اولمپیئن اصلاح الدین نے لیگل نوٹس کا جواب نہ دینے پر ناصر علی پر ہتک عزت کا دعوی دائر کردیااصلاح الدین نے ناصر علی کو اسمگلنگ کا الزام لگانے پر 50 کروڑ روپے ہرجانے کا نوٹس بھیجا تھا،
لیگل نوٹس کے مطابق ناصر علی کو الزامات کے ثبوت دینے کیلئے 14 دن کی مہلت دی گئی تھی مہلت گزر گئی اولمپیئن ناصر علی نے نہ ہی ثبوت فراہم کئے اور نہ ہی معافی مانگی اولمپیئن اصلاح الدین نے کہا ناصر علی کے خلاف اب قانونی کارروائی کی جائیگی ، ناصر علی نے بے بنیاد الزام لگا کر میری شہرت کو نقصان پہنچایا ہے، اصلاح الدین نے کہا کہ مجھ پر لگائے گئے الزامات ناصر علی کو عدالت میں ثابت کرنا ہونگے، اصلاح الدین اولمپیئن اختر رسول اور اولمپیئن شہناز شیخ نے بھی ناصر علی کو الزمات لگانے پر لیگل نوٹس بھیجا تھا،
Category: کھیل
-
سابق ہاکی لیجینڈز پر لگائے گئے الزامات اولمپیئن ناصر علی کے گلے پڑگئے
-
دورہ سری لنکا کیلئے قومی کرکٹ اسکواڈ کا اعلان ، بابراعظم کپتان مقرر
باغی ٹی وی کی رپورٹ کے مطابق پاکستان نے سری لنکا کے خلاف ٹیسٹ سیریز کیلئے قومی ٹیم کا اعلان کر دیا ہے
قومی سلیکشن کمیٹی نے اعلان کردہ 16 رکنی ٹیم میں فاسٹ بولر شاہین شاہ آفریدی اورحسن علی کو بھی شامل کیا ہے،قومی اسکواڈ میں سرفراز احمد بھی شامل ہیں، قومی اسکواڈ میں دو کھلاڑیوں محمد حریرہ اورعامر جمال کو پہلی بار شامل کیا گیا، سابق جنوبی افریقن کرکٹر مورنے مورکل بولنگ کوچ ہوں گے
ٹیم کا انتخاب سری لنکا کی کنڈیشنز کو مدنظر رکھتے ہوئے کیا گیا ہے جس میں چار اسپنرز ،چار فاسٹ بولرز ،چھ مستند بیٹرز اوردو وکٹ کیپرز شامل ہیں تاہم فاسٹ بولر شاہین شاہ آفریدی اورسرفراز احمد کی ٹیسٹ کرکٹ میں واپسی ہوگئی ہے انہیں آئندہ ماہ سری لنکا کے دورے میں کھیلی جانے والی دو ٹیسٹ میچوں کی سیریز کے لیے پاکستانی کرکٹ ٹیم میں شامل کرلیا گیا ہے
🚨 16-strong squad for our first assignment of the 2023-25 ICC World Test Championship 💪
Read more ➡️ https://t.co/IwunZOcj6i#SLvPAK pic.twitter.com/Pj1YWUmWxg
— Pakistan Cricket (@TheRealPCB) June 17, 2023
سری لنکا کے خلاف ہونے والی دو ٹیسٹ میچوں کی یہ سیریز دراصل تیسری آئی سی سی ورلڈ ٹیسٹ چیمپئن شپ میں پاکستان ٹیم کی پہلی سیریز ہوگی
پاکستانی اسکواڈ میں بابراعظم ( کپتان ) ،محمد رضوان ( نائب کپتان اور وکٹ کیپر ) ،عامر جمال، عبداللہ شفیق، ابرار احمد ،حسن علی، امام الحق، محمد حریرہ، محمد نواز، نسیم شاہ، نعمان علی، سلمان علی آغا، سرفراز احمد (وکٹ کیپر)، سعود شکیل، شاہین آفریدی اور شان مسعود کو شامل کیا گیا ہے
