Category: کھیل

ایشین کرکٹ کونسل (اے سی سی) کے صدر محسن نقوی نے کہا ہے کہ کرکٹ کو ایشیا کے زیادہ سے زیادہ ممالک تک فروغ دینا چاہتے ہیں، اس سلسلے میں اے سی سی کے نئے ٹورنامنٹس کا حتمی پلان طلب کرلیا گیا ہے۔

دبئی میں محسن نقوی کی صدارت میں ہونے والے اجلاس میں قطر کے دارالحکومت دوحا میں 14 سے 23 نومبر تک شیڈول رائزنگ اسٹارز ایشیا کپ کے انتظامات کا جائزہ لیا گیا۔ اجلاس میں انڈر 19 پریمیئر ایشیا کپ کی تیاریوں اور مینز ٹی20 ایشیا کپ کے ویورز شپ پر بھی اطمینان کا اظہار کیا گیا۔اجلاس میں اے سی سی کے ایسوسی ایٹ ممبران کے درمیان لیگ کرانے اور نئے ایونٹس جیسے ’لیجنڈ آف ایشیا کپ‘ پر غور کیا گیا، جب کہ وویمنز کرکٹ کے زیادہ میچز کرانے پر بھی اتفاق ہوا

نیو یارک اور لندن کے میئر کو مذہبی عقیدے کی بنیاد پر تنقید کا سامنا

حکومت 27ویں آئینی ترمیم پاس کروانے میں جلدی میں نہیں، خواجہ آصف

ہیلمٹ نہ پہننے پر شہری کو 21 لاکھ روپے کا چالان

27ویں آئینی ترمیم،شہباز شریف نے سینیٹرز کو اعشائیے پر مدعو کرلیا

ایشیا کپ ٹرافی کے معاملے پر پاکستان اور بھارت کے کرکٹ بورڈز کے درمیان تعلقات میں بہتری کے آثار نظر آنے لگے ہیں۔

بھارتی کرکٹ بورڈ (بی سی سی آئی) کے سیکریٹری دیواجیت سائیکیا نے کہا ہے کہ اس تنازع کے حل کے لیے آئی سی سی کے سینئر عہدیداران کردار ادا کر رہے ہیں اور امید ہے کہ معاملہ باہمی افہام و تفہیم سے طے پا جائے گا۔بھارتی میڈیا سے گفتگو میں انہوں نے بتایا کہ آئی سی سی یا کسی اور ادارے کے سنگین اقدام سے قبل ہی یہ مسئلہ دونوں بورڈز کے درمیان بات چیت کے ذریعے حل ہو جائے گا۔

دیواجیت سائیکیا نے کہا کہ دونوں سائیڈز ایشیا کپ ٹرافی کے تنازع کو جلد حل کرنے کے لیے سنجیدہ ہیں، ہمارا پورا ملک اور بی سی سی آئی ٹرافی کے منتظر ہیں۔ ان کے مطابق آئی سی سی کے ایجنڈے میں یہ معاملہ شامل نہیں تھا، تاہم چیئرمین پی سی بی محسن نقوی سے علیحدہ ملاقات میں اس پر تفصیلی بات چیت ہوئی جس میں آئی سی سی کا سینئر عہدیدار بھی موجود تھا۔

انہوں نے مزید کہا کہ دونوں ممالک کے درمیان برف پگھلنے لگی ہے اور مختلف آپشنز زیر غور ہیں، اگر پیش رفت مثبت رہی تو آنے والے دنوں میں یہ مسئلہ حل کر لیا جائے گا

کابینہ اجلاس میں بلدیاتی حکومتوں پر ایم کیو ایم کا مجوزہ بل منظور، مصطفیٰ کمال

تیسرے ون ڈے میں جنوبی افریقہ کی بیٹنگ جاری، پاکستان کی ٹیم میں دو تبدیلیاں

فیصل آباد کے اقبال اسٹیڈیم میں پاکستان اور جنوبی افریقہ کے درمیان تیسرے ایک روزہ میچ میں مہمان ٹیم کی بیٹنگ جاری ہے۔

