Category: کھیل

پاکستان کرکٹ ٹیم کے کپتان سرفراز احمد نے کہاکہ تجربہ کارمحمد عامر اور وہاب ریاض کی شمولیت پر پاکستان کو بہت توقعات وابستہ ہیں.

باغی ٹی وی کی رپورٹ‌ کے مطابق لندن میں ورلڈ کپ کپتانوں کی مشترکہ پریس کانفرنس ہوئی. اس موقع پر پاکستانی کرکٹ ٹیم کے کپتان سرفراز احمد نے گفتگو کرتے ہوئے کہاکہ دونوں‌ سینئر کھلاڑی اچھی باؤلنگ اور بہتر پرفارمنس کی بھرپور صلاحیت رکھتے ہیں. ان دونوں‌کھلاڑیوں‌کا قومی کرکٹ ٹیم کا ورلڈ کپ کیلئے حصہ بننا خوش آئند ہے.

انہوں نے کہاکہ پاکستانی قومی ٹیم کی قیادت کرنا ان کے لئے بڑے فخر کی بات ہے. وہ عمدہ کارکردگی دکھانے کیلئے پرعزم ہیں اور ہم ٹائٹل جیتنے کی بھرپور کوشش کریں گے.

یاد رہے کہ حال ہی میں پاکستانی ٹیم کو انگلینڈ کے مقابلہ میں‌ پانچ میچوں‌کی سیریز میں‌ واضح‌شکست کا سامنا کرنا پڑا ہے جس پر ٹیم میں‌متعدد تبدیلیاں‌ کی گئیں‌اور محمد عامر اور وہاب ریاض کو بھی ٹیم میں‌شامل کیا گیا ہے.

پاکستان کی قومی کرکٹ ٹیم کے ہیڈ کوچ نے ورلڈ کپ سے قبل انگلینڈ کے خلاف مسلسل شکست کا سامنا کرنے پڑنے پر گہری تشویش کا اظہار کیا اور اس کا سبب ناقص فیلڈنگ کو قرار دیا ہے.

باغی ٹی وی کی رپورٹ‌ کے مطابق پاکستانی کرکٹ ٹیم نے تین میچوں‌میں تین سو سے زائد سکول کیا تاہم اس کے باوجود وہ انگلینڈ سے ایک بھی میچ نہیں‌ جیت سکی. اسی طرح کھلاڑیوں نے ناقص فیلڈنگ کی اور باؤلنگ بھی اچھی نہیں‌کر سکے. اس صورتحال پر مکی آرتھر سخت تشویش میں مبتلا ہیں اور انہوں نے اس امر کا اظہار بھی کیا ہے کہ ٹیم کی فیلڈنگ بہت ناقص رہی ہے.

انہوں نے کہاکہ ناقص فیلڈنگ ہی پاکستان اور انگلینڈ کی ٹیموں‌میں واضح فرق ثابت ہوئی.

ان کا کہنا تھا کہ اگر آپ ساؤتھ ہیمپٹن اور ناٹنگھم میں کھیلے گئے میچوں کو دیکھیں تو وہ آخری 5 اوورز تک گئے جہاں کوئی بھی ٹیم فتح حاصل کر سکتی تھی، ہم نے بہت اچھا مقابلہ کیا۔

مکی آرتھر نے کہاکہ ناقص فیلڈنگ ہمارے لئے بہت تشویشناک ہے. ہمیں اس شعبے میں محنت کرنا ہو گی اور ہم اس جانب توجہ دیں گے. پہلے بھی ہم اس پر محنت کر رہے ہیں‌ تاہم ابھی اس کے نتائج صحیح‌معنوں میں نہیں‌مل سکے ہیں.

مکی آرتھر کا کہنا تھا کہ ایک چیز البتہ مثبت ہے کہ جب ہم انگلینڈ آ رہے تھے تو لوگ کہہ رہے تھے کہ ہم 280رنز بنانے والی ٹیم ہیں لیکن ہم نے اس چیز کو غلط ثابت کیا اور اپنے بیٹنگ یونٹ کو اعتماد بخشا اور اس شعبے میں ہمیں کئی مثبت چیزیں نظر آتی ہیں۔

یاد رہے کہ پاکستانی کرکٹ ٹیم ورلڈ‌ کپ کی بھرپور تیاریاں‌کر رہی ہے اور مکی آرتھر ٹیم کی اس سلسلہ میں بھرپور رہنمائی کرتے نظر آتے ہیں.

