Baaghi TV

Category: کھیل

  • پاک آئرلینڈ ویمنز سیریز؛ مہمان ٹیم کو 128 رنز کے بڑے مارجن سے شکست

    پاک آئرلینڈ ویمنز سیریز؛ مہمان ٹیم کو 128 رنز کے بڑے مارجن سے شکست

    لاہور: پاکستان ویمنز ٹیم نے تین میچوں پر مشتمل سیریزکے پہلے ون ڈے میچ میں آئرلینڈ کو 128 رنز کے بڑے مارجن سے شکست دیدی۔

    قذافی کرکٹ اسٹیڈیم میں کھیلےگئے میچ میں قومی ویمنزٹیم کی کپتان بسمہ معروف نےٹاس جیت کر پہلےبیٹنگ کرنےکا فیصلہ کیا، اوپنرمنیبہ علی اور سدرہ امین نے ہوم گراؤنڈ کا بھرپورفائدہ اٹھاتے ہوئےحریف ٹیم کےخلاف پاکستان کی جانب سے221 رنزکی سب سےبڑی اوپننگ پارٹنرشپ قائم کی۔

    اوپنرمنیبہ علی نے107رنزکی اننگزکھیلی جس میں 10چوکےاور2 چھکےشامل تھےجبکہ سدرہ امین ناقابل شکست 176 رنز اسکورکیے جس میں 20 چوکےاور ایک چھکا شامل تھا۔

    قومی ٹیم نےآئرلینڈ کو مقررہ 50 اوورز میں 3 وکٹوں کے نقصان پر335 رنز اسکور کیے،آئرلینڈ کی جانب سے آرلین کیلی نے دو جبکہ ایمیر رچرڈسن نے ایک وکٹ حاصل کی۔

     

     

    ہدف کے تعاقب میں آئرش ویمنز ٹیم کا آغاز متاثر کن نہ تھا، اوپنر لیہ پال 2، گیبی لیوس 15، ایمی ہنٹر 8، اورلا پرینڈرگاسٹ 29، ایمیر رچرڈسن 9، میری والڈرون 19، آرلین کیلی 12، کارا مرے 9، جین میگوئیر صفر پر آؤٹ وکٹ گنوابیٹھی تھیں۔ کپتان لورا ڈیلانی نے 69 رنز کی مزاحمتی اننگز کھیلی۔

    پاکستان کی جانب سے ندا ڈار نے 3 جبکہ ناشرہ سندھو اور فاطمہ ثنا نے 2،2 کھلاڑیوں کو پویلین کی راہ دکھائی۔

  • ٹی20ورلڈ کپ؛نیوزی لینڈ سیمی فائنل میں پہنچنےوالی پہلی ٹیم بن گئی

    ٹی20ورلڈ کپ؛نیوزی لینڈ سیمی فائنل میں پہنچنےوالی پہلی ٹیم بن گئی

    ایڈلیڈ اوول:نیوزی لینڈ ٹی ٹوئنٹی ورلڈ کپ کے سیمی فائنل میں پہنچنے والی پہلی ٹیم بن گئی۔جمعہ کو ایڈلیڈ اوول میں کھیلے گئے میچ میں نیوزی لینڈ نے آئرلینڈ کو 35 رنز سے شکست دی اور گروپ 1 میں 7 پوائنٹس کیساتھ سیمی فائنل میں پہنچنے والی پہلی ٹیم بن گئی۔

    نیوزی لینڈ نے پہلے بیٹنگ کرتے ہوئے 20 اوورز میں 6 وکٹوں کے نقصان پر 185 رنز بنائے تھے جس کے جواب میں آئرش ٹیم 20 اوورز میں 9 وکٹوں کے نقصان پر 150 رنز ہی بناسکی۔

     

     

    ادھری ٹوئنٹی ورلڈکپ کے آج کے دوسرے میچ میں آسٹریلیا نے افغانستان کو سنسنی خیز مقابلے کے بعد 4 رنز سے شکست دے دی۔

    آسٹریلیا نے افغانستان کو جیت کیلئے 169 رنز کا ہدف دیا، افغانستان کی ٹیم مقررہ اوورز میں 7 وکٹوں کے نقصان پر 164 رنز بنا سکی۔ راشد خان نے آخر میں ٹیم کو جتوانے کی بھرپور کوشش کی تاہم وہ کامیاب نہ ہوسکے۔ راشد خان نے 23 گیندوں پر 48 رنز کی دھواں دار اننگز کھیلی۔

    ایڈیلیڈ میں کھیلے گئے میچ میں افغانستان نے آسٹریلیا کے خلاف ٹاس جیت کر پہلے بولنگ کا فیصلہ کیا۔

