لاہور: سابق صدر پاکستان آصف علی زرداری اور پاکستان مسلم لیگ (ن) کے مرکزی صدر میاں شہبازشر یف کے درمیان ایک اور ملاقات طے پا گئی ہے۔

باغی ٹی وی : تفصیلات کے مطابق آصف زرداری اور قومی اسمبلی میں قائد حزب اختلاف میاں شہباز شریف کے درمیان منگل کو ایک اورملاقات ہو گی باخبر ذرائع کا کہنا تھا کہ دونوں رہنماؤں کے درمیان ملاقات بلاول ہاؤس لاہور میں ہو گی ہونے والی ملاقات میں ملک کی سیاسی صورتحال اور تحریک عدم اعتماد کے حوالے سے ہونے والی پیش رفت پر بات چیت کی جائے گی۔

ذرائع کا کہنا تھا کہ آصف زرداری اور میاں شہباز شریف حکومت مخالف لائحہ عمل کو حتمی شکل بھی دیں گے۔ واضح رہے کہ گزشتہ دنوں بھی دونوں رہنماؤں کےدرمیان ایک تفصیلی ملاقات ہو چکی ہے۔

ذرائع کے مطابق ملاقات کے اختتام پر سابق صدر پاکستان ن لیگ کےمرکزی صدر اور ان کے ہمراہ آنے والے وفد کے اعزاز میں عشائیہ بھی دیں گے۔

دوسری طرف ترجمان جماعت اسلامی قیصر شریف نے بتایا کہ سابق صدر آصف زرداری 24 فروری کو جماعت اسلامی کے امیر سراج الحق سے ملاقات کریں گے۔ سراج الحق سے وزیراعظم عمران خان کے خلاف تحریک عدم اعتماد کیلئے تعاون مانگیں گے۔ 24 فروری کو تین بجے منصورہ میں ملاقات ہوگی۔

قبل ازیں اپوزیشن سیاسی جماعتوں کے اتحاد پاکستان ڈیموکریٹک موومنٹ ( پی ڈی ایم) کے سربراہ مولانا فضل الرحمان نے کہا تھا کہ شہباز، زرداری ملاقات سے کھلاڑی اور اناڑی خوفزدہ ہیں مولانا فضل الرحمان نے واضح طورپر کہا کہ ہم کبھی بھی صدارتی نظام کی حمایت نہیں کریں گے سی پیک عظیم منصوبہ ہے مگر گزشتہ تین سال سے بند ہے پنجاب میں بلدیاتی الیکشن پر لائحہ عمل ہماری مجلس شوریٰ طے کرے گی۔

ملک میں تیز ہواؤں اور گرج چمک کے ساتھ بارش کا امکان،ہائی الرٹ جاری

ان کا کہنا تھا کہ جمعیت، پی ٹی آئی کی حکومت کو تسلیم نہیں کرتی ہم جلد عوام کو اس حکومت سے چھٹکارہ دلوائیں گے پاکستان کو مضبوط عوامی حکومت چاہیے۔ ان کا کہنا تھا کہ پارلیمانی نظام عوامی نظام ہے۔

واضح رہے کہ رواں ماہ فروری کے شروع میں سابق صدر آصف علی زرداری اور چیئرمین پیپلز پارٹی ماڈل ٹاؤن شہباز شریف کی رہائشگاہ پر پہنچےتھے جہاں ان کی صدر مسلم لیگ ن شہباز شریف اور مریم نواز سے ظہرانے پر ملاقات ہوئی۔ شہباز شریف کی جانب سے پیپلز پارٹی رہنماؤں کو ظہرانے کی دعوت دی گئی تھی ملاقات میں پیپلز پارٹی اور ن لیگی قیادت کے درمیان ملکی سیاسی صورت حال پر تبادلہ خیال کیا گیا مسلم لیگ ن اور پیپلز پارٹی قیادت نے ملاقات کے دوران حکومت کے خلاف تمام آپشنز استعمال کرنے پر اتفاق کیا تھا-

اقتدار میں آنے کے بعد جو سب سے زیادہ جملہ ادا کیا وہ "گھبرانا نہیں ہے”

اسلام آباد: آصف علی زرداری کی طرف سے عیشائیے کی دعوت ملتے ہی مولانا فضل الرحمن نے ہاں کردی ،اطلاعات کے مطابق وزیراعظم عمران خان کے خلاف اپوزیشن کی تحریک عدم اعتماد کے معاملے پر سابق صدر آصف زرداری ،پی ڈی ایم کے سربراہ مولانا فضل الرحمان سے کل اہم ملاقات کریں گے۔

