Baaghi TV

Tag: ائیر پورٹ

  • کویت انٹرنیشنل ایئرپورٹ پر ڈرون حملہ، متعدد ملازمین زخمی

    کویت انٹرنیشنل ایئرپورٹ پر ڈرون حملہ، متعدد ملازمین زخمی

    کویت کی جنرل اتھارٹی برائے شہری ہوابازی کے مطابق کویت انٹرنیشنل ایئرپورٹ کو ڈرون حملے کا نشانہ بنایا گیا جس کے نتیجے میں متعدد ملازمین کو معمولی زخم آئے اور مسافر عمارت کو محدود نوعیت کا نقصان پہنچا۔

    کویت انٹرنیشنل ایئرپورٹ پر ڈرون حملہ، متعدد ملازمین کے معمولی زخمی ہونے کی اطلاع، مسافر ٹرمینل کو بھی نقصان پہنچا، اتھارٹی کے سرکاری ترجمان عبداللہ الراجحی نے بتایا کہ حملے کے فوری بعد متعلقہ حکام نے منظور شدہ ہنگامی طریقہ کار فوری طور پر نافذ کردیا، حالات کو قابو میں کرلیا گیا ۔

    ایران نے ایک دن کے میزائل حملوں سے خلیجی ممالک کی پوری فضائی ٹریفک کو مفلوج کر دیا اس پر اربوں نہیں تو لاکھوں ڈالر لاگت آئے گی-

    ایرانی پاسداران انقلاب کا امریکا کے 14 اڈوں پر سیکڑوں فوجی ہلاک کرنے کا دعویٰ

    دوسری جانب سوشل میڈیا پوسٹس کے ،مطابق ایران نے کویت کے بین الاقوامی ہوائی اڈے پر حملے میں ملوث ہونے کی تردید کی ہے۔

    تہران نے تصدیق کی کہ کویت کے ہوائی اڈے کے واقعے میں اس کے ملوث ہونے کا دعویٰ کرنے والی تمام رپورٹس غلط ہیں، اس بات کی طرف اشارہ کرتے ہوئے کہ کوئی تیسرا فریق اس کے پڑوسیوں کے ساتھ کشیدگی کو ہوا دینے کی کوشش کر رہا ہے، اور اس بات پر زور دیا کہ ایرانی فوجی کارروائیوں کا رخ صرف امریکی اڈوں پر ہے۔

    ترکیہ اور چین کا ایران، امریکا اور اسرائیل کے درمیان جاری کشیدگی پر گہری تشویش کا اظہار

  • اسرائیل کا صنعا ائیرپورٹ کو مکمل طور پر ناکارہ کرنےکا دعویٰ

    اسرائیل کا صنعا ائیرپورٹ کو مکمل طور پر ناکارہ کرنےکا دعویٰ

    تل ابیب: اسرائیلی فوج نے یمنی دارالحکومت صنعا کے بین الاقوامی ائیر پورٹ پر حملے کرکے ائیرپورٹ کو مکمل طور پر ناکارہ بنانے کا دعویٰ کردیا۔

    اسرائیلی فوج نے صنعا ائیرپورٹ کے علاوہ صنعا میں ایک سیمنٹ فیکٹری اور دو بجلی گھروں کو بھی نشانہ بنایا،اسرائیلی فوج کا دعویٰ ہے کہ یمنی حوثی صنعا ائیرپورٹ کو ہتھیاروں کی ترسیل کے لیے استعمال کررہے تھے جبکہ سمینٹ فیکٹری کو زیر زمین سرنگوں اور فوجی انفراسٹرکچر کی تعمیر کے لیے استعمال کیا جارہا تھا۔

    اس سے قبل اسرائیلی فوج نے یمنی دارالحکومت صنعا کا بین الاقوامی ائیرپورٹ فوری خالی کرنے کی وارننگ جاری کی تھی۔

    سماجی رابطے کے پلیٹ فارم ایکس پر جاری اسرائیلی فوج کے ترجمان کے بیان کے ساتھ صنعا کا نقشہ بھی دیا گیا تھا جس میں ائیر پور ٹ کو سرخ رنگ سے نشان زد کیا گیا تھا، نشان زد علاقے میں موجود افراد کو خبردار کیا جاتا ہے کہ وہ فوری طور پر صنعا ائیرپورٹ کی حدود سے نکل جائیں اور اپنے اطراف موجود افراد کو بھی ائیرپورٹ خالی کرنے کو کہیں، اگر لوگ ائیر پورٹ سے نہ نکلے تو وہ خود کو خطرے میں ڈال سکتے ہیں۔