    آسٹریلین ٹیم کے بلے بازوں نے 8 وکٹوں کے نقصان پر 168 رنز بنائے ، گلین میکسویل 32 گیندوں پر 54 رنز بناکر ناٹ آؤٹ رہے۔ میکسویل کو مین آف دی میچ ایوارڈ دیا گیا۔

  • آسٹریلیا نےافغانستان کوسنسنی خیزمقابلےکےبعد 4 رنزسےشکست دے دی

    آسٹریلیا نےافغانستان کوسنسنی خیزمقابلےکےبعد 4 رنزسےشکست دے دی

    پرتھ:ٹی ٹوئنٹی ورلڈکپ کے آج کے دوسرے میچ میں آسٹریلیا نے افغانستان کو سنسنی خیز مقابلے کے بعد 4 رنز سے شکست دے دی۔

     

    آسٹریلیا نے افغانستان کو جیت کیلئے 169 رنز کا ہدف دیا، افغانستان کی ٹیم مقررہ اوورز میں 7 وکٹوں کے نقصان پر 164 رنز بنا سکی۔ راشد خان نے آخر میں ٹیم کو جتوانے کی بھرپور کوشش کی تاہم وہ کامیاب نہ ہوسکے۔ راشد خان نے 23 گیندوں پر 48 رنز کی دھواں دار اننگز کھیلی۔

    پاکستان نےجنوبی افریقا کو33 رنزسےہرادیا،مگرسیمی فائنل سے ابھی بہت دور

    ایڈیلیڈ میں کھیلے گئے میچ میں افغانستان نے آسٹریلیا کے خلاف ٹاس جیت کر پہلے بولنگ کا فیصلہ کیا۔آسٹریلین ٹیم کے بلے بازوں نے 8 وکٹوں کے نقصان پر 168 رنز بنائے ، گلین میکسویل 32 گیندوں پر 54 رنز بناکر ناٹ آؤٹ رہے۔ میکسویل کو مین آف دی میچ ایوارڈ دیا گیا۔آج کے میچ کے لیے آسٹریلیا کے اسکواڈ میں 3 جبکہ افغانستان کے اسکواڈ میں 2 تبدیلیاں کی گئی تھیں۔

    بھارتی دارالحکومت میں خطرناک اسموگ کے باعث اسکول بند

    آسٹریلیا کی ٹیم کے سپر 12 میں تمام 5 میچز مکمل ہوگئے ہیں اور وہ 7 پوائنٹس کے ساتھ دوسری پوزیشن پر ہے۔ نیوزی لینڈ بھی 7 پوائنٹس کے ساتھ بہتر رن ریٹ کی وجہ سے پہلی پوزیشن پر ہے۔ اگر انگلینڈ نے اپنے آخری میچ میں سری لنکا کو اچھے مارجن سے شکست دے دی تو بہتر رن ریٹ کی وجہ سے انگلینڈ اور نیوزی لینڈ سیمی فائنل میں پہنچ جائیں گے جبکہ آسٹریلیا باہر ہوجائے گا۔

    یاد رہے کہ سری لنکا اور انگلینڈ کے درمیان میچ ہفتے کو کھیلا جائے گا۔

  • عمران خان پر حملہ: آئرلینڈ کرکٹ ٹیم کے حوالے سے آئرش بورڈ کا بیان سامنے آگیا

    عمران خان پر حملہ: آئرلینڈ کرکٹ ٹیم کے حوالے سے آئرش بورڈ کا بیان سامنے آگیا

    عمران خان پر حملہ: پاکستان میں موجود آئرلینڈ کرکٹ ٹیم کے حوالے سے آئرش بورڈ کا بیان آگیا ہے ، جس میں‌ پاکستان تحریک انصاف کے چیئرمین عمران خان پر آج گجرانوالہ میں قاتلانہ حملے کے بعد لاہور میں موجود آئرلینڈ کرکٹ ٹیم کے حوالے سے آئرش کرکٹ بورڈ کا بیان سامنے آگیا ہے۔

    آئرلینڈ ویمن کرکٹ ٹیم ان دنوں تین ون ڈے میچز کی سیریز کے لیے لاہور میں موجود ہے،تاہم آج عمران خان کے ساتھ پیش آئے واقعہ پر کرکٹ آئرلینڈ نے بیان دیا ہے۔

    کرکٹ آئر لینڈ کا کہنا ہے کہ ہم سابق وزیر اعظم عمران خان کے حوالے سے پیش آنے والے واقعہ سے آگاہ ہیں، یہ واقعہ لاہور سے تقریباً 150 کلومیٹر دور پیش آیا۔

