Baaghi TV

Category: کھیل

  • پی سی بی نے کرکٹر آصف آفریدی پر دو سال کی پابندی عائد کر دی

    پی سی بی نے کرکٹر آصف آفریدی پر دو سال کی پابندی عائد کر دی

    پاکستانی کرکٹر آصف آفریدی پر دو سال کی پابندی عائد

    پاکستان کرکٹ بورڈ (پی سی بی) نے اسپنر آصف آفریدی پر پی سی بی کے انسداد بدعنوانی کوڈ برائے شرکا کے تحت دو خلاف ورزیوں کے الزام میں جرم قبول کرنے کے بعد تمام طرز کی کرکٹ کھیلنے پر دو سال کی پابندی عائد کر دی ہے۔ آرٹیکل 2.4.10 کی خلاف ورزی پر آصف آفریدی کو دو سال کی نااہلی کی سزا دی گئی تھی، جب کہ آرٹیکل 2.4.4 کی خلاف ورزی پر ان پر چھ ماہ کی پابندی عائد کی گئی تھی۔ نااہلی کی دونوں مدتیں ایک ساتھ چلیں گی اور ان کی عارضی معطلی کے دن سے شروع ہوں گی، جس کا آغاز 12 ستمبر 2022 کو ہوا تھا۔

    پی سی بی منیجمنٹ کمیٹی کے چیئرمین نجم سیٹھی کا کہنا ہے کہ ’’ایک بین الاقوامی کرکٹر کو دو سال کیلئے معطل کرنے سے پی سی بی کو کوئی خوشی نہیں ہوتی لیکن ہم اس طرح کے جرائم کے خلاف زیرو ٹالرنس کا رویہ رکھتے ہیں۔ کھیل کی گورننگ باڈی کے طور پر ہمیں مثالیں بنانے، ایسے معاملات کو مضبوطی سے سنبھالنے اور تمام کرکٹرز کو مضبوط پیغامات بھیجنے کی ضرورت ہے۔‘‘ نجم سیٹھی نے مزید کہا کہ "یہ تلخ حقیقت ہے کہ بدعنوانی ہمارے کھیل کیلئے خطرہ ہے کیونکہ خود غرض بدعنوان کرکٹرز کو مختلف طریقوں اور طریقوں سے لالچ دیتے ہیں، یہی وجہ ہے کہ پی سی بی کھلاڑیوں کی تعلیم پر بہت زیادہ سرمایہ کاری کر رہا ہے تاکہ وہ چوکس رہیں اور رپورٹنگ اپروچ کے ذریعے پی سی بی کو اس لعنت کو ختم کرنے میں مدد کر سکیں اور اگر بیداری پیدا کرنے کی ہماری تمام تر کوششوں کے باوجود کوئی کھلاڑی اس لالچ کا شکار ہو جائے تو پی سی بی کو کوئی ہمدردی نہیں ہے۔‘

    خیال رہے کہ پی سی بی کے انسداد بدعنوانی کوڈ کا آرٹیکل 2.4.4 بدعنوان طرز عمل میں ملوث ہونے کیلئے موصول ہونے والے کسی بھی نقطہ نظر یا دعوت نامے کی مکمل تفصیلات پی سی بی سکیورٹی اور انسداد بدعنوانی کے محکمے کو ظاہر کرنے میں ناکامی سے متعلق ہے۔ پی سی بی کے مطابق آصف آفریدی کو نوٹس آف چارج جاری کیا گیا تھا اور پی سی بی نے 13 ستمبر 2022 کو پی سی بی اینٹی کرپشن کوڈ کے تحت انہیں عارضی طور پر معطل کر دیا تھا۔

  • کامران اکمل کا ٹیسٹ کرکٹ سے ریٹائرمنٹ کا اعلان

    کامران اکمل کا ٹیسٹ کرکٹ سے ریٹائرمنٹ کا اعلان

    قومی جونیئر سلیکشن کمیٹی کے چیئرمین اور پشاور زلمی کے بیٹنگ کنسلٹنٹ وکٹ کیپر بیٹر کامران اکمل نے باقاعدہ ٹیسٹ کرکٹ سے ریٹائرمنٹ کا اعلان کردیا۔