    عرب میڈیا کے مطابق اسرائیل کی جانب سے یہ دھمکی گزشتہ روز یمن پر اسرائیلی فضائی حملوں کے بعد سامنے آئی ہے جس میں کم از کم 21 افراد جاں بحق ہوگئے تھے اسرائیلی حملے حوثیوں کی جانب سے اسرائیل کے مصروف ترین بن گوریون ائیرپورٹ کو میزائل حملے کا نشانہ بنانے کے بعد کیے گئے تھے۔

  • سعودی طیارہ اسلام آباد ائیر پورٹ پر لینڈنگ سے پہلے راستہ بھٹک گیا

    سعودی طیارہ اسلام آباد ائیر پورٹ پر لینڈنگ سے پہلے راستہ بھٹک گیا

    اسلام آباد: سعودی ائیر لائن کا طیارہ اسلام آباد ائیر پورٹ پر لینڈنگ سے پہلے راستہ بھٹک گیا-

    باغی ٹی وی : سعودی ائیر لائن کا طیارہ SV728 نے گزشتہ ماہ کے آخر میں 31 جنوری کو اسلام آباد ایئرپورٹ پر لینڈنگ کرنا تھی تاہم طیارہ راستہ بھٹک گیا اور فضا میں چکر لگاتا رہا بالآخر تیسری مرتبہ طیارہ لینڈ کرنے میں کامیاب رہا-

    SV728 مرات کے قریب بائیں مڑ گیا اور رن وے 28L کے لوکلائزر سے بالکل دور چلا گیا، ریڈار اپروچ نے عملے سے پوچھ گچھ کی، جس نے دوہری GPS کی ناکامی اور رن وے کے بارے میں غیر یقینی صورتحال کی اطلاع دی، اے ٹی سی نے انہیں چڑھنے اور راستہ بند کرنے کی ہدایت کی۔

    ایک اور کوشش کے لیے ریڈار ویکٹر حاصل کرنے کے بعد، پاکستان انٹرنیشنل ایئر لائنز #PA271 اتری جبکہ SV728 فضا میں چکر لگاتی رہی تاہم، SV 728 ایک بار پھر رن وے سے دور ہو گیا-

    عملے نے ریڈار کی مدد کے ساتھ VOR اپروچ کی درخواست کی، اے ٹی سی نے سربراہی کی رہنمائی فراہم کی، لیکن ہوائی جہاز پوزیشن سے متعلق آگاہی کے ساتھ جدوجہد کر رہا تھا، بالآخر اے ٹی سی نے انہیں رن وے تلاش کرنے کی ہدایت کی، تقریباً 7 NM پر، عملے نے آخر کار بصری رابطے کی اطلاع دی اور مزید ایڈجسٹمنٹ کے بعد اترا۔
    saudia
    طیارے کے ساتھ یہ نیویگیشن کے بڑے مسائل کی تجویز کرتا ہے، ممکنہ طور پر GPS کی ناکامی یا دستیاب رہنمائی کی تشریح میں الجھن کی وجہ سے ہے-

    دوسری جانب سعودی عرب کی نئی ایئرلائن فلائی ادیل نے پاکستان کے لئے فلائٹ آپریشن کا آغاز کردیا، پاکستان ایئرپورٹس اتھارٹی کی جانب سے جاری بیان میں کہا گیا کہ سعودی عرب کی نئی ایرلائن فلائی ادیل نے پاکستان کے لئے فلائٹ آپریشن کا آغاز کردیا اور اس کی پہلی پرواز سعودی عرب سے کراچی پہنچ گئی، فلائی ادیل ایف 3166 صبح 8 بجکر 04 منٹ پر جناح انٹرنیشنل پہنچی، سعودی عرب کی نئی ایئرلائن فلائی ادیل کے طیارے کو کراچی ایرپورٹ پر واٹر سلوٹ دیا گیا۔

  • امریکی ائیرپورٹ کے رن وے پر مستطیل نشانات کی حقیقت کیا ؟

    امریکی ائیرپورٹ کے رن وے پر مستطیل نشانات کی حقیقت کیا ؟

    امریکی ریاست جیورجیا کے سوانا ہلنٹن ہیڈ ایئرپورٹ پر لینڈنگ کے لیے قریب عجیب زاویے پر پڑے ہوئے مستطیل کو دیکھ کر زیادہ تر لوگ فرض کرتے ہیں کہ یہ رن وے پر کسی قسم کا مرمت کا پیچ ہے، درحقیقت یہ متوازی نشانات دراصل شادی شدہ جوڑے کیتھر ین اور رچرڈ ڈاٹسن کی قبریں ہیں، جو اس زمین کے اصل مالکان تھے جس پر ہوائی اڈہ تعمیر کیا گیا ہے۔