    کرکٹ آئر لینڈ نے اپنے بیان میں کہا ہے کہ ہم پی سی بی ، ملک میں سیکورٹی ایڈوائزرز اور ڈپلومیٹک سروسز کے ساتھ رابطے میں ہیں۔پی سی بی کے چیف ایگزیکٹو فیصل حسنین نے کرکٹ آئر لینڈ کے چیف ایگزیکٹو ویرن ڈیوٹرم اور منیجر بیتھ ہیلی سے براہ راست بات کی ہے۔

    کرکٹ آئر لینڈ کے بیان میں کہا گیا ہے کہ تازہ واقعہ کے بعد تھریٹ لیول میں کوئی تبدیلی نہیں آئے گی، آئر لینڈ ویمن اسکواڈ کو تمام صورتحال کے بارے آگاہ کیا گیا ہے۔ دورے کے دوران سیکورٹی کے جو اقدامات کیے گئے ہیں ان میں کوئی تبدیلی نہیں کی گئی، اگر حالات میں تبدیلی ہوئی تو مزید اپ ڈیٹ فراہم کی جائے گی۔

    واضح رہے پاکستان اور آئر لینڈ کی ویمن کرکٹ ٹیموں کے درمیان تین ون ڈے میچز کی سیریز کا پہلا میچ کل قذافی اسٹیڈیم لاہور میں کھیلا جائے گا۔

  • پاکستان نےجنوبی افریقا کو33 رنزسےہرادیا،مگرسیمی فائنل سے ابھی بہت دور

    پاکستان نےجنوبی افریقا کو33 رنزسےہرادیا،مگرسیمی فائنل سے ابھی بہت دور

    پرتھ:پاکستان نے اہم ترین میچ میں جنوبی افریقا کو 33 رنز سے ہرادیا۔سڈنی کرکٹ گراؤنڈ میں کھیلے جارہے میچ میں پاکستان نے جنوبی افریقا کو جیت کے لئے 186 کا ہدف دیا لیکن بارش کے باعث ہدف اور اوورز میں کمی کی گئی۔

    شاہین شاہ آفریدی نے پاکستان کو پہلے ہی اوور میں کوانٹن ڈی کوک کی وکٹ لے کر پہلی کامیابی دلائی۔

    ریئلی روسو بھی شاہین شاہ آفریدی کا شکار بنے تو جنوبی افریقا کا اسکور 16 تھا۔اس موقع پر کپتان ٹیمبا باووما   اور ایڈن مارکرم   نے مزاحمت کی۔ دونوں نے 49 رنز کی پارٹنرشپ قائم کی۔

    شاداب نے اپنے پہلے ہی اوور میں دونوں کو آؤٹ کرکے جنوبی افریقا سے میچ چھین لیا۔جنوبی افریقا نے 9 اوورز میں 69 رنز ہی بنائے تھے کہ بارش ہوگئی۔

    بارش کا بعد نیا ہدف

    بارش کے بعد جب میچ شروع ہوا تو جنوبی افریقا کو 24 گیندوں پر 59 رنز کا ہدف ملا۔ جسے جنوبی افریقا حاصل کرنے میں ناکام رہا اور 9 وکٹوں کے نقصان پر 108 رنز ہی بناسکی۔

    اس طرح پاکستان نے جنوبی افریقا کو 33 رنز سے ہرادیا۔

    پاکستان کی بیٹنگ

    جنوبی افریقا کے خلاف پاکستان نے ٹاس جیت کر پہلے بیٹنگ کا فیصلہ کیا۔پہلے ہی اوور میں رضوان آؤٹ ہوگئے، انہوں نے صرف 4 رنز بنائے۔ون ڈاؤن پوزیشن پر آنے والے محمد حارث نے طوفانی انداز اختیار کیا، انہوں نے 11 گیندوں پر 3 چھکوں کی مدد سے 28 رنز بنائے۔

    پاکستان کی تیسری وکٹ بابر اعظم کی صورت میں گری، انہوں نے 15 گیندوں پر صرف 6 رنز بنائے۔43 رنز پر شان مسعود بھی آؤٹ ہوگئے۔

    محمد نواز اور افتخار احمد نے پاکستان کی بیٹنگ کو سہارا دینے کی ٹھانی، دونوں نے 52 رنز کی شراکت قائم کی اور اسکور کو 95 رنز پر لے گئے۔95 رنز کے مجموعی اسکور پر نواز رن آؤٹ ہوگئے، انہوں نے 28 رنز کی باری کھیلی۔

    شاداب اور افتخار نے بہترین انداز میں انداز میں جنوبی افریقا کے خلاف بیٹنگ کی۔افتخار احمد نے 33 گیندوں پر اپنی نصف سنچری مکمل کی۔شاداب خان نے انتہائی برق رفرای سے بیٹنگ کی اور 20 رنز میں اپنی ففٹی مکمل کرلی