    پاکستان سپر لیگ (پی ایس ایل) کے 8 ویں ایڈیشن کیلئے فرنچائز کے پہلے پریکٹس سیشن کے بعد نیشنل اسٹیڈیم کراچی میں میڈیا سے گفتگو کرتے ہوئے انہوں نے کہا کہ سب نے ایک دن ریٹائر ہونا ہوتا ہے، نئی ذمے داریوں کے باعث اب کرکٹ نہیں کھیل سکوں گا، جب بھی موقع ملے گا تھوڑی بہت کرکٹ کھیل لوں گا ، سلیکٹر بننا اور کوچنگ کرنا ایک نیا رول ہے۔ کامران اکمل نے کہا کہ ابھی میری کافی کرکٹ باقی تھی، قومی ٹیم میں آنے کیلئے ڈومیسٹک کرکٹ کھیل کر کارکردگی دکھانی ہوتی ہے، اب بطور بیٹنگ کنسلٹنٹ پی ایس ایل سے منسلک ہوں، میں بڑی انٹرنیشنل لیگز کا حصہ تو نہیں بن سکوں گا لیکن لیگ کرکٹ کھیلنے کی کوشش ہوگی ۔

    انہوں نے کہا کہ قومی کپتان بابر اعظم مسلسل سیکھنے کے عمل سے گزر رہے ہیں،کوئی بھی فرد خامیوں سے مبرا نہیں ہوتا، بابر اعظم کو اپنی خامیوں کا علم ہے، قومی کپتان اپنی خامیوں کو دور کرنے کی کوشش کر رہے ہیں، بابراعظم ورلڈ کلاس پلیئر ہیں، ان کا پشاور زلمی میں آنا خوش آئند ہے۔ کامران اکمل نے کہا کہ بابر اعظم کی بیٹنگ میں کوئی خامی نہیں، وہ بتدریج بہتر سے بہتر ہو رہے ہیں، گگلی اور اسپن بولنگ کو کھیلنے کے دوران جہاں ان کو پریشانی ہوتی ہے،اس پر کام کر رہے ہیں، لیکن ہر ٹیم میں راشد خان جیسے اسپنرز نہیں، بابر اعظم کواس حوالے سے بتایا بھی ہے،کپتانی میں خامیوں کو دور کرنے پر بھی بات کی ہے۔

    کامران اکمل نے اپنے کزن بابر اعظم کے حوالے سے کہا کہ بابر میرا بھائی ہے، مجھے اس کی تعریف کرنے کی ضرورت نہیں، میں نےکبھی اپنے سگے بھائیوں عمر اکمل اور عدنان اکمل کی بھی تعریف نہیں کی، میں چاہتا ہوں میرے بھائیوں کی تعریف دنیا کرے۔ کامران اکمل نے کہا کہ 14 فروری کو کراچی میں پشاور زلمی اور کراچی کنگز کا مقابلہ دلچسپ ہوگا، کوئٹہ گلیڈی ایٹرز اور پشاور زلمی کا میچ بھی ہمیشہ سے کانٹے دار ہوتا ہے، ویسٹ انڈیز سے تعلق رکھنے والے ہیڈ کوچ ڈیرن سیمی کی موجودگی سے بابر اعظم کو سیکھنے کا موقع ملے گا، بابر کے ساتھ اوپنر کا فیصلہ ڈیرن سیمی اور بابر کریں گے۔

  • کسی کے ٹیم میں آنے جانے سے کوئی فرق نہیں پڑتا:عمادوسیم

    کسی کے ٹیم میں آنے جانے سے کوئی فرق نہیں پڑتا:عمادوسیم

    کراچی: پاکستان سپر لیگ (پی ایس ایل) کے آٹھویں سیزن میں کراچی کنگز کے کپتان عماد وسیم کا کہنا ہے کہ بابراعظم کی صلاحیتوں پر کوئی شک نہیں تاہم ٹیم میں کسی کے آنے جانے سے کوئی فرق نہیں پڑتا۔

    پی ایس ایل کی معروف فرنچائز کراچی کنگز کے کپتان نے کہا کہ اس بار جارحانہ کرکٹ کی جانب جانا چاہ رہے ہیں، ماضی میں کراچی کنگز کی قیادت کھونےکا کوئی افسوس نہیں تاہم دوبارہ ذمہ داری ملی ہے تو بہتر کھیل پیش کرنے کی کوشش کریں گے۔

