اسلام آباد: محکمہ موسمیات ملک کے مختلف مقامات پر بارشوں کی پیشگوئی کی ہے۔
باغی ٹی وی : محکمہ موسمیات کےمطابق آج اسلام آباد، بالائی اور وسطی پنجاب، خیبرپختونخوا میں اکثر مقامات پر بارش اور پہاڑوں پر برف باری ہوسکتی ہے،بالائی خیبرپختونخوا، کشمیر، گلگت بلتستان اور شمال مشر قی پنجاب میں بعض مقامات پر موسلادھار بارش اور پہاڑوں پر شد ید برفباری متوقع ہے جب کہ چند مقامات پر ژالہ باری کا بھی امکان ہے،اس کے علاوہ ملک کے دیگر علا قوں میں مطلع جزوی ابر آلو د رہنے کی پیشگوئی کی گئی ہے۔
خیبرپختونخوا اور بلوچستان میں گرج چمک کے ساتھ بارش ہوگی، راولپنڈی، اٹک، جہلم، گجرات اور چکوال میں بارش کا جبکہ سیاحوں کو محتاط رہنے اور غیرضروری سفر سے اجتناب کی ہدایت کی گئی ہےخیبرپختونخوا میں بارشوں کا سلسلہ جاری ہے، صوبے میں آئندہ 24 گھنٹون کے دوران مزید بارش اور پہاڑوں پر برفباری کا امکان ہے۔
غیر ملکی مہمانوں کی آمد،سخت سیکیورٹی انتظامات
محکمہ موسیات نے آئندہ 24 گھنٹوں میں پشاور، مردان، مہمند، چارسدہ، شمالی علاقہ جات، ملاکنڈ ڈویژن اور جنوبی اضلاع میں بارش کا امکان ظاہر کیا ہے جب کہ اسی طرح پہاری علاقوں کالام، چترال اور مالم جبہ میں برف باری کا بھی امکان ہے، گزشتہ روز کوہستان میں سب سے زیادہ 32 ملی میٹر اور پشاور میں سب سے کم ایک ملی میٹر بارش ریکارڈ کی گئی، گزشتہ روز چترال میں دو انچ اور کالام میں ایک انچ برف بھی پڑی۔
وفاقی کابینہ میں توسیع، آج 10 سے 12 وزرا کےحلف اٹھانے کا امکان
محکمہ موسمیات کا کہنا ہے کہ کراچی میں میں سرمئی بادلوں کا بسیرا اور موسم خوشگوار ہے، شہر قائد میں آج مطلع ابرآلود رہنے کا امکان ہے کراچی میں آج زیادہ سے زیادہ درجہ حرارت 31 ڈگری سینٹی گریڈ تک جانے کا امکان ہے، شہر کا موجودہ درجہ حرارت 22 ڈگری سینٹی گریڈ ہے جبکہ کم سے کم درجہ حرارت 19 سے 21 ڈگری سینٹی گریڈ رہنے کا امکان ہے اور ہوا میں نمی کا تناسب 82 فیصد ہے۔
اے کیو آئی کے مطابق کراچی شہر کا فضائی معیار بدستور خراب ہے، دنیا کے آلودہ ترین شہروں میں کراچی 25 نمبر پر ہے، ہوا میں آلودہ ذرات کی مقدار 123 پرٹیکیولیٹ میٹرز ہے۔
پاکستان میں جاری چیمپئنز ٹرافی میں سنچریوں کا نیا ریکارڈ قائم
