Tag: آسٹریلیا

سڈنی: ٹی20 ورلڈکپ کے سپر 12 مرحلے کے پہلے میچ میں نیوزی لیںڈ نے میزبان آسٹریلیا کو 89 رنز سے شکست دیدی۔

سڈنی میں کھیلے گئے میچ میں نیوزی لینڈ کے اوپنر فن ایلن نے ابتداء میں جارحانہ کھیل پیش کیا اور محض 16 گیندوں پر 42 کی اننگز کھیلی جس میں 5 چوکے اور 3 چھکے شامل تھے، ڈیون کانوے نے انکا بھرپور ساتھ دیا۔

فن کے آؤٹ ہونے کے بعد کپتان کین ولیمسن 23، گلین فلپس 12 رنز بناکر نمایاں رہے جبکہ ڈیون کانوے نے 53 گیندوں پر 81 رنز کی اننگز کھیلی، انہوں نے 6 چوکے اور 2 چھکے لگائے۔

آسٹریلیا کی جانب سے کوئی بالر خاطر خواہ کارکردگی دیکھانے کامیاب نہ ہوسکا، جوش ہیزل ووڈ نے 2 جبکہ ایڈم زمپا نے ایک وکٹ حاصل کی۔

ہدف کے تعاقب میں آسٹریلوی ٹیم کا آغاز نہایت مایوس کن رہا، کینگروز کی ٹیم ہوم گراؤنڈ میں 20 اوورز بھی نہ کھل سکی، 17.1 اوورز میں 111 رنز بناکر آل آؤٹ ہوگئی۔

اوپنر ڈیوڈ وارنر 5، کپتان ایرون فنچ 13، مچل مارش 16، مارکس اسٹونس 7، ٹم ڈیوڈ 11 اور میتھیو ویڈ 2 رنز بناسکے۔ کینگروز کی جانب سے گلین میکسویل نے 28 رنز کی مزاحمتی اننگز کھیلی۔

کیوی بالرز کی جانب سے مچل سینٹنر نے 3، ٹم ساؤتھی اور ٹرینٹ بولٹ نے 2، 2 جبکہ لوکی فرگوسن اور ایش سودھی نے ایک ایک وکٹ حاصل کی۔

آسٹریلیا کا اسکواڈ:

کپتان ایرون فنچ، ڈیوڈ وارنر، مچل مارش، گلین میکسویل، مارکس اسٹونس، ٹم ڈیوڈ، میتھیو ویڈ (وکٹ)، مچل اسٹارک، پیٹ کمنز، ایڈم زمپا، جوش ہیزل ووڈ۔

نیوزی لیںڈ کا اسکواڈ:

کپتان کین ولیمسن، فن ایلن، ڈیون کونوے، گلین فلپس، مارک چیپ مین، جمی نیشم، مچل سینٹنر، ایش سودھی، ٹم ساؤتھی، لوکی فرگوسن، ٹرینٹ بولٹ۔

سڈنی: ٹی20 ورلڈکپ کے سپر 12 مرحلے کے پہلے میچ میزبان آسٹریلیا نے نیوزی لینڈ کے خلاف ٹاس جیت کر پہلے فیلڈنگ کرنے کا فیصلہ کرلیا۔

باغی ٹی وی : سڈنی میں کھیلے جارہے میچ میں آسٹریلوی ٹیم کے کپتان ایرون فنچ نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ افتتاحی میچ ہے کوشش ہوگی حریف ٹیم کو شکست دیکر میگا ایونٹ میں فاتحانہ آغاز کریں۔

نیوزی لینڈ نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 200 رنز بنائے، نیوزی لینڈ کے اوپنر ڈیون کونوے نے 58 گیندوں پر 92 رنز کی ناقابلِ شکست اننگز کھیلی اس کے علاوہ فِن ایلن نے 16 گیندوں پر 42 رنز اسکور کیے کپتان کین ولیمسن 23، گلین فلپس 12 رنز بناکر نمایاں رہے –

جبکہ آسٹریلوی کرکٹر جوش ہیزل ووڈ نے 2 جبکہ ایڈم زمپا نے ایک وکٹ حاصل کی۔

نیوزی لینڈ کے کپتان کین ولیمسن نے کہا کہ موسم کے باعث ہم بھی فیلڈنگ کا ہی فیصلہ کرتے تاہم کوشش ہوگی میزبان آسٹریلیا کو بڑا ٹارگٹ دیں۔