    گزشتہ سیزن میں بابراعظم نے کراچی کنگز کی کپتانی کے فرائض سرانجام دیئے تھے تاہم اُس ایڈیشن میں کراچی کی ٹیم 10 میچز میں سے صرف ایک میچ جیتنے میں کامیاب ہوئی تھی۔رواں سیزن کے آغاز سے قبل ڈرافٹنگ میں پشاور زلمی کی ٹیم نے بابراعظم کو اپنے اسکواڈ میں شامل کرلیا تھا جبکہ انہیں وہاب کی جگہ کپتانی فرائض سونپے گئے ہیں۔

    ایشیا کپ: نجم سیٹھی کے بیان کے بعد اب بھارتی کرکٹ بورڈ کا بیان بھی سامنے آگیا

    اس سے پہلے قومی کرکٹ ٹیم کے آل راؤنڈر عماد وسیم نے شکوہ کرتے ہوئے کہا ہے کہ پاکستان اسکواڈ سے اخراج کی وجہ آج تک معلوم نہیں ہوسکی، سب جانتے ہیں کس کے ساتھ ناانصافی کی گئی۔کرکٹ پاکستان کو دیئے گئے انٹرویو میں قومی آل راؤنڈر عماد وسیم نے کہا کہ میں نے ہمیشہ بڑے فخر کے ساتھ پاکستان کی نمائندگی کا اعزاز پایا، اسی عزم کے ساتھ مسلسل ایکشن میں ہوں،ہار جیت کھیل کا حصہ ہے، میری دعا ہے کہ پاکستان دیگر ٹیموں کی طرح کرکٹ کھیلے۔

    انہوں نے کہا کہ مکمل فٹ اور دنیا میں مختلف لیگز کھیل رہا ہوں، پہلی ترجیح قومی ٹیم میں واپسی ہے، لیگ کرکٹ میں پیسہ اور عزت ہے مگر میں پاکستان کی نمائندگی کیلیے سب کچھ چھوڑنے کو تیار ہوں۔

    پی ایس ایل 8 نمائشی میچ:گلیڈی ایٹرز نےزلمی کو 2 رنز سے شکست دیدی

    ماضی میں فٹنس پر اٹھائے جانے والے سوالات پرعماد وسیم نےکہا کہ میری نظر میں یویو ٹیسٹ یا 2کلومیٹر بھاگنا معیارنہیں ہے،اگرکوئی 10اوورز بولنگ اور بیٹنگ کرتے ہوئے میچ جتواتا ہے تو ٹھیک ہے صرف ٹیم سے نکالنے کیلئے فٹنس کا جواز پیش کرنا درست نہیں۔
    انہوں نے کہا کہ سال 2019 کے بعد کبھی کسی فٹنس ٹیسٹ میں ناکام نہیں ہوا،اس طرح کی باتیں پھیلائی گئیں کہ مجھے نکالا جاسکے۔ اگر میرے اندر صلاحیت نہ ہوتی تو دنیا بھر کی لیگز نہ کھیل رہا ہوتا۔

  • پی ایس ایل8: پشاور زلمی کے ہیڈ کوچ ڈیرن سیمی کراچی پہنچ گئے

    پی ایس ایل8: پشاور زلمی کے ہیڈ کوچ ڈیرن سیمی کراچی پہنچ گئے

    پاکستان سپر لیگ 8 کے لیے پشاور زلمی کے ہیڈ کوچ ڈیرن سیمی کراچی پہنچ گئے۔

    باغی ٹی وی: کراچی پہنچنے کے بعد ڈیرن سیمی نے وکٹری کا نشان بناکر تصاویر بنوائیں اس موقع پر ڈیرن سیمی نے کہا کہ پاکستان میرا دوسرا گھر ہے۔

    پی ایس ایل 8 نمائشی میچ:گلیڈی ایٹرز نےزلمی کو 2 رنز سے شکست دیدی

    خیال رہے کہ پشاور زلمی کے کھلاڑی پہلے ہی کراچی پہنچ چکے ہیں پی ایس ایل کے آٹھویں ایڈیشن میں بابر اعظم پشاور زلمی کی قیادت کریں گے پشاور زلمی کے تمام پاکستانی پلئیرز اور کوچز کراچی پہنچ گئے ہیں-


    پشاور زلمی کے غیر ملکی کرکٹرز 10 فروری کے بعد کراچی پہنچنا شروع ہوں گے۔ پشاور زلمی پی ایس ایل 8 میں پہلا میچ 14 فروری کو کراچی کنگز کے خلاف کھیلے گی۔