    19ویں ا وور میں شاداب آؤٹ ہوئے تو پاکستان کا اسکور 177 ہوچکا تھا۔ دونوں نے 82 رنز کی پارٹنر قائم کی۔اگلی گیند پر محمد وسیم بھی آؤٹ ہوگئے۔20ویں اوور کی پہلی گیند پر افتخار چھکا مارنے کی کوشش میں آؤٹ ہوگئے۔ انہوں نے 51 رنز بنائے۔پاکستان نے 20 اوور میں 8 وکٹوں پر 185 رنز بنائے۔

    آج کا میچ دونوں ٹیموں کے لئے کوارٹر فائنل کی حیثیت رکھتا ہے۔ کیونکہ جنوبی افریقا جیت کی صورت میں سیدھا سیمی فائنل میں پہنچ جائے گا جب کہ پاکستان جیتا تو اس کی سیمی فائنل تک رسائی کے امکان آخری میچ تک برقرار رہیں گے۔

     

     

    قومی پلیئنگ الیون

    جنوبی افریقا کے خلاف اہم میچ میں فخر زمان کی جگہ وکٹ کیپر بیٹر محمد حارث کو موقع دیا گیا۔ٹیم کے دیگر کھلاڑیوں میں بابر اعظم، محمد رضوان، شان مسعود، افتخار احمد، محمد نواز، شاداب خان، وسیم جونیئر، شاہین شاہ آفریدی اور نسیم شاہ شامل ہیں ۔

    صورت حال کیا ہے؟

    جنوبی افریقا کے خلاف فتح کے بعد اب پاکستان اپنے گروپ میں پوائنٹس ٹیبل پر تیسرے نمبر پر آگیا ہے۔سپر 12 مرحلے میں بھارت 6 پوائنٹس کے ساتھ پہلے اور جنوبی افریقا 5 پوائنٹس کے ساتھ دوسرےنمبر پر ہے۔جنوبی افریقا کو ہرانے کے بعد اب پاکستان کے 4 پوائنٹس ہوگئے۔

    سیمی فائنل میں رسائی کے لئے پاکستان کو بنگلا دیش کے خلاف اپنا میچ بھی بھاری مارجن جیتنا ہوگا۔ اس کے علاوہ اب قوم کو جنوبی افریقا کے آخری میچ میں بارش کی دعائیں کرنا ہوں گی، اسی صورت میں پاکستان سیمی فائنل میں پہنچے گا۔

  • ٹی ٹوئنٹی ورلڈ کپ:بارش کے بعد دوبارہ میچ شروع کرنے پربنگلا دیشی کپتان نے ایمپائر سے کیا گفتگو کی؟

    ٹی ٹوئنٹی ورلڈ کپ:بارش کے بعد دوبارہ میچ شروع کرنے پربنگلا دیشی کپتان نے ایمپائر سے کیا گفتگو کی؟

    ٹی ٹوئنٹی ورلڈ کپ میں بھارت کے خلاف میچ میں بنگلادیشی کپتان شکیب الحسن کا کہنا ہے کہ بارش کے بعد میچ کھیلنے کے علاوہ ہمارے پاس کوئی آپشن نہیں تھی-

    باغی ٹی وی : گزشتہ روز بھارت اور بنگلا دیش کے درمیان ہونے والا میچ بارش کے باعث روک دیا گیا تھا جس دوران دونوں ٹیموں کے کپتان امپائرز سے گراؤنڈ میں بات چیت کی جس کی ویڈیو سوشل میڈیا پر وائرل ہو گئی-

    ٹی20 ورلڈکپ: پاکستان نے جنوبی افریقا کو 186رنز کا ہدف دے دیا

    میچ کے بعد پریس کانفرنس میں شکیب الحسن سے صحافی نے اس حوالے سے سوال پوچھا کہ شکیب، کیا آپ نے واقعی بارش کے بعد کھیلنے کی کوشش نہیں کی، وہاں کیا بات چیت ہو رہی تھی؟ جس پر بنگلادیشی کپتان نے کہا کہ کیا ہمارے پاس کوئی آپشن تھا؟
    https://twitter.com/sedonli/status/1587834774433013762?s=20&t=g8YPAzYct65CPjHkpYR3OA
    صحافی نے کہا ‘کوئی آپشن نہیں، لیکن یہی وجہ ہے کیا آپ نے انہیں قائل کرنے کی کوشش کی؟شکیب نے جواب دینے کے بجائے کہا کسے قائل کرنا تھا؟ جواب میں صحافی نے کہا کہ بھارتی کپتان روہت شرما اور امپائر کو-