ذرائع کے مطابق مولانا فضل الرحمان سابق صدر آصف علی زرداری کے اعزاز میں عشائیہ بھی دیں گے، ملاقات میں تحریک عدم اعتماد سے متعلق تفصیلی مشاورت ہوگی اور حکومتی اتحادیوں سے رابطوں سے متعلق تبادلہ خیال بھی کیا جائے گا،ملاقات میں ملک کی مجموعی سیاسی صورت حال پر بھی گفتگو ہوگی۔

واضح رہے کہ اپوزیشن حکومت پر دباو بڑھنے کیلئے پوری قوت سے میدان عمل میں اترنے کی تیاریاں کر رہی ہے، پاکستان پیپلزپارٹی نے حکومت کیخلاف 27 فروری سے لانگ مارچ کا اعلان بھی کر رکھا ہے تو دوسری جانب حکومتی جماعت کی وکٹیں گرانے کیلئے اپوزیشن نے جوڑ توڑ کیلئے کوششوں کا عمل بھی شروع کر رکھا ہے۔

ادھر ذرائع کا کہنا ہے کہ حکومت بھی دعوے کررہی ہے کہ اپوزیشن کے 15 سے زائد ارکان کا ان سے رابطہ ہے، یہ ارکان اسمبلی کون ہیں ان کے نام بتانے کے حکومت گریز کررہی ہے ، اس کے ساتھ ساتھ حکومت اور اپوزیشن کے ان ارکان کے رابطوں کے حوالے سے یہ بھی معلوم ہوا ہے کہ ان میں سے 7 ن لیگ کے ہیں ، 3 پاکستان پیپلزپارٹی سے تعلق رکھتے ہیں اور باقی پانچ دیگر مختلف جماعتوں سے تعلق رکھتے ہیں لیکن ان کے نام ظاہر کرنے سے معذرت کرلی گئی ہے

لاہور:سابق صدر آصف علی زرداری کی طبیعت ایک بارپھراچانک بگڑگئی ،بتایا گیا ہے کہ پاکستان پیپلزپارٹی کے شریک چیئرمین کو آج چیک اپ کیلئے نجی ہسپتال لے جایا جائے گا ۔ میڈیا ذرائع کے مطابق حکومت کے خلاف عدم اعتماد کی راہ ہموار کرنے کا مشن لئے مختلف سیاسی جماعتوں سے ملاقات کرنے والے سابق صدر آصف زرداری کی طبیعت ناساز ہوگئی ہے ، جس کی وجہ سے پاکستان پیپلزپارٹی کے شریک چیئرمین کو آج چیک اپ کیلئے نجی ہسپتال لے جایا جائے گا ۔

یہ بھی بتایا گیا ہے کہ آج آصف علی زرداری نے جماعت اسلامی کے امیر سینیٹر سراج الحق سے ملاقات کرکے ان کو عمران خان کے خلاف اکسانا تھا اور پھراس کے نتیجے کی صورت میں عدم اعتماد میں تعاون کا خواستگار ہونا تھا مگرقدرت کو یہ منظور نہ ہوا اور آصف علی زرداری آج پھر بیمار ہوگئے ہیں‌

قبل ازیں طبیعت ناسازی کے باعث ذاتی معالج نے ان کا تفصیلی معائنہ کیا اور انہیں مکمل آرام کا مشورہ دیا تھا ، جس پر پاکستان پیپلز پارٹی کے شریک چیئرمین نے اپنی تمام سیاسی مصروفیات ترک کردیں۔ یاد رہے کہ وزیراعظم عمران خان کے خلاف عدم اعتماد کی تحریک لانے کے لئے آصف زرداری چند روز قبل سرگرم ہوئے تھے اور انہوں نے اپنا پڑاؤ پنجاب میں ڈالا ہوا تھا ،

چند دن قبل آصف زرداری نے مسلم لیگ ق کی اعلیٰ قیادت سے ملاقات کی تھی، آصف زرداری کی چوہدری برادران سے ملاقات دو گھنٹے جاری رہی اور ملاقات کے دو دور ہوئے ، آصف علی زرداری اور چوہدری برادران کی ملاقات میں حکومت مخالف تحریک یا عدم اعتماد کے حوالے سے کوئی بات نہیں ہوئی ،

