چیئرمین سینیٹ صادق سنجرانی کی زیر صدارت سینیٹ اجلاس ہوا
وزیر دفاع خواجہ آصف نے آرمی ایکٹ ترمیمی بل منظوری کے لیے پیش کیا جسے ایوان نے منظور کرلیا گیا،بل کے متن کے مطابق سرکاری حیثیت میں پاکستان کی سلامتی اورمفاد میں حاصل معلومات کا غیر مجاز انکشاف لرنے والے شخص کو 5 سال تک سخت قید کی سزا دی جائے گی،آرمی چیف یا بااختیار افسر کی اجازت سے انکشاف کرنے والے کو سزا نہیں ہو گی، پاکستان اور افواج پاکستان کے مفاد کے خلاف انکشاف کرنے والے سے آفیشل سیکرٹ ایکٹ اور آرمی ایکٹ کے تحت نمٹا جائے گا قانون کے ماتحت شخص سیاسی سرگرمی میں حصہ نہیں لے گا،متعلقہ شخص ریٹائرمنٹ، استعفی ، برطرفی کے 2 سال بعد تک سیاسی سرگرمی میں حصہ نہیں لے گا،حساس ڈیوٹی پر تعینات شخص 5 سال تک سیاسی سرگرمی میں حصہ نہیں لے گا،سیاسی سرگرمی میں حصہ لینے پر پابندی کی خلاف ورزی کرنے والے کو 2 سال تک سخت سزا ہو گی، آرمی ایکٹ کے ماتحت شخص اگر الیکڑنک کرائم میں ملوث ہو جس کا مقصد پاک فوج کو بدنام کرنا ہو تو اس کے خلاف الیکٹرانک کرائم کے تحت کاروائی کی جائے گی ،آرمی ایکٹ کے تحت شخص اگر فوج کو بدنام کرے یا اس کے خلاف نفرت انگیزی پھیلائے اسے 2سال تک قید اور جرمانہ ہو گا
وزیر دفاع خواجہ آصف کا کہنا تھا کہ ماضی میں ایک دو منٹ کے اندر 54 بل پاس کیے گئے، جنہوں نے چند منٹ میں اتنے بل پاس کیے وہ ہمیں درس نہ دیں، سینیٹ سے آرمی ایکٹ ترمیمی بل منظور ،رضا ربانی اور طاہر بزنجو نے واک آؤٹ کیا،رضا ربانی نے کہا کہ کچھ بلز ہمیں آج صبح ملے ہیں، ان بلز کا تعلق آرمی ایکٹ، کنٹونمنٹس، ڈیفنس ہاؤسنگ اتھارٹی ایکٹ سے ہے ،بل کو متعلقہ قائمہ کمیٹی میں بھیجا جائے، سینیٹر مشتاق احمد نے کہا کہ ہم سب کو آرمی سے محبت ہے لیکن ایوان کے تقدس کا خیال رکھا جائے، بل کو کمیٹی میں بھیجا جائے،
چیئرمین پی ٹی آئی نے مریم نواز سے متعلق کیا کچھ کہا،وہ مریم سے معافی مانگیں،خواجہ آصف
سینیٹ اجلاس: وزیر دفاع خواجہ آصف کے پی ٹی آئی خواتین سینیٹرز بارے ریمارکس کا معاملہ سینیٹ پہنچ گیا،سینیٹر کامران مرتضی نے کہا کہ خواجہ آصف کے ریمارکس پر میں اپنی بہنوں سے معذرت کرتا ہوں،خواجہ آصف نے پی ٹی آئی خواتین بارے ریمارکس پر معانی مانگنے سے انکار کردیا اور کہا کہ چیئرمین پی ٹی آئی نے مریم نواز سے متعلق کیا کچھ کہا،یہ پہلے مریم نواز سے معافی مانگیں،میں نے خواتین بارے کوئی ریمارکس نہیں دئیے،میرے ریمارکس مخصوص جنس کے لئے نہیں تھے،وزیر دفاع خواجہ آصف نے ایک بار پھر معذرت کرنے سے انکار کردیا ،تحریک انصاف کے سینیٹرز خواجہ آصف کے معافی نہ مانگنے پر ایوان سے آؤٹ کرگئے۔ آرمی ایکٹ میں ترامیم شامل نہ کرنے پر رضاربانی اور طاہر بزنجو واک آؤٹ کرگئے
وزیر دفاع خواجہ آصف کا کہنا تھا کہ میں نے خواتین کے حوالےسے کوئی تضحیک کی کوئی بات نہیں کی،اگر کوئی میرے بیان کو اپنی طرف سمجھتا ہے تو سمجھتے رہیں،پی ٹی آئی کی قیادت نے مریم نواز شریف کے حوالے سے بات کی اس پر معافی مانگیں میں بھی معافی مانگ لوں گا ،سینیٹ میں خواجہ آصف کی وضاحت پر شور شرابہ ہوا
بورڈ آف انوسمنٹ ترمیمی بل 2023ء کثرت رائے سے منظورکرلیا گیا،بورڈ آف انوسمنٹ ترمیمی بل وفاقی قانون اعظم نذیر تارڑ نے پیش کیا تھا
پاکستان دونوں سالوں میں صرف سود کی ادائیگی کرے گا، اسحاق ڈار
سینیٹ اجلاس میں وفاقی وزیر خزانہ اسحاق ڈار کا کہنا تھا کہ چینی ایگزم بینک نے پاکستان کا 2.4 بلین ڈالر قرض رول اوور کر دیا،پاکستان کو اگلے 2 سال میں2.4 بلین امریکی ڈالر قرض ادا کرنا تھا، مالی سال 2023-24 اور 2024-25 میں 1.2 بلین ڈالر کی ادائیگی کرنا تھی، پاکستان دونوں سالوں میں صرف سود کی ادائیگی کرے گا،
ثبوت کی کمی کے باعث 1 ہزار 606 نیب کیسز کو بند کیا گیا
وزارت قانون و انصاف کی جانب سے سینیٹ میں تحریری جواب جمع کروایا گیا ہے جس میں کہا گیا ہے کہ نیب میں 2013 سے 4 ہزار 142 کیسز اور انکوائری کا آغاز کیا گیا،ثبوت کی کمی کے باعث 1 ہزار 606 نیب کیسز کو بند کیا گیا ،نیب راولپنڈی میں 261 انکوئری کا آغاز کیا گیا ،175 کیسز بند ہوئے،نیب لاہور میں 304انکوئری کا آغاز کیا گیا ، 124 کیسز بند ہوئے، نیب ملتان میں 445 انکوئری کا آغاز کیا گیا ، 114 کیسز بند ہوئے،نیب کے پی میں 1178 انکوئری کا آغاز کیا گیا،565 کیسز بند ہوئے،نیب کراچی میں 820 انکوئری کا آغاز کیا گیا182 کیسز بند ہوئے،نیب سکھر میں 608 انکوئری کا آغاز کیا گیا114 کیسز بند ہوئے،نیب بلوچستان میں 526 انکوئری کا آغاز کیا گیا ، 332 کیسز بند ہوئے،
کسی سویلین کا ٹرائل ملٹری کورٹ میں نہیں ہونا چاہیے
کرپشن کا ماسٹر مائنڈ ہی فیض حمید ہے
برج کھیل کب ایجاد ہوا، برج کھیلتے کیسے ہیں
عمران خان سے اختلاف رکھنے والوں کی موت؟
حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر
برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے
کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس
وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟
9 مئی کے بعد زمان پارک کی کیا حالت ہے؟؟