انڈیا میں ساف چیمپئن شپ میں شرکت کے لیے وزارت خارجہ اور وزارت داخلہ سے کلیئرنس مل گئی
-
ٹور ڈی سوئس سائیکل ریس میں سائیکلیسٹ خطرناک حادثے کا شکار
ٹور ڈی سوئس سائیکل ریس کے دوران ایک سائیکلسٹ کھائی میں گر کر ہلاک ہوگیا جس کے بعد ریس ملتوی کردی گئی۔سوئٹزرلینڈ سے تعلق رکھنے والے 29 سالہ سائیکلسٹ جینو میدر ریس کے دوران ایک خطرناک حادثے کا شکار ہوئے جنہیں زخمی حالت میں اسپتال منتقل کیا گیا۔سوئس سائیکلسٹ اسپتال میں زخموں کی تاب نہ لاتےہوئے دم توڑ گئے۔ منتظمین نے ٹور ڈی سوئس سائیکل ریس حادثے کے باعث ملتوی کردی ہے جینو میدر ٹور ڈی سوئس میں اپنی ٹیم بحرین وکٹوریس کی نمائندگی کر رہے تھے اور ریس کے پانچویں مرحلے میں حادثے کا شکار ہوگئے۔ریس کے منتظمین کی جانب سے بیان کے مطابق ریس کے پانچویں مرحلے میں جبکہ 200 کلو میٹرز کا فاصلہ طے کیا جاچکا تھا اور ریسرز اختتامی لائن کی جانب بڑھ رہے تھے، سوئس سائیکلسٹ کی تیز رفتار سائیکل امریکن سائیکلسٹ میگنس شیفلڈ سے ٹکراگئی جس کے بعد جینو میدر کھائی میں جا گرے۔منتظمین کے مطابق جینو میدر کھائی کے نیچے پانی میں بے سدھ پائے گئے جنہیں فوری طور پر اسپتال منتقل کیا گیا لیکن وہ جانبر نہ ہوسکے۔امریکی سائیکلسٹ جن سے جینو میدر کی ٹکر ہوئی تھی انہیں بھی شدید چوٹیں آئیں تاہم ان کی حالت خطرے سے باہر ہے۔
-
ہائیبرڈ ماڈل ایک حل ہے،بلیک میلنگ نہیں پی سی بی چئیر مین نجم سیٹھی
چئیر مین پی سی بی نجم سیٹھی کی میڈیا سے گفتگو،ہائیبرڈ ماڈل ایک حل ہے بلیک میلنگ نہیں،جس کے لئے ہم نے بہت محنت کی،نجم سیٹھی کا کہنا ہے کہ انڈین میڈیا نے اس حوالے سے غلط خبریں چلائی،جس سے صاف واضح تھا کہ ہائیبرڈ ماڈل کا نام کسی طرح ورلڈ کپ سے جوڑا جائے،اے سی سی کی پریس ریلیز میں ہائبر ڈ ماڈل کا لفظ استعمال کیا گیا ،بھارت کی تجویز تھی کہ کہ پورا ایشیاء کپ ایک ہی نیوٹرل وینیو پر کیا جائے،نجم سیٹھی نے آگے بتایا کہ انڈیا کا آئی سی سی بڑا اثر و رسوخ ہے تو اپ سوچھے کہ اے سی سی میں کتنا ہوگا، ہمیں ایگزیکٹو کمیٹی میں بھی نہیں بٹھایا جاتا تھا وہاں سے سارے خود ساختہ فیصلے کئے جاتے تھے،اور ہمیں پوچھا بھی نہیں جاتا تھا،اس قسم کے حالات کو بدلنے کے لئے ہمیں بہت محنت کرنی پڑی جس کے لئے دبئی اور بحرین میں کافی خفیہ اور کھلے میٹنگز کئے گئے،تب جا کہ ہم یہاں پہنچے کہ ایشیاءکپ میں ہمیں راستہ ملا،اے سی سی میں ہائبرڈ ماڈل کا نام آنا ہماری کامیابی ہے کیونکہ ایک وقت ایسا آئے کا کہ اس ماڈل کو مکمل طور پر تسلیم کیا جائے گا،، ایک سوال کے جواب میں نجم سیٹھی نے کہا کہ پاکستان، بھارت کے درمیان جہاں بھی میچ ہوگا وہ ’فل ہاؤس‘ ہوگا، ایشین کرکٹ کونسل چاہتا ہے کہ دونوں ممالک کے درمیان دو میچز ہوں اور اگر دونوں کے درمیان فائنل ہوجائے تو پھر مزید بہترہے۔