    باغی ٹی وی : امریکی ریاست جیورجیا میں رن وے کے نیچے کیتھرین اور رچرڈ ڈاٹسن مدفون ہیں جوڑے کو ہوائی اڈے کے مغربی حصے پر، رن وے 10 اور 28 کے کنارے پر دفن کیا گیا ہے اور یہ جوڑا سوانا/ہلٹن ہیڈ ایئرپورٹ کے 1960 میں بننے سے بھی پہلے 140 سال سے زیادہ عرصے سے دفن ہے۔

    ڈاٹسنز اس زمین کے مالک ہوتے تھے جہاں سے اب ہوائی جہاز آتے جاتے ہیں، دونوں میاں بیوی 1797 میں پیدا ہوئے تھے اور شادی کی پانچ دہائیاں ایک ساتھ ہنسی خوشی گزار چکے ہیں بیوی کیتھرین کا انتقال 1877 میں ہوا جبکہ ان کے شوہر کا انتقال 1884 میں ہوا۔

    ملک ریاض کے گرد گھیرا مزید تنگ،پاکستان واپسی کیلئے رابطے

    اس وقت کے خاندانی رسم و رواج کے مطابق، جوڑے کو چیروکی ہل پر ان کی زمین پر ایک دوسرے کے ساتھ دفن کیا گیا تھا جو اب ایک ایئرپورٹ ہے جب وفاقی حکومت نے سہولیات کو بڑھانے کے لیے اضافی رقبہ حاصل کرنے کا پروگرام بنایا تھا تو جوڑے کے پوتے پوتیوں نے سختی سے مداخلت کی تاکہ جوڑے کی آرام گاہ کو کچھ نہ ہو۔

    اس لیے حکام کے پاس رن وے کو قبروں کے اوپر ہی تیار کرنے کے سوا کوئی چارہ نہیں تھا، تاہم حکومت نے مدفون جوڑے کے احترام کی علامت کے طور پر قبروں پر نشانات لگادیئے جنہیں ہر روز ہزاروں مسافر دیکھتے ہیں۔

    عدالتوں کو ہی انصاف کی فراہمی کا واحد ذمہ دار نہیں سمجھنا چاہیے،جسٹس منصور علی شاہ

  • دمشق ائیرپورٹ کا فضائی آپریشن بحال

    دمشق ائیرپورٹ کا فضائی آپریشن بحال

    دمشق: شام کے دارالحکومت دمشق ائیرپورٹ کا فضائی آپریشن بحال ہوگیا۔

    باغی ٹی وی: شام پر اپوزیشن فورسز کے قبضے اور بشار الاسد کے ملک سے فرار کے 16 دن بعد دمشق انٹرنیشنل ائیرپورٹ پر طیاروں کی آمد و رفت بحال ہوگئی ہے تاہم شیڈول آپریشن کی بحالی کا باقاعدہ افتتاح جلد ہوگا۔

    ایوی ایشن ذرائع کے مطابق قطر کے دارالحکومت دوحہ سے قطر ائیر کی خصوصی پرواز کیو آر 3250 نے پہلی بین الاقوامی پرواز کے طور پر پیر کو مقامی وقت کے مطابق دوپہر 12 بجے دمشق انٹرنیشنل ائیرپورٹ پر پہلی لینڈنگ کی، اس سے قبل ایک اندرون ملک پرواز آر بی 112 دمشق سے شام کے دوسرے بڑے شہر حلب کے لیے آپریٹ کی گئی جس میں 32 مسافروں نے حلب کا سفر کیا۔

    8 دسمبر 2024 کو اپوزیشن فورسز کے دمشق پر قبضےکے دوران سابق صدر بشار الاسد کے فرار کے بعد دمشق ہوائی اڈے کو بندکر دیا گیا تھا، شام کی فضائی حدود بھی بند کردی گئی تھی، نئی عبوری حکومت نے 15 دسمبر کو شامی فضائی حدود پروازوں کے لیے کھول دی تھی۔
    ڈیرہ غازی خان: گیس بحران نے شہریوں کو سردیوں میں بے بس کر دیا
    شام: عبوری حکومت کے کمانڈر انچیف نے نئی ملٹری پالیسی جاری کردی
    بیرسٹر گوہر نے پارٹی رہنماوں کی مذاکرات میں شریک نہ ہونے کی وجہ بتادی