آصف زرداری کی چوہدری برادران سے ملاقات دو گھنٹے جاری رہی اور ملاقات کے دو دور ہوئے ، ملاقات کے پہلے سیشن میں چوہدری برادران، طارق بشیر، مونس،سالک حسین موجود تھے جب کہ آصف زرداری کے ساتھ پولیٹیکل سیکرٹری رخسانہ بنگش ملاقات کا حصہ بنیں۔

لاہور: پاکستان پیپلز پارٹی کے شریک چیئرمین آصف علی زرداری نے کہا ہے کہ حکومت کے خلاف عدم اعتماد پر اپوزیشن کے ساتھ ہیں ،دونوں رہنماؤں میں سیاسی صورتحال پر بھی بات چیت ہوئی۔

باغی ٹی وی :پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے سابق صدر آصف علی زرداری سے ٹیلی فون پر رابطہ کیا، مولانا فضل الرحمان نے ٹیلیفون پر سابق صدر آصف زرداری سے خیریت دریافت کی آصف زرداری کی جلد صحتیابی کے لیے دعا بھی کی ٹیلیفونک گفتگوکےدوران دونوں رہنماؤں میں سیاسی صورتحال پر بھی گفتگو بھی ہوئی دونوں رہنماوں نے تحریک عدم اعتماد سے متعلق مشاورت کی۔

پی ڈی ایم کا حکومت کیخلاف تحریک عدم اعتماد لانے کا اعلان:اعلان کرتے ہوئے لگ رہے تھے پریشان

جے یوآئی کے ذرائع کے مطابق آصف علی زرداری نے مولانا فضل الرحمان کو یقین دلایا کہ عدم اعتماد کے معاملے پر پوری اپوزیشن کے ساتھ ہیں اس موقع پر مولانا فضل الرحمان کا کہنا تھا عدم اعتماد کو کامیاب بنانے کے لیے حکومت کے اتحادیوں سے بھی جلد رابطے کریں گے۔

مولانا فضل الرحمان آج رائیونڈروڈ لاہور میں علما مشائخ کانفرنس سے بھی خطاب کریں گے۔

یاد رہے پی ڈی ایم کے سربراہ مولانا فضل الرحمان 2 روزہ دورے پر گزشتہ روز لاہورپہنچے تھے اور پی ڈی ایم کے ورچوئل اجلاس کی بھی صدارت کی تھی مولانا فضل الرحمان کی سربراہی میں ہونے والا اجلاس اڑھائی گھنٹے تک جاری رہا، اجلاس میں مختلف امور پر تبادلہ خیال کیا گیا ماڈل ٹاؤن میں ہونے والے اجلاس میں مولانا فضل الرحمان، شہباز شریف، حمزہ شہباز،مریم نواز، اکرم درانی، رانا ثناء اللہ، خواجہ سعد رفیق اور دیگر مختلف جماعتوں کے رہنما شریک ہوئے۔

سندھ اسمبلی نے طلبہ یونین کی بحالی سے متعلق بل متفقہ طورپر منظورکرلیا

اجلاس میں پاکستان مسلم لیگ (ن) کے قائد اور سابق وزیراعظم میاں نواز شریف نے لندن سے ورچوئل شرکت کی جبکہ اجلاس میں پہلے لانگ مارچ ہوگا یا ان ہاؤس تبدیلی سمیت تمام آپشن پر غور کیا گیا۔

اجلاس کے بعد پی ڈی ایم کے سربراہ مولانا فضل الرحمان نے قومی اسمبلی میں اپوزیشن لیڈر اور پاکستان مسلم لیگ (ن) کی نائب صدر مریم نواز کے ہمراہ میڈیا سے گفتگو کرتے ہوئے کہا تھا کہ فیصلہ ہوا ہے کہ حکومت کے خلاف تحریک عدم اعتماد لائیں گے، سیاسی لوگ ہیں، اتفاق رائے اور سوچ سمجھ کے ساتھ فیصلے کرتے ہیں، اب حالات بدل گئے ہیں اور حالات کا انتظار کرنا پڑتا ہے۔

لندن کے قدیم لگزری ہوٹل نے سکھ ڈاکیے کو اعزاز میں کیا گفٹ دیا:دلچسپ اورناقابل یقین…

