Category: کھیل

ورلڈکپ سے پہلے سپر اسٹار شاہین آفریدی کی تعریف میں لیجنڈری سر ویوین رچرڈز میدان میں ٓاگئے، اور حال ہی میں انٹرنیشنل کرکٹ سے ریٹائر ہونے والے انگلش بلے باز الیکس ہیلز نے بھی قومی فاسٹ بولر کو بہترین قرار دے دیا ۔
تیئس سالہ شاہین آفریدی کی پرفارمنسز کا خیر سے پوری دنیا میں جادو چل گیا ہے ، ماضی کے عظیم کپتان سر ویوین رچرڈز نے نوجوان فاسٹ بولر کو اپنا پسندیدہ قرار دیا ساتھ ہی پیشگوئی بھی کی وہ بھارت میں شیڈول ورلڈکپ میں ٹاپ وکٹ ٹیکر ہوں گے، صرف اتنا ہی نہیں بلکہ انٹرنیشنل کرکٹ سے ریٹائرمنٹ لینے والے انگلش بلے باز الیکس ہیلز نے شاہین آفریدی کو نئی بال کرانے والے اس وقت کے سب سے خطرناک بولر ہیں اور پاکستان پیسر دنیا کے کسی بھی بلے باز کے لیے خطرے کی علامت بن سکتے ہیں

20 قومی ویمن کرکٹرز کے لیے پی سی بی سینٹرل کنٹریکٹ کا اعلان کیا سینٹرل کنٹریکٹ میں 4 نئی کھلاڑی بھی شامل کیا گیا اور معاوضوں میں اضافہ بھی کیا گیا،
نئے کھلاڑیوں میں انوشے ناصر، ایمان فاطمہ، شوال ذوالفقار اور ام ہانی پہلی بار پی سی بی کنٹریکٹ میں شامل کر دی گئی ہے، قومی ویمن کرکٹرز کو جون 2025 تک یعنی 23 ماہ تک کے لیے کنٹریکٹ دیا گیا،سینٹرل کنٹریکٹ کے باوجود قومی ویمن کرکٹرز کی ایک سال بعد کارکردگی کا جائزہ لیا جائے گا، کراچی میں جاری جنوبی افریقہ سیریز کے کیمپ کے دوران ویمن کرکٹرز نے کنٹریکٹس پر دستخط کر دیئے، پی سی بی کے سینٹرل کنٹریکٹ میں شامل ویمن کرکٹرز کی تفصیل کچھ یوں ہے،
اے کیٹگری میں بسمہ معروف، ندا ڈار، سدرہ امین کو شامل کیا گیا،
بی کیٹگری میں عالیہ ریاض، فاطمہ ثنا، منیبہ علی، نشرہ سندھو،اور سی کیٹگری ڈیانا بیگ، غلام فاطمہ، عمیمہ سہیل، سعدید اقبال، سدرہ نواز جبکہ ڈی کیٹگری انوشے ناصر، ایمان فاطمہ، نجیہہ علوی، صدف شمس، شوال ذوالفقار، سیدہ عروب شاہ، طوبی حسن اور ام ہانی شامل کیا گیا ہے،
انعم امین، گل فیروزہ، ارم جاوید، جویریہ خان اور کائنات امتیاز سینٹرل کنٹریکٹ حاصل کرنے میں ناکام رہی ہیں ان پانچوں کو ڈومیسٹک کنٹریکٹ دیے گئے ہیں جبکہ عائشہ نسیم ریٹائر ہوچکی ہیں۔

پاکستان کے خلاف میچ سے قبل بھارتی ٹیم کو بڑا نقصان ہو گیا، بھارتی میڈیا کے مطابق کے ایل راہول ایشیا کپ کے ابتدائی دو میچز سے باہر ہو گئے ، کے ایل راہول ٹیم کے دیگر کھلاڑیوں کے ہمراہ کنڈیشنگ کیمپ میں شریک ہیں ، کے ایل راہول سو فیصد فٹنس ثابت نہ کر سکے جسکی وجہ سے انکو ٹیم سے باہر کرنے کا فیصلہ کیا گیا ، کے ایل راہول ٹیم کے ہمراہ سری لنکا جائیں گے،تاہم پاکستان اور بھارت کے درمیان ایشیا کپ کا میچ دو ستمبر کو کھیلا جائے گا