    شکیب نے کہا کہ کیا میں انہیں قائل کرنے کے قابل ہوں؟ بنگلہ دیشی کے اس سوال پر صحافی نے طنزیہ کہا کہ پھر آپ کیا بنگلادیش کے دریاؤں سے متعلق بحث کر رہے تھے؟

    صحافی نے بعد ازاں کہا کہ آپ گراؤنڈ میں کس چیز سے متعلق بات کر رہے تھے؟شکیب نے کہا ہاں اب آپ نے درست سوال کیا، امپائر نے ہم دونوں کپتانوں کو بلایا تھا اور انہوں نے ہمیں ہدف سے متعلق بتایا اور یہ بتایا کہ بارش کے باعث مزید کیا قوانین لاگو ہو سکتے ہیں –

    ٹی 20 ورلڈ کپ: پہلے پاکستان اب بنگلہ دیش،کوہلی کے اشارے پردو متنازعہ نو بولز،ایمپائر تنقید کی زد میں

    صحافی نے شکیب الحسن سے مزید پوچھا کہ آپ نے تمام چیزیں مان لیں؟ جس پر انہیں کپتان نے جواب دیا کہ ’ہاں‘۔

    خیال رہے کہ گزشتہ روز بھارت کی جانب سے 185 رنز کے ہدف کا بنگلادیش نے جارحانہ انداز میں تعاقب شروع کیا تھا تاہم بارش کے باعث میچ روک دیا گیا تھا جس کے باعث اوورز اور ہدف میں تبدیلی کی گئی تھی۔

    بنگلہ دیش اور بھارت کے درمیان کھیلے گئے میچ میں بنگلہ دیش نے بارش سے قبل بغیر کسی نقصان 60 رنز بنائے تھے تاہم تیز بارش نےمیچ رکوادیا تھاجبکہ بنگال ٹائیگرز اس وقت بھارت کو شکست دینے کے قریب تھےتاہم امپائرزنےگیلی آؤٹ فیلڈ پر میچ کروانے کا فیصلہ کیا جس پر شکیب الحسن کافی ناراض نظرآئے-

    پہلی اننگز میں بنگلہ دیش کی بالنگ کے دوران ویرات کوہلی کی جانب سے امپائر کو اشارہ کیا گیا کہ نوبال قرار دی جائے جس پر انہوں نے تھرڈ امپائر کو فیصلہ دینے کے بجائے نوبال قرار دیدی جس سے مخالف ٹیم کو فائدہ پہنچا میچ کے دوران امپائرز کی جانب سے دو غیر معمولی فیصلے دیکھنے میں آئے۔

    رضوان اور بابراعظم فارم میں نہیں ہیں،ہماری ٹیم اسکا فائدہ اٹھائے گی،ڈیوڈ ملر

    امپائر مرے اریسمس کا پہلا فیصلہ تب متنازع بنا جب بنگلہ دیش کے بولر حسن محمود نے 16 ویں اوور کی آخری گیند انڈین بیٹر وراٹ کوہلی کو کروائی اس پرویرات کوہلی نے ایک مرتبہ پھر امپائر مرے اریسمس سے نو بال مانگ لی جس پر انہیں نو بال اور فری ہٹ دے دی گئی۔

    امپائرز کی جانب سے دوسرا متنازع فیصلہ تب دیکھنے میں آیا جب بارش کے فوری بعد کھیل کو دوبارہ شروع کیا گیا بنگلہ دیش نے پہلے 7 اوورز میں بغیر کسی نقصان کے 66 رنز بنائے جس کے بعد ایڈیلیڈ میں بارش شروع ہوگئی اس وقت بنگلہ دیش کا ڈک ورتھ لوئس میتھڈ کے تحت انڈیا سے 15 سکور آگے تھا۔

    کرکٹ شائقین کا کہنا ہے کہ بارش کے بعد ابھی گراؤنڈ مکمل طور پر خشک نہیں ہوئی تھی لیکن امپائرز نے میچ شروع کروانے میں جلد بازی سے کام لیا بارش کے بعد جب دوبارہ میچ شروع ہوا تو پہلی گیند پر بنگلہ دیشی بیٹر لٹن داس پھسل گئے اور اگلی ہی گیند پر رن آوٹ ہوگئے۔

    زمبابوے کی نیدر لینڈز سے شکست، دونوں ٹیمیں سیمی فائنل کی دوڑ سے باہر

  • ٹی20 ورلڈکپ: پاکستان نے جنوبی افریقا کو 186رنز کا ہدف دے دیا

    ٹی20 ورلڈکپ: پاکستان نے جنوبی افریقا کو 186رنز کا ہدف دے دیا

    ٹی20 ورلڈکپ میں سپر 12 مرحلے کے 24 ویں اور اہم میچ میں پاکستان نے جنوبی افریقہ کو 186 رنز کا ہدف دے دیا-