  • ہمارا ڈر ختم ہو گیا ہے،ہمیں ڈرانے کی کوشش میں حکومت خود ڈر جائے گی،شیر افضل مروت

    ہمارا ڈر ختم ہو گیا ہے،ہمیں ڈرانے کی کوشش میں حکومت خود ڈر جائے گی،شیر افضل مروت

    شیر افضل مروت نے کہا ہے کہ ہمیں حکومت سے خیر کی کوئی توقع نہیں، اڈیالہ جیل کا نیا سپرنٹنڈنٹ عمران خان اور پی ٹی آئی کو پریشان کرنے کے لیے لایا گیا ہے۔

    باغی ٹی وی : شیر افضل مروت نے نجی ٹی وی سے گفتگو کرتے ہوئے کہا کہ اس بار اگر حتمی احتجاج میں ہم ناکام ہوگئے تو پھر چھ ماہ تک ماحول نہیں بن سکے گا، پاکستان کے کسی بھی علاقے سے دو سے تین لاکھ لوگ نکل آئے تو کافی ہوں گے،ہم نے پی ٹی آئی کے کارکنوں اور عوام کے ذہن میں بٹھانا ہے کہ یہ فائنل احتجاج ہے، اس لیے تیاری کے ساتھ آنا ہے کیونکہ گرفتاری کے ساتھ کسی بھی طرح کے حالات کا سامنا کرنا پڑسکتا ہے۔

    شیر افضل مروت نے کہااکہ بنگلہ دیش میں تین لاکھ شہری باہر نکلے اور حکومت کا تختہ الٹ دیا، پاکستان میں ایسا کیوں نہیں ہوسکتا، آج ہمارے تین اہم رہنماؤں کو اڈیالہ جیل میں گرفتار کرکے حکومت اپنا چہرہ دنیا کے سامنے لائی، عمران خان سے ملاقات کی اجازت نہ دینا ہائیکورٹ کے احکامات کے خلاف ہے، دفعہ 144 کا جیل کے احاطے میں اطلاق نہیں ہوتا۔

    انہوں نے کہا کہ ہمیں حکومت سے خیر کی کوئی توقع نہیں، اڈیالہ جیل کا نیا سپرنٹنڈنٹ عمران خان اور پی ٹی آئی کو پریشان کرنے کے لیے لایا گیا ہے،لوگوں کو اس سے قبل تھانے، کچہری اور جیل سے ڈر لگتا تھا لیکن اب دو ڈھائی سالوں میں وہ ڈر ختم ہوگیا ہے، اب ہمیں ڈرانے کی کوشش میں حکومت خود ڈر جائے گی۔

  • سکیورٹی مزید سخت،ملک بھر کے ایئر پورٹس پر بائیو میٹرک مشینیں نصب کرنے کا فیصلہ

    سکیورٹی مزید سخت،ملک بھر کے ایئر پورٹس پر بائیو میٹرک مشینیں نصب کرنے کا فیصلہ

    حکومت نے بارڈر سکیورٹی کو مزید سخت کرتے ہوئے ملک بھر کے تمام ایئر پورٹس پر بائیو میٹرک مشینیں نصب کرنے کا فیصلہ کر لیا .