انہوں نے کہا کہ اگر پاکستان میں کرکٹ کو لانا ہے تو کچھ اقدامات اٹھانے ہوں گے۔
ایک اور سوال پر انہوں نے کہا کہ ایک دوسرے کے پاس جانے کے حوالے سے نہ ہم کوئی فیصلہ کر سکتے ہیں نہ ہی بھارتی کرکٹ بورڈ، بلکہ یہ فیصلہ حکومتیں کر سکتی ہیں، ایشین کرکٹ کونسل کے شیڈول میں بھارت کے مختلف شہروں میں کرکٹ میچز کھیلنے کا کہا گیا مگر حکومت سے منظوری کے بغیر ہم کیسے مںظوری دے سکتے ہیں۔
انہوں نے کہا کہ ہم نےآئی سی سی کو بھی کہا کہ اگر ہماری حکومت سیکیورٹی کے پیش نظر ہمیں اجازت دے گی تو ہم آئیں گے اگر اجازت نہ دی گئی تو نہیں آئیں گے۔ -
پاکستانی خواتین کرکٹ ٹیم کے مصروف شیڈول کا اعلان
پاکستانی خواتین کرکٹ ٹیم کے مصروف شیڈول کا اعلان
جنوبی افریقہ کی خواتین کرکٹ ٹیم اس سال اگست ستمبر میں پہلی مرتبہ پاکستان کا دورہ کرے گی ۔ جنوبی افریقی ٹیم کے اس دورے سے پاکستانی خواتین کرکٹ ٹیم کے 24-2023 ء سیزن کا باقاعدہ آغاز ہوگا۔
جنوبی افریقہ کی خواتین کرکٹ ٹیم اس دورے میں تین ٹی ٹوئنٹی انٹرنیشنل اور آئی سی سی ویمنز چیمپئن شپ25-2023 کے سلسلے کے تین ون ڈے انٹرنیشنل میچز کھیلے گی۔کراچی میں یہ میچز یکم سے 14 ستمبر تک کھیلے جائیں گے۔
پاکستان اس وقت تین سیریز میں 9 ون ڈے انٹرنیشنل میچز کھیل کر 5 فتوحات کے ساتھ پوائنٹس ٹیبل پر دوسرے نمبر پر ہے جبکہ جنوبی افریقہ نے تین ون ڈے انٹرنیشنل میچوں کی ایک سیریز کھیلی ہے اور اس کے 6 پوائنٹس ہیں۔یاد رہے کہ 16-2014 کی پہلی آئی سی سی ویمنز چیمپئن شپ میں پاکستان نے جنوبی افریقہ کے خلاف شارجہ میں سیریز کھیلی تھی جو جنوبی افریقہ نے دو ایک سے جیتی تھی جبکہ 20-2017 کی چیمپئن شپ میں پاکستانی ٹیم نے جنوبی افریقہ کا دورہ کیا تھا وہ سیریز ایک ایک سے برابر رہی تھی سیریز کا تیسرا ون ڈے انٹرنیشنل بینونی میں ٹائی ہوگیا تھا۔
حالیہ برسوں کے دوران جو بڑی ٹیمیں پاکستان آئی ہیں ان میں جنوبی افریقہ چوتھی بڑی ٹیم ہوگی ۔ جنوری 2019ء میں ویسٹ انڈیز کی خواتین کرکٹ ٹیم نے کراچی میں تین ٹی ٹوئنٹی انٹرنیشنل کھیلے تھے۔مئی اور نومبر 2022ء میں سری لنکا اور آئرلینڈ کی ٹیمیں کراچی اور لاہور میں ون ڈے انٹرنیشنل اور ٹی ٹوئنٹی انٹرنیشنل کھیلی تھیں اس کے علاوہ سات ممالک کی گیارہ کرکٹرز نے جن میں تین کپتان بھی شامل ہیں اس سال مارچ میں خواتین لیگ کے تین نمائشی میچوں میں حصہ لیا تھا۔