    ویڈیو:لاہورقلندرز کی ایچ بی ایل پی ایس ایل 8 کے لیے تیاریوں کا تیسرا روز

  • اگر ایشیا کپ کیلئے بھارت پاکستان نہیں آتا تو بھاڑ میں جائے،ہمیں ہماری کرکٹ مل رہی ہے،جاوید میانداد

    اگر ایشیا کپ کیلئے بھارت پاکستان نہیں آتا تو بھاڑ میں جائے،ہمیں ہماری کرکٹ مل رہی ہے،جاوید میانداد

    پاکستان کرکٹ ٹیم کے سابق کپتان جاوید میانداد نے کہا ہے کہ اگر ایشیا کپ کیلئے بھارت پاکستان نہیں آتا تو بھاڑ میں جائے۔

    باغی ٹی وی : صحافیوں سے گفتگو کرتے ہوئے جاوید میانداد نے کہا کہ ’اگر بھارت ایشیا کپ کیلئے پاکستان نہیں آنا چاہتا تو بھاڑ میں جائے، میں ہمیشہ کہتا ہوں اگر بھارت نہیں آنا چاہتا تو کوئی مسئلہ نہیں، ہمیں ہماری کرکٹ مل رہی ہے-

    ایشیا کپ: نجم سیٹھی کے بیان کے بعد اب بھارتی کرکٹ بورڈ کا بیان بھی سامنے آگیا

    سابق ٹیسٹ کرکٹر نے کہا کہ یہ آئی سی سی کا کام ہےاسطرح کی چیزوں کو کنٹرول کرنا ورنہ گورننگ باڈی کا کوئی فائدہ نہیں آئی سی سی کا قانون ہر ملک کیلئے یکساں ہونا چاہیے، اگر ایسی ٹیمیں قانون نہیں مانتی تو جتنی بھی مضبوط کیوں نہ ہوں انہیں باہر کردیں۔

    جاوید میاںداد نے کہا کہ ہمارے وقت میں بھی وہ نہیں کھیلتے تھے کیوںکہ وہ نتیجے سے خوف زدہ ہوتے تھےبھارتی کراؤڈ بہت خراب ہے، بھارت چاہے جس سے بھی ہارے وہ گھروں کو آگ لگا دیتے ہیں یہی وجہ ہے کہ وہ ڈرتے ہیں۔

    بھارت نے اپنی ٹیم پاکستان نہ بھیجی تو پاکستانی ٹیم بھی بھارت نہیں جائے گی،نجم…

    واضح رہےکہ ہایشیا کپ 2023 پاکستان میں شیڈول ہےتاہم بھارتی کرکٹ بورڈ حکومت کی اجازت کا بہانہ بناکر پاکستان آنے سےانکارکرچکا ہے،ایشیا کپ کرکٹ 2023ء پاکستان میں شیڈول تھا تاہم اب اسے نیوٹرل مقام پر کروانے کا فیصلہ کیا گیا ہے۔رپورٹ کے ایونٹ کیلئے یو اے ای کو فیورٹ وینیو قرار دیا گیا ہے، تاہم حتمی اعلان مارچ میں کیا جائے گا۔بھارتی ٹیم کے پاکستان نہ آنے کے باعث ایونٹ کو نیوٹرل مقام پر کروانے کا فیصلہ کیا گیا ہے۔

    ایشیاکپ پاکستان میں ہی ہوگا، پی سی بی ڈٹ گیا

  • ویڈیو:لاہورقلندرز کی ایچ بی ایل پی ایس ایل 8 کے لیے تیاریوں کا تیسرا روز

    ویڈیو:لاہورقلندرز کی ایچ بی ایل پی ایس ایل 8 کے لیے تیاریوں کا تیسرا روز

    لاہور قلندرز کی ایچ بی ایل پی ایس ایل 8 کے لیے تیاریوں کا تیسرا روز ،تربیتی کیمپ کے تیسرے روز لاہور قلندرز اور پی ڈی پی کلاس آف 22 کے مابین پریکٹس میچ جاری ہے

    دونوں ٹیموں کے مابین پریکٹس میچ باغ جناح میں کھیلا جارہا ہے لاہور قلندرز کی قیادت شاہین شاہ آفریدی کررہے ہیں دیگر کھلاڑیوں میں فخر زمان، عبداللہ شفیق، کامران غلام اور حسین طلعت شامل ہیں، دلبر حسین، زمان خان اور جلات خان پی ڈی پی کلاس آف 22 کی نمائندگی کررہے ہیں