آسٹریلیا کے اسکواڈ میں کپتان ایرون فنچ، ڈیوڈ وارنر، مچل مارش، گلین میکسویل، مارکس اسٹونس، ٹم ڈیوڈ، میتھیو ویڈ (وکٹ)، مچل اسٹارک، پیٹ کمنز، ایڈم زمپا، جوش ہیزل ووڈ شامل ہیں-

نیوزی لینڈ کے اسکواڈ میں کپتان کین ولیمسن، فن ایلن، ڈیون کونوے، گلین فلپس، مارک چیپ مین، جمی نیشم، مچل سینٹنر، ایش سودھی، ٹم ساؤتھی، لوکی فرگوسن، ٹرینٹ بولٹ شامل ہیں-

سُپر 12 مرحلے کا افتتاحی میچ سڈنی کرکٹ گراؤنڈ میں گروپ 1 کی آسٹریلیا کا مقابلہ نیوزی لینڈ سے ہورہا ہے جب کہ دوسرے میچ میں افغانستان اور انگلینڈ آمنے سامنے ہوں گے۔

ٹی ٹوئنٹی ورلڈ کپ کے پہلے مرحلے میں کوالیفائنگ میچز کھیلے گئے، ٹورنامنٹ کے لیے کل 8 ٹیموں کو دو گروپس(گروپ اے اور گروپ بی) میں تقسیم کیا گیا۔

پہلے مرحلے کے اختتام پر چار ٹیموں کو مین راؤنڈ سپر 12 کے لیے کوالیفائی کرنا تھا۔گروپ اے کی ٹاپ ٹیم اور گروپ بی میں دوسرے نمبر پر آنے والی ٹیم نے مین راؤنڈ کے گروپ 1میں جگہ بنانی تھی۔

اس طرح کوالیفائنگ راؤنڈ میں گروپ بی کی ٹاپ ٹیم اور گروپ اے میں دوسرے نمبر پر آنے والی ٹیم نے مین راؤنڈ کے گروپ 2 میں شامل ہونا تھا۔

تاہم پہلے مرحلے کے اختتام پر سری لنکا اور آئرلینڈ نے سپر 12 مرحلے کے گروپ 1 میں جگہ بنالی ہے جبکہ زمبابوے اور نیدرلینڈز گروپ 2 میں شامل ہوگئے ہیں۔

کوالیفائنگ مرحلے کے بعد سپر 12 مرحلے کی واضح صورتحال:

گروپ 1 میں آسٹریلیا، انگلینڈ، نیوزی لینڈ، افغانستان، سری لنکا اور آئرلینڈ شامل ہیں جبکہ گروپ 2 میں پاکستان، بھارت، جنوبی افریقا
بنگلادیش، زمبابوے اور نیدرلینڈز شامل ہیں-

آسٹریلیا کے وکٹ کیپر بیٹر جوش انگلس ٹی ٹوئنٹی سے ورلڈکپ سے باہر ہوگئے۔

باغی ٹی وی: آسٹریلوی میڈیا کے مطابق جوش انگلس گزشتہ روز سڈنی میں گولف کھیلتے ہوئے انجرڈ ہوئے تھے اوراس دوران ان کے ہاتھ پر کٹ آیا تھا جس کے بعد کرکٹر کو اسپتال لے جایا گیا جہاں ان کی انجری کا معائنہ کیا گیا۔

ٹی ٹوئنٹی ورلڈکپ سے قبل سری لنکن ٹیم کو بڑا دھچکا

میڈیا رپورٹ کے مطابق کٹ زیادہ گہرا نہیں لیکن زخم ٹھیک ہونے میں چند دن لگیں گے جوش انگلس آسٹریلیا کے فرسٹ چوائس وکٹ کیپر نہیں ہیں اور میتھیو ویڈ آسٹریلیا کی پلئینگ الیون میں شامل ہوتے ہیں۔

آسٹریلوی میڈیا کا کہنا ہےکہ ٹیم مینجمنٹ نے بیک اپ وکٹ کیپر بیٹر کے لیے سوچ بچار شروع کر دیا ہے۔

دوسری جانب سری لنکا کے اہم بولر دشمنتھا چمیرا ٹی ٹوئنٹی ورلڈکپ سے باہر ہوگئے ہیں ،ابق چیمپئن سری لنکا کے T20 ورلڈ کپ 2022 سے باہر ہونے کا خطرہ برقرار ہے۔

ٹی ٹوئنٹی ورلڈکپ:پاکستان کرکٹ ٹیم برسبین سے میلبرن روانہ

یو اے ای کے خلاف یکطرفہ جیت کے بعد بھی ان کے چیلنجز کم نہیں ہوئے اور اب اسے گروپ اے کے اپنے آخری میچ میں نیدرلینڈز کی ٹیم کو ہرانا ہو گا سری لنکا کو ورلڈ ٹی ٹوئنٹی میں اہم میچز شروع ہونے سے قبل ہی دھچکا لگا ہے اور اس کا اہم پیسر ایونٹ سے باہر ہوگیا۔