    وزارت داخلہ نے ایف آئی اے کو فوری اقدامات اٹھانے کیلئے مراسلہ جاری کر دیا۔وزارت داخلہ کے مطابق بائیو میٹرک تصدیق کے باعث اشتہاری و مطلوب ملزمان کا اندرون اور بیرون ملک سفر کرنا ناممکن ہوگا۔بائیو میٹرک مشینیں ایئر پورٹس انٹرنیشنل ایمیگریشن کاونٹرز پر لگائی جائیں۔وزارت داخلہ کی جانب سے جاری مراسلہ میں مزید کہا گیا ہے کہ بائیو میٹرک سے مسافروں کی موثر جانچ پڑتال کو یقینی بنایا جائے گا۔وزارت داخلہ نے بین الاقوامی مسافروں کی بائیو میٹرک تصدیق لازمی قرار دے دی.یہ اقدام کا مقصد سکیورٹی کو مزید بہتر اور بین الاقوامی معیار کے مطابق بنانا ہے۔ خیال رہے کہ سول ایوی ایشن (سی اے اے) نے امیگریشن عمل کو تیز کرنے کیلئے بڑے ائیرپورٹس پر ای گیٹ سسٹم لگانے کا فیصلہ کیاگیاتھا۔سی اے اے نے ملکی بین الاقوامی ہوائی اڈوں پرمسافروں کی سہولت کیلئے ای گیٹس کی تنصیب کیلئے ٹینڈر جاری کیا تھا۔اس تناظرمیں دلچسپی رکھنے والی کمپنیوں سے 13 اگست تک درخواستیں طلب کی گئی تھیں۔
    مذکورہ درخواستیں انٹرنیشنل بارڈر کنٹرول سسٹم سروس مہیا کرنے والی کمپنیوں سے مانگی گئی ہیں، ای گیٹس بارڈرکنٹرول سسٹم پہلے مرحلے میں کراچی، لاہور اور اسلام آباد ایئرپورٹ پر نصب کئے جائیں گے۔سول ایوی ایشن حکام کے مطابق ای گیٹس لگنے سے مسافروں کو تیز ترین امیگریشن سروس مہیا ہوسکے گی۔مسافروں کو پاسپورٹ ای گیٹس پر اسکین کرنے ہوں گےاس سے امیگریشن میں وقت بچے گا جبکہ اس منصوبے کے فعال ہونے کے بعد امیگریشن کیلئے لمبی قطاروں سے بھی مسافروں کی جان چھوٹ جائے گی۔بعدازاں بتایا گیا تھا کہ ملک کے ائیر پورٹس پر ای گیٹس تنصیب کا منصوبہ تاخیر کا شکار ہوگیاتھا اور منصوبے کے ٹینڈر کی تاریخ میں 10 اکتوبر تک توسیع کر دی گئی تھی جبکہ اس سے قبل دلچسپی رکھنے والی کمپنیوں سے 13 اگست تک درخواستیں طلب کی گئی تھیں۔میڈیا رپورٹس کے مطابق ملکی بین الاقوامی ائیرپورٹس پرتیزترین امیگریشن کے منصوبے "ای گیٹس” نصب کرنے کا منصوبہ تاخیر کا شکار ہوگیاتھا۔ ای گیٹس منصوبے کے ٹینڈر کی تاریخ میں 10 اکتوبرتک توسیع کردی گئی تھی اور اس حوالے سے پاکستان ائیرپورٹس اتھارٹی انتظامیہ نے ٹینڈر تاریخ میں توسیع کا نوٹیفکیشن جاری کر دیا تھا۔

    ایف بی آر نے کراچی کیلئے جائیداد کی نئی قیمتوں کا تعین کردیا

  • کراچی دھماکہ، بم ڈسپوزل یونٹ نے رپورٹ جاری کردی

    کراچی دھماکہ، بم ڈسپوزل یونٹ نے رپورٹ جاری کردی

    کراچی کے جناح انٹرنیشنل ایئرپورٹ کے قریب دھماکے سے متعلق بم ڈسپوزل یونٹ نے رپورٹ جاری کردی۔