جنوبی افریقہ کی خواتین ٹیم کے خلاف سیریز آئی سی سی ویمنز چیمپئن شپ کی ان پانچ سیریز میں ایک ہے جو پاکستانی ٹیم24-2023 کے سیزن میں کھیلے گی۔ اکتوبر میں پاکستانی خواتین کرکٹ ٹیم بنگلہ دیش کا دورہ کرے گی۔ نومبر میں وہ نیوزی لینڈ کے دورے پر ہوگی جبکہ مئی 2024ء میں اسے انگلینڈ کا دورہ کرنا ہے۔پاکستان اپریل 2024ء میں ویسٹ انڈیز کی ٹیم کی میزبانی کرے گا۔
اس کا مطلب یہ ہوگا کہ پاکستانی خواتین ٹیم اگلے بارہ ماہ کے دوران آئی سی سی چیمپئن شپ کے پندرہ ون ڈے انٹرنیشنل اور سترہ ٹی ٹوئنٹی انٹرنیشنل میچز کھیلے گی۔ ٹی ٹوئنٹی انٹرنیشنل میچوں کی تعداد میں اضافہ بھی ہوسکتا ہے کیونکہ امکان ہے کہ پاکستانی ٹیم ستمبر میں چین کے شہر ہانگ ژو میں ہونے والے ایشین گیمز میں بھی حصہ لے۔ یاد رہے کہ پاکستانی خواتین کرکٹ ٹیم نے 2010میں گوانگ ژو اور 2014میں انچیون میں منعقدہ ایشین گیمز میں گولڈ میڈل جیتا تھا۔پاکستان کرکٹ بورڈ ویمنز ونگ نے مستقبل کو مدنظر رکھتے ہوئے نئے ٹیلنٹ کو سامنے لانے کی غرض سے اکتوبر میں ویسٹ انڈیزایمرجنگ ٹیم کے خلاف اور بنگلہ دیش ایمرجنگ کے خلاف جنوری میں دو ایمرجنگ سیریز بھی شیڈول کی ہیں۔ویسٹ انڈیز ایمرجنگ کے خلاف پاکستان تین ون ڈے اور تین ٹی ٹوئنٹی میچز کھیلے گی جبکہ بنگلہ دیش کے دورے میں پاکستان انڈر 19 ٹیم پانچ ٹی ٹوئنٹی میچ کھیلے گی۔
جنوبی افریقہ کے خلاف ہونے والی سیریز ندا ڈار کی بحیثیت کپتان پہلی سیریز ہوگی۔وہ ابتک 99 ون ڈے انٹرنیشنل اور130 ٹی ٹوئنٹی انٹرنیشنل میچوں میں پاکستان کی نمائندگی کرچکی ہیں۔
کپتان ندا ڈار کا کہنا ہے کہ پاکستانی ویمنز ٹیم کے لیے اگلے بارہ ماہ بہت مصروف ہیں اور وہ آنے والے میچوں کے سلسلے میں بہت ُپرجوش ہیں۔ان میچوں سے کھلاڑیوں کو قیمتی تجربہ حاصل ہوگا اور ایکسپوژر ملے گا۔
ندا ڈار کو اس بات کی خوشی ہے کہ جنوبی افریقہ کے خلاف سیریز بحیثیت کپتان ان کی پہلی سیریز ہوگی جسے وہ نہ صرف اپنے ون ڈے میچوں کی سنچری مکمل کرکے یادگار بنانا چاہتی ہیں بلکہ وہ آئی سی سی چیمپئن شپ میں قیمتی پوائنٹس بھی حاصل کرنا چاہتی ہیں تاکہ پاکستانی ٹیم اوپر کی پوزیشن پر اختتام کرسکے تاہم انہیں اس بات کا اندازہ ہے کہ اس کے لیے انہیں غیرمعمولی کارکردگی کا مظاہرہ کرنا ہوگا کیونکہ جنوبی افریقہ تجربہ کار ٹیم ہے جس میں اعلی معیار کی کھلاڑی موجود ہیں۔
جنوبی افریقہ کی ٹیم کی اس سال آئی سی سی ویمنز ٹی ٹوئنٹی ورلڈ کپ میں جنوبی افریقہ کی کپتانی کرنے والی سونے لیز جو راولپنڈی میں ویمنز لیگ کے نمائشی میچ بھی کھیل چکی ہیں کا کہنا تھا کہ وہ دوبارہ پاکستان آکر دو طرفہ سیریز کھیلنے پر خوش ہیں۔ وہ ویمنز لیگ کے دوران پاکستان کی میزبانی اور شائقین کے جوش وخروش سے متاثر ہوچکی ہیں۔تمام کھلاڑی بہت ملنسار تھیں اور پاکستان آنا ایک اچھا تجربہ رہا تھا۔ان کا کہنا ہے کہ پاکستانی ٹیم اپنے ملک میں ایک خطرناک ٹیم ہے اور یہ ایک اچھی سیریز ہوگی۔ون ڈے سیریز آئی سی سی ویمنز چیمپئن شپ کا حصہ ہے اور یہ ویمنز کرکٹ کے لیے بہت اہم ہوگی۔