    پی ایس ایل 8 کا پہلا میچ 13 فروری کو ملتان سلطان اور لاہور قلندر کے مابین ملتان میں کھیلا جائے گا

  • ایشیاکپ پاکستان میں ہی ہوگا، پی سی بی ڈٹ گیا

    ایشیاکپ پاکستان میں ہی ہوگا، پی سی بی ڈٹ گیا

    ایشیاکپ ہوگا تو پاکستان میں ہی ہوگا۔ پاکستان کرکٹ بورڈ اپنے مؤقف پرڈٹ گیا۔اطلاعات کے مطابق اس حوالے سے بحرین میں ایشین کرکٹ کونسل کی میٹنگ میں پی سی بی مینجمنٹ کمیٹی کے سربراہ نجم سیٹھی نے سخت مؤقف اپنایا۔

    بھارتی بورڈ پر واضح کردیا کہ اگر ایشیاکپ متاثر ہوا تو بھارت میں شیڈول ورلڈکپ اور چیمپئنز ٹرافی پر بھی ڈیڈ لاک ہوگا۔ ایشیاکپ کے وینیو کے حوالے سے فیصلہ اب مارچ میں کیا جائے گا۔

    شاہین افریدی نے اپنے نکاح کی تصاویر شیئر کرنے والوں کو منع کردیا

    خیال رہے کہ ایشیا کپ 2023 پاکستان میں شیڈول ہے تاہم بھارتی کرکٹ بورڈ حکومت کی اجازت کا بہانہ بناکر پاکستان آنے سے انکارکرچکا ہے۔

    یاد رہے کہ اس سے پہلے یہ کہا جارہا تھا کہ کرکٹ ایشیا کپ 2023ء پاکستان کے بجائے نیوٹرل مقام پر کروانے کا فیصلہ کرلیا گیا۔ حکام نے متحدہ عرب امارات کو فیورٹ وینیو قرار دے دیا۔

    ایشیا کپ کرکٹ 2023ء پاکستان میں شیڈول تھا تاہم اب اسے نیوٹرل مقام پر کروانے کا فیصلہ کیا گیا ہے۔رپورٹ کے ایونٹ کیلئے یو اے ای کو فیورٹ وینیو قرار دیا گیا ہے، تاہم حتمی اعلان مارچ میں کیا جائے گا۔بھارتی ٹیم کے پاکستان نہ آنے کے باعث ایونٹ کو نیوٹرل مقام پر کروانے کا فیصلہ کیا گیا ہے۔

  • قائمقام گورنر اور وزیر اعلیٰ بلوچستان کی کوئٹہ گلیڈیئیٹرز کو مبارکباد

    قائمقام گورنر اور وزیر اعلیٰ بلوچستان کی کوئٹہ گلیڈیئیٹرز کو مبارکباد

    قائمقام گورنر اور وزیر اعلیٰ بلوچستان کی کوئٹہ گلیڈیئیٹرز کو مبارکباد
    زیراعلئ نے کامیاب کھلاڑیوں اور ٹیموں میں انعامات تقسیم کیۓ جبکہ وزیراعلئ بلوچستان کا خطاب میں کہنا تھا کہ آج کسی ٹیم کی نہیں بلکہ پاکستان بلوچستان اور کشمیر کاز کی فتح ہوئی ہے ۔ اور میچ کو کامیاب بنانے کے لیۓ بلوچستان کے عوام پی سی بی کھلاڑیوں اور سیکیورٹی فورسز سب نے اپنا کردار ادا کیا۔ جبکہ میچ کا کامیاب انعقاد اور اختتام ملک دشمن عناصر کے لیۓ واضع پیغام ہے.

