پاکستان کی قومی ٹیم کے سابق اسپنر ثقلین مشتاق نے ورلڈکپ میں انگلش بولرز کی رہنمائی کا فیصلہ کیا ہے۔
باغی ٹی وی کی رپورٹ کے مطابق سابق سپنر کا کہنا ہے کہ وہ چند دن بعد لندن جائیں گے جہاںوہ پانچ میچوں کے دوران میزبان ٹیم کے ہمراہ ہی رہیں گے.
انہوں نے کہاکہ میری اولین ترجیح پاکستان ہے. مجھے جب کبھی پی سی بی بلائے گا میں دستیاب ہوں گا. ان کا کہنا تھا کہ میرا دو سالہ معاہدہ ختم ہو چکا ہے اور اب مجھے مزید چند دن کے لئے بلایا گیا ہے.
یاد رہے کہ ثقلین مشتاق پاکستان کے کامیاب سپنر رہے ہیں.
پاکستان کی قومی کرکٹ ٹیم کے کرکٹر اور ورلڈ کپ سکواڈ میں شامل ہونے والے وہاب ریاض نے کہا ہے کہ ورلڈ کپ میں ملک اور قوم کے لئے کھیلیں گے. دو سال ٹیم سے باہر رہا کوشش کروں گا جتناسیکھاہےاس سےٹیم کوفائدہ پہنچاؤں ،قوم کی امیدوں پرپورااترنےکی کوشش کروں گا
باغی ٹی وی کی رپورٹ کے مطابق وہاب ریاض نے لاہو رمیں پریس کانفرنس سے خطاب کرتے ہوئے کہا کہ میرے والد کی خواہش ہے کہ میں یہ ورلڈ کپ کھیلوں اور مجھے یقین ہو چکا تھا کہ میں کھیلوں گا، وہاب ریاض نے مزید کہا کہ جب سے ورلڈ کپ کا سین شروع ہوا مجھے ہر دوسرے د ن خواب آتے تھے اور کبھی مجھے ٹیم میں سیلکٹ کر دیا جاتا تھا کبھی نظر انداز کر دیا جاتا، آٹھ دن قبل خوا ب میں انضمام نے کال کر کے کہا کہ یہ آخری موقع ہے تم ورلڈ کپ کھیل رہے ہو ،وہاب ریاض نے کہا کہ بالکل ایسا ہی ہوا، مجھے انضمام الحق کی کال آئی اور کہا کہ تیار ہو جاو ورلڈ کپ کے لئے جا رہے ہو .وہاب ریاض کا مزید کہنا تھا کہ ہمیں انگلینڈ کیخلاف سیریز میں وائٹ واش ہواہے لیکن کبھی بھی چار میچوں میں ہم نے لگاتار تین سو رنز نہیں بنائے ، یہ بہت بڑی بہتری ہے .
واضح رہے کہ وہاب ریاض کو ورلڈ کپ سکواڈ میں ایک روز قبل شامل کیا گیا ہے ،
پاکستان کرکٹ بورڈ نے سماجی رابطے کی ویبسائٹ ٹویٹر پر 30 مئی 2019 کو شروع ہونے والے دنیائے کرکٹ کے سب سے بڑے ٹورنامنٹ ورلڈ کپ 2019 کے لیے پاکستان کرکٹ ٹیم کی آفیشل کٹ کی تصاویر جاری کردیں.
پاکستان کرکٹ بورڈ کے چیف سلیکٹر انضمام الحق نے ورلڈکپ 2019 کے لیے اعلان کردہ ٹیم میں محمد عامر کو بھی شامل کیا ہے. اسی طرحوہاب ریاض بھی ٹیم کا حصہ بن گئے ہیں. وہاب فہم اشرف کی جگہ ٹیم کا حصہ بنے ہیں.
باغی ٹی وی کی رپورٹ کے مطابق جب ان سے وہاب ریاض سے متعلق سوال کیا گیا تو ان کا کہنا تھا کہ وہ انگلینڈ میں باؤلنگ کا اچھا تجربہ رکھتے ہیں اس لئے انہیں شامل کیا گیا ہے. وہ ریورس سوئنگ بھی اچھی کر لیتے ہیں. اس لئے ورلڈ کپ میں ان کی ضرورت محسوس ہوئی.
پاکستانی ٹیم سرفراز احمد کی قیادت میں ورلڈ کپ کھیلے گی. چیف سلیکٹر انضمام الحق نے پندرہ رکنی قومی ٹیم کا اعلان کیا.