    باغی ٹی وی: سڈنی میں کھیلے جارہے میچ میں قومی ٹیم کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ میچ ہمارے لیے انتہائی اہم ہے کوشش ہوگی پروٹیز کو شکست دیکر سیمی فائنل میں پہنچنے کی امیدوں کو برقرار رکھیں۔

    اس موقع پر جنوبی افریقی کپتان نے کہا کہ میچ جیت کر سیمی فائنل میں اپنے سیٹ کو پکا کرنا چاہتے ہیں، کوشش ہوگی پاکستان کو جلد آؤٹ کرکے پریشر میں لائیں۔ جنوبی افریقہ کی ٹیم میں دو تبدیلیاں کی گئی ہیں مڈل آرڈر بیٹر ڈیوڈ ملر اور اپنر کیشو مہاراج کا آرام کروایا گیا ہے۔

    پہلے بیٹنگ کرتے ہوئے قومی ٹیم نے مقررہ 20 اوورز میں 8 وکٹوں کے نقصان پر 185 رنز اسکور کیے۔قومی ٹیم کے اوپنرز ایک بار پھر ناکام رہے، کپتان بابراعظم نے 15 گیندوں پر 6 جبکہ محمد رضوان 4 رنز بناکر پویلین لوٹ گئے۔

    محمد حارث نے 11 گیندوں پر 3 چھکوں اور 2 چوکوں کی مدد سے 28 رنز اسکور کیے، دیگر کھلاڑیوں میں شان مسعود 2، محمد نواز 28، محمد وسیم جونئیر 0 پر آؤٹ ہوئے۔ افتخار احمد اور شاداب خان نے 82 رنز کی پارٹنرشپ قائم کرتے ہوئے ٹیم کو مشکل سے نکالا، دونوں نے بالترتیب 51 اور 52 رن کی اننگز کھیلی۔

    جنوبی افریقہ کی جانب سے اینریچ نورٹجے نے 3، لونگی نگیڈی، وین پارنیل،کاگیسو ربادا اور تبریز شمسی نے ایک ایک وکٹ حاصل کی۔

    پاکستان کا اسکواڈ:

    کپتان بابراعظم، محمد رضوان، شان مسعود، افتخار احمد، محمد حارث، محمد نواز، محمد وسیم جونیئر، شاہین شاہ آفریدی، نسیم شاہ اور حارث رؤف

    جنوبی افریقہ کا اسکواڈ

    کپتان ٹیمبا بووما، کوئنٹن ڈی کوک، ریلی روسو، ایڈن مارکرم، ہینرک کلاسن، ٹرسٹن اسٹبس، وین پارنیل، کاگیسو ربادا، اینریچ نورٹجے، لونگی نگیڈی

  • ٹی 20 ورلڈ کپ: پہلے پاکستان اب بنگلہ دیش،کوہلی کے اشارے پردو متنازعہ نو بولز،ایمپائر تنقید کی زد میں

    ٹی 20 ورلڈ کپ: پہلے پاکستان اب بنگلہ دیش،کوہلی کے اشارے پردو متنازعہ نو بولز،ایمپائر تنقید کی زد میں

    آئی سی سی ایلیٹ پینل میں شامل جنوبی افریقہ سے تعلق رکھنے والے امپائر ماریس ایراسمس پاک بھارت اور بنگلہ دیش میچ میں متنازعہ فیصلوں کے باعث تنقید کی زد میں آگئے۔

    باغی ٹی وی : آئی سی سی ایلیٹ پینل میں شامل امپائر ماریس ایراسمس ایک بار پھر گروپ بی میں 23 اکتوبر کو پاک بھارت مقابلے میں متنازعہ نو بال قرار دینے اور گزشتہ روز کھیلے گئے بھارت اور بنگلہ دیش کے میچ میں بنگال ٹائیگرز کیخلاف بھی متنازعہ نوبال دینے پرتنقید کی زد میں ہیں۔

    ون ڈے انٹرنیشنل کرکٹ میں پہلی وکٹ لینے والے بولر ایلن تھامسن انتقال کر گئے

    گزشتہ روز بنگلہ دیش اور بھارت کے درمیان کھیلے گئے میچ میں بنگلہ دیش نے بارش سے قبل بغیر کسی نقصان 60 رنز بنائے تھے تاہم تیز بارش نےمیچ رکوادیا تھاجبکہ بنگال ٹائیگرز اس وقت بھارت کو شکست دینے کے قریب تھےتاہم امپائرزنےگیلی آؤٹ فیلڈ پر میچ کروانے کا فیصلہ کیا جس پر شکیب الحسن کافی ناراض نظرآئے-

