Category: کھیل

برسبین ہیٹ نے آنے والے بگ بیش کے سیزن کے دوسرے نصف حصے کیلئے اے بی ڈویلیئرز کے ساتھ معاہدہ کر لیا ہے۔ وہ ریٹائر ہونے والے برینڈن میک کولم کی جگہ لیں گے۔
گابا فرنچائز کے لئے دستخط کرنے پر اے بی ڈی نے کہا ، "آپ ریٹائرمنٹ کے بعد ایسے لمحوں سے گزرتے ہیں جب آپ واقعی میں کھیلنے کے خواہشمند ہوتے ہیں ، پھر آپ صرف گھر میں بھی رہنا چاہتے ہیں۔ اس میں توازن رکھنا واقعی مشکل ہے۔ گھر میں رہنا اور کرکٹ میں وقت گزارنے کے معاملے میں بڑی سوچ بچار سے کام لیتا ہوں ، اور جسم قدرے بوڑھا ہوتا جا رہا ہے لہذا میں زیادہ نہیں کھیل سکتا۔
"میں کرسمس اور نئے سال کی چھٹیوں کے دوران گھر میں رہنا پسند کرتا ہوں ، لیکن میں برسبین آنے اور تفریح ​​میں شامل ہونے کیلئے بھی بے چین تھا۔ بگ بیش دنیائے کرکٹ کے بہترین ٹورنامنٹس میں سے ایک ہے اور میں کافی عرصے سے اسے فالو کر رہا ہوں ۔ اب تک میں ان تمام کھلاڑیوں سے بگ بیش اور برسبین ہیٹ کی کافی تعریف سنی ہے جو پہلے یہ ٹورنامنٹ کھیل چکے ہیں۔ اور میں برسبین ہیٹ کی جرسی پہننے کیلئے کافی پرجوش ہوں، بگ بیش میں کرکٹ کا معیار اچھا ہے ، اور بہت زیادہ شائقین کرکٹ میچز دیکھنے آتے ہیں”

کراچی: پاکستان نے سری لنکا کو دوسرے ون ڈے انٹرنیشنل میں 67 رنز سے شکست دے دی ، پاکستان اور سری لنکا کے درمیان دوسرا ون ڈے کراچی میں کھیلا گیا، پاکستان نے سری لنکا کیخلاف ٹاس جیت کر پہلے بیٹنگ کا فیصلہ کیا ، پاکستان نے پہلی اننگز میں مقررہ 50 اوورز میں 305 رنز بنائے ،
پاکستان کی اننگز کا آغاز فخر زمان اور امام الحق نے کیا، اور 73 رنز کی شراکت داری قائم کی ، اس کے بعد امام الحق 31 رنز ڈی سلوا کا شکار ہو گئے، فخر زمان پاکستان میں اپنے پہلے ون دے میچ کو 54 رنز کی اننگز سے یادگار بنا لیا ، لیکن میچ کی پہلی اننگز کی سرخی پاکستان کرکٹ ٹیم کی رن مشین بابر اعظم ثابت ہوئے جنہوں نے 105 گیندوں پر 4 چھکوں اور 8 چوکوں کی مدد سے 115 رنز کی شاندار اننگز کھیلی اور کیریر کی گیارھویں سینچری اسکور کی ، حارث سہیل نے 40 اور افتحار احمد نے 32 رنز کی اننگز کھیلی، سری لنکا کی جانب سے ڈی سلوا نے دو جبکہ لاہیرو کمارا اور ادانا نے ایک ایک وکٹ حاصل کی ،
جواب میں سری لنکن ٹیم 305 رنز کے تعاقب میں 238 رنز پر آل آؤٹ ہو گئی ، سری لنکن ٹیم کے پہلے پانچ کھلاڑی 28 رنز کے مجموعے پر پویلین لوٹ چکے تھے، اس کے بعد شیہان جے سوریا اور داسن شانکا نے 177 رنز کی شاندار اننگز شراکت داری قائم کی، اور پاکستان کی بولنگ لائن کی کمزوریوں کو کھول دیا ، ، سری لنکا کی جانب سے شیہان جے سوریا نے 95 رنز کی دھواں دار اننگز کھیلی اور داسن شانکا نے 68 رنز بنا کر جے سوریا کا بھرپور ساتھ دیا، لیکن ان دونوں بلے بازوں کے آؤٹ ہونے کے بعد کوئی سری لنکن کھلاڑی جم کر کھیل نہ سکا، پھر عثمان خان شنواری نے جے سوریا کو آؤٹ کرکے ٹیم کو کم بیک کروایا اور سری لنکن ٹیم 238 رنز کے مجموعے پر پویلین لوٹ گئی،
پاکستان کی جانب سے عثمان خان شنواری نے 10 اوورز میں 51 رنز دے کر پانچ کھلاڑیوں کو آؤٹ کیا، شاداب خان نے دو جبکہ محمد عامر، عماد وسیم اور وہاب ریاض نے ایک ایک کھلاڑی کو آؤٹ کیا، شاندار باؤلنگ اسپیل کی بدولت عثمان شنواری کو میچ کے بہترین کھلاڑی کا ایوارڈ دیا گیا ،