یاد رہے کہ دورہ انگلینڈ سے قبل پاکستان کرکٹ بورڈ نے ورلڈکپ کے لیے ابتدائی طور پر جس 15 رکنی ٹیم کا اعلان کیا تھا اس میں محمد عامر شامل نہیں تھے. اسی طرحاس اسکواڈ میں وہاب ریاض کا نام بھی نہیں تھا مگر ڈومیسٹک کرکٹ میں شاندار کارکردگی کی وجہ سے اب انہیں بھی ورلڈ کپ ٹیم کا حصہ بنایا گیا ہے ۔
یاد رہے کہ ورلڈکپ کیلئے اعلان کردہ حتمی ٹیم میں کپتان سرفراز احمد، فخر زمان، امام الحق، بابر اعظم، محمد حفیظ، شعیب ملک، حارث سہیل، آصف علی، عماد وسیم، شاداب خان، حسن علی، محمد عامر، وہاب ریاض، محمد حسنین اور شاہین آفریدی شامل ہیں.
انگلینڈ میں شکست کے بعد پاکستانی ٹیم میںمتعدد تبدیلیاںکی گئی ہیں.
پاکستان کے چیف سلیکٹر انضمام الحق نے کہا ہے کہ پاکستان کے ورلڈ کپ سکواڈ میں تبدیلیاں کی گئی ہیں۔ سرفراز احمد پاکستان کی قومی ٹیم کےکپتان ہوں گے۔ شاداب خان کے حوالہ سے رپورٹس آ گئی ہیں وہ بھی کھیلیں گے.
باغی ٹی وی کی رپورٹ کے مطابق پاکستان کرکٹ ٹیم کے چیف سیلیکٹر انضمام الحق نے لاہور میں پریس کانفرنس کرتے ہوئے ورلڈ کپ کے لئے حتمی سکواڈ کا اعلان کیا اور کہا کہ شاداب خان، محمد عامر، وہاب ریاض اور آصف علی کو ٹیم میں شامل کر لیا گیا ہے. انہوں نے مزید کہا کہ فہیم اشرف ، عابد علی اور جنید خان کو ورلڈ کپ سکواڈ سے آوٹ کیا گیا ہے. انضمام الحق نے مزید کہا کہ قومی کرکٹ ٹیم کے کپتان سرفراز احمد ہی ہوں گے. ڈاکٹرز نے شاداب خان کے ٹیسٹ کے بعد انہیں کلئیر قرار دے دیا ہے، اب وہ ورلڈ کپ میں پرفارمنس دکھائیں گے .پندرہ رکنی ٹیم کے دیگر کھلاڑیوں میں آصف علی، بابراعظم، فخر زمان، حارث سہیل، حسن علی، عماد وسیم، امام الحق، محمد عامر، محمد حفیظ، محمد حسنین، شاداب خان، شاہین شاہ آفریدی، شعیب ملک اور وہاب ریاض شامل ہیں .انضمام الحق نے مزید کہا کہ محمد عامرہمارا سب سے سینئر باﺅلر ہے جسے انگلینڈ میں باﺅلنگ کا وسیع تجربہ ہے محمد عامر کے اکانومی ریٹ بھی بہت بہتر ہیں ، محمد عامر اور وہاب ریاض کے آنے سے تجربے کی کمی بھی پوری ہو جائے گی اور ٹیم کو فائدہ ہو گا۔
Pakistan finalises make-up of World Cup squadhttps://t.co/I4xFbvC5sF #WeHaveWeWill pic.twitter.com/tTdA8iC6Pj
— Pakistan Cricket (@TheRealPCB) May 20, 2019
اسلام آباد : پاکستان کرکٹ ٹیم کے کھلاڑی آصف علی کی بیٹی نور فاطمہ انتقال کر گئی ہے وہ گزشتہ کئی ماہ سے کینسر کے مرض میں مبتلا تھی اور امریکہ میں زیرِعلاج تھی. آصف علی جو اس وقت پاکستان کرکٹ ٹیم کے ساتھ انگلینڈ کے دورے پر تھے ان کو اطلاع ملتے ہی ٹیم سے ریلیز کر دیا گیا ہے اور ان کی فوری وطن روانگی کے انتظامات کیے جا رہے ہیں، پاکستان کرکٹ ٹیم کے ترجمان نے صحافیوں کو بتایا کہ دکھ کی اس گھڑی میں پوری ٹیم اور منیجمنٹ آصف علی کے ساتھ ہے اور ان کی فوری وطن روانگی کے انتظامات کیے جا رہے ہیں.