    باغی ٹی وی کی رپورٹ کے مطابق بم ڈسپوزل یونٹ کی رپورٹ میں کہا گیا کہ دھماکے میں 70 سے 80 کلو بارودی مواد استعمال کیا گیا۔ دھماکے میں تین افراد جاں بحق اور متعدد زخمی ہوئے، دھماکے میں 10 سے زائد گاڑیوں کو نقصان پہنچا، دھماکہ گاڑی میں نصب وی بی آئی ای ڈی ڈیوائس کے ذریعے کیا گیا۔دھماکے کی جگہ سے جمع کئے گئے تمام شواہد متعلقہ تھانے کے حوالے کردیئے گئے۔ یاد رہے کراچی کے جناح انٹرنیشنل ایئرپورٹ کے قریب دھماکے میں 3 غیر ملکی جاں بحق جبکہ 17 شہری زخمی ہوگئے، تین گاڑیاں اور چار موٹر سائیکلیں تباہ ہوگئی، ایئرپورٹ سگنل کے قریب آئل ٹینکر زور دار دھماکے سے پھٹ گیا جس کی آواز دور تک سنی گئی، اطراف میں رہنے والے لوگ گھروں سے باہر نکل آئے۔رینجرز اور پولیس نے موقع پر پہنچ کر علاقے کو گھیرے میں لے لیا۔فائر بریگیڈ کی گاڑیاں موقع پر پہنچ کر آگ بھجانے میں مصروف ہوگئیں۔ ائیرپورٹ دھماکے میں زخمی ہونے والوں میں خاتون، پولیس اور رینجرز اہلکار بھی شامل ہیں۔تحقیقاتی اداروں نے ابتدائی تفتیش مکمل کرلی۔ قافلہ قریب پہنچتے ہی دہشت گرد نے کار غیرملکیوں کی گاڑی سے ٹکرا دی۔ خودکش حملہ آور قافلے کے نکلنے کا انتظار کررہاتھا۔کار میں ممکنہ طور پر بارود تھا جس سے گاڑی مکمل تباہ ہوگئی۔ کار کی نمبر پلیٹ، چیسس نمبر حاصل کرنے کی کوشش کی جارہی ہے۔ جائے وقوعہ کے قریب جھاڑیوں سے ایک دھڑ ملا ہے۔ پولیس ذرائع کا کہنا دھڑ ممکنہ طور پر خودکش بمبار کا ہوسکتا ہے۔ سیکیورٹی اداروں نے جائے وقوعہ کو سیل کرکے تحقیقات شروع کر دیں۔پولیس حکام کے مطابق دھماکے میں جاں بحق ہونے والے تین غیر ملکیوں کی شناخت کر لی گئی جاں بحق ہونے والوں میں لی جون ، وہ چون زن اور لی زہااو شامل ہیں۔ایس ایس پی ملیر کے مطابق کراچی میں ائیرپورٹ سگنل کے قریب زودار دھماکا ہوا جس کے بعد گاڑیوں میں آگ لگ گئی۔بتایاگیا ہے کہ ایک گھنٹے کی جدوجہد کے بعد ٹینکر اور گاڑیوں کی آگ بجھادی گئی۔ دھماکے کے بعد شارع فیصل ایئر پورٹ کے اطراف میں بدترین ٹریفک جام ہوگیا۔ٹریفک پولیس بحال کرانے کی کوشش میں مصروف ہوگئی۔آگ لگنے سے تین گاڑیاں اور چار موٹر سائیکلیں تباہ ہوگئی۔دھماکے کے بعد شارع فیصل کے اطراف میں بدترین ٹریفک جام ہوگیا۔ گاڑیوں کی لمبی قطاریں لگ گئیں۔ڈی آئی جی ایسٹ نے بتایا کہ دھماکے نتیجے میں 3 افراد جاں بحق جبکہ 17 زخمی ہوگئے۔ جاں بحق اور زخمیوں کو فوری طور پر ہسپتال منتقل کر دیا گیا۔ زخمیوں میں خاتون، 3 سکیورٹی، 2 رینجرز اور ایک پولیس اہلکار، غیر ملکی اور دیگر افراد شامل ہیں۔دھماکے کے بعد جائے واقعہ کا جائزہ لینے کے بعد میڈیا سے گفتگو کرتے ہوئے ڈی آئی جی ایسٹ اظفر مہیسر کا کہنا تھا کہ کرائم سین پر کچھ سمجھ نہیں آرہا۔کچھ بھی کہنا قبل از وقت ہوگا۔ابتدائی تحقیقات کے مطابق ایک آئل ٹینکر میں آگ لگی اور پھر دھماکے سے نقصان ہوا۔ دھماکے سے کئی گاڑیاں تباہ ہوئیں، دھماکے کی شدت بہت زیادہ تھی۔سی ٹی ڈی اور انٹیلی جنس ایجنسیوں کی تحقیقات جاری ہے۔ واقعے میں دہشتگردی اور تخریب کاری کا عنصر نظر انداز نہیں کیا جاسکتا۔ سی ٹی ڈی اور بم ڈسپوزل سکواڈ کی ٹیمیں بھی موقع پر پہنچ گئیں اور شواہد اکٹھے کئے۔ریسکیو ٹیم کا کہنا ہے غیر ملکی کو نجی ہسپتال منتقل کیا گیا ہے۔ صوبائی وزیر داخلہ ضیا الحسن لنجار کا کہنا ہے کہ واقعہ دہشت گردی کا نتیجہ ہے دہشت گردوں نے نشانہ ایک کار کو بنایا ہے جس میں غیر ملکی سوار تھا جو زخمی ہوا ہے۔ دہشت گردوں کا ہدف غیر ملکی گاڑی تھی جسے نشانہ بنانا تھا، واقعے کے بعد صوبائی وزیرداخلہ، آئی جی سندھ ودیگر افسران موقع پر پہنچ گئے۔ وزیراعلیٰ سندھ مراد علی شاہ نے واقعے کا نوٹس لیتے ہوئے پولیس چیف سے رپورٹ طلب کرلی، وزیراعلیٰ نے زخمیوں کو بہترین طبی امداد فراہم کرنے کے بھی احکامات دئیے ہیں۔