پاکستان کرکٹ بورڈ (پی سی بی) نے انضمام الحق کے ساتھ معاہدے کو حتمی شکل دے دی ہے، جس میں انتظامی کمیٹی کی جانب سے تین سال کے معاہدے کی باضابطہ منظوری شامل ہے۔ پی سی بی نے 7 اگست کو باضابطہ اعلان کرتے ہوئے انضمام الحق کو نیا چیف سلیکٹر قرار دیا تھا۔ اس کردار میں، وہ پہلے ہی سری لنکا کے خلاف ٹیسٹ سیریز اور آئندہ ایشیا کپ 2023 کے لیے ٹیموں کا انتخاب کر چکے ہیں۔تاہم ان کے معاہدے کے حوالے سے بات چیت ابھی جاری ہے۔ انضمام نے مستقل فیصلہ سازی اور پاکستان کرکٹ کی مجموعی بہتری کو یقینی بنانے کے لیے چیف سلیکٹر کے لیے طویل مدت کی اہمیت پر زور دیا۔
انضمام نے اتوار کو کراچی میں ہونے والی پی سی بی مینجمنٹ کمیٹی کی آن لائن میٹنگ میں حصہ لیا۔ اس میٹنگ کے دوران، پی سی بی نے کرکٹ میں ان کے تعاون کو سراہا اور مبینہ طور پر تین سالہ معاہدے کی پیشکش کو باقاعدہ طور پر پیش کیا۔ پی سی ببی ذرائع کے مطابق ایسے اشارے مل رہے ہیں کہ انہیں 20 لاکھ روپے ماہانہ تنخواہ مل سکتی ہے۔
انضمام منگل کو ملتان میں ٹیم ڈائریکٹر مکی آرتھر، ہیڈ کوچ گرانٹ بریڈ برن اور کپتان بابر اعظم سے ملاقات کریں گے تاکہ ورلڈ کپ اسکواڈ کی تشکیل سے متعلق بات چیت متوقع ہے،واضح رہے کہ مکی آرتھر سری لنکا میں ہندوستان اور پاکستان کے میچ کے بعد روانہ ہوں گے، اور انضمام کا ارادہ ہے کہ وہ ممکنہ ورلڈ کپ اسکواڈ کے بارے میں بات چیت کریں

ورلڈ ایتھلیٹکس چیمپئن شپ کے سلور میڈلسٹ ایتھلیٹ ارشد ندیم کے ساتھ ٹریننگ کرنیوالی اور پاکستان کی ٹاپ ویمن جیولن تھروور فاطمہ حسین کا کہنا ہے کہ ارشد ایک فائٹر کھلاڑی ہیں، انجری کے بعد انہوں نے شاندار کم بیک کیا، ارشد کی کامیاب پرفارمنس کے بعد امید ہے کہ ملک میں ایتھلیٹکس کو بھی توجہ دی جائے گی۔

ارشد ندیم نے گزشتہ شب ہنگری کے شہر بڈاپسٹ میں ورلڈ ایتھلیٹکس چیمپئن شپ کے فائنل میں 87.82 کی تھرو کے ساتھ سلور میڈل جیتا اور ورلڈ چیمپئن شپ میں میڈل جیتنے والے پہلے پاکستانی ایتھلیٹ بنے۔

ارشد کی پرفارمنس پر ایک مقامی ٹی وی سے گفتگو میں پاکستان کی ویمن جیولن تھرو چیمپئن فاطمہ حسین نے کہا کہ ارشد نے ثابت کردیا کہ وہ فائٹر پلیئر ہیں۔ فاطمہ کا کہنا تھا کہ وہ ارشد ندیم کے ساتھ ہی ٹریننگ کرتی ہیں، ارشد ندیم نے انجری کے بعد شاندار کم بیک کیا حالانکہ ورلڈ چیمپئن شپ کیلئے روانگی سے دس روز قبل انہیں گھٹنے میں مسئلہ ہوا تھا لیکن اس سے ان کی پرفارمنس پر اثر نہیں پڑا۔