یو اے ای کے خلاف فتح میں اہم کردار ادا کرنے والے اور تین وکٹیں لینے والے اسٹار فاسٹ باؤلر چمیرا جمعرات (20 اکتوبر) کو ہالینڈ کے خلاف فائنل اور فیصلہ کن میچ سے باہر ہو گئے۔

منگل کو یو اے ای کے خلاف میچ کے دوران باؤلنگ کرتے ہوئے وہ پنڈلی کی تکلیف کا شکار ہو گئے تھے جس کے بعد وہ اپنا آخری اوور مکمل نہیں کر سکے تھے اور میچ کے بیچ میں ہی انہیں واک آؤٹ کرنا پڑا تھا۔

بھارتی کرکٹ بورڈ نے غلطی مان لی؟

میلبورن: سری لنکا کے سابق کرکٹرز آسٹریلیا میں روزی روٹی کیلئے بسیں چلانے لگے۔

باغی ٹی وی :سری لنکا کےسابق کرکٹرز سورج راندیو اور چنتھاکا جےسنگھے آسٹریلیا میں روزی روٹی کیلیے بسیں چلانے لگے، زمبابوے کے سابق کرکٹر ویڈنگٹن ماوینگا بھی میلبورن میں بس چلا رہے ہیں یہ تینوں ایک کمپنی ٹرانس ڈیو کے لیے کام کرتے ہیں-

تینوں اپنے شوق کو بھی نہیں بھولے، وہ بس ڈرائیونگ کی ڈیوٹی انجام دینے کے بعد پریکٹس کا سلسلہ بھی جاری رکھے ہوئے ہیں، بعض اوقات لوگ انھیں پہچان کر بات چیت بھی کرتے ہیں، تینوں اپنے ملکی حالات اور محدود ذرائع آمدنی کی وجہ سے آسٹریلیا منتقل ہوئے اور یہاں پر کلب کرکٹ بھی کھیل رہے ہیں۔

رندیو، چنئی سپر کنگز (CSK) کے آف اسپنر، جو 2011 کے ورلڈ کپ کے فائنل میں سری لنکا کے پلیئنگ الیون کا حصہ تھے، نے کھیل سے الگ ہونے کے بعد اپنی روزی روٹی کو پورا کرنے کے لیے آسٹریلیا میں بس ڈرائیور کا کام شروع کیا ہے۔ .

36 سالہ رندیو نے 12 ٹیسٹ، 31 ون ڈے اور 7 ٹی ٹوئنٹی میں اپنے ملک کی نمائندگی کی ہے۔ اس نے ٹیسٹ میں 43 وکٹیں، ون ڈے میں 36 وکٹیں اور کھیل کے مختصر ترین فارمیٹ میں 7 وکٹیں حاصل کیں۔

انہوں نے ٹیسٹ اور ون ڈے میں بالترتیب ایک اور پانچ وکٹیں حاصل کیں۔ آئی پی ایل میں سی ایس کے کی نمائندگی کرتے ہوئے، رندیو نے یلو آرمی کے لیے 2 سیزن کھیلے جہاں انہوں نے 8 گیمز میں 6 وکٹیں حاصل کیں۔

بس چلانے کے علاوہ، سابق کھلاڑی ڈینڈنونگ کرکٹ کلب کے لیے ضلعی سطح پر کھیلنا جاری رکھے ہوئے ہے سورج رندیو کو کرکٹ آسٹریلیا نے 2020-21 بارڈر-گواسکر سیریز سے قبل اسپن کے خلاف آسٹریلوی بلے بازوں کی مدد کے لیے نیٹ باؤلر کے طور پر بھی بلایا تھا۔

سری لنکا کے ایک اور کھلاڑی آل راؤنڈر چنتھاکا جے سنگھے بھی آسٹریلیا میں بس چلا کر اپنا پیٹ پال رہے ہیں 42 سالہ نے اپنے ملک کے لیے پانچ ٹی ٹوئنٹی میچ کھیلے تھے انہوں نے اپنے کرکٹ کیریئر کا آغاز 2009 میں ناگپور میں کھیلے گئے ٹی 20 میں بھارت کے خلاف کیا اور 2010 کے ٹی ٹوئنٹی ورلڈ کپ میں سری لنکن ٹیم کا حصہ بھی رہے-