جنوبی افریقہ نے ٹاس جیت کر پہلے بیٹنگ کا فیصلہ کیا اور 11.1 اوورز میں بغیر کسی نقصان کے 50 رنز بنا لیے ہیں، دونوں اوپنرز کریز پر موجود ہیں۔پاکستان ٹیم میں دو تبدیلیاں کی گئی ہیں، حارث رؤف اور ابرار احمد کی واپسی ہوئی ہے جبکہ نسیم شاہ اور وسیم جونیئر کو ڈراپ کیا گیا ہے۔واضح رہے کہ دوسرے ون ڈے میں جنوبی افریقہ نے اوپنر کوئنٹن ڈی کاک کی ناقابلِ شکست سنچری کی بدولت پاکستان کو 8 وکٹوں سے شکست دی تھی، جس سے تین میچوں کی سیریز ایک، ایک سے برابر ہوگئی تھی۔

دوسرے میچ میں پاکستان کے 270 رنز کے ہدف کا تعاقب کرتے ہوئے جنوبی افریقہ نے 41ویں اوور میں صرف دو وکٹوں کے نقصان پر ہدف حاصل کر لیا تھا۔ ڈی کاک اور ٹونی ڈی زور زی کی 153 رنز کی شراکت نے فتح میں اہم کردار ادا کیا۔ کوئنٹن ڈی کاک نے 119 گیندوں پر 123 رنز بنائے، جس میں 8 چوکے اور 7 چھکے شامل تھے

عمران خان کی بہنوں علیمہ خان اور عظمیٰ خان کے وارنٹ گرفتاری جاری

دبئی میں ہونے والی انٹرنیشنل کرکٹ کونسل (آئی سی سی) کی بورڈ میٹنگ میں ویمن ورلڈ کپ میں ٹیموں کی تعداد 8 سے بڑھا کر 10 کرنے کی منظوری دے دی گئی۔

میٹنگ میں چیئرمین پی سی بی محسن نقوی سمیت تمام رکن ممالک کے نمائندوں نے شرکت کی۔ اجلاس میں کرکٹ کی عالمی سطح پر ترقی کے لیے طویل المیعاد منصوبوں اور مالی اصلاحات پر بھی اتفاق کیا گیا۔آئی سی سی کے اعلامیے کے مطابق 2028 کے لاس اینجلس اولمپکس میں مینز اور ویمن کرکٹ ایونٹس میں 6، 6 ٹیمیں حصہ لیں گی، جب کہ ایسوسی ایٹ ممالک کے فنڈز میں 10 فیصد اضافے کی منظوری دی گئی ہے تاکہ وہاں کرکٹ کے انفرااسٹرکچر کو بہتر بنایا جا سکے۔میٹنگ میں ویڈیو گیمز کے کمرشل حقوق کے لیے ٹینڈر جاری کرنے کی بھی اجازت دی گئی، جس سے حاصل ہونے والے فنڈز کھیل کی ترقی پر خرچ کیے جائیں گے۔

ذرائع کے مطابق اجلاس میں ایشیا کپ ٹرافی سے متعلق معاملہ زیرِ بحث نہیں آیا، تاہم کچھ بورڈ ممبران نے غیر رسمی گفتگو میں پاکستان اور بھارت دونوں سے کہا کہ ٹرافی کا تنازع افہام و تفہیم سے حل کیا جانا چاہیے۔چیئرمین پی سی بی محسن نقوی نے اجلاس میں مؤقف اختیار کیا کہ ایشیا کپ ٹرافی کے معاملے کا حل ضروری ہے تاکہ خطے میں کرکٹ تعلقات کو مزید بہتر بنایا جا سکے