    ان کا مزید کہنا تھا کہ بلوچستان میں امن آچکا ۔عوام اب بد امنی پھیلا نے کی کوشش کرنے والوں کو برداشت نہیں کرینگے۔ اور بلوچستان کے عوام کا شکریہ کہ انہوں نے امن کے قیام میں بنیادی کردار ادا کیا جبکہ اب بلوچستان میں کر کٹ کے دروازے کھل گیۓ ہیں۔ پی سی بی سے کہوں گا کہ کوئٹہ میں کر کٹ مقابلوں کا مسلسل انعقاد کیا جاۓ۔ اور قومی کر کٹ ٹیم کے کھلاڑیوں کا مشکور ہوں کہ انہوں نے بین القوامی میچوں پر کوئٹہ کے میچ کو ترجیح دی۔

    وزیر اعلی کا مزید کہنا تھا کہ آج ہر فرد جزبہ حب الو طنی سے سرشار نظر آیا۔ پولیس محکمہ داخلہ انتظامیہ اور ایف سی کی کارکردگی قابل تحسین رہی۔ وزیراعلیٰ نے کہا کہ سیکیورٹی اداروں نے دن رات محنت کر کے پر امن ماحول میں میچ کا انعقاد یقینی بنایا.

    دوسری جانب قائمقام گورنر بلوچستان میر جان محمد خان جمالی کی جانب سے پاکستان سپر لیگ کی دو مختلف کرکٹ ٹیموں پشاور زلمی اور کوئٹہ گلیڈیئیٹرز اکا بلوچستان کے صوبائی دارالحکومت کوئٹہ میں نمائشی میچ کھیلنے پر مسرت کا اظہار کیا اور کوئٹہ گلیڈیئیٹرز کو میچ جیتنے اور کھلاڑیوں کی جانب سے شاندار کھیل پیش کرنے پر مبارکباد دی گئی ہے.

    جبکہ ترجمان کے مطابق قائمقام گورنر بلوچستان نے کہا ہے کہ کوئٹہ میں کھیلوں کی ایسی سرگرمیوں کو فروغ دینے سے بلوچستان کے نوجوانوں کو نہ صرف ایک اچھا پیغام مل رہا ہے بلکہ اس ثقافتی گھٹن میں کمی آئی گی. آج گراونڈ میں اتنی بڑی تعداد میں تماشائیوں بالخصوص خواتین کی موجودگی سے پیغام ملتا ہے کہ بلوچستان کے عوام صوبے میں کھیل اور سماجی سرگرمیوں کو فروغ دینے کے بہت خواہشمند ہیں۔
    مزید یہ بھی پڑھیں؛
    75 ہزار روپے جرمانہ ہوگااس کوجس نے چلتی گاڑی میں ممنوع کام کیا
    کراچی :اسنوکر کلب میں گھس کر نوجوان کو قتل کردیاگیا
    تباہی کا منصوبہ ناکام، پولیس مقابلے میں دو دہشت گرد ہلاک اور چار گرفتار
    بھارت روسی خام تیل کی ادائیگیاں ڈالر کے بجائے درہم میں کیوں کررہا؟
    اسلام آباد پولیس کا تحریری ٹیسٹ، 70 اقلیتی امیدوار کامیاب
    عمران خان بھول گئے کہ اللہ نے مکافات عمل بھی دنیا میں رکھا ہے،مریم
    پولیس لائنز دھماکہ؛ حملہ آور اکیلا نہیں تھا بلکہ اُسے ہدف تک سہولت کار نے پہنچایا. حقیقاتی ٹیم
    پی ٹی آئی کے دفتر میں ٹکٹوں کی تقسیم پر بدنظمی؛ رہنماؤں کے ایک دوسرے کو دھکے
    ترجمان نے مزید بتایا کہ قائمقام گورنر بلوچستان نے امید ظاہر کی کہ پی سی بی آئندہ بھی ایسے میچز کے انعقاد کو بلوچستان میں یقینی بنائے گا جس سے بلوچستان کے عوام کو اپنے صوبے کے ہیروز عبدلواحد بنگلزئی، بسم اللّٰہ خان اور حسیب اللّٰہ خان جیسے نوجوان کھلاڑیوں کو دیکھنے کا موقع ملے گا اسطرح یہاں کے دیگر باصلاحیت نوجوانوں کی حوصلہ افزائی بھی ہوگی.