پاکستانی خواتین کرکٹ ٹیم کا آئی سی سی ویمنز چیمپئن شپ کا شیڈول کچھ اس طرح ہے۔
بمقابلہ جنوبی افریقہ ( تمام میچز کراچی میں ہونگے)۔
ستائیس اگست ۔جنوبی افریقی ٹیم کی آمد۔
یکم ستمبر۔ پہلا ٹی ٹوئنٹی انٹرنیشنل بمقابلہ جنوبی افریقہ ۔
تین ستمبر دوسرا ٹی ٹوئنٹی انٹرنیشنل بمقابلہ جنوبی افریقہ ۔
پانچ ستمبر ۔ تیسرا ٹی ٹوئنٹی انٹرنیشنل بمقابلہ جنوبی افریقہ ۔
آٹھ ستمبر پہلا ون ڈے انٹرنیشنل بمقابلہ جنوبی افریقہ۔
گیارہ ستمبر ۔ دوسرا ون ڈے انٹرنیشنل بمقابلہ جنوبی افریقہ۔
چودہ ستمبر تیسرا ون ڈے انٹرنیشنل بمقابلہ جنوبی افریقہ ۔
اکتوبر-نومبر 2023 پاکستانی ٹیم کا دورۂ بنگلہ دیش ( تین ون ڈے انٹرنیشنل تین ٹی ٹوئنٹی انٹرنیشنل ) ۔
نومبر-دسمبر 2023۔ پاکستانی ٹیم کا دورۂ نیوزی لینڈ ( تین ون ڈے انٹرنیشنل اور تین ٹوئنٹی انٹرنیشنل )
اپریل-مئی 2024۔ ویسٹ انڈیز کا دورۂ پاکستان ( تین ون ڈے انٹرنیشنل اور پانچ ٹی ٹوئنٹی انٹرنیشنل ) ۔
مئی 2024ء ۔پاکستانی ٹیم کا دورۂ انگلینڈ ( تین ون ڈے انٹرنیشنل اور تین ٹوئنٹی انٹرنیشنل )۔
اضافی سیریز۔
ستمبر2023 ایشین گیمز۔ چین ۔
اکتوبر-نومبر 2023۔ویسٹ انڈیز ایمرجنگ ٹیم کا دورہ پاکستان ( تین ٹی ٹوئنٹی اور تین ون ڈے ) ۔جنوری 2024۔ پاکستان انڈر19 ٹیم کا دورۂ بنگلہ دیش ( پانچ ٹی ٹوئنٹی )۔
پاکستانی ویمنز ٹیم کی آئی سی سی ویمنز چیمپئن شپ میں کارکردگی ۔
بمقابلہ سری لنکا ۔ دو ایک سے جیتی۔
بمقابلہ آئرلینڈ۔ تین صفر سے جیتی۔
بمقابلہ آسٹریلیا تین صفر سے شکست ۔انڈیا میں ساف چیمپئن شپ میں شرکت کے لیے وزارت خارجہ اور وزارت داخلہ سے کلیئرنس مل گئی
-
سری لنکن کر کٹ ٹیم کے سابق کپتان سابق وزیر اعظم بے نظیر بھٹو کے پرستار نکلے
سری لنکن کرکٹ ٹیم کے سابق کپتان ارجنا رانا ٹنگا کا کہنا ہے کہ پاکستان سے یادگار یادیں جڑی ہیں، وہ دن نہیں بھول سکتا جس دن محترمہ بینظیربھٹو نے کرکٹ ورلڈ کپ کی ٹرافی دی تھی۔ سری لنکا میں وفاقی وزیر بین الصوبائی رابطہ احسان مزاری سے سری لنکن کرکٹ ٹیم کے سابق کپتان ارجنا رانا ٹنگا کی ملاقات ہوئی۔ ارجنا رانا ٹنگا سابق وزیراعظم محترمہ بینظیر بھٹو کے فین نکلے، انہوں نے ملاقات میں 1996 کرکٹ ورلڈ کپ کی یادیں تازہ کیں دوران ملاقات سابق کپتان نے کہا کہ سابق وزیراعظم بےنظیر بھٹو ایک عظیم خاتون شخصیت تھیں، وہ دن نہیں بھولتا جب بینظیر بھٹو نے کرکٹ ورلڈ کپ ٹرافی دی، پاکستان کیساتھ یادگار یادیں جڑی ہیں۔ انہوں نے احسان مزاری سے بلاول بھٹو سے متعلق بھی دریافت کیا۔وفاقی وزیر احسان مزاری کا کہنا تھا کہ پاکستان کرکٹ سے محبت کرنیوالا ملک ہے، پاکستان کرکٹ ٹیم نے ٹیسٹ میچز کھیلنے کیلئے سری لنکا کا دورہ کرنا ہے، کرکٹ سمیت دیگر کھیلوں میں سری لنکا کیساتھ تعلقات مزید مستحکم کرینگے ،واضح رہے کہ لیجنڈری ارجنا رانا ٹنگا سری لنکن سپورٹس کونسل کے سربراہ بھی ہیں۔