زمبابوے کے سابق آل راؤنڈر واڈنگٹن میوینگا، جنہوں نے 2005 میں بھارت کے خلاف ٹیسٹ ڈیبیو کیا تھا، وہ بھی روزی کمانے کے لیے آسٹریلیا میں بس چلا رہے ہیں۔ اپنے پہلے میچ میں، انہوں نے دسویں نمبر پر بیٹنگ کرتے ہوئے ناٹ آؤٹ 14 رنز بنائے اور اس وقت کے کپتان سورو گنگولی کی وکٹ بھی حاصل کی۔

دلچسپ بات یہ ہے کہ وہ سب اب بھی آسٹریلیا کی بگ بیش لیگ میں کرکٹ کھیلنے کے لیے پر امید ہیں۔ یہ سبھی باقاعدگی سے پریکٹس بھی کرتے ہیں اور دوبارہ کرکٹ میں موقع حاصل کرنے کے لیے تیار ہیں۔

اس وقت سری لنکا کی معیشت اور حکومت کریش کر چکی ہے اور شہری امن بحال کرنے کے لیے حکومت کے خلاف احتجاج کر رہے ہیں۔ لیکن یہ طے نہیں کیا جا سکتا کہ ان کرکٹرز نے کب ملک چھوڑ کر کسی اور ملک میں ملازمت اختیار کرنے کا فیصلہ کیا۔

کولمبو: سری لنکا اور آسٹریلیا کے درمیان گال ٹیسٹ میں طوفانی بارش سے گرینڈ اسٹینڈ گرگیا۔

باغی ٹی وی : غیر ملکی میڈیا رپورٹس کے مطابق رات گئے تیز ہواؤں اور طوفانی بارش کے باعث گرینڈ اسٹینڈ گرا تو خوش قسمتی سے وہاں کوئی تماشائی موجود نہیں تھا سری لنکا اور آسٹریلیا کی ٹیموں کےمابین کھیلے جارہےگال ٹیسٹ میچ کا دوسرا تاخیر کا شکار ہے-

کولمبیا:بل فائٹنگ کے دوران اسٹینڈ گرنے سے 5 افراد ہلاک ،500 زخمی

Temporary roofing over a stand has collapsed in Galle due to the strong winds

▶️ https://t.co/TWmlPupBJ7 | #SLvAUS pic.twitter.com/V7QY8OLXvo

— ESPNcricinfo (@ESPNcricinfo) June 30, 2022

میزبان سری لنکا نے پہلی اننگز میں 212 رنز بناکر آؤٹ ہوگئی جبکہ آسٹریلیا نے 3 وکٹوں کے نقصان پر 98 رنز اسکور کرلیے ہیں کھیل کے پہلے روز 13 وکٹیں گری تھیں جبکہ خراب موسم کے باعث میچ کو روک دیا گیا تھا، پچ کی موجودہ صورتحال کو دیکھ کر ماہرین ٹیسٹ میچ تین روز میں ختم ہونے کی پیشگوئی کررہے ہیں۔

دوسری جانب گراؤنڈ اسٹاف نے میدان اور پچ کو ڈھانپ دیا ہے جبکہ محکمہ موسمیات نے آج مزید بارش کا عندیہ دیا ہے۔

قربانی کیلئے لائے گئے جانوروں سے بھرا ٹرک الٹ گیا،17 بکرے ہلاک

قبل ازیں کولمبیا میں بل فائٹنگ کے دوران اسٹینڈ گرنے سے 5 افراد ہلاک جبکہ 500 زخمی ہوئےتھےمقامی حکام کاکہنا تھا کہ مرنے والوں میں دو خواتین اور ایک بچہ بھی شامل ہے ہلاکتوں میں اضافے کا خدشہ ہے جبکہ مریضوں کی کافی تعداد ہونے کی وجہ سے اسپتالوں میں جگہ بھی موجود نہیں ہے۔

ٹولیما کے علاقے میں سالانہ سان جوآن اور سان پیڈرو کی تقریبات جاری تھیں، کہ اچانک لکڑی سے بنا اسٹیڈیم ٹوٹ گیا، جس سے بھگدڑ مچ گئی، اسٹیڈیم کا یہ حصہ تین منزلہ تھا، جس پر کئی شہری سوار تھے،عالمی میڈیا کے مطابق ایک بیل اسٹیڈیم سے نکل کر رہائشی گلیوں میں بھاگ گیا تھا اگرچہ کولمبیا میں جانوروں سے بدسلوکی ایک جرم ہےبیل فائٹ اور مرغوں کی لڑائیوں کو ان کے پیچھے ثقافتی تاریخ کی وجہ سے تحفظ حاصل ہے۔