  • ماتھے پر تلک لگانے سے انکار،بھارتی مسلمان کھلاڑیوں پربھارتیوں کی تنقید

    ماتھے پر تلک لگانے سے انکار،بھارتی مسلمان کھلاڑیوں پربھارتیوں کی تنقید

    بھارتی بولرز محمد سراج اور عُمران ملک ہوٹل استقبالیے کے دوران ماتھے پر تلک لگانے سےمنع کرنے پر تنقید کی زد میں آگئے۔

    باغی ٹی وی : سوشل میڈیا پر بھارتی اسکواڈ کی ہوٹل استقبال کی ویڈیو سوشل میڈیا پر گردش کر رہی ہے ویڈیو میں دیکھا جا سکتا ہے کہ ہوٹل انتظامیہ سے ایک خاتون بھارتی کھلاڑیوں کی ہوٹل میں انٹری کے وقت ان کے ماتھے پر تلک لگا رہی ہے-

    ایشیا کپ: نجم سیٹھی کے بیان کے بعد اب بھارتی کرکٹ بورڈ کا بیان بھی سامنے آگیا


    ویڈیو میں دیکھا جاسکتا ہے اس دوران محمد سراج اور عُمران ملک سمیت دیگر بھارتی کھلاڑیوں وکرم راٹھور اور ہری پرساد موہن نے ماتھے پر تلک لگانے سے گریز کیا لیکن بھارتی سوشل میڈیا اکاؤنٹ سے بالخصوص مسلمان بولرز کو ہی تنقید کا نشانہ بنایا جاتا رہا۔

    سوشل میڈیا پر بھارتی ٹی وی چینل کے ایڈیٹر نے محمد سراج اور عُمران ملک کو بالخصوص تنقید کا نشانہ بناتے ہوئے ہندی میں لکھا کہ ’استقبال کے دوران محمد سراج اور عُمران ملک نے ماتھے پر تلک نہیں لگوایا دونوں پاکستان نہیں بلکہ بھارتی ٹیم کے کھلاڑی ہیں، عالمی سطح کے کھلاڑی بننے کے بعد بھی وہ اپنے مذہب کے متعلق سخت گیر ہیں’۔

    کوہلی سے جھگڑا کیوں ہوا،سہیل خان نے وجہ بتادی

    https://twitter.com/AvinashArya09/status/1621516684694802432?s=20&t=-L-FVDXsfxjUKSTrrnsGNA
    بھارتی ٹی وی چینل کے ایڈیٹر کے جواب میں نہ صرف پاکستانی بلکہ بھارتی صارفین بھی پاکستانی بولرز کی حمایت میں میدان میں کود پڑے-

    پاکستانی سوشل میڈیا صارف نے ردعمل کا اظہار کرتے ہوئے کہ وکرم راٹھور اور ہری پرساد موہن نے بھی تلک نہیں لگوائے لیکن سریش اور دیگر دائیں ہاتھ کے بھارتی اکاؤنٹس نے مسلمان کھلاڑیوں محمد سراج اور عُمران ملک کو تنقید کا نشانہ بنایا۔

    بھارت نے اپنی ٹیم پاکستان نہ بھیجی تو پاکستانی ٹیم بھی بھارت نہیں جائے گی،نجم سیٹھی

  • پی ایس ایل 8 نمائشی میچ:گلیڈی ایٹرز نےزلمی کو 2 رنز سے شکست دیدی

    پی ایس ایل 8 نمائشی میچ:گلیڈی ایٹرز نےزلمی کو 2 رنز سے شکست دیدی

    کوئٹہ: کوئٹہ گلیڈی ایٹرز نے ہوم گراؤنڈ پر پشاور زلمی کو نمائشی میچ میں 2 رنز سے شکست دیدی۔

    باغی ٹی وی: بگٹی کرکٹ اسٹیڈیم میں کھیلے جارہے میچ میں پشاور زلمی کے کپتان بابراعظم نے ٹاس جیت کر پہلے فیلڈنگ کرنے کا فیصلہ کیا، پہلے بیٹنگ کرتے ہوئے کوئٹہ گلیڈی ایٹرز نے 20 اوورز میں 5 وکٹوں کےنقصان پر 184 رنز بنائے ، افتخاراحمد نےکوئٹہ گلیڈی ایٹرز کی طرف سے 50 گنیدوں پر 94 رنز کی جارحانہ اننگز کھیلی خوشدل شاہ 36 رنز بنا کر نمایاں رہے۔


    9 اوورز میں گلیڈی ایٹرز کی ٹیم 60 رنز بنا سکی ہے جبکہ اس کے 4 کھلاڑی پویلین لوٹ گئے ہیں بلوچستان سے تعلق رکھنے والے احسان علی 5، عمر اکمل صفر، کپتان سرفراز احمد 4 اور عبدالواحد بنگلزئی 28 رنز بناکر آؤٹ ہوئے۔