-
پاکستان ،سری لنکا ٹیسٹ سیریز اگلے مہینے ہونے کا امکان
پاکستان اور سری لنکا کے درمیان ٹیسٹ سیریز 16 جولائی سے شروع ہونے کا امکان ہے۔ذرائع کے مطابق سری لنکا کرکٹ اگلے چند روز میں سیریز کے شیڈول کا اعلان کرے گا۔ذرائع کا کہنا ہے کہ سیریز کے ٹیسٹ میچز کولمبو اور گال میں ہونے کا امکان ہے جو کہ 16 سے 20 اور 24 سے 28 جولائی کو ہو سکتے ہیں۔ ذرائع کے مطابق لنکا پریمیئر لیگ سے قبل یہ ٹیسٹ سیریز مکمل ہو جائے گی جو کہ آئی سی سی ٹیسٹ چیمپئن شپ کا حصہ ہے۔
ذرائع کے مطابق لنکا پریمیئر لیگ 31 جولائی سے 22 اگست تک کھیلی جائے گی۔ -
ساف چیمپئن شپ میں شرکت،پاکستانی فٹبال ٹیم کو بھارت میں کلیئرنس مل گئی
پاکستان فٹبال ٹیم کو انڈیا میں ساف چیمپئن شپ میں شرکت کے لیے وزارت خارجہ اور وزارت داخلہ سے کلیئرنس مل گئی۔ساف فٹبال چیمپئن شپ 21 جون سے 4 جولائی تک بھارت کے شہر بنگلورو میں کھیلا جائے گا ، ایونٹ میں پاکستان فٹبال ٹیم کو شرکت کے لیے دو اہم وزارتوں، وزارت خارجہ اور وزارت داخلہ سے کلیئرنس مل گئی ہے۔وزات خارجہ نے 2 جون کو جبکہ وزارت داخلہ نے 15 جون کو خط جاری کیا جس کے بعد باضابطہ این او سی بین الصوبائی رابطے کی وزارت، پاکستان اسپورٹس بورڈ سے جاری کرے گی دوسری جانب پاکستان نے دو روز قبل ماریشیز میں بھارتی ایمبیسی میں ویزوں کے لیے اپلائی کر دیا تھا جہاں قومی ٹیم چار ملکی ٹورنامنٹ کے لیے موجود ہے۔
بھارتی حکام کو جہاں تمام دستاویزات مہیا کر دی گئی ہیں جن میں انڈین حکومت کی کلیئرنس بھی شامل ہے تاہم بھارتی سفارت خانے نے مطالبہ کیا ہے کہ پاکستان فٹبال ٹیم کو ماریشیز سے ویزا سے اجرا کے لیے ماریشیز میں پاکستانی سفارت خانے سے تحریری کلیئرنس درکار ہو گی۔جس کے بعد پاکستان فٹبال ٹیم 18 جون کو ماریشیز سے بھارت کے لیے روانہ ہو جائے گی۔ -
ایشینز سیریز ٹیسٹ کا آغاز کل سے ہو رہا ہے،
کرکٹ کی تاریخ ساز ’’ایشز سیریز‘‘ کل سے شروع ہو گی روایتی حریف انگلینڈ اور آسٹریلیا کے درمیان پانچ ٹیسٹ میچز کھیلے جائیں گے مہمان کینگروز اعزاز کا دفاع کریں گے ۔برمنگھم میں افتتاحی ٹیسٹ پاکستانی وقت کے مطابق دن تین بجے شروع ہو گا روایتی حریفوں نے بڑے مقابلوں کی بڑی تیاریاں کر لیں ٹریننگ، فٹنس اور جوش و خروش سب مکمل کر دیا گیا، میچ کے لئے کھلاڑی ہی نہیں پرستار بھی پرجوش اچھی کرکٹ سے محظوظ ہونے کے لیے بے تاب ہے،آسٹریلیا کو ٹیسٹ چیمپئن بننے کا مان اور اعزاز کا دفاع کرنے کا پلان بھی کر لیا گیا ہے