    چینی آفیشل کا کراچی دھماکےکے جائے وقوع کا دورہ

    20 کلو آٹے کے تھیلے میں 1000 روپے کمی

  • لاہور ایئر پورٹ پر آتشزدگی ،پہلی حج پرواز سمیت 6 بین الاقوامی پروازوں کی روانگی میں تاخیر

    لاہور ایئر پورٹ پر آتشزدگی ،پہلی حج پرواز سمیت 6 بین الاقوامی پروازوں کی روانگی میں تاخیر

    لاہور : علامہ اقبال انٹرنیشنل ایئر پورٹ پر آتشزدگی سے پہلی حج پرواز سمیت 6 بین الاقوامی پروازوں کی روانگی تاخیر کا شکار ہوگئی ہے۔

    باغی ٹی وی : آگ لاؤنج میں واقع امیگریشن کاؤنٹر کی سیلنگ میں لگی،آگ لگنے کے بعد لاؤنج خالی کرالیا گیا، فائر فائٹرز نے آگ پر قابو پالیا، کوئی جانی نقصان نہیں ہوا، آگ لگنے کے باعث پروازوں کا شیڈول متاثر ہوا، پہلی حج پرواز کی روانگی میں بھی تاخیر ہوئی، قطر ایئرویز اور سیال ایئر کی پروازیں بھی متاثر ہوئیں،تاہم بیرون ملک سے لاہور ایئرپورٹ پر آنے والی پروازوں کی لینڈنگ میں فی الحال کوئی رکاوٹ نہیں ہےلیکن لینڈنگ کے بعد ان پروازوں کے مسافروں کو تاخیر کا سامنا ہوسکتا ہے، ایئرپورٹ حکام نے کسی ایمرجنسی کا اعلان نہیں کیا۔

    حکام کے مطابق آگ سے امیگریشن کا عمل متاثر ہونے کے بعد عازمین حج کی امیگریشن کا عمل ڈومیسٹک کاؤنٹر سے شروع کردیا گیا ہے، سول ایوی ایشن اتھارٹی نے بتایا ہے کہ آگ کی وجوہ معلوم کرنے کے لیے تحقیقاتی کمیٹی تشکیل دے دی گئی ہے۔

    سول ایوی ایشن اتھارٹی نے بتایا ہے کہ لاہور کے علامہ اقبال انٹرنیشنل ایئر پورٹ پر آتشزدگی پر قابو تو پالیا گیا ہے تاہم حج اور دیگر بین الاقوامی پروازوں کو ڈومیسٹک سائیڈ سے ڈیل کیا جارہا ہے،عازمینِ حج کے لیے بنائے جانے والے امیگریشن کاؤنٹر کی سیلنگ میں آگ شارٹ سرکٹ سے لگی تھی صورتِ حال پر قابو پالیا گیا کوئی جانی نقصان نہیں ہوا، یہ واقعہ صبح سوا پانچ بجے کا ہے ڈومیسٹک فلائٹ آپریشن بھی جلد بحال کردیا جائے گا، آنے والی پروازوں کی منیوئل امیگریشن کی جارہی ہے۔ابتدائی رپورٹ کے مطابق سی اے اے لاہور ایئر پورٹ پر فائر ٹینڈر رسپانس ٹائم پر نہیں پہنچے، فائر شعبے کے حکام نے ایس او پی پر بھی عمل نہیں کیا، رولز کے تحت ایئر پورٹ پر لگی آگ بجھانے کے لیے رسپانس ٹائم مقرر ہے۔

  • دبئی: المکتوم ایئر پورٹ کے لیے 128 بلین درہم کے توسیعی منصوبے پر پیشرفت

    دبئی: المکتوم ایئر پورٹ کے لیے 128 بلین درہم کے توسیعی منصوبے پر پیشرفت

    دبئی: دبئی نے المکتوم بین الاقوامی ہوائی اڈے پر مسافر ٹرمینل بنانے کے لئے 128 بلین درہم کے ایک نئے منصوبے کی منظوری دے دی ہے۔