انگلینڈ نے ون ڈے میچ کیلئے پاکستان کے خلاف ٹاس جیت لیا اور پہلے بیٹنگ کا فیصلہ کیا ہے.
باغی ٹی وی کی رپورٹکے مطابق 5 واں ایک روزہ میچ دونوں ملکوں کے مابین لیڈز میںکھیلا جارہا ہے. یہ سیریز کا آخری میچ ہے جس میں انگلینڈ نے پاکستان کے خلاف ٹاس جیت کر بیٹنگ کا فیصلہ کیا ہے۔ قومی ٹیم میں امام الحق کی جگہ عابد علی کو شامل کیا گیا ہے۔
یاد رہے کہ انگلینڈ پاکستان کے خلاف تین میچ جیت چکا ہے جبکہ ایک میچ بارش کی نذر ہو گیا تھا. پاکستان نے تین میچوں میں تین سو سے زائد رنز کا ہدف دیا تاہم اس کے باوجود شکست کھا گئے اور کوئی میچ نہیںجیت سکے.
ڈاکٹرز نے پاکستانی کھلاڑی شاداب خان کی رپورٹیں چیک کرنے کے بعد ان رپورٹوںکو تسلی بخش قرار دیا ہے اور انہیں کرکٹ ورلڈ کپ کھیلنے کیلئے فٹ قرار دیا ہے.
باغی ٹی وی کی رپورٹ کے مطابق ڈاکٹر پیٹرک کینڈی نے تفصیلی معائنہ کے بعد قرار دیا ہے کہ شاداب خان کی رپورٹیں بہت اچھی آئی ہیں اور ان کے بلڈ میں نیگیٹو وائرس کی نشاندہی ہوئی ہے. اس رپورٹ کے بعد توقع کی جارہی ہے کہ وہ 20 مئی سے قومی ٹیم کا حصہ بن سکیں گے.
ورلڈ کپ سے قبل وہ وارم اپ میچ بھی حصہ لیں گے. شاداب خان کی ورلڈ کپ میں حصہ نہ لینے کی خبروں پر کرکٹ میں دلچسپی لینے والوں میں خاص طور پر بہت زیادہ بے چینی دیکھنے میں آرہی تھی. پرانے کھلاڑیوں نے ان کی ورلڈ کپ میں شمولیت کو پاکستان کیلئے بہت فائدہ مند قرار دیا ہے. ان کا کہنا ہے کہ وہ کسی بھی وقت میچ کا پانسہ پلٹ سکتے ہیں.
(مانیٹرنگ) گزشتہ روز ایک دلچسپ اور سنسنی خیز مقابلے میں انگلینڈ نے پاکستان کو ہرا کر ایک روزہ میچز کی سریز 0-3 سے اپنے نام کرلی. جس کے ساتھ ہی قومی ٹیم کی ایک روزہ میچز میں مسلسل شکست اضافہ ہوگیا ہے قومی ٹیم عین ورلڈ کپ سے قبل ناقص کارکردگی کا مظاہرہ کرکے جہاں تنقید کا نشانہ بن رہی ہے وہیں اس کی ورلڈ کپ کے لیے تیاریوں کا بھی پول کھل رہا ہے. سوشل میڈیا پر شائقین کرکٹ قومی ٹیم کی اس ناقص کارکردگی پر نہایت مایوس ہیں دوسری طرف ورلڈ کپ 2019 میں صرف بارہ دن رہ گئے ہیں اور قومی ٹیم اس ناقص کارکردگی کا مظاہرہ کر رہی ہے.
پاکستان اور انگلینڈ کے مابین جاری سیریز کے چوتھے کرکٹ میچ میں انگلینڈ کی ٹیم نے ٹاس جیت کر بالنگ کا فیصلہ کیا ہے. واضح رہے کہ پانچ میچز کی اس سریز میں انگلینڈ کو دو صفر کی برتری حاصل ہے. پاکستان کو سریز میں رہنے کے لیے آج کا میچ جیتنا پڑے گا. ورلڈ کپ سے قبل اس سریز پاکستان کرکٹ ٹیم کو پے درپے شکست پر ماہرین، سابق کرکٹرز اور سوشل میڈیا ایکٹوسٹس کی طرف سے شدید تنقید کا سامنا ہے.