میزبان انگلینڈ کی بھی جیت پر نظریں ہے جبکہ انجری کا شکار جیک لیچ کی جگہ تجربہ کار معین علی پرعزم دکھائی دے رہے ہے،
اٹھارہ سو بیاسی سے کھیلی جا رہی ایشیز سیریز میں انگلینڈ نے پہلی بارہ سیریز جیتنے کا شاندار بلکہ یادگار آغاز کیا لیکن مجموعی طور پر آسٹریلیا کو برتری حاصل ہے اب تک تین سو چالیس کھیلے گئے ایشز ٹیسٹ میچز میں سے ایک سو چالیس جیتے ا یک سو آٹھ میں انگلش کھلاڑی فاتح جبکہ بانوے مقابلے بے نتیجہ رہے ہے، -
ایشیا کپ 2023 کے شیڈول کا اعلان
اسلام آباد، ایشین کرکٹ کونسل نے پی سی بی کی ہائبرڈ ماڈل کی تجویز منظور کرلی
اے سی سی کے مطابق ایشیا کپ پاکستان اور سری لنکا میں کھیلا جائےگا،ایشیا کپ 31 اگست سے 17 ستمبر تک کھیلا جائےگا، اے سی سی چار میچز پاکستان جبکہ 9 میچز سری لنکا میں ہوں گے
ایشیا کپ 2023 کے شیڈول کا اعلان کر دیا گیا، ایشیا کپ 31 اگست سے 17 ستمبر تک ہو گا جس میں پاکستان سمیت بھارت، سری لنکا، بنگلادیش، افغانستان اور نیپال کی ٹیمیں حصہ لیں گی ٹورنامنٹ ہائبرڈ ماڈل کے تحت کھیلاجائے گا ایونٹ کے چار میچز پاکستان اور 9 میچز سری لنکا میں ہوں گے ،50 اوورز کا ایونٹ دو مرحلوں میں کھیلا جائے گا پہلے پاکستان چار میچوں کی میزبانی کرے گا جب کہ بقیہ 9 میچ سری لنکا میں کھیلے جائیں گے
ایشیا کپ میں ٹیموں کو 2 گروپس میں رکھا گیا ہے ٹاپ کی دو ٹیمیں سُپر فور مرحلے میں کوالیفائی کریں گی سُپر فور کی دو ٹاپ ٹیموں کےدرمیان فائنل کھیلا جائے گا
Dates and venues have been finalised for the Asia Cup 2023! The tournament will be held from 31st August to 17th September in a hybrid model – with 4 matches being held in Pakistan and the rest in Sri Lanka! https://t.co/bvkfSSAp9w#AsiaCup #ACC
— AsianCricketCouncil (@ACCMedia1) June 15, 2023
ایشین کرکٹ کونسل کا کہنا ہے کہ ہم دنیا بھر سے شائقین کا خیرمقدم کرنے کے منتظر ہیں کہ وہ کرکٹ کے اس جشن کا بہترین مشاہدہ کریں
نجم سیٹھی کا کہنا ہے کہ ایشیا کپ پاکستان لانے کا وعدہ پورا کردیا ، خوشخبری دے رہا ہوں ایشاکپ ستمبر میں پاکستان آرہا ہے ، ایشا کپ کا ہائبرڈ ماڈل پیش قدمی ہے مزید دروازے کھلیں گے ،
پاکستان کرکٹ ٹیم ایشیاکپ 2023 میں شرکت نہیں کرے گی،بھارتی میڈیا
حسن علی نے سرفراز کو کراچی کا سلمان خان قرار دے دیا
پاکستانی باؤلر حارث رؤف دنیا کے بہترین ڈیتھ باؤلرز میں سے ایک ہیں،سابق بھارتی کرکٹر