    پہلی اننگز میں بنگلہ دیش کی بالنگ کے دوران ویرات کوہلی کی جانب سے امپائر کو اشارہ کیا گیا کہ نوبال قرار دی جائے جس پر انہوں نے تھرڈ امپائر کو فیصلہ دینے کے بجائے نوبال قرار دیدی جس سے مخالف ٹیم کو فائدہ پہنچا میچ کے دوران امپائرز کی جانب سے دو غیر معمولی فیصلے دیکھنے میں آئے۔

    امید ہے بھارت سیمی فائنل کھیلے گا،سارو گنگولی

    امپائر مرے اریسمس کا پہلا فیصلہ تب متنازع بنا جب بنگلہ دیش کے بولر حسن محمود نے 16 ویں اوور کی آخری گیند انڈین بیٹر وراٹ کوہلی کو کروائی اس پرویرات کوہلی نے ایک مرتبہ پھر امپائر مرے اریسمس سے نو بال مانگ لی جس پر انہیں نو بال اور فری ہٹ دے دی گئی۔

    امپائرز کی جانب سے دوسرا متنازع فیصلہ تب دیکھنے میں آیا جب بارش کے فوری بعد کھیل کو دوبارہ شروع کیا گیا بنگلہ دیش نے پہلے 7 اوورز میں بغیر کسی نقصان کے 66 رنز بنائے جس کے بعد ایڈیلیڈ میں بارش شروع ہوگئی اس وقت بنگلہ دیش کا ڈک ورتھ لوئس میتھڈ کے تحت انڈیا سے 15 سکور آگے تھا۔

    کرکٹ شائقین کا کہنا ہے کہ بارش کے بعد ابھی گراؤنڈ مکمل طور پر خشک نہیں ہوئی تھی لیکن امپائرز نے میچ شروع کروانے میں جلد بازی سے کام لیا بارش کے بعد جب دوبارہ میچ شروع ہوا تو پہلی گیند پر بنگلہ دیشی بیٹر لٹن داس پھسل گئے اور اگلی ہی گیند پر رن آوٹ ہوگئے۔

    رضوان اور بابراعظم فارم میں نہیں ہیں،ہماری ٹیم اسکا فائدہ اٹھائے گی،ڈیوڈ ملر

    انڈین بیٹر ویرات کوہلی کی جانب سے امپائرز سے نو بال مانگنے پر صارفین کو پاکستان اور انڈیا کا 23 اکتوبر کو میلبرن میں ہونے والا میچ یاد آگیا اس میچ میں محمد نواز کی فُل ٹاس گیند کو امپائر مرے اریسمس نے نو بال قرار دے دیا تھا۔


    https://twitter.com/michaelscottfc/status/1587736887606771716?s=20&t=0-vY7tJp18Cm3hFT4AMdhg
    سوشل میڈیا صارفین کی جانب سے الزام عائد کیا جارہا ہے کہ پاک بھارت میچ کے دوران بھی ماریس ایراسمس نے کوہلی کی جانب سے اشارہ کیے جانے پر نوبال قرار دیدی تھی جبکہ یہاں بھی تھرڈ امپائر سے پوچھنے کی کوشش نہیں کی گئی۔
    https://twitter.com/m_4_maira/status/1587792036949889027?s=20&t=LGktB13bIey9ph0Z0QSspg

    ٹی 20 ورلڈ کپ: سنسنی خیز مقابلہ، بھارت کی بنگلا دیش کو 5 رنز سے شکست

  • اذلان شاہ ہاکی کپ: پاکستان اور ملائیشیا کے مابین میچ 1،1 گول سے برابر

    اذلان شاہ ہاکی کپ: پاکستان اور ملائیشیا کے مابین میچ 1،1 گول سے برابر

    ایبوہ: ملائیشیا میں کھیلے جانے والے سلطان ازلان شاہ ہاکی کپ میں پاکستان اور ملائشیا کے مابین دلچسپ میچ ایک ایک گول سے برابر رہا۔

    ذرائع کے مطابق اذلان شاہ ہاکی ٹورنامنٹ میں پاکستان کی مسلسل ناکامیوں کا سلسلہ جاری ہے ملائیشیا کے شہر ایبوہ میں کھیلے جانے والے سلطان ازلان شاہ ہاکی کپ میں پاکستان اور ملائشیا کے مابین دلچسپ میچ ایک ایک گول سے برابر ہوگیا۔

