے ہڑتال پر ہیں اور ریئل بیٹس کے اسٹرائیکر بورجا ایگلیسیاس کا کہنا ہے کہ وہ مردوں کی ٹیم کے لیے نہیں کھیلیں گے۔
مجھے لگتا ہے کہ اگر اسے بلایا جاتا ہے تو وہ آنا چاہیں گے، لیکن میں ہمیشہ آزادی، آزادی اظہار اور سوچ کی آزادی کے لیے کھڑا ہوں،” ڈی لا فوینٹے نے مزید کہا، جس نے بعد میں یورو 2024 کے کوالیفائر کے لیے اپنی ٹیم میں فارورڈ کا انتخاب نہیں کیا تھا۔

سابق آسٹریلوی کرکٹر میتھیو ہیڈن نے اپنی بصیرت اور پیشن گوئی ایشیا کپ 2023 میں ہندوستان اور پاکستان کے درمیان ہفتہ کو پالے کیلے میں ہونے والے میچ کے لیے شیئر کی ہے۔ان کے مطابق اس مقابلے میں کرہ ارض کے چند سب سے دلچسپ باؤلرز، شاہین آفریدی، حارث رؤف اور نسیم شامل ہیں۔
سٹار اسپورٹس کے ساتھ ایک حالیہ انٹرویو میں، ہیڈن نے کینڈی میں کھیل کے حالات کو اپنانے کی اہمیت پر زور دیا،انہوں نے خبردار کیا کہ حارث رؤف، اپنی رفتار اور آف اسٹمپ کے اوپر سے ہٹ کرنے کی صلاحیت کے ساتھ، ہندوستانی بلے بازوں کے لیے خاص طور پر چیلنجنگ ثابت ہوسکتے ہیں۔

ہیڈن نے کہا کہ ہندوستان پاکستان کی تیز رفتار تینوں کے خلاف کھیل رہا ہے۔ ٹھیک ہے، میں آپ کو بتا سکتا ہوں کہ یہ کرہ ارض کے سب سے تیز ترین مقابلوں میں سے ایک ہے۔ ہمارے پاس شاہین آفریدی، حارث رؤف اور نسیم ہیں۔ تین بہت ہی مختلف قسم کے گیند باز اور منفرد گیند باز جن کی ضرورت ہوتی ہے۔ اس لیے آپ کو اس پر نظر رکھنی ہوگی، خاص طور پر حارث رؤف۔ وہ واقعی ہلچل مچا کر ٹاپ آف کو مارنا چاہے گا۔

انہوں نے مزید کہا آپ کو شاہین آفریدی کے خلاف قدامت پسند ہونا پڑے گا۔ حال ہی میں ورلڈ کپ کو یاد رکھیں؛ شاہین ابتدائی وکٹیں لینے میں کامیاب رہے۔ ہم اس گیند کو کبھی نہیں بھولیں گے جو انہوں نے کپتان روہت شرما کو کروائی تھی، اس لیے شاہین آفریدی کے خلاف تھوڑی سی احتیاط برتنی پڑے گی
مجموعی طور پر، سابق آسٹریلوی بلے باز نے اپنی گہری اور کلاسیکی بیٹنگ لائن اپ اور ان کی اچھی فارم کا حوالہ دیتے ہوئے اپنا یقین ظاہر کیا کہ اس میچ میں ٹیم انڈیا کا ہاتھ ہے۔

سابق جنوبی افریقی کرکٹر، اے بی ڈی ویلیئرز نے ایشیا کپ 2023 میں ہفتہ کو ہندوستان اور پاکستان کے درمیان ہونے والے اہم ترین مقابلے سے قبل بابر اعظم کی خوب تعریف کی ہے،اپنے یوٹیوب چینل پر بات کرتے ہوئے، جنوبی افریقی لیجنڈ، جو کہ اپنی غیر معمولی کرکٹنگ کی صلاحیتوں کے لیے جانا جاتا ہے، نے اعظم کی تعریف کو پیچھے نہیں چھوڑا، اور انہیں کرکٹ کی دنیا کے بہترین کھلاڑیوں میں سے ایک قرار دیا۔
انہوں نے کہا مجھے بابر اعظم کے بارے میں بات کرنا اچھا لگتا ہے کیونکہ وہ ان بہترین کھلاڑیوں میں سے ایک ہیں جنہیں ہم نے یہ کھیل کھیلتے دیکھا ہے اور ابھی نہیں بلکہ ہمیشہ سے وہ پاکستان کے بیٹنگ آرڈر میں ایک بہت بڑی چٹان ہیں۔ اگر ہندوستان پاکستان کو خاموش رکھنا چاہتا ہے تو یہ وہ آدمی ہے۔ جلد آؤٹ کرنا کیونکہ وہ بیٹنگ لائن اپ کو ایک ساتھ رکھتا ہے اور پاکستان کے مڈل آرڈر میں گلو کا کام کرتا ہے۔
ڈی ویلیئرز نے ایک ورسٹائل بلے باز کے طور پر بابر کی صلاحیتوں پر مزید زور دیا جس نے کھیل کے تمام فارمیٹس میں مسلسل شاندار کارکردگی کا مظاہرہ کیا۔
انہوں نے کہا کہ ایشیا کپ اور 2023 ورلڈ کپ میں پاکستان کی کامیابی کا زیادہ تر انحصار 28 سالہ نوجوان بابر اعظم کی کارکردگی پر ہوگا، جو باصلاحیت کرکٹر کے کندھوں پر رکھی گئی جو بے پناہ توقعات کو مزید اجاگر کرتا ہے۔
میں ان سے پہلی ملاقات اس وقت ہوئی جب وہ [بابر] بہت چھوٹا تھا لیکن جلد ہی سمجھ گیا کہ یہ لڑکا یہاں رہنے کے لیے ہے۔ اس نے پوری دنیا اور تمام فارمیٹس میں باؤلنگ اٹیک کو نقصان پہنچایا ہے۔ وہ ایک لاجواب کھلاڑی ہے اور پاکستان کو فارم میں اس کی ضرورت ہے۔ ایشیا کپ اور سب سے اہم، ورلڈ کپ کے لیے،