    افتخار احمد نے پشاور زلمی کے وہاب ریاض کے آخری اوور میں 6 چھکے لگا کر اننگز کو اچھا اختتام دیا جس کے بعد ‘افتی مینیا’ ٹوئٹر پر ٹاپ ٹرینڈ بن گیا۔

    پشاورزلمی کی جانب سے وہاب ریاض نے تین جبکہ عامر جمال اور اسامہ میر نے ایک ایک وکٹ حاصل کی۔

    بعد ازاں ہدف کے تعاقب میں پشاور زلمی کی جانب سے محمد حارث اور بابراعظم نے اننگز کا آغاز کیا تاہم بابر 23 رنز بناکر پویلین لوٹ گئے، دیگر کھلاڑیوں میں شاہد آفریدی 25، اعظم خان 6، صائم ایوب 19، عامر جمال ایک رنز بناسکے۔ وکٹ کیپر بیٹر محمد حارث نے 53 رنز کی اننگز کھیلی۔

    کوئٹہ گلیڈی ایٹرز کی جانب سے محمد حسنین اور افتخار احمد نے 2، 2 جبکہ نسیم شاہ اور محمد نواز نے ایک ایک وکٹ حاصل کی۔

    قبل ازیں میچ کے دوران تماشائیوں نے کھلاڑیوں پر پتھر برسا دیئے تھے جس کے باعث انتظامیہ نے کچھ دیر کیلئے میچ روک دیا تھا۔

    واضح رہے کہ کوئٹہ میں میچ کیلئے اسٹیڈیم اور اطراف میں سکیورٹی کے سخت انتظامات کیے گئے ہیں، میچ کے دوران 4 ہزار سے زائد پولیس اور فرنٹئیرکور کے اہلکار سکیورٹی کے فرائض سرانجام دے رہے ہیں۔


    دوسری جانب پی ایس ایل کا نمائشی میچ دیکھنے کیلئے سابق اسٹار کرکٹرز شاہد آفریدی، جاوید میانداد اور معین خان بھی کوئٹہ پہنچ گئے ہیں جب کہ اداکار ایوب کھوسہ، احد رضا سمیت کئی شوبز اسٹارز بھی کوئٹہ پہنچے ہوئے ہیں۔

    شاہد آفریدی نے کہا کہ چیئرمین کرکٹ بورڈ اور وزیر اعلیٰ کا میچ کرانے پر شکریہ ادا کرتا ہوں حالیہ دنوں میں بلوچستان سے اچھا ٹیلنٹ سامنے آیا ہے، کرکٹ کے علاوہ بلوچستان میں باکسنگ کا بھی بہت ٹیلنٹ ہے۔

    سابق کرکٹر محمد حفیظ نے کہا ہے کہ بلوچستان حکومت کو میچ کرانے پر مبارک باد دیتا ہوں،آج کا میچ بہت اچھا ہو گا یہ بہت خوبصورت گراؤنڈ ہے، تمام کھلاڑی اس میچ کو انجوائے کریں گے، کوئٹہ گلیڈی ایٹرز کا کوئٹہ میں کھیلنا بہت اچھا ہے۔

    اس سے قبل اسٹیڈیم آنے پر شائقینِ کرکٹ نے دونوں ٹیموں کے کھلاڑیوں کا زبردست خیر مقدم کیا نمائشی میچ کے موقع پر بگٹی کرکٹ گراؤنڈ کے باہر فوڈ اسٹالز بھی سجے ہوئے ہیں،فوڈ اسٹالز میں روایتی سجی اور دیگر کھانوں کا بھی انتظام کیا گیا ہے،اسٹیڈیم کے اندر اور باہر دونوں ٹیموں اور کھلاڑیوں کے بینرز بھی آویزاں کیے گئے ہیں۔

    کوئٹہ گلیڈی ایٹرز

    سرفراز احمد (کپتان)، احسن علی، بسم اللہ خان، عمر اکمل، افتخار احمد، محمد نواز، ایمل خان، نسیم شاہ، محمد حسنین، عمید آصف، عبدالواحد بنگلزئی

    پشاور زلمی

    بابر اعظم (کپتان)، محمد حارث، صائم ایوب، حسیب اللہ، اعظم خان، عامر جمال، اسامہ میر، شاہد آفریدی، وہاب ریاض، سلمان ارشاد