    ارباز احمد نے36 ویں منٹ میں پینلٹی کارنر کے ذریعے گول اسکور کیا جب کہ ملائشیا کی جانب سے 26 ویں منٹ میں شیلو نے گول اسکور کیا۔

    ملائشیا ایف آئی ایچ ورلڈ رہنکنگ میں 10 ویں نمبر جب کہ پاکستان 18 ویں نمبر ہر ہے، ایونٹ میں میزبان ٹیم ملائشیا، پاکستان، جاپان ، کوریا، ساوتھ افریقہ اور مصر شامل ہیں۔

    شیڈول کے مطابق پاکستان اپنا تیسرا میچ چار نومبر پاکستانی وقت کے مطابق ایک بجے دوپہر جاپان سے, چوتھا میچ پانچ نومبر کو پاکستانی وقت کے مطابق ایک بجے دوپہر کوریا سے جبکہ پانچواں میچ سات نومبر کو پاکستانی وقت کے مطابق تین بجے دوپہر مصر کیساتھ کھیلے گا۔

    خیال رہے کہ گزشتہ روز سلطان اذلان شاہ ہاکی ٹورنامنٹ میں پاکستان اور جنوبی افریقہ کے مابین میچ ہوا، جس میں ساؤتھ افریقہ نے پاکستان کو ایک کے مقابلے میں چار گول سے ہرادیا۔

  • ٹی 20 ورلڈ کپ: سنسنی خیز مقابلہ، بھارت کی بنگلا دیش کو 5 رنز سے شکست

    ٹی 20 ورلڈ کپ: سنسنی خیز مقابلہ، بھارت کی بنگلا دیش کو 5 رنز سے شکست

    لاہور:ٹی 20 ورلڈ کپ میں سنسنی خیز مقابلے کے بعد بھارت نے بنگلا دیش کو 5 رنز سے شکست دے دی۔

    آسٹریلیا کے شہر ایڈیلیڈ میں گروپ 2 اور میگا ایونٹ کا 35واں میچ بھارت اور بنگلا دیش کے مابین کھیلا گیا جبکہ دوسری اننگز بارش کے باعث 16 اوورز تک محدود کردی گئی۔

    لاہورہائیکورٹ کے11ایڈیشنل ججز مستقل کرنے کی منظوری دیدی گئی

    بھارت اننگز

    پاکستان کے روایتی حریف نے پہلے بیٹنگ کرتے ہوئے مقررہ 20 اوورز میں 6 وکٹ کے نقصان پر 184 رنز بنائے، ویرات کوہلی نے 1 چھکے اور 8 چوکوں کی مدد سے 44 گیندوں پر 64 رنز کی ناقابل شکست اننگز کھیلی، اوپنر کے ایل راہول 4 چھکوں اور 3 چوکوں کی مدد سے 32 گیندوں پر 50 سکور بناکر پویلین لوٹے، سوریا کمار یادیو نے 30 رنز کی اننگز کھیلی۔

    بنگال ٹائیگرز کی جانب سے حسن محمود نے سب سے زیادہ 3 جبکہ شکیب الحسن نے 2 وکٹ اپنے نام کیں۔

    کرکٹ کی دنیا:بابرکےبعد رضوان سےبھی ٹی 20 کی بادشاہت چھن گئی

    بنگلا دیش اننگز

    185 رنز ہدف کے تعاقب میں بنگلا دیش کی بیٹنگ شروع ہوئی تو اس دوران بارش کے باعث میچ روک دیا گیا، میچ دوبارہ شروع ہوا تو ڈک ورتھ لوئس میتھڈ کے تحت اننگز 16 اوورز تک محدود کرتے ہوئے 151 رنز کا ہدف کردیا گیا۔

    لٹن داس کی 3 چھکوں اور 7 چوکوں کی مدد سے 27 گیندوں پر کھیلی گئی 60 رنز کی اننگز بھی رائیگاں گئی، نجم الحسن شانتو بھی 21 رنز بناکر پویلین لوٹ گئے، کپتان شکیب الحسن بھی صرف 13 رنز بناکر آؤٹ ہوگئے جبکہ اس کے بعد بنگال ٹائیگرز کی وکٹیں تیزی سے گرنے لگیں، نورالحسن نے 25 اور تسکین احمد نے 12 رنز ناٹ آؤٹ بنائے۔

    کامران اکمل نےپشاورزلمی ٹیم کوخیرباد کہہ دیا

    ارشدیب سنگھ اور ہاردیک پانڈیا نے 2،2 جبکہ محمد شامی نے ایک وکٹ اپنے نام کی۔اس طرح بنگال ٹائیگرز نے 16 اوورز میں 6 وکٹ کے نقصان پر 145 رنز بنائے۔