پاکستان نے حال ہی میں سری لنکا میں تین میچوں کی سیریز میں افغانستان کو 3-0 سے شکست دے کر آئی سی سی ون ڈے رینکنگ میں ٹاپ پوزیشن حاصل کی تھی۔2023 کے ایشیا کپ میں ہندوستان اور پاکستان کے درمیان ہونے والے ٹھاکرے سے پہلے، ہندوستانی کپتان روہت شرما نے ایک پری میچ پریس کانفرنس میں کہا کہ پاکستان کی کرکٹ اور آئی سی سی ون ڈے رینکنگ میں نمبر 1 مقام تک پہنچنے کے سفر قابل ستائش ہے،
پاکستان کی کامیابی کے بارے میں بات کرتے ہوئے، روہت نے پاکستان کرکٹ ٹیم کی محنت اور لگن کا اعتراف کرتے ہوئے اس بات پر زور دیا کہ ون ڈے رینکنگ کی چوٹی تک پہنچنا ایک سنگ میل ہے جو واقعی لائق تحسین ہے اور یہ پاکستان کو ایک طاقت بناتا ہے۔

ہندوستانی کپتان نے کہا پاکستان ایک بہت اچھی ٹیم ہے، وہ پچھلے کچھ سالوں میں بہت اچھی کارکردگی کا مظاہرہ کر رہی ہے، چاہے وہ T20 ورلڈ کپ ہو یا 50 اوور کی کرکٹ میں ہو کوئی بھی ٹیم اس طرح نمبر 1 نہیں بنتی، اس کے لیے بہت محنت کرنی پڑتی ہے۔ مجھے یقین ہے کہ پاکستان ٹیم نے نمبر 1 بننے کے لیے سخت محنت کی ہے۔ وہ ایک یونٹ کی طرح کھیلتے ہیں اور اچھی کرکٹ کھیل رہے ہیں، اس لیے یہ ہمارے لیے ایک چیلنج ہو گا،
پاکستان کے باؤلنگ اٹیک اور ان سے نمٹنے کے لیے ہندوستان کی تیاری کی تعریف کرتے ہوئے روہت نے کہا کہ وہ پاکستان کی تیز رفتار تینوں کے خلاف اپنے پاس موجود وسیع تجربے کا استعمال کریں گے۔
ہمارے نیٹ میں شاہین، نسیم اور رؤف نہیں ہیں، اس لیے ہمیں ان کے خلاف پریکٹس کرنی ہوگی جو ہمارے پاس دستیاب ہیں۔ تینوں ہی معیاری باؤلر ہیں اور اچھی کارکردگی کا مظاہرہ کر رہے ہیں۔ پاکستان کے پاس ہمیشہ معیاری باؤلرز رہے ہیں۔ ہم نے ان کو دیکھا ہے۔ ان کی طاقت اور وہ کس طرح بولنگ کرتے ہیں۔ ہم اتنے عرصے سے کھیل رہے ہیں اس لیے ہمیں انہیں کھیلنے کے لیے اپنے تجربے کو بروئے کار لانا چاہیے، یہ اتنا ہی آسان ہے،
واضح رہے پاکستان اور بھارت 2 ستمبر کو کینڈی میں آمنے سامنے ہوں گے۔ جبکہ بابر کی زیرقیادت ٹیم بدھ کو نیپال کو شکست دے کر اپنی ایشیا کپ مہم کا آغاز کر چکی ہے، بھارت اپنا پہلا میچ ہفتہ کو روایتی حریفوں کے خلاف کھیلے گا۔