Category: کھیل

بھارتی کرکٹ ٹیم کے فاسٹ بولر محمد سراج نے ایئر انڈیا میں سفر نہ کرنے کا مشورہ دیتے ہوئے قومی ایئر لائن پر سخت ناراضی کا اظہار کیا ہے۔

سماجی رابطے کی ویب سائٹ ایکس پر جاری بیان میں محمد سراج نے بتایا کہ ایئر انڈیا کی پرواز IX 2884، جو گواہاٹی سے حیدرآباد کے لیے صبح 7 بج کر 25 منٹ پر روانہ ہونا تھی، بغیر کسی پیشگی اطلاع کے مسلسل تاخیر کا شکار رہی۔ان کا کہنا تھا کہ متعدد بار پوچھنے کے باوجود ایئر لائن انتظامیہ واضح وجہ بتانے میں ناکام رہی، چار گھنٹے گزرنے کے باوجود نہ کوئی اپ ڈیٹ دی گئی اور نہ ہی متبادل انتظام کیا گیا، جس کے باعث درجنوں مسافر شدید پریشانی میں مبتلا ہیں۔

محمد سراج نے اس تجربے کو انتہائی مایوس کن قرار دیتے ہوئے کہا کہ وہ کسی کو بھی ایئر انڈیا میں سفر کرنے کا مشورہ نہیں دیں گے۔کرکٹر کی شکایت سامنے آنے کے بعد سوشل میڈیا صارفین نے بھی ایئر انڈیا کو شدید تنقید کا نشانہ بنایا۔

اڈیالہ جیل حکام نے عمران خان کی صحت سے متعلق افواہیں مسترد کردیں

بدترین شکست،گوتم گمبھیر اور بھارتی ٹیم شدید تنقید کی زد میں

جوئے ایپس کی تشہیر کیس،یوٹیوبر ڈکی بھائی 4 ماہ بعد رہا

پاکستان اور سری لنکا کے کرکٹ بورڈز کے درمیان ٹی20 سیریز کے شیڈول سے متعلق بات چیت جاری ہے۔

ذرائع کے مطابق دونوں ممالک جنوری 2026ء میں پاکستان کے سری لنکا کے دورے اور تین میچوں پر مشتمل ٹی20 سیریز کے امکانات پر غور کر رہے ہیں۔ابھی تک سیریز سے متعلق معاملات کو حتمی شکل نہیں دی گئی، تاہم دونوں بورڈز کے درمیان اتفاق رائے کے بعد باضابطہ اعلان کیا جائے گا۔سری لنکن میڈیا نے دعویٰ کیا ہے کہ پاکستان 8 سے 12 جنوری 2026ء تک تین ٹی20 میچز کھیلے گا، جن کی ممکنہ تاریخیں 8، 10 اور 12 جنوری ہیں، جبکہ تمام مقابلے دمبولا میں منعقد کیے جانے کا امکان ہے۔

رپورٹ میں مزید بتایا گیا ہے کہ پریماداسا اور پالے کیلے اسٹیڈیم ورلڈ کپ سے قبل تزئین و آرائش کے باعث دستیاب نہیں ہوں گے۔واضح رہے کہ ٹی20 ورلڈ کپ 2026ء بھارت اور سری لنکا میں مشترکہ طور پر ہوگا، جس کے پیشِ نظر یہ سیریز پاکستان کی عالمی ایونٹ کی تیاریوں کا حصہ سمجھی جا رہی ہے

بنگلادیش کو برآمد کے لیے 1 لاکھ ٹن چاول خریداری کا ٹینڈر جاری

شی جن پنگ اور ٹرمپ کا ٹیلیفونک رابطہ، تائیوان سمیت اہم امور پر گفتگو

بچوں پر تشدد ، پنجاب میں 4150 سے زائد واقعات رپورٹ

لاہور قلندرز، پشاور زلمی اور کوئٹہ گلیڈی ایٹرز نے پاکستان سپر لیگ (پی ایس ایل) کے ساتھ مزید 10 سال کے لیے فرنچائز معاہدوں کی تجدید کر دی۔ تینوں ٹیموں نے نئی ویلیوایشن کے بعد معاہدوں پر دستخط کیے۔

اسلام آباد میں ہونے والی تقریب میں لاہور قلندرز کے حارث رؤف، شاہین آفریدی اور سی ای او عاطف رانا شریک تھے۔ چیئرمین پی سی بی محسن نقوی اور سی ای او پی ایس ایل سلمان نصیر نے معاہدوں کی توسیع کو پی ایس ایل پر اعتماد کا ثبوت قرار دیا۔سلمان نصیر نے تصدیق کی کہ اگلے سال سے پی ایس ایل 8 ٹیموں تک بڑھ جائے گا۔ لاہور قلندرز نے 4 سال میں 3 ٹائٹل جیت کر خود کو مضبوط فرنچائز ثابت کیا۔