وسیم اکرم نے قومی ٹیم کی تعریف کرتے ہوئے کہا ہے کہ کہ جیت پاکستان کی عادت بن گئی ہے اس ٹیم سے مقابلہ اب بھارت سمیت کسی بھی ٹیم کیلئے آسان نہیں ہوگا۔دبئی میں ایک تقریب کے دوران گفتگو کرتے ہوئے سابق کپتان وسیم اکرم کاکہنا تھا کہ جیت پاکستان کی عادت بن گئی ہے اس ٹیم سے مقابلہ اب بھارت سمیت کسی بھی ٹیم کیلئے آسان نہیں ہوگا۔انہوں نے ایشیا کپ پر بات کرتے ہوئے کہاکہ ایشیا کپ ایک لمبا ٹورنامنٹ ہے، کوئی ایک میچ نہیں ہے جسے کھیل کر کوئی بھی ٹیم سیمی فائنل میں جاسکتی ہے۔

ان کاکہنا تھا کہ ایشیا کپ 20 کے بجائے 50 اوور کا میچ ہے لہٰذا اس میچ کیلئے مختلف مائنڈ سیٹ اور مختلف حکمت عملی درکار ہوگی۔ ان میچز میں ہر ٹیم کے نوجوان بائولرز کی کارکردگی 10 اوورز سے معلوم ہوگی کیوں کہ ہر بائولر کے پاس اب 4 اوور کے بجائے 10 اوور ہوں گے۔

قومی کرکٹ ٹیم کے اوپننگ بلے باز امام الحق نے کہا ہے کہ اللہ نے ہمیں ون ڈے میں پہلی پوزیشن دی ہے، جس پر سب کو دلی خوشی ہوئی ہیں اور ہم نے کافی محنت کی ہے، امام الحق نے کہا کہ اب بڑے ہوگئے ہیں ذمہ داری لینی پڑے گی، ہمیں ہمیشہ ایک چیز سیکھائی گئی ہے کہ جب اچھا سٹارٹ مل جائے تو لمبا کھیلو، امام الحق نے مزید بتایا کہ پہلے سے معلوم تھا کہ سری لنکا میں افغانستان کے خلاف بیٹنگ وکٹ نہیں ملے گی، انہوں نے افغانستان کی ٹیم کی بھی تعریف کرتے ہوئے کہا کہ افغانستان کے سپنرز اچھے تھے کوشش کرتا رہا کہ سٹرائیک روٹیٹ کرتا رہوں، مشکل کنڈیشنر میں کھیل کر اچھی پریکٹس ہوئی ہے، بیٹر امام الحق نے مزید کہا کہ افغانستان کے سپنرز کے خلاف مڈل اوورز میں مشکلات ہوئیں، لیکن افغانستان کے خلاف سیریز کا ایشیاء کپ اور ورلڈکپ میں بہت رول ہوگا، انہوں نے انضمام الحق کے حوالے سے بتایا کہ وہ بہت کچھ سکھا چکے ہے، ائی سی سی رینکنگ میں نمبر ون ٹیم ہونا ایک خواب تھا جو پورا ہوا ہے، امام الحق نے کہا کہ
ٹیم نے 2017 سے 2023 تک کافی مشکلات کا سامنا کیا، لیکن اس وقت ہماری ٹیم متحد ہے جو مجھے سب سے اچھی بات لگتی ہے، پوری ٹیم ایک دوسرے کےلئے کھیلتی اور لڑتی ہے،امام الحق نے کہا کہ ایشیاء کپ اور ورلڈکپ میں بطور نمبر ون ٹیم جانے سے اچھا اعتماد ملے گا،