مولانا فضل الرحمان کا کہنا تھا کہ سیاست میں بڑے فیصلوں کیلئے دل بھی بڑا کرنا پڑتا ہے، عدم اعتماد لانے کیلئے حکومت کی اتحادی جماعتوں سے بھی رابطے کریں گے، حکومت کی اتحادی جماعتوں سے رابطوں کیلئے ٹیم تشکیل دے دی گئی ہے اور تحریک عدم اعتماد لانے سے پہلے ہوم ورک مکمل کریں گے پی ڈی ایم کی تمام جماعتوں نے اتفاق کیا کہ ہم تحریک عدم اعتماد لائیں گے، حکومتی اتحادی جماعتوں سے درخواست کریں گے کہ وہ اتحاد ختم کریں۔

شہبازشریف کی جیل نہ جانے کی کوششیں دم توڑنے لگیں

لاہور:آصف زرداری کی طبعیت اچانک ناساز:ملنا جُلنا چھوڑدیا:ملاقاتیں بھی منسوخ،اطلاعات کے مطابق پیپلز پارٹی کے شریک چیئرمین آصف زرداری کی طبیعت ناساز ہوگئی ہے۔اور یہ بھی کہا جارہا ہے کہ آصف علی زرداری سے ملنے والوں کوروک دیا گیا ہے اور دوسری طرف سیاسی ملاقاتیں بھی منسوخ کردی گئی ہیں

ذرائع کے مطابق حکومت کے خلاف عدم اعتماد کی راہ ہموار کرنے کا مشن لئے مختلف سیاسی جماعتوں سے ملاقات کرنے والے سابق صدر آصف زرداری کی طبیعت ناساز ہوگئی ہے۔

ذرائع کا کہنا ہے کہ طبیعت ناسازی کے باعث ذاتی معالج نے ان کا تفصیلی معائنہ کیا اور انہیں مکمل آرام کا مشورہ دیا ہے، جس پر پیپلز پارٹی کے شریک چیئرمین نے اپنی تمام سیاسی مصروفیات ترک کردیں ہیں۔

یاد رہے کہ وزیراعظم عمران خان کے خلاف عدم اعتماد کی تحریک لانے کے لئے آصف زرداری چند روز قبل سرگرم ہوئے تھے اور انہوں نے اپنا پڑاؤ پنجاب میں ڈالا ہوا تھا۔سات فروری کو آصف زرداری نے مسلم لیگ (ق) کی اعلیٰ قیادت سے ملاقات کی تھی، آصف زرداری کی چوہدری برادران سے ملاقات دو گھنٹے جاری رہی اور ملاقات کے دو دور ہوئے۔

اس ملاقات میں دونوں جانب سے پرانی یادیں تازہ کی گئیں جب دونوں اتحادی تھے، سابق صدر زرداری نے کہا کہ ہم جب اتحادی تھے تو پرویز الٰہی ڈپٹی وزیراعظم تھے اور ہم نے وہ وقت بڑا اچھا گزارا۔اس موقع پر پرویز الٰہی نے کہا کہ ہمیں یادہےکہ آپ کے22اورہمارے17وزیرتھے، آپ بڑےدل والےہیں۔

پانچ فروری کو آصف زرداری نے مسلم لیگ (ن) کے صدر شہباز شریف کی جانب سے دئیے گئے عشائیہ میں شرکت کی تھی، جو کہ بعد ازاں سیاسی میٹنگ میں تبدیل ہوا۔اس موقع پر آصف زرداری نے کہا کہ سینیٹ، قومی اسمبلی، پنجاب اسمبلی میں تحریک عدم اعتماد لائی جائے، عمران خان کو گھر بھیجنے کا بہترین راستہ ہے کہ تحریک عدم اعتماد لائی جائے۔جس پر شہباز شریف نے کہا کہ ہمیں مشاورت کے لیے وقت دیں آپ کی تجویز قابل عمل ہے، تسلیم کرتا ہوں تحریک عدم اعتماد پر ن لیگ آپس میں متحد نہیں تھی۔

سابق صدر آصف علی زرداری نے پاکستان مسلم لیگ کے صدرو سابق وزیراعظم چودھری شجاعت حسین اور قائم مقام گورنر پنجاب چودھری پرویزالٰہی سے ان کی رہائش گاہ پر ملاقات کی -ٕ

باغی ٹی وی : تفصیلات کے مطابق اس موقع پر وفاقی وزراء طارق بشیر چیمہ، مونس الٰہی، ایم این اے سالک حسین، شافع حسین اور رخسانہ بنگش بھی موجود تھے ملاقات میں ملکی سیاسی صورتحال سمیت باہمی دلچسپی کے دیگر امور پر تفصیلی تبادلہ خیال کیا گیا۔