پاکستان ٹیم کے کپتان سرفراز احمد نے لندن میں اپنے اہل خانہ کے ہمراہ سالگرہ کا کیک کاٹا. یہ کیک افطار ڈنر کے موقع پر ساتھی کھلاڑیوں‌کے ہمراہ کاٹا گیا.

باغی ٹی وی کی رپورٹ‌کے مطابق تقریب میں اظہر علی ، امام الحق، اسد شفیق، بابر اعظم اور شاداب سمیت کئی کھلاڑیوں اور دیگر دوستوں نے شرکت کی۔ اس موقع پر تقریب میں‌موجود افراد کی طرف سے سیلفیاں بھی بنائی جاتی رہیں.

یاد رہے کہ پاکستان کی قومی ٹیم آج لارڈز کے کرکٹ‌کے حوالہ سے تاریخی گراؤنڈ میں پریکٹس سیشن میں حصہ لے گی.
سالگرہ کے دوران ساتھی کھلاڑیوں‌نے سرفراز احمد کے ہمراہ ہلہ گلہ بھی کیا.

پاکستان کی قومی ٹیم کے سابق اسپنر ثقلین مشتاق نے ورلڈکپ میں انگلش بولرز کی رہنمائی کا فیصلہ کیا ہے۔

باغی ٹی وی کی رپورٹ کے مطابق سابق سپنر کا کہنا ہے کہ وہ چند دن بعد لندن جائیں گے جہاں‌وہ پانچ میچوں‌ کے دوران میزبان ٹیم کے ہمراہ ہی رہیں گے.

انہوں نے کہاکہ میری اولین ترجیح پاکستان ہے. مجھے جب کبھی پی سی بی بلائے گا میں دستیاب ہوں‌ گا. ان کا کہنا تھا کہ میرا دو سالہ معاہدہ ختم ہو چکا ہے اور اب مجھے مزید چند دن کے لئے بلایا گیا ہے.

یاد رہے کہ ثقلین مشتاق پاکستان کے کامیاب سپنر رہے ہیں.

‏
پاکستان کرکٹ بورڈ کے چیف سلیکٹر انضمام الحق نے ورلڈکپ 2019 کے لیے اعلان کردہ ٹیم میں محمد عامر کو بھی شامل کیا ہے. اسی طرح‌وہاب ریاض بھی ٹیم کا حصہ بن گئے ہیں. وہاب فہم اشرف کی جگہ ٹیم کا حصہ بنے ہیں.

باغی ٹی وی کی رپور‌ٹ کے مطابق جب ان سے وہاب ریاض سے متعلق سوال کیا گیا تو ان کا کہنا تھا کہ وہ انگلینڈ میں باؤلنگ کا اچھا تجربہ رکھتے ہیں اس لئے انہیں شامل کیا گیا ہے. وہ ریورس سوئنگ بھی اچھی کر لیتے ہیں. اس لئے ورلڈ کپ میں ان کی ضرورت محسوس ہوئی.

پاکستانی ٹیم سرفراز احمد کی قیادت میں ورلڈ کپ کھیلے گی. چیف سلیکٹر انضمام الحق نے پندرہ رکنی قومی ٹیم کا اعلان کیا.

یاد رہے کہ دورہ انگلینڈ سے قبل پاکستان کرکٹ بورڈ نے ورلڈکپ کے لیے ابتدائی طور پر جس 15 رکنی ٹیم کا اعلان کیا تھا اس میں محمد عامر شامل نہیں تھے. اسی طرح‌اس اسکواڈ میں وہاب ریاض کا نام بھی نہیں تھا مگر ڈومیسٹک کرکٹ میں شاندار کارکردگی کی وجہ سے اب انہیں بھی ورلڈ کپ ٹیم کا حصہ بنایا گیا ہے ۔

یاد رہے کہ ورلڈ‌کپ کیلئے اعلان کردہ حتمی ٹیم میں‌ کپتان سرفراز احمد، فخر زمان، امام الحق، بابر اعظم، محمد حفیظ، شعیب ملک، حارث سہیل، آصف علی، عماد وسیم، شاداب خان، حسن علی، محمد عامر، وہاب ریاض، محمد حسنین اور شاہین آفریدی شامل ہیں.

انگلینڈ میں شکست کے بعد پاکستانی ٹیم میں‌متعدد تبدیلیاں‌کی گئی ہیں.