    باغی ٹی وی : دبئی مہمانوں کی تعداد میں اضافے کی توقع میں المکتوم بین الاقوامی ہوائی اڈے پر ایک نئے مسافر ٹرمینل کی تعمیر کے ساتھ آگے بڑھ رہا ہے۔ ماضی میں یہ منصوبہ کئی سالوں تک رکا رہا ہے،عزت مآب شیخ محمد بن راشد المکتوم، نائب صدر اور متحدہ عرب امارات کے وزیر اعظم اور دبئی کے حکمران، نے دبئی ایوی ایشن انجینئرنگ پروجیکٹس کے اسٹریٹجک پلان کا جائزہ لیا اور المکتوم انٹرنیشنل ایئرپورٹ پر نئے مسافر ٹرمینل کے ڈیزائن کی منظوری دی، جو مکمل طور پر آپریشنل ہونے پر دنیا کاسب سے بڑا ائیر پورٹ بن جائے گا-

    دبئی حکومت کے بیان کے مطابق امارات کے حکمران شیخ محمد بن راشد المکتوم نے اتوار کو ٹرمینل کے ڈیزائن کی منظوری دی جس پر 128 بلین درہم (34.8 بلین ڈالر) کے اخراجات آنے کی توقع ہےدو سالہ دبئی ایئر شو کی میزبانی کرنے والا ایئر پورٹ تجارتی سامان والے طیاروں اور نجی جیٹ طیاروں کے لیے ایک مرکز کے طور پر ابھرا ہے۔

    کراچی میں انسداد پولیو مہم کا آغاز ہوگیا

    یہ منظوری شیخ محمد کے دبئی ایوی ایشن انجینئرنگ پراجیکٹس کے دورے کے دوران ہوئی، ان کے ہمراہ دبئی کے ولی عہد اور دبئی کی ایگزیکٹو کونسل کے چیئرمین شیخ ہمدان بن محمد بن راشد المکتوم اور نائب نائب صدر شیخ مکتوم بن محمد بن راشد المکتوم بھی تھے۔ دبئی کے حکمران اور نائب وزیر اعظم اور وزیر خزانہ بھی ہمراہ تھے-

    ایئر پورٹ آپریٹر کے چیف ایگزیکٹو آفیسر پال گریفتھس نے اس سال کے شروع میں بلومبرگ کو بتایا کہ دبئی ایئرپورٹس اگلے چند سالوں میں مزید ایئر لائنز کو ترغیب دینے کا ارادہ رکھتا ہے کہ وہ اپنے آپریشنز نئے ٹرمینل پر منتقل کریں۔

    دبئی میڈیا آفس نے ایکس پر ایک پوسٹ میں کہا، دبئی ورلڈ سینٹرل (ڈی ڈبلیو سی) کہلانے والا ایئر پورٹ "دبئی کے موجودہ بین الاقوامی ہوائی اڈے کے حجم کا پانچ گنا ہو گا اور آئندہ سالوں میں دبئی کے بین الاقوامی ہوائی اڈے کے تمام آپریشنز اس پر منتقل ہو جائیں گے۔”

    ایم کیو ایم رہنما کے قاتلوں کو عدالت نے سنائی سزا

    دنیا کے مصروف ترین طویل فاصلے کے مراکز میں سے ایک دبئی نے ٹریفک میں اضافہ دیکھا ہے جو کووڈ-19 سے پہلے کی سطح پر آ گیا ہے کیونکہ شہر میں آنے والوں کی تعداد بڑھ رہی ہے اور طویل فاصلے کے مسافر یہاں سے کنکشن فلائٹس لیتے ہیں شہر کی پرچم بردار ایئرلائن ایمریٹس نے ستمبر 2023 تک ریکارڈ ششماہی منافع کمایا اور اپنے ترقیاتی منصوبوں اور وسعت پذیر بیڑے کو ایڈجسٹ کرنے کے لیے ڈی ڈبلیو سی کی توسیع پر زور دے رہی ہے۔

    دبئی کے المکتوم ایئر پورٹ پر کام 2019 میں روک دیا گیا تھا، اس کے آپریٹر کے مطابق ہوائی اڈے کو 260 ملین سے زیادہ مسافروں کی سالانہ گنجائش کے ساتھ دنیا کا ایک سب سے بڑا ہوائی اڈہ بنانے کے لیے ڈیزائن کیا گیا ہے۔

    اسحاق ڈار نائب وزیراعظم بن گئے،اک تجزیہ