پشاور زلمی نے بھی ای وائی ویلیوایشن کے بعد معاہدہ بڑھایا۔ جاوید آفریدی کی قیادت میں زلمی پاکستان کی مقبول ترین فرنچائز بن چکی ہے۔کوئٹہ گلیڈی ایٹرز کا معاہدہ بھی ای وائی مینا کی ویلیوایشن کے بعد مزید 10 سال کے لیے توسیع پا گیا۔ چیئرمین پی سی بی نے ندیم عمر کی خدمات کو سراہتے ہوئے کہا کہ گلیڈی ایٹرز پی ایس ایل کی مضبوط فرنچائز ہے

2025-26 کے لیے گیس کی قیمتوں میں کمی کا اعلان

پاکستان–سعودی عرب اسٹریٹجک تعلقات مزید مضبوط بنانے پر اتفاق

مسقط میں منعقدہ آئی بی ایس ایف ٹیم ورلڈ کپ کے فائنل میں پاکستان نے ہانگ کانگ کو سنسنی خیز مقابلے کے بعد 2-3 سے شکست دے کر دوسری بار عالمی ٹائٹل اپنے نام کر لیا۔

پاکستانی ٹیم اسجد اقبال اور محمد آصف پر مشتمل تھی، جنہوں نے ہانگ کانگ کے چاؤ ہون مین اور نیسن وان کو فیصلہ کن فریم میں ہرا دیا۔گزشتہ روز سیمی فائنل میں پاکستان نے بھارت کی ٹیم — پنکج ایڈوانی اور برجیش دامانی — کو 1-3 سے شکست دے کر فائنل میں جگہ بنائی تھی۔یہ کامیابی پاکستان اسنوکر کے لیے ایک بڑی خوشخبری قرار دی جا رہی ہے

امریکی بینک کا پاکستان میں اربوں ڈالر کی سرمایہ کاری کا اعلان

زیارت میں دہشت گردی کا بڑا منصوبہ ناکام، 5 دہشت گرد گرفتار

ضمنی انتخابات: مسلم لیگ ن کی 3 قومی اور 1 صوبائی نشست پر کامیابی

قطر کے دارالحکومت دوحہ کے ویسٹ اینڈ پارک انٹرنیشنل کرکٹ اسٹیڈیم میں کھیلے گئے فائنل میں پاکستان کے 125 رنز کے ہدف کے تعاقب میں بنگلہ دیش ’اے‘ ٹیم بھی 20 اوورز میں 125 رنز بنا سکی، جس کے بعد میچ کا فیصلہ سپر اوور پر ہوا۔

سپر اوور میں بنگلہ دیش نے پہلے کھیلتے ہوئے صرف 6 رنز اسکور کیے۔ جواب میں پاکستان شاہینز نے ہدف 4 گیندوں پر حاصل کر کے ٹائٹل اپنے نام کر لیا۔اس سے قبل پہلی اننگز میں پاکستان شاہینز نے بیٹنگ کا آغاز مایوس کن انداز میں کیا۔ اوپنر یاسر خان پہلی ہی گیند پر رن آؤٹ ہوئے جبکہ 2 کے مجموعے پر محمد فائق کی وکٹ بھی گر گئی۔ پاکستان ٹیم کی وکٹیں وقفے وقفے سے گرتی رہیں اور پوری ٹیم 20 اوورز میں 125 رنز بنا کر آؤٹ ہوگئی۔سعد مسعود 38، عرفات منہاس 25 اور معاذ صداقت 23 رنز کے ساتھ نمایاں رہے۔بنگلہ دیش کی جانب سے ریپون منڈول نے 3 جبکہ رقیب الحسن نے 2 وکٹیں حاصل کیں۔

ہدف کے تعاقب میں بنگلہ دیش ’اے‘ کی بیٹنگ بھی دباؤ کا شکار رہی۔ 53 کے مجموعے پر 7 کھلاڑی آؤٹ ہونے کے بعد پاکستان کی جیت یقینی دکھائی دے رہی تھی، تاہم رقیب الحسن کے 24، عبدالغفار کے 16 اور ریپون منڈول کے 11 رنز نے میچ کو سپر اوور تک پہنچا دیا۔پاکستان کی جانب سے صفیان مقیم نے شاندار باؤلنگ کرتے ہوئے صرف 11 رنز کے عوض 3 شکار کیے، احمد دانیال اور عرفات منہاس نے 2،2 جبکہ معاذ صداقت اور سعد مسعود نے ایک، ایک وکٹ حاصل کی۔

پاکستان نے زمبابوے کو 69 رنز سے شکست دے کر فائنل میں جگہ بنا لی

افغان طالبان ترجمان کا سوشل میڈیا اکاؤنٹ بھارت سے چلنے کا انکشاف
ضمنی انتخابات میں کشیدگی، پی ٹی آئی کے دھاندلی کے الزامات