سري لنکا کے وزير کھيل ہیرن فرنینڈو کا کہنا تھا کہ دس سال پہلے جو واقع سری لنکن ٹیم کیساتھ رونما ہوا تھا اس پر بہت افسوس ہے لیکن اب حالات بدل گئے ہیں ہم کراچی میں خود کو پہلے سے زیادہ محفوظ سمجھتے ہیں ہماری ٹیم کراچی میں کھیل رہی ہے ہم پاکستان میں کرکٹ کھیلنے آئے ہیں جذبہ خیر سگالی کے تحت مشکل اور مشکل وقت میں پاکستان کیساتھ کھڑے ہیں میں کوئی ہچکچاہٹ محسوس نہیں کرینگے آئندہ بھی پاکستان میں کرکٹ کھیلنے یکیورٹی کے انتظامات نے ہمیں کے ليے آئيں گے سيکورٹي کے انتظامات نے بہت متاثر کیا ہے
دہشت گردی کہیں بھی ہوسکتی ہے جس کیخلاف ہمیں مل کر لڑنا ہے
شامی سلوا صدر سری لنکن کرکٹ بورڈ کا کہنا تھا کے سری لنکا گورنمنٹ پر سری لنکا گورنمنٹ پر بہت دبائو تھا کہ پاکستان کا دورہ نہ کیا جائے ہم نے حکومت سے بات کی اور پاکستان کا دورہ ممکن بنایا ہمیں امید ہے کہ ہمارے سینئر کھلاڑی بھی ٹیسٹ میچز میں ٹیم کا حصہ ہونگے اگر سری لنکا کے تمام کھلاڑیوں نے پاکستان آنے کی ہامی بھری تو دسمبر میں شیڈیول ٹیسٹ سیریز بھی پاکستان میں ہوگی،
کھلاڑی یہاں سے جاکر جب پیغام دے گے تو امید ہے دوسرے کھلاڑی بھی پاکستان آنے کے کیے حامی بھر دیں گے پاکستان آنے میں اب ہمیں کوئی مسلہ نہیں ہے ٹیسٹ سیریز کے حوالے سے سوچ رہے ہیں ہمیں ٹیسٹ چیمین شپ کھیلنی ہے ہماری ٹیسٹ ٹیم میں ابھی بھی چند کھلاڑی ایسے ہیں جو 2009واقعے کے وقت اسکواڈ کا حصہ تھے اب دورہ پاکستان کے حوالے سے کوئی مسلہ نہیں مگر کھلاڑیوں سے بات کرنے پڑی گی
کھلاڑیوں کی فیمیلیز کا مسلہ ہوتا ہے اگلے سال ایشیاء کپ پاکستان میں ہے جس کے انعقاد میں ہم مدد کریں گے ایشیا کی دو اہم ٹیمز سری لنکا اور بنگلہ دیش پاکستان آنے کے کیے تیار ہیں تو ایشیا کپ پاکستان میں ہونا چاہیے،

ایچ بی ایل پی ایس ایل کی جنرل کونسل کا اجلاس کراچی میں منعقد ہوا۔ اجلاس کی صدارت چیئرمین پی سی بی احسان مانی نے کی۔ اجلاس میں تمام فرنچائزز کے نمائندگان نے شرکت کی۔ اجلاس کے دوران پی سی بی اور فرنچائزز نے ایک بار پھر ایچ بی ایل پی ایس ایل 2020 کے تمام میچز پاکستان میں کروانے پر مکمل اتفاق کیا ہے۔

اجلاس میں دیگر اہم امور پر بھی تبادلہ خیال کیا گیا جن میں ایچ بی ایل پی ایس ایل 2020 کی ڈرافٹنگ کی مجوزہ تاریخ اور گذشتہ ایڈیشن کے ریونیو کی تقسیم کا جائزہ لینا شامل تھا۔ اجلاس میں پی سی بی اور فرنچائزز کے درمیان تمام زیر التواء امور پر بھی تبادلہ خیال کیا گیا ہے۔ اجلاس میں واضح روڈ میپ تیار کرکے فیصلہ کیا گیا ہے کہ تمام حل طلب امور کو جلد نمٹایا جائے گا۔ چیف ایگزیکٹو پی سی بی وسیم خان کا کہنا ہے کہ فرنچائزز کے ساتھ آج ہونے والی ملاقات میں سیرحاصل گفتگو ہوئی ہے۔

انہوں نے کہا کہ فرنچائز نمائندگان ہمارے ساتھی ہیں اور ہم ایچ بی ایل پی ایس ایل 2020 کے تمام میچز پاکستان میں کروانے پر مکمل اتفاق رکھتے ہیں۔ چیف ایگزیکٹو پی سی بی نے کہا کہ لیگ کی تیاریوں کا آغاز جلد شروع کردیا جائے گا۔ انہوں نے کہا کہ ایچ بی ایل پی ایس ایل 2020 میں دنیا بھر میں موجود کرکٹ کے مداحوں کو بہترین کرکٹ دیکھنے کو ملے گی۔ علاوہ ازیں ایچ بی ایل پی ایس ایل کے آئندہ ایڈیشن میں دنیا بھر سے نامور کھلاڑی شرکت کریں گے۔

اجلاس کے دوران کھلاڑیوں کی رجسٹریشن کے عمل پر تازہ ترین تفصیلات کا بھی تبادلہ کیا گیا۔ اجلاس کے دوران ایچ بی ایل پی ایس ایل 2020 کے شیڈول اور براڈ کاسٹ پلان پر تفصیلی گفتگو کی گئی، جس کی تفصیلات مناسب وقت پر جاری کردی جائیں گی