مریم صاحبہ! آپ کی دھمکیوں اور افسانوں سے اب پری زاد کی کہانی لوگوں کو سچ لگتی ہے،شہباز گل

آصف علی زرداری نے چودھری شجاعت حسین کی خیریت دریافت کی اور ان کی جلد صحت یابی کیلئے نیک خواہشات کا اظہار کیا۔ آصف زرداری کا استقبال چودھری پرویزالٰہی، مونس الٰہی، طارق بشیر چیمہ اور سالک حسین نے کیا۔

دوسری جانب وفاقی وزیر اطلاعات و نشریات فواد چودھری نے کہا ہے کہ زرداری بھی دوڑ لگالیں اور میاں جی بھی، پیسے معاف نہیں ہونے قوم کا پیسہ ہے، قومی خزانے میں جائے گا آپ ایک تحریک چھوڑ، 10 لائیں لیکن مقصود چپڑاسی کے اکاؤنٹ سے متعلق میاں جی بتانا پڑے گا مقصود چپڑاسی کے اکاؤنٹ میں4 ارب کب؟ کہاں ؟ اور کیسے آئے؟ اس کا جواب دینا پڑے گا پوری قوم عمران خان کے ساتھ کھڑی ہے اور ساتھ ہی رہے گی۔

غریب کی سکت ختم ہوگئی،عوام بغاوت کی طرف جارہے ہیں،فضل الرحمان

نواب شاہ: سابق صدر پاکستان آصف علی زرداری نے کہا ہے کہ ہمیں انجنیئرڈ الیکشن میں پھنسا کراپنوں کو لایا گیا تو میں نے ان کو کہا اب ان کو چلا کر دکھاؤ۔

باغی ٹی وی :زرداری ہاؤس نوابشاہ میں پارٹی ورکرز سے خطاب کرتے ہوئے سابق صدر پاکستان آصف زرداری نے کہا کہ جب خیبر پختونخوا کا نام رکھا تو اسفندیار ولی جیسا دلیر شخص رو پڑا۔

کابینہ اجلاس اندرونی کہانی،وزیراعظم نے بڑا فیصلہ کرلیا

انہوں نے پارٹی کارکنان کو سرمایہ قرار دیتے ہوئے کہا کہ ہم نے اپنے منشور میں کبھی جھوٹے وعدے نہیں کیے اور ہر زخم پر مرہم رکھے ان کا کہنا تھا کہ ہم نے ملکی ترقی کے لیے آگے بڑھ کر کام کیا پاکستان کو آگے لے کر جانے کے لیے پیپلزپارٹی نے بھرپور کردار ادا کیا زندگی میں اتار چڑھاؤ آتے رہتے ہیں۔

لاہورقلندرزاوریارکشائرکاؤنٹی کے درمیان شراکت داری کا معاہدہ:پاکستان کرکٹ پھلنے پھولنے لگی

اس سے قبل بھی کارکنان سے خطاب کرتے ہوئے سابق صدر پاکستان آصف علی زرداری نے پارٹی کارکنان کو سرمایہ و طاقت قرار دیا تھا واضح طور پر اعلان کیا تھا کہ بلاول بھٹو پاکستان پیپلزپارٹی کے اگلے وزیراعظم ہوں گے ہم سب مل کر اس حکومت کو گھر بھیجیں گے پہلے بھی کہا تھا اب بھی کہہ رہا ہوں کہ ان سے حکومت نہیں چلے گی۔ انہوں نے کہا کہ ملک میں مہنگائی کا طوفان ہے جس سے غریب آدمی پریشان ہے۔

قلات میں اومی کرون کے 30 مشتبہ مریضوں کا انکشاف

آصف زرداری نے کہا تھا کہ وفاق کے سندھ کے ساتھ مسائل چل رہے ہیں مسائل چلتے رہتے ہیں لیکن ہمارا قافلہ نہیں رکے گا ملک کے حالات بہت نازک دور سے گزر رہے ہیں پیپلزپارٹی کے پاس قیادت موجود ہے جو پاکستان چلائے گی تحریک انصاف کی حکومت نے ملک کے حالات خراب کردیے ہیں۔

ان کا کہنا تھا کہ اس وقت غریب عوام سے جینے کا حق چھینا جارہا ہے انہوں نے دعویٰ کیا تھا کہ ہم اس ملک کو چلا بھی سکتے ہیں اور بنا بھی سکتے ہیں ان کا کہنا تھا کہ پہلے دن ہی کہہ دیا تھا حکومت ان لوگوں کے بس کی بات نہیں ہے۔