بولی وڈ اداکارہ زرین خان انتقال کر گئیں

پاک افغان مذاکرات ختم، ثالثوں نے بھی ہاتھ کھینچ لیے،خواجہٰ آصف

سیکیورٹی خدشات، جعفر ایکسپریس کی آمد و رفت 4 روز کے لیے معطل

مذاکرات ناکام، افغان طالبان کی ہٹ دھرمی، اندرونی تقسیم اور بیرونی اثرات

سری لنکا کرکٹ بورڈ نے پاکستان کے دورے کے لیے ون ڈے اور ٹی ٹوئنٹی ٹیموں کا اعلان کر دیا ہے۔

اعلامیے کے مطابق سری لنکن ٹیم پاکستان میں دو طرفہ ون ڈے سیریز کے علاوہ پاکستان اور زمبابوے کے خلاف سہ فریقی ٹی ٹوئنٹی سیریز بھی کھیلے گی۔چاریتھ اسالنکا دونوں وائٹ بال فارمیٹس میں سری لنکن ٹیم کی قیادت کریں گے، جبکہ پاتھون نسانکا، کوشال مینڈس، کامینڈو مینڈس، کامل مشرا اور جانتھ لیاناگے دونوں اسکواڈز کا حصہ ہوں گے۔ونندو ہسارنگا، مہیش ٹیکاشانا، دشمانتھا چمیرا، اسیتھا فرنینڈو اور ایشان ملنگا بھی دونوں فارمیٹس میں شامل ہیں۔

لاہیرو ادارا، سمارا وکرما، پون رتنائیکے، جافری وندارسے اور پرمود مدھوشان صرف ون ڈے کھیلیں گے، جبکہ داسون شناکا، کوشال پریرا، بھنوکا راجہ پکسا، دوشان ہیمانتھا اور نوان توشارا صرف ٹی ٹوئنٹی اسکواڈ میں شامل ہیں۔سری لنکن کرکٹ بورڈ کے مطابق ٹیم 8 نومبر کو کولمبو سے پاکستان کے لیے روانہ ہوگی

آرٹیکل 140 اے کو 27ویں ترمیم میں شامل کیا جا رہا ہے، مصطفیٰ کمال

وہاب ریاض کو کوئی نیا عہدہ نہیں دیا گیا،پی سی بی کی وضاحت

پیپلز پارٹی کی آرٹیکل 243 میں ترمیم کی حمایت، آئینی عدالتوں پر مشروط رضامندی

پاکستان کرکٹ بورڈ (پی سی بی) نے واضح کیا ہے کہ سابق ٹیسٹ کرکٹر اور چیف سلیکٹر وہاب ریاض کو بورڈ میں کوئی نئی ذمہ داری یا عہدہ تفویض نہیں کیا گیا۔

پی سی بی کے ترجمان کے مطابق وہاب ریاض بطور کنسلٹنٹ بورڈ سے منسلک ہیں اور اسی حیثیت میں خدمات انجام دے رہے ہیں۔ ترجمان نے میڈیا میں گردش کرنے والی ان خبروں کی تردید کی جن میں دعویٰ کیا گیا تھا کہ وہاب ریاض کو کسی نئے عہدے پر تعینات کیا گیا ہے۔بیان میں کہا گیا کہ بورڈ کی کسی انتظامی یا کرکٹ کمیٹی میں وہاب ریاض کی نئی شمولیت سے متعلق کوئی فیصلہ نہیں کیا گیا۔

واضح رہے کہ وہاب ریاض کو حال ہی میں قومی سلیکشن معاملات سے الگ کیا گیا تھا، تاہم پی سی بی نے ان کے تجربے سے فائدہ اٹھانے کے لیے انہیں کنسلٹنٹ کے طور پر برقرار رکھا ہے۔پی سی بی نے میڈیا سے اپیل کی ہے کہ غیر مصدقہ خبروں پر بھروسہ نہ کیا جائے اور صرف بورڈ کے باضابطہ اعلامیوں کو معتبر سمجھا جائے
سیالکوٹ: سلیم بٹ میموریل والی بال ٹورنامنٹ، اسد کلب چٹی شیخاں کی شاندار فتح